མཚོ་བྱང་ཁུལ་དུ་རྒྱལ་ཁབ་ཀྱི3Aརིམ་པའི་གནས་སྐོར་མཛེས་ལྗོངས་ཁུལ་གསུམ་གསར་དུ་བསྣན་པ།

2025-01-02 17:17:34 | 502

སྒྲིག་སྒྱུར། སངས་དོན། ཡོང་ཁུངས། མཚོ་བྱང་མདོ་ལ་ཚགས་པར་ཁང་། བཤེར་འབེབས། རིན་ཆེན་ཚེ་རིང་།

ཉེ་ཆར། མཚོ་སྔོན་ཞིང་ཆེན་རིག་གནས་དང་གནས་སྐོར་ཐིང་གིས《གནས་སྐོར་མཛེས་ལྗོངས་ཁུལ12རྒྱལ་ཁབ་ཀྱིAརིམ་པའི་གནས་སྐོར་མཛེས་ལྗོངས་ཁུལ་དུ་གཏན་འཁེལ་བྱ་རྒྱུའི་ཐད་ཀྱི་སྤྱི་བསྒྲགས》（མཚོ་སྔོན་རིག་གནས་གནས་སྐོར[2024] ཨང376པ）སྤེལ་ནས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་ཀྱི་ཚད་གཞིའི《གནས་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པའི་དབྱེ་བ་དང་དཔྱད་བསྡུར་གཏན་འབེབས》དང《གནས་སྐོར་མཛེས་ལྗོངས་ཁུལ་གྱི་སྤུས་ཚད་རིམ་པའི་དོ་དམ་བྱེད་ཐབས》ལྟར། འབྲེལ་ཡོད་གྲོང་ཁྱེར་དང་ཁུལ་གྱི་རིག་གནས་དང་གནས་སྐོར་སྲིད་འཛིན་སྡེ་ཁག་གིས་འོས་སྦྱོར་བྱས་པ་བརྒྱུད་མཚོ་སྔོན་ཞིང་ཆེན་རིག་གནས་དང་གནས་སྐོར་ཐིང་གིས་ཕྱོགས་བསྡུས་དཔྱད་བསྡུར་གཏན་འབེབས་སྒྲིག་འཛུགས་བྱས་པ་མ་ཟད། 2024ལོའི་ཟླ12པའི་ཚེས26ཉིན་ཡོངས་བསྒྲགས་དུས་ཡུན་ལོངས་ནས་ཞིང་ཆེན་ཡོངས་ཀྱི་གནས་སྐོར་མཛེས་ལྗོངས་ཁུལ12དེ་རྒྱལ་ཁབ་ཀྱིAརིམ་པའི་གནས་སྐོར་མཛེས་ལྗོངས་ཁུལ་དུ་གཏན་འཁེལ་བྱས་པ་རེད། དེའི་ནང་། མཚོ་བྱང་ཁུལ་འཇུ་ལག་རྫོང་མེ་ལྷ་གངས་དཀར་མཛེས་ལྗོངས་ཁུལ་དང་། མདོ་ལ་རྫོང་ལ་བཙས་སྒང་མཛེས་ལྗོངས་ཁུལ། བློན་པོ་བྱ་རྒོད་མཛེས་ལྗོངས་ཁུལ་བཅས་རྒྱལ་ཁབ་ཀྱིAAAརིམ་པའི་གནས་སྐོར་མཛེས་ལྗོངས་ཁུལ་དུ་དཔྱད་བསྡུར་གཏན་འབེབས་བྱས་པ་རེད།

01~1.jpg