ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའི《ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་ལས་དོན་སྒྲིག་སྲོལ》《ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན

བྱང་སྲིད་ཏང་ཙུའུ།〔2021〕ཨང36པ།

ཁུལ་སྲིད་གཞུང་ཏང་ཙུའུ་ཁོངས་གཏོགས་སོ་སོར།

《ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་ལས་དོན་སྒྲིག་སྲོལ》《ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་ལམ་ལུགས》《ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་ཡི“གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐུན་མོང་ཐག་གཅོད་ཀྱི་ལམ་ལུགས》2021ལོའི་ཟླ9ཚེས30ཉིན་ཁུལ་མི་དམངས་སྲིད་གཞུང་གི་ཏང་ཙུའུ（ཚང་འཛོམས）གྲོས་ཚོགས་ཐེངས་གཉིས་པར་ཞིབ་འཇུག་བྱས་ཏེ་གྲོས་འཆམ་བྱུང་ལ། ད་ལྟ་ཁྱོད་ཚོར་དཔར་འགྲེམ་བྱས་པ་བཞིན། དོན་དངོས་ལ་ཟུང་འབྲེལ་སྒོས་ལག་བསྟར་དོན་འཁྱོལ་ནན་ཏན་བྱེད་རོགས།

ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ།
2021ལོའི་ཟླ11ཚེས3ཉིན།

ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་ཏང་ཙུའུ་བྱ་བའི་སྒྲིག་སྲོལ།

ལེའུ་དང་པོ། སྤྱིའི་རྩ་དོན།

དོན་ཚན་དང་པོ། ཏང་ནན་སྐྱོང་གི་བླང་བྱ་ཁྱོན་ཡོངས་ནས་དོན་འཁྱོལ་དང་། ཏང་གི་ལམ་ཕྱོགས་སྲིད་ཇུས་དང་ཐག་གཅོད་ལག་བསྟར་ལ་ཁག་ཐེག་བྱེད་པ། ཁུལ་སྲིད་གཞུང་གི་ཏང་ཙུའུ་བྱ་བར་སྔར་བས་ཤུགས་སྣོན་དང་ལེགས་བཅོས་གཏོང་བ། ཐག་གཅོད་ཆུ་ཚད་དང་བྱ་བའི་ལས་ཕྱོད་ཇེ་མཐོར་བཅས་གཏོང་ཆེད། 《ཀྲུང་གོ་གུང་ཁྲན་ཏང་གི་སྒྲིག་ཡིག》《ཀྲུང་གོ་གུང་ཁྲན་ཏང་ཏང་ཙུའུ་ལས་དོན་སྲོལ་ཡིག》《མཚོ་སྔོན་ཞིང་ཆེན་གྱི<ཀྲུང་གོ་གུང་ཁྲན་ཏང་ཏང་ཙུའུ་ལས་དོན་སྲོལ་ཡིག>གི་ལག་བསྟར་ཞིབ་སྲོལ》（མཚོ་འགྲེམ〔2016〕ཨང29པ།）དང《མཚོ་སྔོན་ཞིང་ཆེན་སྲིད་གཞུང་གི་ཏང་ཙུའུ་ལས་དོན་སྒྲིག་སྲོལ》（མཚོ་སྲིད་ཏང〔2016〕ཨང42པ།）སོགས་འབྲེལ་ཡོད་ཏང་གི་ཁྲིམས་སྲོལ་གཞིར་བཟུང་སྟེ། ཁུལ་སྲིད་གཞུང་གི་ཏང་ཙུའུ་ཡི་དོན་དངོས་ལ་ཟུང་འབྲེལ་སྒོས་སྒྲིག་སྲོལ་འདི་གཏན་འབེབས་བྱས་པ་ཡིན།

དོན་ཚན་གཉིས་པ། ཁུལ་སྲིད་གཞུང་གི་ཏང་ཙུའུ་ཡིས་ཁུལ་ཨུའི་མགོ་ཁྲིད་འོག་ཏུ་ལས་དོན་སྤེལ་བ་དང་། དེ་ནི་ཁུལ་སྲིད་གཞུང་གི་མགོ་ཁྲིད་སྲོག་ཤིང་ཡིན།

དོན་ཚན་གསུམ་པ། ཁུལ་སྲིད་གཞུང་གི་ཏང་ཙུའུ་ཡིས་གཤམ་གྱི་རྩ་དོན་བརྩི་སྲུང་བྱེད་དགོས།

（གཅིག） ཏང་གི་མགོ་ཁྲིད་རྒྱུན་འཁྱོངས་དང་། ཏང་གི་གཞུང་ལུགས་དང་ལམ་ཕྱོགས་སྲིད་ཇུས། ཁུལ་ཨུའི་ཐབས་ཇུས་བཀོད་སྒྲིག་གལ་ཆེན་ལག་བསྟར་དོན་འཁྱོལ་ ཐུབ་པར་ཁག་ཐེག་བྱེད་དགོས།

（གཉིས） ཁྱོན་ཡོངས་ནས་ཏང་ནན་སྐྱོང་བྱེད་པ་རྒྱུན་འཁྱོངས་དང་། 《ཏང་གི་སྒྲིག་ཡིག》དང་ཏང་གི་ཁྲིམས་སྲོལ་གཞན་དག་གཞིར་བཟུང་ནས་ལས་དོན་སྤེལ་དགོས་ལ། ཏང་ཙུའུ་ཡིས་ཏང་དོ་དམ་དང་ཏང་བཅོས་སྐྱོང་གི་ལས་འགན་ལག་བསྟར་བྱེད་དགོས།

（གསུམ） དམངས་གཙོ་གཅིག་སྡུད་ལམ་ལུགས་རྒྱུན་འཁྱོངས་དང་། ཏང་ཙུའུ་ཡི་གསོན་ཤུགས་དང་ཏང་གི་མཐུན་སྒྲིལ་གཅིག་གྱུར་ཁག་ཐེག་བྱེད་པ།

（བཞི） ཏང་ཙུའུ་ཡི་མགོ་ཁྲིད་སྲོག་ཤིང་གི་ནུས་པ་འདོན་སྤེལ་དང་། ཁུལ་སྲིད་གཞུང་གི་མགོ་ཁྲིད་ཚན་པས་ཁྲིམས་དང་སྒྲིག་ཡིག་ལྟར་འགན་འཁྲི་ལག་ཏུ་བསྟར་བ་གཉིས་གཅིག་གྱུར་ཡོང་བ་རྒྱུན་འཁྱོངས་བྱེད་དགོས་ཤིང་། ཏང་གི་འདོད་ཚུལ་དེ་ཁྲིམས་ཀྱི་གཏན་ཁེལ་དང་དམངས་གཙོའི་གོ་རིམ་བརྒྱུད་ནས་ཁུལ་སྲིད་གཞུང་གི་མགོ་ཁྲིད་ཚན་པའི་ཐག་གཅོད་དུ་བསྒྱུར་དགོས།

ལེའུ་གཉིས་པ། འགན་འཁྲི་ལས་འགན།

དོན་ཚན་བཞི་པ། ཁུལ་སྲིད་གཞུང་གི་ཏང་ཙུའུ་ཡིས་ཆབ་སྲིད་ཀྱི་མགོ་ཁྲིད་འགན་འཁྲི་ནན་ཏན་གྱིས་ལག་བསྟར་བྱེད་དགོས་པ་དང་། གཞུང་ལུགས་ཀྱིས་དྲག་ཆས་སྤྲས་པ་དང་བསམ་བློ་ཆབ་སྲིད་ཀྱི་བྱ་བ་ལེགས་པོར་བསྒྲུབ་དགོས་ཤིང་། ཏང་གི་གཞུང་ལུགས་དང་ལམ་ཕྱོགས་སྲིད་ཇུས་སློབ་སྦྱོང་དང་དྲིལ་སྒྲོག  ལག་བསྟར་བཅས་ཀྱི་འགན་འཁུར་དགོས། ཏང་ཀྲུང་དབྱང་དང་ཞིང་ཆེན་ཁུལ་ཨུ། གོང་རིམ་ཏང་རྩ་འཛུགས་བཅས་ཀྱི་ཐག་གཅོད་བཀོད་སྒྲིག་ལག་བསྟར་དོན་འཁྱོལ་བྱེད་དགོས་ལ། ཁ་ཕྱོགས་དམ་འཛིན་དང་སྤྱི་ཁོག་དོ་དམ། ལག་བསྟར་ཁག་ཐེག་བཅས་ཀྱི་ནུས་པ་གལ་ཆེན་འདོན་སྤེལ་བྱེད་དགོས།

དོན་ཚན་ལྔ་པ། ཁུལ་སྲིད་གཞུང་གི་ཏང་ཙུའུ་ཡིས་གཤམ་གྱི་དོན་ཚན་གལ་ཆེན་གྲོས་བསྡུར་དང་ཐག་གཅོད་བྱེད་དགོས།

（གཅིག） ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་ཏང་ཨུ་དང་སྲིད་གཞུང་། ཁུལ་ཨུ་བཅས་ཀྱི་ཚོགས་འདུ་དང་ཡིག་ཆ་གལ་ཆེན། སློབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་བརྒྱུད་སྒྲོག་བྱེད་དགོས།

（གཉིས）ཏང་ཀྲུང་དབྱང་དང་ཞིང་ཆེན་ཁུལ་ཨུ། གོང་རིམ་ཏང་རྩ་འཛུགས་བཅས་ཀྱི་ཐག་གཅོད་གལ་ཆེན་དང་། བཀོད་སྒྲིག་གལ་ཆེན་གྱི་བསམ་འཆར་དང་བྱེད་ཐབས་ལག་བསྟར་དོན་འཁྱོལ་བྱེད་དགོས།

