ཨ་མདོ་བརྙན་འཕྲིན་གྱི་ལོ་སར་དགོང་ཚོགས་ལ་བརྩམས་ཆོས་བསྡུ་མགོ་བརྩམས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཨ་མདོ་བརྙན་འཕྲིན། བཤེར་འབེབས། རིན་ཆེན་ཚེ་རིང་།

ཉིས་སྟོང་ཉེར་བཞི་ལོའི་ལོ་ཡི་འཁོར་མོ་ཕར་ལ་ངང་གིས་འཁོར་ཏེ། འབྲས་ལྡན་སྟོན་གྱི་མཛེས་པས་དུས་ཚིགས་ཤིག་ལ་དབྱེ་མཚམས་འགོད་བཞིན་པའི་སྐབས་འདིར། ངེད་ཨ་མདོ་བརྙན་འཕྲིན་གྱིས་སྔར་བཞིན་སྤྱི་ཚོགས་ཡོངས་ལ་ཁ་ཕྱོགས་ནས་བོད་རབ་རྒྱན་ཤིང་མོ་སྦྲུལ་ལོའི་ལོ་སར་དགོང་ཚོགས་ལ་རིག་རྩལ་བརྩམས་ཆོས་སྡུད་མགོ་བརྩམས་ཡོད་པས། རྒྱལ་ཡོངས་ཀྱི་ས་གནས་སོ་སོའི་ཟློས་གར་ཚོགས་པ་དང་སྒྱུ་རྩལ་པ། གླུ་བ་གླུ་མ་མང་པོས་འཆམ་མཐུན་སྤྱི་ཚོགས་དང་མི་རིགས་མཐུན་སྒྲིལ། སྲོལ་བཟང་དར་སྤེལ་གྱི་དགོངས་བཞེད་དང་མཐུན་པའི་ཕུལ་བྱུང་བརྩམས་ཆོས་སྣ་ཚོགས་ང་ཚོར་སྐུར་གནང་ཡོང་བར་དགའ་བསུ་ཞུ།

གཅིག གླུ་དབྱངས་ཀྱི་རིགས་ཡིན་ཚེ་སྒྲ་རུ་བྱས་པའི་གསར་རྩོམ་བརྩམས་ཆོས་ཡིན་དགོས་ལ། གཞན་ཉེ་ལམ་བླངས་པའི་ལེན་མཁན་གྱི་འདྲ་པར་གཅིག་དང་ངོ་སྤྲོད་ཐུང་ངུ་ཞིག འབྲེལ་གཏུག་ཁ་པར་ཨང་གྲངས་བཅས་གསལ་བོར་བསྐུར་དགོས་ཁར། གླུ་ཚིག་དང་ཚིག་རྩོམ་མཁན། དབྱངས་རྩོམ་མཁན་སོགས་ཀྱི་ཆ་འཕྲིན་གསལ་བར་བྲི་དགོས།

གཉིས། ཁ་ཤགས་དང་གར་ཆུང་སོགས་གཏམ་བརྗོད་བརྩམས་ཆོས་ཀྱི་རིགས་ཡིན་ཚེ། འཁྲབ་གཞུང་ཆ་ཚང་དང་དེ་རྩོམ་མཁན། གཞན་འཁྲབ་མཁན་གྱི་མིང་སོགས་གསལ་བོར་བསྐུར་དགོས་པར་མ་ཟད། འཁྲབ་སྟོན་གྱི་བརྙན་རིས་ཀྱང་བསྐུར་དགོས།གསུམ། སྒྲ་ལམ་གྱི་རྒྱུ་ཆ་ཡིན་ཚེMP3དང་ཡང་ནWAVཡི་རྣམ་གཞག་ཅན་ཡིན་དགོས་ལ། བརྙན་ལམ་གྱི་རྒྱུ་ཆ་ཡིན་ཚེMP4ཡི་རྣམ་གཞག་ཅན་ཡིན་དགོས་ཤིང་། ཡིག་ཐོག་རྒྱུ་ཆ་ལTXTཧི་མ་ལ་ཡའི་ཡི་གཟུགས་ཅན་དང་། པར་རིས་རྒྱུ་ཆ་མཐའ་དགJPGཡི་རྣམ་གཞག་ཅན་ཡིན་དགོས།

བཞི། བརྩམས་ཆོས་བསྡུ་བའི་དུས་ཚོད་ནི། 2024ལོའི་ཟླ10བའི་ཚེས22ཉིན་ནས་ཟླ12པའི་ཚེས1བར་ཡིན་ལ། བརྩམས་ཆོས་ཡོད་ཚད་གཤམ་གྱི་ཡིག་ཟམ་བརྒྱུད་ནས་བསྐུར་དགོས།

ཡིག་ཟམ་ཨང་གྲངས།     1907075578@qq.COM

འབྲེལ་གཏུག་བྱ་ཡུལ།

 བཀྲ་ཤིས་དོན་གྲུབ།  18397173739

  དོན་འགྲུབ་བཀྲ་ཤིས།  15500505878