ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་། 

གསར་འགྱུར་གལ་ཆེན།

• ཚེས16ཉིན། ཀྲུང་གུང་ཀྲུང་དབྱང་གིས་བློ་མཐུན་ཆའོ་ཧྲི་སྐུ་འཁྲུངས་ནས་ལོ100འཁོར་བར་དྲན་གསོ་ཞུ་བའི་བཞུགས་མོལ་ཚོགས་འདུ་འཚོགས་ཤིང་།    ཞི་ཅིན་ཕིང་གིས་གསུང་བཤད་གལ་ཆེན་གནང་།    

• རྒྱལ་ཁབ་སྡོམ་རྩིས་ཅུ་ཡིས་གྲངས་གཞི་ཁྱབ་བསྒྲགས་བྱས་པར་གཞིགས་ན།    ཟླ11པར་རྒྱལ་ཡོངས་ཀྱི་གཞི་ཁྱོན་ཡན་གྱི་བཟོ་ལས་ཀྱི་རིན་ཐང་འཕར་མ་དེ་དུས་མཚུངས་ལས5.4%འཕར་ཡོད།
  

• ཚེས16ཉིན་རྒྱལ་ཁབ་ཁྲལ་དོན་སྤྱི་ཁྱབ་ཅུས་ཡོངས་བསྒྲགས་བྱས་པའི་གནས་ཐང་འཕར་ཁྲལ་གྱི་འཛིན་ཤོག་གི་གྲངས་གཞི་ལས་མངོན་པ་ལྟར་ན།    ཟླ་དང་པོ་ནས་བཅུ་པའི་བར་རང་རྒྱལ་གྱི་སྲོལ་རྒྱུན་ཐོན་ལས་ཀྱི་བྲིན་ཚོང་ཡོང་འབབ་དུས་མཚུངས་ལས5.4%འཕར་ཡོད།     
  

• འགག་སྒོ་ལས་ཁུངས་ཀྱི་སྡོམ་རྩིས་ལ་གཞིགས་ན།  ད་ལོའི་ཟླ་དང་པོ་ནས་བཅུ་གཅིག་པའི་བར་རང་རྒྱལ་གྱི་དངོས་ཟོག་ཚོང་དོན་གྱི་ཕྱིར་གཏོང་ནང་འདྲེན་གྱི་སྤྱིའི་རིན་ཐང་སྒོར་དུང་ཕྱུར་ཁྲི39.79ཟིན། དུས་མཚུངས་ལས4.9%འཕར་ཡོད།     
  

• རྒྱལ་ཁབ་ནུས་རྒྱུ་ཅུས་གནས་ཚུལ་སྤེལ་བར་གཞིགས་ན།  2024ལོར་རང་རྒྱལ་གྱི་ནུས་རྒྱུ་རང་མཁོ་རང་སྤྲོད་བྱེད་ཚད80%ཡན་རྒྱུན་འཁྱོངས་ཐུབ་ཡོད།     
  

• ཚོང་དོན་པུ་སོགས་སྡེ་ཚན་བདུན་གྱིས་མཉམ་འབྲེལ་ཐོག《སིལ་ཚོང་ལས་རིགས་ཀྱི་གསར་གཏོད་རིམ་སྤོར་ལས་གྲྭའི་ལག་བསྟར་ཇུས་གཞི》པར་འགྲེམས་བྱས་ཏེ། སྣ་འཛོམས་ཚོང་ཁང་དང་། ཉོ་སྒྲུབ་ལྟེ་གནས། སྒོ་རྩིས་ཚོང་ཁང་སོགས་སིལ་ཚོང་ཚོང་ལས་སྒྲིག་བཀོད་སྒྱུར་བཀོད་རིམ་སྤོར་དང་གསར་གཏོད་ཕྱོགས་སྒྱུར་ལ་དམིགས་ཡོད།    

• རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་གནས་ཚུལ་སྤེལ་བར་གཞིགས་ན། པར་གཞི་གསར་པའི《ལས་རིགས་ནད་ཀྱི་རིགས་དབྱེ་དང་དཀར་ཆག》ནང་ལས་རིགས་ནད་རིགས་དེ་རིགས་ཆེན་པོ12དང་ཁག135ལ་རིགས་དབྱེ་བྱས་ཡོད།   
  