（གསུམ）ཁུལ་ཨུ་དང་གོང་རིམ་ཏང་རྩ་འཛུགས་ལ་སྙན་སེང་ཞུ་དགོས་པའི་དོན་ཚན་གལ་ཆེན། གྲུབ་ཁོངས་སྡེ་ཁག་དང་ཐད་གཏོགས་ལས་ཁུངས། ལས་ཁུངས་གཞན་དག་གི་ཏང་རྩ་འཛུགས་བཅས་ལ་ཁྱབ་བསྒྲགས་བྱེད་དགོས་པའི་དོན་ཚན་གལ་ཆེན།

（བཞི）ཐག་གཅོད་གལ་ཆེན་དང་རྣམ་གྲངས་གལ་ཆེན་གྱི་བཀོད་སྒྲིག་དང་གྲངས་འབོར་ཆེ་བའི་མ་དངུལ་གྱི་བཀོལ་སྤྱོད་སོགས་ཀྱི་དོན་ཚན།

（ལྔ） ཁུལ་སྲིད་གཞུང་གི་མགོ་ཁྲིད་ཚན་པའི་འཛུགས་སྐྱོང་དང་སྲིད་གཞུང་མ་ལག་གི་ལས་བྱེད་དཔུང་ཁག་འཛུགས་སྐྱོང་ཕྱོགས་ཀྱི་དོན་ཚན་གལ་ཆེན།

（དྲུག）འདུ་ཤེས་འཛིན་སྟངས་ལས་དོན་དང་བསམ་བློ་ཆབ་སྲིད་ལས་དོན། བསམ་པའི་དཔལ་ཡོན་འཛུགས་སྐྲུན་སོགས་ཀྱི་ཕྱོགས་ཀྱི་དོན་ཚན་གལ་ཆེན།

（བདུན） ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་འགོག་རྒོལ་ལས་དོན་ཕྱོགས་ཀྱི་དོན་ཚན་གལ་ཆེན།

（བརྒྱད）སྤྱི་ཚོགས་བདེ་འཇགས་སྲུང་སྐྱོང་དང་ཐོལ་བྱུང་དོན་རྐྱེན་འགངས་ཆེན། བྲེལ་འཚུབ་གནས་ཚུལ་ཐག་གཅོད་སོགས་ཀྱི་དོན་ཚན།

（དགུ） ཁུལ་ཨུའི་གྲོས་འཆར་དང་ཏང་ཙུའུ་ཡི་ལས་གནས་བསྐོ་འཐེན། ལས་བྱེད་པའི་བྱ་དགའ་དང་ཆད་གཅོད་བཅས་ཀྱི་འབྲེལ་ཡོད་དོན་ཚན།

（བཅུ） ཏང་ཙུའུ་ཡིས་གྲོས་བསྡུར་དང་ཐག་གཅོད་བྱེད་དགོས་པའི་དོན་ཚན་གལ་ཆེན་གཞན་དག

དོན་ཚན་དྲུག་པ། ཏང་གིས་ཏང་ལ་དོ་དམ་དང་ཏང་ནན་སྐྱོང་གི་འགན་འཁྲི་ལག་བསྟར་དང་། གྲུབ་ཁོངས་སྡེ་ཁག་དང་ཐད་གཏོགས་ལས་ཁུངས། ལས་ཁུངས་གཞན་དག་གི་ཏང་གི་འཛུགས་སྐྱོང་གི་བྱ་བར་མགོ་ཁྲིད་བྱེད་པར་ཤུགས་སྣོན་དགོས། ཏང་འཛུགས་བྱ་བའི་འགན་འཁྲི་ལམ་ལུགས་ལག་བསྟར་དང་ཏང་འཛུགས་བྱ་བར་དུས་བཅད་ལྟར་ཞིབ་འཇུག་བྱེད་དགོས། ཏང་ཙུའུ་ཧྲུའུ་ཅིས་ཏང་འཛུགས་དམ་འཛིན་བྱ་བའི་འགན་འཁྲི་མཁན་དང་པོའི་ལས་འགན་ལག་བསྟར་བྱེད་དགོས་ཤིང་། ཏང་ཙུའུ་ཁོངས་མི་གཞན་དག་གིས་ལས་བགོས་ལྟར་ལས་འགན་ཁྱབ་ཁོངས་ནང་གི་ཏང་གི་འཛུགས་སྐྲུན་གྱི་བྱ་བ་དམ་འཛིན་བྱེད་དགོས།

དོན་ཚན་བདུན་པ། ཁུལ་སྲིད་གཞུང་གི་ཏང་ཙུའུ་དང་དེའི་ཁོངས་མིས་བསམ་བློ་ཆབ་སྲིད་ཀྱི་འཛུགས་སྐྱོང་ལ་ཤུགས་སྣོན་པ་གཙིགས་འཛིན་དང་། ཕུགས་འདུན་དད་སེམས་བརྟན་པོར་གཏོང་བ། ཆབ་སྲིད་སྒྲིག་ཁྲིམས་དང་ཆབ་སྲིད་སྒྲིག་ལམ་ནན་སྲུང་བྱེད་པ། ཆབ་སྲིད་འདུ་ཤེས་དང་སྤྱི་ཁོག་འདུ་ཤེས། སྲོག་ཤིང་འདུ་ཤེས། གཅིག་བསྡུས་འདུ་ཤེས་བཅས་མུ་མཐུད་དུ་ཇེ་དྲག་ཏུ་གཏོང་བ། རང་རྟོགས་སྒོས་ཁུལ་ཨུའི་ལྟ་སྐུལ་དང་ལེན་བྱེད་པ། གཏན་ཁེལ་ལྟར་ཆེད་དོན་དམངས་གཙོ་འཚོ་བའི་ཚོགས་འདུ་འཚོགས་ནས། ནན་ཏན་གཟབ་ནན་གྱི་སྐྱོན་བརྗོད་དང་རང་སྐྱོན་རང་བརྗོད་བྱེད་དགོས། ཏང་ཙུའུ་སློབ་སྦྱོང་ལ་ཤུགས་སྣོན་དང་ལེགས་བཅོས་བྱས་ནས། ཏང་ཙུའུ་ཁོངས་མིའི་བསམ་བློའི་གཞུང་ལུགས་ཀྱི་ཆུ་ཚད་དང་ཆབ་སྲིད་ཀྱི་ཆུ་ཚད། མགོ་ཁྲིད་ཆུ་ཚད་བཅས་ཇེ་མཐོར་གཏོང་དགོས། ཀྲུང་དབྱང་དང་ཞིང་ཆེན་ཁུལ་ཨུའི་བྱ་བའི་སྤྱོད་ལམ་ལེགས་བཅོས་དང་མང་ཚོགས་ལ་འབྲེལ་བ་དམ་ཟབ་བྱེད་པའི་ཐད་ཀྱི་གཏན་ཁེལ་སྣ་ཚོགས་ལག་བསྟར་ནན་ཏན་བྱས་ཏེ། ཕྱི་ཚུལ་རིང་ལུགས་དང་དཔོན་ཉམས་རིང་ལུགས། སྐྱིད་འདོད་རིང་ལུགས། རྒྱས་སྤྲོས་རིང་ལུགས་བཅས་གཏན་འགོག་བྱེད་དགོས། “ཏང་གི་མང་ཚོགས་ལམ་ཕྱོགས”དང“ནན་གསུམ་དྲང་གསུམ།”“བསླབ་པ་གཉིས་དང་སྒྲུབ་པ་གཅིག”“ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་བ”བཅས་ཀྱི་བླང་བྱ་བཏོན་པའི་བསམ་བློའི་རང་རྟོགས་དང་འགུལ་སྐྱོད་རང་རྟོགས་ཏན་ཏིག་སྒོས་ཤུགས་སྣོན་དང་ལག་བསྟར་བྱེད་དགོས། ཏང་ཡོན་མགོ་ཁྲིད་ལས་བྱེད་པའི་སྲི་གཙང་སྲིད་ཞུགས་ཀྱི་འབྲེལ་ཡོད་གཏན་ཁེལ་བརྩི་སྲུང་ནན་མོ་བྱེད་པ་དང་། ཏང་རྩ་འཛུགས་དང་ཏང་ཡོན་མང་ཚོགས་ཀྱི་ལྟ་སྐུལ་རང་རྟོགས་སྒོས་དང་ལེན་བྱེད་དགོས། ཏང་ཙུའུ་ཁོངས་མིས་སྤྱིར་བཏང་ཏང་ཡོན་གྱི་ཐོབ་ཐང་གི་ངོས་ནས་གནས་སའི་ཏང་ཀྲི་པུའི་རྩ་འཛུགས་འཚོ་བར་ཞུགས་དགོས། ཏང་ཙུའུ་ཁོངས་མིའི་སྒེར་གྱི་གནད་དོན་གལ་ཆེན་དང་དོན་ཚན་གལ་ཆེན་དག་གཏན་ཁེལ་གཞིར་བཟུང་ནས་དོན་དངོས་ལྟར་ཏང་ཙུའུ་ལ་སྙན་སེང་ཡར་ཞུ་བྱེད་དགོས།

དོན་ཚན་བརྒྱད་པ། ཁུལ་སྲིད་གཞུང་གི་ཏང་ཙུའུ་ཧྲུའུ་ཅི་ཡིས་ཏང་ཙུའུ་ཡི་བྱ་བར་ཁྱོན་ཡོངས་ནས་མགོ་འཛིན་བྱེད་དགོས་པ་དང་། ཏང་ཙུའུ་གྲོས་ཚོགས་བསྡུ་བ་དང་མགོ་འཛིན་བྱེད་པའི་འགན་འཁུར་དགོས་ལ། ཏང་ཙུའུ་ཡི་བྱེད་སྒོ་རྩ་འཛུགས་དང་ཏང་ཙུའུ་ཡི་ཡིག་ཆ་མཆན་གཏོང་བྱེད་དགོས། ཏང་ཙུའུ་ཧྲུའུ་ཅི་གཞོན་པས་ཏང་ཙུའུ་ཧྲུའུ་ཅིའི་བྱ་བར་རོགས་འདེགས་བྱེད་དགོས་པ་དང་། ཏང་ཙུའུ་ཧྲུའུ་ཅིའི་མངག་བཅོལ་ལྟར་འབྲེལ་ཡོད་འགན་འཁྲི་ལག་བསྟར་བྱེད་དགོས། ཏང་ཙུའུ་ཁོངས་མིས་ཏང་ཙུའུ་ཡི་ཐག་གཅོད་གཞིར་བཟུང་ནས་དབང་སྐུར་ལྟར་འབྲེལ་ཡོད་ལས་དོན་ལ་འགན་འཁུར་དགོས་ཤིང་། འབྲེལ་ཡོད་ཀྱི་འགན་དབང་བཀོལ་སྤྱོད་བྱེད་དགོས།

