ཚེས་ཆ་དང་གནམ་གཤིས།

སྒྲིག་སྒྱུར། མཁའ་འགྲོ་མཚོ།  ཡོང་ཁུངས། མཚོ་སྔོན་གནམ་གཤིས་ལས་ཁུངས།  བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། ཟི་ལིང་དང་། མཚོ་ཤར། མཚོ་ནུབ་ཀྱི་ས་ཆ་མང་ཆེ་བ། མཚོ་ལྷོའི་ལྷོ་རྒྱུད། མཚོ་བྱང་། བྲག་དཀར། རྨ་སྟོད། རྨ་ཆེན་བཅས་ཀྱི་ས་ཁུལ་ཁག་ཅིག་ལ་ཁངས་ཆུང་ངམ་ཐོལ་ཁངས(ཧའོ་སྨི0.1ནས6བར)འབབ་རྒྱུ་རེད། དེའི་ནང་རྟ་ཐང་དང་། སྟོང་སྐོར། སྐུ་འབུམ། ཧོར་གྲོང་། དཔའ་ལུང། འཇུ་ལག མདོ་ལ། རྐང་ཚ། ཐེམ་ཆེན། དུར་ལམ་བཅས་ཀྱི་ས་ཁུལ་ཁག་ཅིག་ལ་ཁངས་འབྲིང་ནས་ཁངས་ཆེན(ཧའོ་སྨི2.5ནས6བར)འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།

སང་ཉིན་ཉིན་མོར། མཚོ་ཤར་དང་། མཚོ་ནུབ་ཀྱི་ཤར་རྒྱུད་དང་། མཚོ་ལྷོའི་ས་ཆ་མང་ཆེ་བ། མཚོ་བྱང་གི་ས་ཆ་མང་ཆེ་བ། རྨ་ལྷོའི་ས་ཆ་མང་ཆེ་བ། རྨ་སྟོད་བཅས་ཀྱི་ས་ཁུལ་དུ་ཁངས་ཆུང་ངམ་ཁངས་འབྲིང(ཧའོ་སྨི0.1ནས6བར)འབབ་རྒྱུ་རེད། དེའི་ནང་ཧོར་གྲོང་གི་ས་ཁུལ་ཁ་ཅིག་ལ་ཁངས་ཆེན(ཧའོ་སྨི5ནས6བར)འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།  ཟི་ལིང་དང་། མཚོ་ཤར། མཚོ་ནུབ་ཀྱི་ཤར་རྒྱུད། མཚོ་ལྷོའི་བྱང་རྒྱུད། མཚོ་བྱང་། རྨ་ལྷོའི་བྱང་རྒྱུད་བཅས་ཀྱི་ཉིན་གྱི་ཆེས་མཐོའི་དྲོད་ཚད4～6℃མར་ཆག་རྒྱུ་དང་། ས་ཁུལ་ཁག་ཅིག་གི་དྲོད་ཚད8℃ཡན་མར་ཆག་རྒྱུ་རེད། ཟི་ལིང་དང་མཚོ་ཤར་དུ་རིམ་པ5ནས6བར་གྱི་ནུབ་ཡོའི་རླུང་གཡུག་རྒྱུ་དང་། མཚོ་ནུབ། མཚོ་ལྷོ། མཚོ་བྱང་། ཡུལ་ཤུལ མགོ་ལོག རྨ་ལྷོ་བཅས་སུ་རིམ་པ6ནས7བར་གྱི་ནུབ་ཡོའི་རླུང་གཡུག་རྒྱུ་རེད། ཐོལ་རླུང་རིམ་པ8ཡན་ལ་སླེབས་རྒྱུ་ཡིན་པ་མ་ཟད་བྱེ་རྡུལ་འཚུབ་པའི་གནམ་གཤིས་ཀྱང་ཡོད།