• ཀྲུང་གོ་དམངས་སྤྱོད་མཁའ་འགྲུལ་ཅུས་གནས་ཚུལ་སྤེལ་བར་གཞིགས་ན།    ད་ལོའི་ཟླ12པའི་ཚེས15ཉིན་བར་རང་རྒྱལ་གྱི་མཁའ་འགྲུལ་སྤྱི་གཉེར་གྱིས་འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར7ལྷག་ཙམ་ཟིན་ཡོད་ཅིང་། རང་རྒྱལ་གྱི་དམངས་སྤྱོད་མཁའ་འགྲུལ་འཕེལ་རྒྱས་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད།     
  

• ཀྲུང་གོ་མི་བཞུགས་འཇིག་རྟེན་འཕུར་སྐྱོད་འདུ་འགོད་གཞུང་དོན་ཁང་གིས་གནས་ཚུལ་སྤེལ་བར་གཞིགས་ན། ལྷ་གྲུ་ཨང་བཅུ་དགུ་པའི་འཇིག་རྟེན་འཕུར་སྐྱོད་པའི་ཚོགས་ཆུང་གིས་ཉེ་ཆར་གོ་སྐབས་བཙལ་ནས་གྲུ་ཚང་ནས་ཐེངས་དང་པོ་ཕྱིར་འབུད་རྒྱུ་རེད།  

• ཚེས16ཉིན་གྱི་ཆུ་ཚོད18ཐོག རང་རྒྱལ་གྱིས་ཝུན་ཁྲང་འཇིག་རྟེན་འཕུར་སྐྱོད་འཕེན་གཏོང་ཁུལ་དུ་རྒྱང་སྐྱོད་ཨང་ལྔ་པའི་སྐྱེལ་འདྲེན་མེ་ཤུགས་འཕུར་མདའ་ཁ་པ/རྒྱང་སྐྱོད་ཨང་གཉིས་པའི་སྟེང་ངོས་རིམ་པ་སྤྱད་དེ་སྲུང་སྐར་དྲ་སྦྲེལ་གྱི་འཁོར་ལམ་དམའ་བའི་ཚོགས་ཆུང01གི་སྲུང་སྐར་བདེ་བླག་ངང་འཕེན་གཏོང་བྱས།    
  

• ཨ་རིས་ཀྲུང་གོར་དམིགས་པའི་ཐོན་རྫས་ཁག་ཅིག་གི301གི་སྒོ་ཁྲལ་མང་དུ་བཏང་བའི་ཐད་དུ། རང་རྒྱལ་ཚོང་དོན་པུས་ཨ་རི་ཕྱོགས་ཀྱིས་འཕྲལ་མར་ནོར་འཁྲུལ་གྱི་བྱེད་སྟངས་ཡོ་བསྲང་བྱེད་དགོས་པ་དང་ཀྲུང་གོ་ཕྱོགས་ཀྱིས་དགོས་ངེས་ཀྱི་བྱེད་ཐབས་སྤྱད་ནས་རང་ངོས་ཀྱི་ཁེ་དབང་སྲུང་སྐྱོང་མཐའ་གཅིག་ཏུ་བྱ་རྒྱུ་ཡིན་ཞེས་སྨྲས།   
  

  སྤྱི་ཚོགས།
  

• ཚེས19ནས་ཚེས21ཉིན་བར། ཅུང་དྲག་པའི་མཁའ་རླུང་གི་ཤུགས་རྐྱེན་དབང་གིས་དབུས་ཤར་གྱི་ས་ཁུལ་མང་ཆེ་བའི་དྲོད་ཚད4~6℃མར་ཆག་རྒྱུ་དང་། ས་ཁུལ་ཁ་ཤས་ཀྱི་དྲོད་ཚད6~8℃མར་ཆག་རྒྱུ་རེད།     
  