ལེའུ་གསུམ་པ། སྒྲིག་འཛུགས་རྩ་དོན།

དོན་ཚན་དགུ་པ། ཁུལ་སྲིད་གཞུང་གི་ཏང་ཙུའུ་ཡིས་ཏང་ཀྲུང་དབྱང་དང་ཞིང་ཆེན་ཁུལ་ཨུ། གོང་རིམ་ཏང་རྩ་འཛུགས་བཅས་ཀྱི་སློབ་སྟོན་དང་ཐག་གཅོད་ལག་བསྟར་རྦད་ཆོད་བྱེད་དགོས་ཤིང་། ཏང་ཀྲུང་དབྱང་གི་དབང་ཐང་སྲུང་སྐྱོབ་རྦད་ཆོད་དང་སྲིད་བཀའ་ཤར་གཏོང་ཐུབ་པར་ཁག་ཐེག་བྱེད་དགོས།

དོན་ཚན་བཅུ་པ། ཁུལ་ཡོངས་ཀྱི་སྲིད་གཞུང་གི་ཏང་ཙུའུ་ཡིས་གོང་རིམ་ཏང་རྩ་འཛུགས་ལ་སྙན་སེང་ཡར་ཞུ་བྱེད་པའི་བྱ་བའི་ལམ་ལུགས་བཙུགས་ཏེ་འཐུས་ཚང་དུ་གཏོང་དགོས་ལ། ཏང་ཙུའུ་ཡིས་ཁུལ་ཨུ་དང་གོང་རིམ་ལས་ཁུངས་ཀྱི་ཏང་རྩ་འཛུགས་ལ་ལོ་རེར་མ་མཐར་ཡང་ཕྱོགས་ཡོངས་ཀྱི་སྙན་ཞུ་ཐེངས1འབུལ་དགོས་པ་དང་། གལ་ཏེ་གནད་དོན་ཚབས་ཆེན་ལ་ཐུག་དུས་མྱུར་དུ་སྙན་སེང་ཡར་ཞུ་འབུལ་དགོས།

དོན་ཚན་བཅུ་གཅིག  ཁུལ་སྲིད་གཞུང་གི་ཏང་ཙུའུ་ཡིས་འབྲེལ་ཡོད་གནད་དོན་ ཐག་གཅོད་བྱེད་སྐབས། དགོས་ངེས་གཞིར་བཟུང་སྟེ་སྒྲིག་ཁོངས་སྡེ་ཁག་དང་ཐད་གཏོགས་ལས་ཁུངས། ལས་ཁུངས་གཞན་དག་གི་ཏང་རྩ་འཛུགས་དང་ཏང་ཡོན་མང་ཚོགས་ཀྱི་བསམ་འཆར་བསྡུ་ལེན་ཡག་པོ་བྱེད་དགོས་ཤིང་། གནས་ཚུལ་གལ་ཆེན་དུས་ཐོག་བརྡ་ཁྱབ་གཏོང་དགོས།

དོན་ཚན་བཅུ་གཉིས། ཁུལ་སྲིད་གཞུང་གི་ཏང་ཙུའུ་ཡིས་ཐུན་མོང་མགོ་ཁྲིད་ལམ་ལུགས་ལག་བསྟར་བྱེད་དགོས་པ་དང་། ཏང་ཙུའུ་ཡི་འགན་འཁྲི་ཁྱབ་ཁོངས་སུ་གཏོགས་པའི་དོན་ཚན་ཡིན་ཚེ། མང་ཁ་ཉུང་ལེན་གྱི་རྩ་དོན་གཞིར་བཟུང་ནས། ཏང་ཙུའུ་ཁོངས་མིས་ཐུན་མོང་སྒོས་གྲོས་བསྡུར་བྱས་ཏེ་ཐག་གཅོད་བྱེད་དགོས། ཐུན་མོང་སྒོས་གྲོས་བསྡུར་དང་གནད་དོན་ཐག་གཅོད་བྱེད་སྐབས། ཏང་ཙུའུ་ཧྲུའུ་ཅི་ཡིས་མགོ་ཁྲིད་ནས་དམངས་གཙོ་གཅིག་སྡུད་ཀྱི་ལམ་ལུགས་ལག་བསྟར་བྱེད་དགོས་ཤིང་། ཏང་གི་དམངས་གཙོ་དར་སྤེལ་ཡག་པོ་དང་ཡང་དག་པའི་བསམ་འཆར་གཅིག་སྡུད་བྱེད་ཤེས་དགོས། ཏང་ཙུའུ་ཁོངས་མིས་རང་གི་བསམ་འཆར་སྒྲོག་སྤེལ་ཡག་པོ་བྱེད་པ་དང་ཆབས་ཅིག  ཏང་ཙུའུ་ཡི་ཐུན་མོང་ཐག་གཅོད་ལག་བསྟར་ནན་ཏན་དང་དངོས་གནས་འགན་འཁྲི་ལག་ཏུ་བསྟར་དགོས།

དོན་ཚན་བཅུ་གསུམ། ཁུལ་སྲིད་གཞུང་གི་ཏང་ཙུའུ་མིང་ཐོག་ནས་སྒྲོག་སྤེལ་དང་ཡང་ན་ཡར་ཞུ་བྱས་པའི་ཡིག་ཆ་དང་། སྒྲོག་སྤེལ་བྱས་པའི་རྩོམ་ཡིག   ཁུལ་སྲིད་གཞུང་གི་ཏང་ཙུའུ་ཁོངས་མིས་ཏང་ཙུའུ་ཡི་ཚབ་བྱས་ཏེ་གཏམ་བཤད་དང་སྙན་ཞུ་གནང་བར། སྔོན་ལ་ཏང་ཙུའུ་ཡི་ཐུན་མོང་གྲོས་བསྡུར་བརྒྱུད་དགོས་པ་དང་ཡང་ན་དབང་ཆ་སྡེ་ཁག་གི་མཆན་འགོད་བཤེར་འབེབས་བྱེད་དགོས། ཏང་ཙུའུ་ཁོངས་མིས་མིང་བཀོད་སྒྲོག་སྤེལ་བྱས་པའི་བྱ་བ་དང་འབྲེལ་བ་ཡོད་པའི་རྩོམ་ཡིག་ནི་སྔོན་ལ་ཏང་ཙུའུ་ཡིས་བཤེར་འབེབས་དང་། ཡང་ན་ཏང་ཙུའུ་ཧྲུའུ་ཅིས་ཆོག་མཆན་བརྒྱུད་དགོས། ཏང་ཙུའུ་ཁོངས་མིས་བརྟག་དཔྱད་ཞིབ་འཇུག་དང་བྱ་བར་ཞིབ་བཤེར་མཛུབ་སྟོན། ཡང་ན་སྤྱི་ཚོགས་ཀྱི་བྱེད་སྒོ་གཞན་པར་ཞུགས་སྐབས་སྒྲོག་སྤེལ་གནང་བའི་མི་སྒེར་གྱི་བསམ་འཆར་དེ་ཏང་ཙུའུ་ཡི་ཐག་གཅོད་དགོངས་དོན་དང་མཐུན་དགོས།

ལེའུ་བཞི་པ། གཞུང་དོན་གྲོས་བསྡུར་ཐག་གཅོད།

དོན་ཚན་བཅུ་བཞི། ཁུལ་སྲིད་གཞུང་གི་ཏང་ཙུའུ་ཡིས་གཞུང་དོན་གྲོས་བསྡུར་ཐག་གཅོད་བྱེད་སྐབས་ཐུན་མོང་མགོ་ཁྲིད་དང་དམངས་གཙོ་གཅིག་སྡུད། སོ་སོས་ནང་གྲོས། ཚོགས་འདུས་ཐག་གཅོད་བཅས་རྒྱུན་འཁྱོངས་བྱེད་དགོས་ཤིང་། གལ་ཆེའི་ཐབས་ཇུས་ལ་མཐུན་སྦྱོར་ཡག་པོ་བྱེད་པ་དང་། ལུགས་མཐུན་ཇུས་འདོན་དང་དམངས་གཙོ་ཇུས་གཅོད། ཁྲིམས་ལྟར་ཐག་གཅོད་བཅས་ལག་བསྟར་བྱེད་དགོས།

དོན་ཚན་བཅོ་ལྔ། ཁུལ་སྲིད་གཞུང་གི་ཏང་ཙུའུ་ཡིས་གལ་ཆེའི་ཐབས་ཇུས་འདོན་པར། རྒྱུན་ལྡན་ལྟར་ན་བརྟག་དཔྱོད་ཞིབ་འཇུག་གི་རྨང་གཞིའི་ཐོག་འཆར་གཞི་འདོན་དགོས་ཤིང་། ཕྱོགས་སོ་སོའི་བསམ་འཆར་ལ་ཡག་པོ་ཉན་པ་དང་ཉེན་ཁ་དཔྱོད་དཔོག་བྱེད་པ། ཁྲིམས་སྲོལ་དང་མཐུན་མིན་གྱི་ཞིབ་བཤེར་བྱས་རྗེས། ཐུན་མོང་གིས་གྲོས་བསྡུར་བརྒྱུད་ནས་ཐག་གཅོད་དགོས།

