ཚེས་ཆ་དང་གནམ་གཤིས།

སྒྲིག་སྒྱུར། ཁོན་ཐར་ཚེ་རིང་། ཡོང་ཁུངས། མཚོ་སྔོན་གནམ་གཤིས་ལས་ཁུངས། བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སྔོན་དཔག་བྱས་པ་ལྟར་ན། ལྔ་པའི་ཚེས་ལྔའི་དུས་ཆེན་སྐབས་སུ། ཟླ5ཚེས31ཉིན་ནས་ཟླ6ཚེས2ཉིན་བར། ཞིང་ཆེན་ཡོངས་ཀྱི་ས་ཁུལ་མང་ཆེ་བར་ཆར་མང་བའི་གནམ་གཤིས་འདུག  དེའི་ནང་། མགོ་ལོག་དང་། ཡུལ་ཤུལ། མཚོ་ལྷོའི་ས་ཆ་མང་ཆེ་བ་བཅས་ལ་ཆར་འབྲིང་ཙམ་འབབ་པ་དང་། ས་ཆ་ལ་ལར་ཆར་ཆེན་འབབ་རྒྱུ་ཡིན་ལ། མཚོ་འཕགས་མཐོ་བའི་ས་ཁུལ་ལ་ཁངས་ཆར་འདྲེས་མ་འབབ་རྒྱུ་རེད། ཟི་ལིང་དང་། མཚོ་ཤར། མཚོ་བྱང་། རྨ་ལྷོ་བཅས་ཀྱི་ས་ཁུལ་ལ་ཆར་ཆུང་འབབ་རྒྱུ་རེད།