• ཁྲོམ་ར་ལྟ་སྐུལ་དོ་དམ་སྤྱི་ཁྱབ་ཅུས་གློག་སྒུལ་རླངས་འཁོར་གྱི་གློག་མཁོ་འདོན་སྒྲིག་ཆས་ལ་བཙན་ཤེད་རང་བཞིན་གྱི་ཐོན་རྫས་བདེན་དཔང་ར་སྤྲོད་དང་དོ་དམ་བྱ་རྒྱུ་ཁ་གསལ་བཏོན།     
  

• ཞིབ་དཔྱོད་ལས་ཁུངས་ཀྱིས་ཧྥུ་ཅན་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་དེ་སྔའི་ཏང་ཙུའུ་ཧྲུའུ་ཅི་གཞོན་པའམ་ཀྲུའུ་རེན་གཞོན་པ་སུའུ་ཡུས་ཀྱིས་ལྐོག་རྔན་བླངས་པ་དང་། ཤུགས་རྐྱེན་སྤྱད་དེ་ལྐོག་རྔན་བླངས་པ།  འགན་དབང་གང་བྱུང་དུ་སྤྱད་པ་བཅས་ཀྱི་དོགས་ཡོད་གྱོད་གཞིར་ཁྲིམས་ལྟར་གཞུང་གཏུག་བྱས།     
  

• ཧྲན་ཞི་ཞིང་ཆེན་སྲིད་གྲོས་ཀྱི་ཏང་ཙུའི་ཧྲུའུ་ཅིའམ་ཀྲུའུ་ཞི་ཝུའུ་ཚུན་རུང་ལ་སྒྲིག་འགལ་ཁྲིམས་འགལ་གྱི་དོགས་གཞི་ཚབས་ཆེན་ཡོད། མིག་སྔར་ཀྲུང་དབྱང་སྒྲིག་ཨུ་དང་རྒྱལ་ཁབ་ལྟ་ཞིབ་ཨུ་ལྷན་གྱི་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་དང་ལེན་བྱེད་བཞིན་ཡོད།  

• ཚེས16ཉིན་ནས་བཟུང་། ཀྲུང་གོ་མི་དམངས་དངུལ་ཁང་གིས2025ལོའི་རྟེན་འབྲེལ་ཞུ་བྱང་དངུལ་ལོ་དང་དྲན་རྟེན་དངུལ་ལོ་སྔ་རྗེས་སུ་འགྲེམ་སྤེལ་བྱས།     
  

• ཚེས16ཉིན། ལན་ཀྲོའུ་ནས་ཀྲང་ཅ་ཁུག་བར་གྱི་མྱུར་བགྲོད་ལྕགས་ལམ་ལས་ཝུའུ་ཝེ་ནས་འབྲོང་ཡུལ་དུམ་བུ་དངོས་སུ་སྐྲུན་མགོ་ཚུགས། ལམ་དུམ་འདི་ནི་ལན་ཀྲོའུ་ནས་ཀྲང་ཅ་ཁུག་དབར་གྱི་མྱུར་བགྲོད་ལྕགས་ལམ་གྱི་ལམ་དུམ་མཐའ་མ་དེ་ཡིན་པ་དང་། བསྐྲུན་ཚར་ན་རང་རྒྱལ་ནུབ་རྒྱུད་ས་ཁུལ་གྱི་མྱུར་བགྲོད་ལྕགས་ལམ་དྲ་བ་སྔར་བས་འཐུས་ཚང་དུ་གཏོང་རྒྱུ་རེད།

• ཚེས16ཉིན། ཡུན་ཀང་བྲག་ཕུག་གི་བྲག་ཕུག་དྲུག་པ་དང་བྲག་ཕུག་བཅུ་གཉིས་པའི་སྲུང་སྐྱོབ་བྱ་བ་ལེགས་འགྲུབ་བྱུང་ཞིང་། དངོས་སུ་སླར་ཡང་སྒོ་ཕྱེས།    

• ཧྲའན་ཞི་ཡི་ཆིན་རྒྱལ་རབས་ཀྱི་དུར་བརྫངས་རྟ་དམག་གི་གནའ་དཔྱད་ལ་འཕེལ་རྒྱས་གསར་པ་བྱུང་ཡོད་པ་སྟེ།   དོང་ཨང་གཉིས་པར་འཐབ་སའི་ཤིང་རྟའི་རྗེས་ཤུལ་གཉིས་དང་། “རྟ་དམག”གི་གནའ་དཔེ་གསུམ་རྙེད།     