དོན་ཚན་བཅུ་དྲུག  ཁུལ་སྲིད་གཞུང་གི་ཏང་ཙུའུ་ཡི་དོན་གྲོས་ཇུས་ཐབས་འདོན་པར་སྤྱིར་བཏང་ཏང་ཙུའུ་ཡི་ཚོགས་འདུ་བརྒྱུད་དགོས། ཏང་ཙུའུ་ཚོགས་འདུ་སྤྱིར་བཏང་ཟླ་རེར་མ་མཐར་ཡང་ཐེངས1འཚོགས་དགོས་པ་དང་། གལ་ཏེ་གནས་ཚུལ་གལ་ཆེན་ལ་ཐུག་དུས་དགོས་མཁོ་ལྟར་འཚོག་ཆོག  ཏང་ཙུའུ་ཚོགས་འདུའི་གྲོས་བྱང་དང་འཚོག་པའི་དུས་ཚོད་དེ་ཏང་ཙུའུ་ཧྲུའུ་ཅིས་འདོན་དགོས་པ་དང་། ཡང་ན་ཏང་ཙུའུ་ཁོངས་མི་གཞན་དག་གིས་གྲོས་འཆར་འདོན་པ་དང་ཏང་ཙུའུ་ཧྲུའུ་ཅིས་ཕྱོགས་ཡོངས་ལ་བསམ་གཞིགས་བཏང་རྗེས་ཐག་གཅོད་དགོས།

དོན་ཚན་བཅུ་བདུན། ཁུལ་སྲིད་གཞུང་གི་ཏང་ཙུའུ་གྲོས་ཚོགས་ནི་ཏང་ཙུའུ་ཁོངས་མིའི་མི་གྲངས་ཀྱི་ཕྱེད་ཀ་ཡན་ཚོགས་འདུར་ཞུགས་ན་ད་གཟོད་འཚོག་ཆོག་པ་ཡིན། ཏང་ཙུའུ་ཁོངས་མི་གལ་ཏེ་རྒྱུ་རྐྱེན་གྱི་དབང་གིས་ཚོགས་འདུར་ཞུགས་མི་ཐུབ་ན་ཚོགས་འདུ་མ་འཚོག་གོང་དུ་གནང་ཞུ་བྱེད་དགོས་ཤིང་། ཚོགས་འདུའི་བསམ་འཆར་གལ་ཆེན་དེ་ཡིག་ཐོག་ནས་མཚོན་ཆོག  ཏང་ཙུའུ་ཚོགས་འདུའི་གྲོས་བྱང་དེ་མི་སྒེར་དང་ཡང་ན་མི་དེའི་ཉེ་རིང་། གཡོལ་དགོས་པའི་གནས་ཚུལ་གཞན་པ་ཡོད་ཚེ། འབྲེལ་ཡོད་ཏང་ཙུའུ་ཁོངས་མི་དེ་ཚོགས་འདུར་གཡོལ་གཞའ་དགོས།

བྱ་བའི་དགོས་མཁོར་གཞིགས་ཏེ། ཁུལ་སྲིད་གཞུང་གི་ཏང་ཙུའུ་ཚོགས་འདུ་འཚོག་པར། ཏང་ཙུའུ་ཁོངས་མི་མིན་པའི་མགོ་ཁྲིད་ཚན་པའི་ཁོངས་མི་ཟུར་ཞུགས་བྱེད་དུ་བཅུག་ཆོག  ཚོགས་འདུ་བསྡུ་མཁན་གྱིས་གྲོས་བྱང་ལ་གཞིགས་ནས་འབྲེལ་ཡོད་མི་སྣ་གྲོས་ཚོགས་སུ་ཟུར་ཞུགས་བྱེད་དུ་བཅུག་ཆོག

དོན་ཚན་བཅོ་བརྒྱད། ཁུལ་སྲིད་གཞུང་གི་ཏང་ཙུའུ་ཚོགས་འདུའི་གྲོས་བྱང་ཡར་སྤྲོད་བརྡས་གཅོད་མ་བྱས་སྔོན་ལ་གྲོས་བསྡུར་གང་ལེགས་བྱེད་དགོས། བརྡས་ཐག་གཅོད་པར་སྐད་ཆ་དང་ལག་པ་འགྱོག་པའི་བྱེད་ཐབས་སྤྱད་ཆོག་པ་དང་། མོས་འཐད་བྱུང་བའི་གྲངས་ཀ་དེ་ཚོགས་འདུར་ཞུགས་དགོས་པའི་ཏང་ཙུའུ་ཁོངས་མིའི་ཕྱེད་ཀ་ལོན་ན་གྲོས་འཆམ་བྱུང་བ་ཡིན་ལ། ཚོགས་འདུར་ཞུགས་མེད་པའི་ཏང་ཙུའུ་ཁོངས་མིའི་ཡིག་ཐོག་གི་བསམ་འཆར་དེ་འདེམ་གྲངས་སུ་རྩིས་མི་ཆོག  ཚོགས་འདུས་དོན་ཚན་མང་པོར་ཞིབ་འཇུག་ཐག་གཅོད་བྱེད་པ་ཡིན་ན་དོན་ཚན་ལྟར་རིམ་བཞིན་བརྡས་ཐག་གཅོད་དགོས། ཏང་ཙུའུ་ཚོགས་འདུའི་ཟིན་ཐོ་དེ་ཁུལ་སྲིད་གཞུང་གཞུང་ལས་ཁང་གི་དྲུང་ཡིག་ཚན་ཁག་གིས་དོན་དངོས་ལྟར་ཟིན་ཐོར་འགོད་དགོས་པ་མ་ཟད། འབྲེལ་ཡོད་གཏན་ཁེལ་ལྟར་ཡིག་ཚགས་སུ་བཅུག་ནས་ཞིབ་བཤེར་དུ་གྲ་སྒྲིག་བྱེད་དགོས།

དོན་ཚན་བཅུ་དགུ། ཁུལ་སྲིད་གཞུང་གི་ཏང་ཙུའུ་ཡིས་ཐག་གཅོད་བྱས་རྗེས་ལག་བསྟར་མཐའ་འཁྱོངས་བྱེད་དགོས། ཏང་ཙུའུ་ཁོངས་མི་དེ་ཏང་ཙུའུ་ཡི་ཐག་གཅོད་ལ་བསམ་འཆར་མི་མཐུན་པ་ཡོད་ཚེ། སོར་བཞག་བྱས་ཆོག་པ་དང་ཡང་ན་ཁུལ་ཨུ་ལ་ཞུས་ཆོག  ཡིན་ནའང་ཏང་ཙུའུ་ཡི་ཐག་གཅོད་ལ་འགྱུར་ལྡོག་མ་བྱུང་སྔོན་ལ་ལག་བསྟར་མཐའ་འཁྱོངས་བྱེད་དགོས། ཏང་ཙུའུ་ཡིས་ལྟ་སྐུལ་དང་ལྡོག་སྐྱེལ་གྱི་ནུས་ལྡན་རྐྱེན་སྲོལ་འཛུགས་དགོས་ཤིང་། ཏང་ཙུའུ་ཡི་ཐག་གཅོད་ལག་ཏུ་བསྟར་བར་ཁག་ཐེག་བྱེད་དགོས།

ལེའུ་ལྔ་པ། ཞར་བྱུང་དོན་ཚན།

སྒྲིག་སྲོལ་འདི་དཔར་འགྲེམ་བྱས་པའི་ཉིན་ནས་ལག་ཏུ་བསྟར་དགོས།

ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་ལམ་ལུགས།

ལེའུ་དང་པོ། སྤྱིའི་རྩ་དོན།

དོན་ཚན་དང་པོ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་དེ་སྔར་བས་ལམ་ལུགས་ཅན་དང་ཚད་ལྡན་ཅན་དུ་འགྱུར་བར་སྐུལ་འདེད་དང་། གཞུང་ལུགས་བརྟན་དུ་གཏོང་བའི་བྱ་བ་གཏིང་ཟབ་སྤེལ་བར་སྐུལ་འདེད། མགོ་ཁྲིད་ལས་བྱེད་པའི་བསམ་བློ་ཆབ་སྲིད་ཀྱི་འཛུགས་སྐྱོང་ལ་མུ་མཐུད་དུ་ཤུགས་སྣོན་བྱས་ཏེ། མགོ་ཁྲིད་ལས་བྱེད་པའི་ཆབ་སྲིད་བྱང་ཚད་དང་གཞུང་ལུགས་ཆུ་ཚད། བྱ་བའི་ནུས་པ་བཅས་དངོས་གནས་ཇེ་མཐོར་གཏོང་ཆེད། 《ཀྲུང་གོ་གུང་ཁྲན་ཏང་གི་ཏང་ཨུའི（ཏང་ཙུའུ）གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་སྒྲིག་སྲོལ》《མཚོ་སྔོན་ཞིང་ཆེན་གྱིས<ཀྲུང་གོ་གུང་ཁྲན་ཏང་གི་ཏང་ཨུའི（ཏང་ཙུའུ）གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་སྒྲིག་སྲོལ>དོན་འཁྱོལ་བྱེད་པའི་ལག་བསྟར་བྱེད་ཐབས》དང་འབྲེལ་ཡོད་ཏང་གི་སྒྲིག་སྲོལ་ལྟར། བྱ་བའི་དོན་དངོས་ལ་ཟུང་འབྲེལ་བྱས་ནས་ལམ་ལུགས་འདི་གཏན་འབེབས་བྱས་པ་ཡིན།

