《རྒྱ་བོད་ལོ་ཙཱ》ཡི་རྩོམ་སྡུད་གསལ་བརྡ།

རྩོམ་སྒྲིག ཀླུ་མོ་མཚོ། ཡོང་ཁུངས། མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།

ད་ལྟ། 2026ལོའི《རྒྱ་བོད་ལོ་ཙཱའི》ལོ་སྟོད་དེབ་ཏུ་རྩོམ་ཡིག་སྡུད་མགོ་བརྩམས་ཤིང་། རྩོམ་སྡུད་པའི་དུས་ཚོད་ནི་དེ་རིང་ནས་བཟུང2026ལོའི་ཟླ4པའི་ཚེས30ཉིན་བར་ཡིན་པས། ལོ་ཙཱའི་ཕྱག་ལས་གནང་མཁན་དང་ལོ་ཙཱ་ལ་དགའ་མོས་ཡོད་མཁན་རྣམས་ཀྱིས་དུས་དེབ་འདི་ལ་ཐུགས་ཁུར་དང་རྒྱབ་སྐྱོར་རྒྱུན་མར་གནང་རྒྱུར་ཐུགས་རྗེ་ཆེ་ཞུ་རྒྱུ་དང་། སྒོས་སུ་ཁྱེད་ཅག་གིས་འགྱུར་གཞུང་ཞིབ་འཇུག་དང་འགྱུར་རྩོམ་མྱོང་དཔྱད། ཆེད་མཁས་པར་བཅར་འདྲི། རྩོམ་ཕུད་འདེམ་སྒྱུར། ལེགས་རྩོམ་འགྲན་སྒྱུར། དཔྱད་རྩོམ་འདེམ་སྒྱུར་བཅས་འགྱུར་རྩོམ་དང་ལོ་ཙཱའི་སྐོར་གྱི་དཔྱད་རྩོམ་གང་རིགས་ངེད་རྩོམ་སྒྲིག་ཁང་ལ་བསྐུར་བའི་རེ་བ་སྙིང་ནས་ཞུ། ང་ཚོས་དུས་དེབ་སྟེང་བཀོད་པའི་རྩོམ་ཡིག་ལ་གང་འཚམ་གྱི་རྩོམ་ཡོན་ཡོད་པའང་ཀུན་གྱི་ཐུགས་སུ་འཇགས་པར་འཚལ།

རྩོམ་ཡིག་སྐུར་སྐབས་དོ་སྣང་བྱ་དགོས་པ་ནི།

གཅིག དུས་དེབ་འདི་ནི་ལོ་ཙཱའི་སྐོར་གྱི་དུས་དེབ་ཅིག་ཡིན་པས། བརྗོད་བྱའི་ཆ་ནས་ལོ་ཙཱའི་གཞུང་ལུགས་དང་ལོ་ཙཱ་དང་འབྲེལ་བའི་དཔྱད་རྩོམ་དང་འགྱུར་རྩོམ་ཡིན་དགོས།

གཉིས། རྩོམ་པ་པོ་རང་ཉིད་ཀྱི་མཚན་དང་ཕ་ཡུལ། ལས་ཁུངས། ལས་ཀའི་མིང་ཐོབ། ཤེས་ཡོན་གྱི་མིང་ཐོབ། ཞིབ་འཇུག་གི་ཁ་ཕྱོགས། ཁ་པར་ཨང་གྲངས་སོགས་བོད་རྒྱ་ཡིག་རིགས་གཉིས་ཀྱི་ལམ་ནས་གསལ་པོར་འབྲི་དགོས།

གསུམ། དཔྱད་རྩོམ་གྱི་སྐོར་ལ《ཀྲུང་གོའི་མཐོ་རིམ་སློབ་གྲྭའི་སྤྱི་ཚོགས་ཚན་རིག་གི་རིག་གཞུང་དུས་དེབ་རྩོམ་སྒྲིག་ཚད་གཞིའི》འབྲེལ་ཡོད་བླང་བྱ་ལྟར་རྩོམ་པ་པོའི་མཚན་དང་། དཔྱད་ཡིག་གི་མཚན་བྱང་། དཔྱད་ཡིག་གི་མཚོན་རྟགས། དཔེ་སྐྲུན་ཁང་གི་མིང་དང་གནས་ཡུལ། དཔེ་སྐྲུན་དུས་ཚོད་དང་དཔར་ཐེངས། ཤོག་གྲངས་བཅས་རིམ་པ་བཞིན་དུ་གསལ་པོར་འབྲི་དགོས་ཤིང་། དཔྱད་རྩོམ་གྱི་མཆན་འགྲེལ་ཚང་མ་ཞབས་མཆན་གྱི་རྣམ་པར་འགོད་དགོས། རྩོམ་བྱང་དང་ནང་དོན་གནད་བསྡུས། གནད་ཚིག་གསུམ་རྒྱ་ཡིག་ཏུ་བསྒྱུར་ནས་བསྐུར་དགོས།

བཞི། འགྱུར་རྩོམ་གྱི་སྐོར་ལ་མ་ཡིག་དང་འགྱུར་ཡིག་གཉིས་ཀ་བསྐུར་དགོས་ཤིང་། མ་ཡིག་གི་རྩོམ་པ་པོའི་ངོ་སྤྲོད་མདོར་བསྡུས་ཤིག་ཀྱང་བོད་རྒྱ་ཡིག་རིགས་གཉིས་ཀྱི་ལམ་ནས་བསྐུར་དགོས།

ལྔ།  དཔྱད་རྩོམ་དང་འགྱུར་རྩོམ་དུ་ཡོད་པའི་ཨང་ཀི་རྣམས་ཨ་རབ་ཀྱི་ཨང་ཀི་ལྟར་འབྲི་དགོས། དེབ་མིང་རྣམས་དཔེ་རྟགས《》ནང་དུ་འགོད་པ་དང་། ལུང་ཚིག་རྣམས་འདྲེན་རྟགས“ ”སུ་འགོད་དགོས་ལ། ཡིག་ནོར་དང་ཆད་ལྷག་མེད་པར་ཞུ་དག་ནན་མོ་བཏང་ནས་སྐུར་དགོས།

དྲུག འདི་གར་བསྐུར་བའི་དཔྱད་རྩོམ་དང་འགྱུར་རྩོམ་དག་རང་ཉིད་ཀྱི་བརྩམས་ཆོས་དངོས་ཡིན་དགོས་པ་ལས། བཤུ་འབྲི་བྱས་པ་སོགས་རྩོམ་གྱི་བདག་དབང་དང་འགལ་བའི་མཇུག་འབྲས་རང་ཉིད་ཀྱིས་འགན་འཁུར་དགོས།

རྩོམ་སྐུར་ཡིག་ཟམ།  myzx5250@163.com

ཁ་པར་ཨང་གྲངས།  0970-8642108