• ཧྲན་ཏུང་ཆིང་ཏའོ་ཡི་བྱིས་པ་ཞིག་མཚན་མོར་ཁོང་ཁྲོ་ལངས་ཏེ་ཁྱིམ་ནས་གཅིག་པུར་ཕྱིར་བུད་ནས་སྤྱི་སྤྱོད་རླངས་འཁོར་དུ་བསྡད། ཁ་ལོ་བ་ཁྲེང་ལི་ཧྥེས་སེམས་རྣལ་དུ་ཕབ་སྟེ་སེམས་གསོ་བྱས་པ་དང་། མཇུག་མཐའི་འབབ་ཚུགས་སུ་སླེབས་རྗེས། སྒེར་གྱི་རླངས་འཁོར་སྐོར་ནས་བྱིས་པ་བདེ་འཇགས་ངང་ཁྱིམ་དུ་བསྐྱལ།     
  

   སྲིད་ཇུས།
  

•  པེ་ཅིང་གིས་ནུས་རྒྱུ་གསར་པའི་ཟོག་འགྲེམ་རླངས་འཁོར་གྲོང་ཁྱེར་གྱི་སྡེབ་སྐྱེལ་དང་སྦྲག་སྲིད་མྱུར་སྐྱེལ་སོགས་ཁྱབ་ཁོངས་སུ་སྤྱོད་རྒྱ་ཆེ་རུ་གཏོང་དགོས་པ་ཁ་གསལ་བཏོན།     
  

• ཧྲན་ཞི་ཡིས་གློག་སྐས་འཁོར་སྐྱོད་ཉམས་གསོའི་འགྲོ་གྲོན་དེ་ཐོག་བརྩེགས་མི་འདྲ་བ་དང་བེད་སྤྱོད་གནས་ཚུལ་མི་འདྲ་བར་གཞིགས་ནས་ལུགས་མཐུན་གྱིས་ཁྱད་པར་བཟོས་ནས་བསྡུ་དགོས་པའི་བླང་བྱ་བཏོན།     
  

• ཅི་ལིན་གྱིས་གངས་འཁྱག་ལུས་རྩལ（ཚབ་བྱེད་རྣམ་གྲངས་ཚུད་པ）ལུས་རྩལ་དང་བདེ་ཐང་སློབ་ཚན་དང་ལུས་རྩལ་གྱི་འབྲིང་རྒྱུགས་ཚོད་རྒྱུགས་ནང་འཇུག་རྒྱུ་ཡིན་པ་ཁ་གསལ་བཏོན།     
  

   དེ་རིང་གི་གནམ་གཤིས།  

• ཞིན་ཅང་གི་བྱང་རྒྱུད་དང་ཞིན་ཅང་གི་ནུབ་རྒྱུད་རི་ཁུལ། བོད་ལྗོངས་ཀྱི་ནུབ་རྒྱུད། ནང་སོག་གི་དབུས་རྒྱུད། ཧེ་ལུང་ཅང་གི་ཤར་ལྷོའི་རྒྱུད། ཧྲན་ཏུང་ཕྱེད་གླིང་གི་མཚོ་རྒྱུད་ས་ཁུལ་སོགས་ཀྱི་ས་ཁུལ་ཁ་ཤས་སུ་ཁངས་ཆུང་ངུ་ནས་འབྲིང་བའི་བར་འབབ་རྒྱུ་རེད། ཀུའེ་ཀྲོའུ་ཡི་ནུབ་རྒྱུད་དང་། ཡུན་ནན་གྱི་ཤར་བྱང་རྒྱུད། ཐའེ་ཝན་གླིང་ཕྲན་གྱི་ཤར་རྒྱུད་སོགས་ཀྱི་ས་ཁུལ་ཁ་ཤས་སུ་ཆར་པ་སིམ་སིམ་འབབ་རྒྱུ་རེད།