དོན་ཚན་གཉིས་པ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་ནི་ཁུལ་སྲིད་གཞུང་ཏང་ཙུའུ་ཚན་པ་དང་མགོ་ཁྲིད་ལས་བྱེད་པའི་འགན་ཐོག་གཞུང་ལུགས་སློབ་སྦྱོང་གི་གལ་ཆེའི་རྩ་འཛུགས་རྣམ་པ་ཞིག་ཡིན་ལ། ཏང་གི་ཆབ་སྲིད་འཚོ་བ་ནན་མོ་དང་ཏང་གཤིས་བྱང་ཚད་ཤུགས་སྣོན་བྱེད་པའི་ནང་དོན་གལ་ཆེན། མགོ་ཁྲིད་ཚན་པའི་བསམ་བློ་ཆབ་སྲིད་འཛུགས་སྐྱོང་ལ་ཤུགས་སྣོན་པའི་ལམ་ལུགས་གལ་ཆེན། སློབ་སྦྱོང་ཅན་དང་ཞབས་ཞུ་ཅན། གསར་གཏོད་ཅན་གྱི་མར་ཁེ་སི་རིང་ལུགས་ཀྱི་སྲིད་འཛིན་ཏང་འཛུགས་སྐྲུན་དང་། ཏང་གི་མི་རིགས་ས་ཁུལ་གྱི་སྲིད་འཛིན་ནུས་པ་དང་མགོ་ཁྲིད་ཆུ་ཚད་ཇེ་མཐོར་གཏོང་བའི་ཐབས་ལམ་གལ་ཆེན་བཅས་ཡིན།

དོན་ཚན་གསུམ་པ། ཁུལ་སྲིད་གཞུང་གི་ཏང་ཙུའུ་ཡི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་ནི་ཆབ་སྲིད་སློབ་སྦྱོང་བྱེད་པ་རྩ་བ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་མ་ལག་སློབ་སྦྱོང་གཏིང་ཟབ་བྱེད་པ་ལས་འགན་གཙོ་བོ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་སློབ་སྦྱོང་བྱེད་པ་གཙོ་གནད། མར་ཁེ་སི་རིང་ལུགས་ཀྱི་ལངས་ཕྱོགས་དང་ལྟ་བ། བྱེད་ཐབས་ཤེས་པ་དང་བཀོལ་སྤྱོད་ཐུབ་པ་དམིགས་ཡུལ་དུ་བཟུང་བ་བཅས་བྱེད་པ་དང་། “འདུ་ཤེས་བཞི”སྲ་བརྟན་བཏང་ནས། ཆབ་སྲིད་དང་བསམ་བློ། བྱ་སྤྱོད་བཅས་ཀྱི་ཐོག་ནས་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་དང་ནམ་ཡང་གཅིག་མཐུན་ཚད་མཐོ་རྒྱུན་འཁྱོངས་བྱེད་པ་དམིགས་ཡུལ་དུ་བཟུང་ནས། ལྟེ་བར་དམིགས་པ་དང་སྤྱི་ཁོག་ལ་ཞབས་ཞུ་བྱེད་པ་རྒྱུན་འཁྱོངས་དང་། ཤེས་མྱོང་གཅིག་སྡུད་དང་བསླབ་པ་བཀོལ་སྤྱོད་རྒྱུན་འཁྱོངས། གནད་དོན་གྱིས་ཁྲིད་སྟོན་དང་ཕན་འབྲས་གཙོ་བོ་བྱེད་པ་རྒྱུན་འཁྱོངས། སྒྲིག་སྲོལ་ལྟར་དོ་དམ་དང་སློབ་སྦྱོང་ནན་སྐྱོང་བྱེད་པ་རྒྱུན་འཁྱོངས་བཅས་བྱེད་དགོས།

ལེའུ་གཉིས་པ། སློབ་སྦྱོང་རྩ་འཛུགས།

དོན་ཚན་བཞི་པ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་ནི་ཁུལ་སྲིད་གཞུང་གི་མགོ་ཁྲིད་ཚན་པའི་ཁོངས་མིས་གྲུབ་པ་ཡིན་ལ། སློབ་སྦྱོང་ཞིབ་འཇུག་བྱེད་སྐབས། ཁུལ་སྲིད་གཞུང་གི་དྲུང་ཡིག་ཆེན་མོ་གཞོན་པ་ཚོགས་འདུར་ཟུར་ཞུགས་བྱེད་དགོས། དུས་མཉམ་དུ་ནང་དོན་དང་སློབ་སྦྱོང་གི་དགོས་མཁོར་གཞིགས་ནས་སྲིད་གཞུང་གི་འབྲེལ་ཡོད་ལས་དོན་སྡེ་ཁག་གི་འགན་འཁུར་པ་གཙོ་བོ་ཚོགས་འདུར་ཞུགས་པ་བཀོད་སྒྲིག་བྱས་ཆོག

དོན་ཚན་ལྔ་པ། ཁུལ་སྲིད་གཞུང་གི་ཏང་ཙུའུ་ཧྲུའུ་ཅི་ནི་ཁུལ་སྲིད་གཞུང་ཏང་ཙུའུ་ཡི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་གི་འགན་འཁུར་བ་དང་པོ་ཡིན་ལ། སློབ་སྦྱོང་གི་འཆར་གཞི་ལྟར་སློབ་སྦྱོང་གི་ནང་དོན་གཏན་ཁེལ་བྱེད་དགོས་པ་མ་ཟད། ཚོགས་མི་བསྡུ་བ་དང་སློབ་སྦྱོང་ལ་མགོ་འཛིན་བྱེད་དགོས། ཏང་ཙུའུ་ཧྲུའུ་ཅི་སློབ་སྦྱོང་ལ་ཞུགས་མི་ཐུབ་སྐབས། ཏང་ཙུའུ་ཧྲུའུ་ཅི་གཞོན་པས་ཚབ་བྱས་ནས་འགན་འཁྲི་འཁུར་དགོས། ཁོངས་མི་གཞན་དག་ཧུར་ཐག་གིས་སློབ་སྦྱོང་ལ་ཞུགས་དགོས་པ་དང་། རང་རྟོགས་སྒོས་ལྟེ་བའི་སློབ་སྦྱོང་ཚན་སྐོར་གྱི་སློབ་སྦྱོང་ལམ་ལུགས་བརྩི་སྲུང་བྱེད་དགོས་ཤིང་། འོས་འཚམ་གྱི་འགན་འཁྲི་འཁུར་དགོས།

དོན་ཚན་དྲུག་པ། ཁུལ་སྲིད་གཞུང་ཏང་ཙུའུ་ཡི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་གི་ནང་དོན་གཙོ་བོ་ནི།

（གཅིག）མར་ཁེ་སི་ལེ་ཉིན་རིང་ལུགས་དང་མའོ་ཙེ་ཏུང་གི་བསམ་བློ། ཏེང་ཞའོ་ཕིང་གི་གཞུང་ལུགས། “མཚོན་བྱེད་གསུམ”གྱི་གལ་ཆེའི་བསམ་བློ། ཚན་རིག་དང་མཐུན་པའི་འཕེལ་རྒྱས་ལྟ་བ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་དོན།

（གཉིས）ཏང་གི་སྒྲིག་ཡིག་དང་ཏང་གི་སྒྲིག་ཁྲིམས། ཏང་གི་རྨང་གཞི་ཤེས་བྱ།

（གསུམ）ཏང་གི་ལམ་ཕྱོགས་དང་ཁ་ཕྱོགས། སྲིད་ཇུས་དང་ཆོད་དོན།

 （བཞི）རྒྱལ་ཁབ་ཀྱི་ཁྲིམས་ལུགས་ཁྲིམས་སྲོལ་དང་ས་གནས་རང་བཞིན་གྱི་ཁྲིམས་སྲོལ།

（ལྔ）སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ།

（དྲུག）ཏང་གི་ལོ་རྒྱུས་དང་ཀྲུང་གོའི་ལོ་རྒྱུས། འཛམ་གླིང་ལོ་རྒྱུས། ཚན་རིག་དང་མཐུན་པའི་སྤྱི་ཚོགས་རིང་ལུགས་འཕེལ་རྒྱས་ཀྱི་ལོ་རྒྱུས།

（བདུན）ཀྲུང་དབྱང་དང་ཞིང་ཆེན་ཏང་ཨུ། ཁུལ་ཨུའི་འདུ་ཤེས་འཛིན་སྟངས་ཀྱི་ལས་དོན་ཐད་ཀྱི་གལ་ཆེའི་ཐག་གཅོད་བཀོད་སྒྲིག

（བརྒྱད）ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལས་དོན་སྐུལ་འདེད་དང་། འབྱོར་ཕྱུག་དང་དཔལ་ཡོན། འཆམ་མཐུན། མཛེས་སྡུག  བདེ་སྐྱིད་བཅས་ཀྱི་མཚོ་བྱང་འཛུགས་སྐྲུན་བྱེད་པར་དགོས་པའི་དཔལ་འབྱོར་དང་ཆབ་སྲིད། རིག་གནས། སྤྱི་ཚོགས། སྐྱེ་ཁམས། ཚན་རྩལ། རྒྱལ་སྲུང་། མི་རིགས། ཆོས་ལུགས་སོགས་ཐད་ཀྱི་ཤེས་བྱ།

（དགུ）བཅོས་སྒྱུར་འཕེལ་རྒྱས་ལག་ལེན་ཁྲོད་ཀྱི་གཙོ་གནད་དང་དཀའ་གནད། 

（བཅུ）ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་ཏང་ཨུ། ཁུལ་ཨུ་བཅས་ཀྱི་ཐག་གཅོད་བཀོད་སྒྲིག་གལ་ཆེན།

（བཅུ་གཅིག）ཏང་ཀྲུང་དབྱང་དང་ཞིང་ཆེན་ཏང་ཨུའི་བླང་བྱ་བཏོན་པའི་སློབ་སྦྱོང་གི་ནང་དོན་གལ་ཆེན་གཞན་དག

ལེའུ་བཞི་པ། སློབ་སྦྱོང་བྱེད་སྟངས།

དོན་ཚན་བརྒྱད་པ། ཁུལ་སྲིད་གཞུང་གི་ཏང་ཙུའུ་ཡི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མིས་སློབ་སྦྱོང་བྱེད་སྟངས་གསར་གཏོད་དང་སློབ་སྦྱོང་བྱེད་ཐབས་ལེགས་བཅོས། སློབ་སྦྱོང་ཐབས་ལམ་རྒྱ་སྐྱེད་བཅས་བྱེད་པ་དང་། ཕན་ནུས་ལྡན་པའི་སློབ་སྦྱོང་བྱེད་སྒོ་སྤེལ་ནས། སློབ་སྦྱོང་གི་ཕན་འབྲས་དོན་དངོས་སྒོས་ཇེ་མཐོར་གཏོང་དགོས།

（གཅིག）མཉམ་དུ་སློབ་སྦྱོང་དཔྱད་བསྡུར། མཉམ་དུ་སློབ་སྦྱོང་དང་ཞིབ་འཇུག་གྲོས་བསྡུར་བྱེད་པ་དེ་ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་གི་ལྟེ་བའི་ཚན་སྐོར་གྱི་རྣམ་པ་གཙོ་བོ་ཡིན་ཏེ། ལྟེ་བའི་ཚན་སྐོར་གྱི་ཁོངས་མིས་ཆེད་དོན་བརྗོད་བྱར་དམིགས་ནས་བྱ་བར་ཟུང་འབྲེལ་སྒོས་གཙོ་གནད་བསམ་ཚུལ་བརྗོད་པ་དང་། སློབ་སྦྱོང་གྲོས་བསྡུར་དང་བསམ་ཚུལ་བརྗེ་རེས་གཏིང་ཟབ་བྱེད་དགོས།

（གཉིས）མི་སྒེར་རང་སྦྱོང་། ཁུལ་སྲིད་གཞུང་གི་ཏང་ཙུའུ་ཡི་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མིས་མི་ཚེ་གང་བོར་སློབ་སྦྱོང་བྱེད་པའི་འདུ་ཤེས་བརྟན་པོར་བཙུགས་ནས། སློབ་སྦྱོང་བྱ་བ་ཅན་དང་བྱ་བ་སློབ་སྦྱོང་ཅན་རྒྱུན་འཁྱོངས་བྱེད་དགོས་ལ། གནས་བབ་འོས་འགན་གྱི་བླང་བྱ་ལྟར། བྱ་བའི་དགོས་མཁོ་དང་རང་གི་གནས་ཚུལ་ལ་ཟུང་འབྲེལ་སྒོས་སློབ་སྦྱོང་གི་འཆར་གཞི་བཟོ་བ་དང་། སློབ་སྦྱོང་གི་གཙོ་གནད་གཏན་ཁེལ་བྱས་ནས། སློབ་སྦྱོང་གི་རང་རྟོགས་རང་བཞིན་དང་རྒྱུན་ལྡན་རང་བཞིན། ལུགས་མཐུན་རང་བཞིན། ཕན་འབྲས་རང་བཞིན་བཅས་དོན་དངོས་སྒོས་ཇེ་མཐོར་གཏོང་དགོས་པ་མ་ཟད། སློབ་སྦྱོང་ཟིན་ཐོ་དང་སློབ་སྦྱོང་མྱོང་ཚོར་འབྲི་བ་སོགས་ཀྱི་བྱེད་ཐབས་སྤྱད་ནས་སློབ་སྦྱོང་གི་ཕན་འབྲས་སྲ་བརྟན་དུ་གཏོང་དགོས།

（གསུམ）ཆེད་དོན་ཞིབ་དཔྱོད། གཞུང་ལུགས་སློབ་སྦྱོང་དང་ཁུལ་ཡོངས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཁྲོད་ཀྱི་འབྲེལ་ཡོད་གཙོ་གནད་འགལ་བ་དང་འབུར་ཐོན་གནད་དོན་ལ་ཟུང་འབྲེལ་བྱས་ནས། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་དང་འཕེལ་རྒྱས་གཏོང་བ། སྔར་བས་འབྱོར་ཕྱུག་དང་དཔལ་ཡོན། འཆམ་མཐུན། མཛེས་སྡུག  བདེ་སྐྱིད་བཅས་ཡིན་པའི་མཚོ་བྱང་གསར་བ་འཛུགས་སྐྲུན་བྱེད་པ་དམིགས་སུ་བཟུང་སྟེ། སྐྱེ་ཁམས་སྲུང་སྐྱོབ་སྔོན་འགྲོ་བྱེད་པའི་འདུ་ཤེས་ཀྱིས“ཕྱོགས་ཡོངས་བཞིའི”འཐབ་ཇུས་བཀོད་སྒྲིག་དོ་མཉམ་སྒོས་སྐུལ་འདེད་དང་། “སྒྱུར་བཅོས་བཞིས”“ཏན་ཏན་ཏིག་ཏིག་བཞི”ཁྱོན་ཡོངས་ནས་ལག་བསྟར་བྱེད་པ། “སྔོན་འགྲོ་གཅིག་དང་སྤུས་ལེགས་གཉིས”ཀྱི་གལ་ཆེའི་བླང་བྱ་ཧུར་ཐག་གིས་སྐུལ་འདེད་གཏོང་བ་སོགས་གཙོ་གནད་དུ་བཟུང་ནས། གཞི་རིམ་དུ་སྐྱོད་ནས་བརྟག་དཔྱད་ཞིབ་འཇུག་གཏིང་ཟབ་སྤེལ་བ་དང་། གཞུང་ལུགས་བསམ་གཞིག་ཧུར་ཐག་སྤེལ་བ། ལག་ལེན་དང་ཉམས་མྱོང་ནན་ཏན་གྱིས་ཕྱོགས་སྡོམ་བྱས་ནས། གཞི་རིམ་གྱི་དཀའ་ཁག་དང་གནད་དོན་དོན་ངོ་མས་ཐག་གཅོད་པར་རོགས་བྱེད་དགོས་ལ། ལོ་རེར་ཉུང་མཐར་ཡང་ཞིབ་དཔྱོད་རྩོམ་ཡིག1འབྲི་དགོས།

（བཞི）ཆེད་དོན་རོགས་ཁྲིད་སྙན་ཞུ་ཚོགས་འདུ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་སློབ་སྦྱོང་ནི་ལྟེ་བའི་ཚན་སྐོར་གྱི་ཁོངས་མི་རང་ཉིད་ཀྱིས་སློབ་སྦྱོང་དང་རང་ཉིད་ཀྱིས་བཤད་པ་གཙོ་བོ་ཡིན་ཞིང་། ཀྲུང་དབྱང་དང་ཞིང་ཆེན་གྱི་སྲིད་ཇུས་བཀོད་སྒྲིག་གལ་ཆེན་ལ་དམིགས་པ་དང་། འོས་འཚམ་སྒོས་གོང་རིམ་མགོ་ཁྲིད་དང་ཆེད་མཁས་པ་གདན་འདྲེན་ཞུས་ནས་རོགས་ཁྲིད་སྙན་ཞུ་བྱེད་དུ་བཅུག་སྟེ། སྲིད་འཛིན་འདུ་ཤེས་དང་ཤེས་བྱ་གསར་བའི་སློབ་ཁྲིད་ཀྱིས་ཁྲིད་སྟོན་བྱེད་པ་འབུར་དུ་གཏོད་ནས། མཐོང་རྒྱ་སྔར་བས་ཇེ་ཆེར་དང་འདུ་ཤེས་གསར་བ་ཆགས་སུ་འཇུག་དགོས།

（ལྔ）ལྟ་སྐོར་རྟོག་ཞིབ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ཚན་སྐོར་གྱི་སློབ་སྦྱོང་དང་ལས་དོན་གལ་ཆེན་གྱི་ཡུལ་དངོས་ཚོགས་འདུ། ཕྱིར་སྐྱོད་རྟོག་ཞིབ་སློབ་སྦྱོང་། རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིར་ལྟ་སྐོར་བྱེད་པ་སོགས་ནུས་ལྡན་ཟུང་འབྲེལ་དང་། སྔོན་ཐོན་ས་ཁུལ་གྱི་འབྲེལ་ཡོད་ཁྱབ་ཁོངས་ཀྱི་ཉམས་མྱོང་བསྡུ་ལེན་དང་དེ་ལ་ཟུར་ལྟ་གང་ལེགས་བྱས་ནས། རྟོག་ཞིབ་སློབ་སྦྱོང་གི་སྙན་ཞུ་བྲིས་ཏེ། སློབ་སྦྱོང་གི་ཕན་འབྲས་དོན་ངོ་མས་ཇེ་མཐོར་གཏོང་དགོས།

（དྲུག）ལས་བྲལ་གསོ་སྦྱོང་། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མི་རྩ་འཛུགས་ཀྱི་བཀོད་སྒྲིག་བྱས་པའི་རིམ་པ་ཁག་དང་རིགས་ཁག་གི་ལས་བྲལ་གསོ་སྦྱོང་གི་སློབ་སྦྱོང་ལ་ཞུགས་དགོས་ལ། བླང་བྱ་ལྟར་སློབ་སྦྱོང་གི་ལས་འགན་འགྲུབ་དགོས།

（བདུན）ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མི་ཁུལ་ཨུའི་ལྟེ་བའི་ཚན་སྐོར་གྱི་སློབ་སྦྱོང་དང་སྙན་ཞུ་གྲོས་ཚོགས་སོགས་ཀྱི་སློབ་སྦྱོང་བྱེད་སྒོར་ཧུར་ཐག་གིས་ཞུགས་དགོས་པ་དང་། “སློབ་བརྩོན་རྒྱལ་སྟོབས”སོགས་དྲ་རྒྱའི་སློབ་སྦྱོང་ལས་སྟེགས་བེད་སྤྱོད་གང་ལེགས་སྒོས་སློབ་སྦྱོང་བྱས་ནས། འབྲེལ་གཏུག་བྱས་པའི་སྡེ་ཁག་དང་རྫོང་། ཡུལ་ཚོ། སྡེ་བ་བཅས་སུ་རང་རྟོགས་སྒོས་ཏང་གི་སློབ་ཁྲིད་བཤད་པ་སོགས་ཀྱི་བྱེད་སྒོ་སྤེལ་ཏེ། སློབ་སྦྱོང་གི་ཐབས་ལམ་རྒྱ་སྐྱེད་དང་སློབ་སྦྱོང་གི་ཕན་འབྲས་ཇེ་ཆེར་གཏོང་དགོས།

ལེའུ་ལྔ་པ། སློབ་སྦྱོང་གི་བླང་བྱ།

དོན་ཚན་དགུ་པ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱིས་ཁུལ་ཨུའི་གཅིག་གྱུར་གྱི་འཆར་གཞི་བཀོད་སྒྲིག་ལྟར། བྱ་བའི་དོན་དངོས་ལ་ཟུང་འབྲེལ་བྱས་ནས་ལོ་འཁོར་གྱི་སློབ་སྦྱོང་འཆར་གཞི་བཟོ་དགོས་ཤིང་། ལོ་འཁོར་གྱི་སློབ་སྦྱོང་འཆར་གཞི་དེ་ཁུལ་སྲིད་གཞུང་གི་ཏང་ཙུའུ་ཡིས་ཞིབ་བཤེར་གཏན་ཁེལ་བྱས་རྗེས་ལག་བསྟར་བྱེད་དགོས་པ་མ་ཟད། ཁུལ་ཨུར་སྙན་སེང་ཞུས་ནས་ཐོ་འགོད་བྱེད་དགོས།

དོན་ཚན་བཅུ་པ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མིས་སློབ་སྦྱོང་འཆར་གཞི་ལྟར་ནན་ཏན་སྒོས་སློབ་སྦྱོང་བྱེད་སྒོ་སྤེལ་དགོས་ཤིང་། སློབ་སྦྱོང་གི་དུས་ཚོད་དང་སློབ་སྦྱོང་གི་སྤུས་ཀར་ཁག་ཐེག་བྱེད་དགོས། ཐུན་མོང་གིས་སློབ་སྦྱོང་བྱེད་པའི་དུས་ཚོད་ནི་ཟླ་རེར་ཐེངས2ལས་མི་ཉུང་བ་དང་། དུས་ཚོད་འོས་འཚམ་ཡིན་དུས་སློབ་སྦྱོང་གི་དཔྱད་བསྡུར་སྤེལ་དགོས། སློབ་སྦྱོང་དཔྱད་བསྡུར་ནི་དཔལ་འབྱོར་སྤྱི་ཚོགས་འཕེལ་རྒྱས་ཁྲོད་ཀྱི་གནད་དོན་འབུར་ཐོན་ལ་ཟུང་འབྲེལ་བྱས་ནས་དཔྱད་བསྡུར་གྱི་བརྗོད་དོན་ཐག་གཅོད་བྱེད་དགོས་ལ། སློབ་སྦྱོང་གྲོས་བསྡུར་དང་བསམ་འཆར་བརྗེ་རེས་གཏིང་ཟབ་སྤེལ་ཏེ། དབྱེ་ཞིབ་སྒོས་རྒྱུ་རྐྱེན་འཚོལ་བ་དང་ཐག་གཅོད་བྱེད་ཐབས་གསལ་སྟོན་བྱས་ནས་བྱ་བ་ལག་ཏུ་བསྟར་བར་སྐུལ་འདེད་གཏོང་དགོས། ལས་ཞོར་དུས་ཚོད་ལེགས་པོར་སྤྱད་ནས་རང་སྦྱོང་དང་། བྱ་བའི་དགོས་མཁོར་གཞིགས་ནས་ཞིབ་འཇུག་ཀློག་འདོན་གྱི་དཔེ་ཆ་གཏན་ཁེལ་བྱེད་དགོས།

དོན་ཚན་བཅུ་གཅིག  ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱིས་སློབ་སྦྱོང་ཡིག་ཚགས་བཙུགས་ནས་ཆ་ཚང་དུ་གཏོང་དགོས་པ་དང་། སློབ་སྦྱོང་དྲུང་ཡིག་གིས་ཆེད་མི་བཀོད་སྒྲིག་བྱས་ནས་ཡིག་ཚགས་བསྡུ་སྒྲིག་དོ་དམ་བྱེད་དུ་འཇུག་དགོས་ལ། ནང་དོན་གཙོ་བོ་ནི་སློབ་སྦྱོང་གི་ལམ་ལུགས་དང་མི་སྣའི་མིང་ཐོ། སློབ་སྦྱོང་གི་འཆར་གཞི། སློབ་སྦྱོང་གི་ཡིག་ཆ། སློབ་སྦྱོང་གི་ཟིན་ཐོ། གཏམ་བཤད་རྒྱུ་ཆ། སློབ་སྦྱོང་གི་གྲུབ་འབྲས། སློབ་ཞུགས་ཟིན་ཐོ། དྲིལ་སྒྲོག་བརྡ་ཁྱབ་སོགས་ཡིན།

དོན་ཚན་བཅུ་གཉིས། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱིས་སྲིད་གཞུང་གི་དྲ་རྒྱ་དང་རྒྱང་སྒྲོག་བརྙན་འཕྲིན། གསར་འགྱུར་དུས་དེབ། སྐད་འཕྲིན་པོད་འཕྲིན་སོགས་ཀྱི་ལམ་ནས། དུས་ལྟར་རྒྱ་ཆེའི་ཏང་ཡོན་དང་ལས་བྱེད་པ། མང་ཚོགས་བཅས་ལ་སློབ་སྦྱོང་བྱས་པའི་གནས་ཚུལ་དང་གྲུབ་འབྲས་ཁྱབ་བསྒྲགས་བྱེད་དགོས།

དོན་ཚན་བཅུ་གསུམ། ཁུལ་སྲིད་གཞུང་གི་ཏང་ཙུའུ་གཞུང་ལུགས་སློབ་སྦྱོང་ལྟེ་བའི་ཚན་སྐོར་གྱི་ཁོངས་མིས་དམངས་གཙོ་འཚོ་བའི་གྲོས་ཚོགས་དང་ལོ་འཁོར་འགན་སྒྲུབ་སྙན་ཞུ་བྱེད་སྐབས་སློབ་སྦྱོང་གནས་ཚུལ་སྙན་སེང་ཞུ་དགོས་ལ། རྒྱ་ཆེའི་ལས་བྱེད་མང་ཚོགས་ཀྱི་ལྟ་སྐུལ་དང་གོང་རིམ་གྱི་ཞིབ་བཤེར་རང་འགུལ་ངང་དང་ལེན་བྱེད་དགོས།

ལེའུ་ལྔ་པ། སློབ་སྦྱོང་གི་བླང་བྱ།

དོན་ཚན་བཅུ་བཞི། ལམ་ལུགས་འདི་ཁུལ་སྲིད་གཞུང་གཞུང་ལས་ཁང་གིས་འགན་འཁུར་ནས་འགྲེལ་བཤད་བྱེད་དགོས།

དོན་ཚན་བཅོ་ལྔ། ལམ་ལུགས་འདི་དཔར་འགྲེམ་བྱས་པའི་ཉིན་ནས་ལག་བསྟར་བྱེད་དགོས།

ཀྲུང་གུང་མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་ཡི“གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐུན་མོང་ཐག་གཅོད་བྱེད་པའི་ལམ་ལུགས》

ལེའུ་དང་པོ། སྤྱིའི་རྩ་དོན།

དོན་ཚན་དང་པོ། ཁུལ་སྲིད་གཞུང་གི་ཏང་ཙུའུ་ཡི་མགོ་ཁྲིད་ཚན་པའི་ཐུན་མོང་མགོ་ཁྲིད་ཀྱི་བྱེད་ནུས་འདོན་སྤེལ་གང་ལེགས་བྱེད་པ་དང་། ཐག་གཅོད་གོ་རིམ་ཚད་ལྡན་དུ་གཏོང་བ། ཐག་གཅོད་ཉེན་ཁ་སྔོན་འགོག་བྱེད་པ། ཏང་ནང་ལྟ་སྐུལ་འཐུས་ཚང་དུ་བཏང་ནས། ཏང་ཙུའུ་ཐག་གཅོད་ཚན་རིག་ཅན་དང་དམངས་གཙོ་ཅན། ཚད་ལྡན་ཅན་བཅས་དོན་དངོས་ཀྱིས་སྐུལ་འདེད་བྱེད་ཆེད། 《ཀྲུང་གོ་གུང་ཁྲན་ཏང་གི་སྒྲིག་ཡིག》《ཀྲུང་གོ་གུང་ཁྲན་ཏང་གི་ཏང་ནང་ལྟ་སྐུལ་སྲོལ་ཡིག》《མཚོ་སྔོན་ཞིང་ཆེན་གྱིས<ཀྲུང་གོ་གུང་ཁྲན་ཏང་གི་ཏང་ཙུའུ་བྱ་བའི་སྲོལ་ཡིག（སད་བསྟར）>ཞིབ་སྲོལ》《མཚོ་བྱང་ཁུལ་མི་དམངས་སྲིད་གཞུང་གི་ཏང་ཙུའུ་བྱ་བའི་སྒྲིག་སྲོལ》སོགས་འབྲེལ་ཡོད་གཏན་འབེབས་དང་བླང་བྱར་གཞིགས་ནས། ཁུལ་སྲིད་གཞུང་གི་དོན་དངོས་ལ་ཟུང་འབྲེལ་སྒོས་ལམ་ལུགས་འདི་གཏན་ཁེལ་བྱས་པ་ཡིན། 

དོན་ཚན་གཉིས་པ། “གལ་ཆེན་བཞི་དང་འབོར་ཆེན་གཅིག”གི་ཐུན་མོང་ཐག་གཅོད་ཀྱི་དོན་ཚན་ཞེས་པ་ནི་དོན་ཚན་གཙོ་ཆེ་ཐག་གཅོད་དང་། ལས་བྱེད་གལ་ཆེན་ བསྐོ་འཐེན། རྣམ་གྲངས་གཙོ་བོ་བཀོད་སྒྲིག  དོན་རྐྱེན་ཚབས་ཆེན་ཐག་གཅོད་བཅས་དང་མ་དངུལ་འབོར་ཆེན་གྱི་བཀོད་སྒྲིག་བེད་སྤྱོད་ལ་ཟེར།（གཤམ་དུ“གལ་ཆེན་བཞི་དང་འབོར་ཆེན་གཅིག”ཅེས་བསྡུས་ཡོད）

དོན་ཚན་གསུམ་པ། “གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐུན་མོང་ཐག་གཅོད་ལ་གཤམ་གྱི་རྩ་དོན་བརྩི་སྲུང་བྱེད་དགོས།

（གཅིག）ཁྲིམས་ལྟར་ཐག་གཅོད་བྱེད་པ་རྒྱུན་འཁྱོངས། རྒྱལ་ཁབ་ཀྱི་ཁྲིམས་ལུགས་ཁྲིམས་སྲོལ་དང་ཏང་གི་སྒྲིག་སྲོལ་ལམ་ལུགས། ཡང་ན་ཁུལ་སྲིད་གཞུང་གི་འབྲེལ་ཡོད་གཏན་ཁེལ་བཅས་བརྩི་སྲུང་བྱེད་པ་རྒྱུན་འཁྱོངས་བྱས་ནས། “གལ་ཆེན་བཞི་དང་འབོར་ཆེན་གཅིག”གི་ཐུན་མོང་ཐག་གཅོད་དེ་ཆད་གཅོད་དང་རུལ་སུངས་སྔོན་འགོག་མ་ལག་འཛུགས་པའི་གྲུབ་ཆ་གལ་ཆེན་དུ་བརྩི་བ་དང་། ཐག་གཅོད་གལ་ཆེན་ཀྱི་སྲིད་གཙང་ཉེན་ཁའི་ཕྱོགས་གནས་ཡོངས་དང་གཏིང་ཟབ་རིམ་པ། བྱ་རིམ་ཁག་བཅས་ཀྱི་སྔོན་འགོག་དང་ལྟ་སྐུལ་ལ་དོན་དངོས་སྒོས་ཤུགས་བསྣན་ཏེ། རིགས་སོ་སོའི་ཐག་གཅོད་དེ་སྒྲིག་ཁྲིམས་དང་མཐུན་པ་ཁག་ཐེག་བྱེད་དགོས།

（གཉིས）ཚན་རིག་དང་མཐུན་པའི་ཐག་གཅོད་རྒྱུན་འཁྱོངས། ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བྱེད་པ་རྒྱུན་འཁྱོངས་བྱས་ཏེ། ཡོད་ཚད་དོན་དངོས་ནས་མགོ་རྩོམ་པ་གཙིགས་སུ་བཟུང་བ་དང་། ཚན་རིག་དང་མཐུན་པའི་བྱེད་ཐབས་བཀོལ་སྤྱོད་བྱེད་པ། ཇུས་གཅོད་འཆར་གཞི་ཆེས་བཟང་ཤོས་དེ་གདམས་ནས། ཐག་གཅོད་ཉེན་ཁ་སྔོན་འགོག་ནུས་ལྡན་དང་། ཐག་གཅོད་དོན་དངོས་དང་མཐུན་པ་ཁག་ཐེག  དཔལ་འབྱོར་སྤྱི་ཚོགས་ཀྱི་འཕེལ་རྒྱས་ཆོས་ཉིད་ལ་མཐུན་པ་བཅས་བྱེད་དགོས།

（གསུམ）དམངས་གཙོས་ཐག་གཅོད་རྒྱུན་འཁྱོངས། དམངས་གཙོ་གཅིག་བསྡུས་ཀྱི་ལམ་ལུགས་ལག་བསྟར་བྱེད་པ་རྒྱུན་འཁྱོངས་དང་། ཐུན་མོང་མགོ་ཁྲིད་དང་ལས་བགོས་འགན་འཁུར་ཟུང་འབྲེལ་བྱ་བའི་བྱེད་ཐབས་སྤྱད་དེ། “ཐུན་མོང་མགོ་ཁྲིད་དང་དམངས་གཙོ་གཅིག་བསྡུས། ཁ་ཤས་ནང་གྲོས། ཚོགས་འདུས་ཐག་གཅོད”བཅས་ཀྱི་གྲོས་དོན་སྒྲིག་སྲོལ་ལྟར། ཏང་གི་དམངས་གཙོ་འདོན་སྤེལ་གང་ལེགས་དང་དབང་ཆ་ཡང་དག་སྒོས་བཀོལ་བ་ཁག་ཐེག  ཏང་གི་ལམ་ཕྱོགས་སྲིད་ཇུས་དང་གྲོས་ཆོད། ཐག་གཅོད་ཁྱོན་ཡོངས་ནས་ཡང་དག་སྒོས་ལག་བསྟར་དོན་འཁྱོལ་བྱེད་པར་ཁག་ཐེག་བྱ་དགོས།

（བཞི）ཚད་ལྡན་ཇུས་གཅོད་རྒྱུན་འཁྱོངས། ཚན་རིག་དང་མཐུན་པའི་དམངས་གཙོའི་རྨང་གཞིའི་སྟེང་ཁྲིམས་མཐུན་གོ་རིམ་རྒྱུན་འཁྱོངས་བྱེད་པ་དང་། ནང་ཁུལ་ཐག་གཅོད་ཀྱི་རྩ་དོན་འཐུས་ཚང་དུ་གཏོང་བ། ཁྱད་པར་དུ་ཏང་ཙུའུ་ཚན་པ་དང་ཁོངས་མིས་དོན་གྲོས་སྒྲིག་སྲོལ་དང་། རང་རང་གི་འགན་འཁྲི་དང་དབང་ཚད་ལྟར་ཇུས་གཅོད་བྱེད་དགོས་ཤིང་། ཡུན་རིང་ཕྱིར་འགྱངས་བྱས་ནས་གྲོས་བསྡུར་མི་བྱེད་པ་དང་ཡུན་རིང་གྲོས་ཐག་གཅོད་མི་ཐུབ་པ་སྔོན་འགོག་བྱེད་པ་རྒྱུན་འཁྱོངས་བྱས་ཏེ། ཇུས་གཅོད་ཕན་ནུས་དང་ཆུ་ཚད་རྒྱུན་མཐུད་ངང་ཇེ་མཐོར་གཏོང་དགོས།

ལེའུ་གཉིས་པ། ཇུས་གཅོད་དོན་ཚན་གྱི་ཁྱབ་ཁོངས།

དོན་ཚན་བཞི་པ། གལ་ཆེའི་དོན་ཚན་གྱི་ཇུས་གཅོད་ཁྱབ་ཁོངས་ནི།

（གཅིག）ཁུལ་སྲིད་གཞུང་མ་ལག་གིས་ཏང་གི་ལམ་ཕྱོགས་སྲིད་ཇུས་དང་ཏང་གི་ཁྲིམས་སྲོལ་གལ་ཆེན། རྒྱལ་ཁབ་ཀྱི་ཁྲིམས་ལུགས་ཁྲིམས་སྲོལ་ལག་བསྟར་དོན་འཁྱོལ་དང་། གོང་རིམ་རྩ་འཛུགས་ཀྱི་ཐག་གཅོད་གལ་ཆེན་དང་བཀོད་སྒྲིག་གལ་ཆེན། ཚོགས་འདུ་གལ་ཆེན། མཛུབ་སྟོན་གལ་ཆེན་གྱི་དགོངས་དོན་སོགས་ཕྱོགས་ཀྱི་དོན་ཚན་གལ་ཆེན་ཞིབ་འཇུག་ཐག་གཅོད་བྱེད་པ། ཞིང་ཆེན་དང་ཁུལ་གྱི་ཏང་གི་འཐུས་མི་ཚོགས་ཆེན་དང་མི་དམངས་འཐུས་མི་ཚོགས་ཆེན་གྱི་གྲོས་ཆོད་དང་ཐག་གཅོད་ལག་བསྟར་བྱེད་པ། ལས་དོན་གལ་ཆེན་གྱི་ལས་འགན་དང་ཞིབ་ཕྲའི་བྱེད་ཐབས་བཀོད་སྒྲིག་བྱེད་པ།

（གཉིས）ཁུལ་སྲིད་གཞུང་མ་ལག་གི་ཏང་གི་འཛུགས་སྐྱོང་དང་དཔལ་འབྱོར་འཛུགས་སྐྲུན། ཆབ་སྲིད་འཛུགས་སྐྲུན། སྤྱི་ཚོགས་འཛུགས་སྐྲུན། རིག་གནས་འཛུགས་སྐྲུན། སྐྱེ་ཁམས་དཔལ་ཡོན་འཛུགས་སྐྲུན་སོགས་ཕྱོགས་ཀྱི་ཐུན་མོང་ཐག་གཅོད་བྱེད་དགོས་པའི་དོན་ཚལ་གལ་ཆེན་ལ་ཞིབ་འཇུག་བྱེད་པ།

（གསུམ）ཁུལ་སྲིད་གཞུང་གི་ལས་དོན་གལ་ཆེན་གྱི་བཀོད་སྒྲིག་དང་མ་ལག་གི་འཕེལ་རྒྱས་འཆར་གཞི། ལོ་འཁོར་གྱི་བྱ་བའི་འཆར་གཞི་དང་གཙོ་གནད། ཕྱོགས་སྡོམ་སོགས་ལ་ཞིབ་འཇུག་བྱེད་པ།

1.ཁུལ་ཡོངས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་སྲིད་ཇུས་གལ་ཆེན་གྱི་བྱེད་ཐབས་དང་བྱ་བའི་བཀོད་སྒྲིག  རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཐབ་ཇུས་དམིགས་འབེན་དང་། དུས་དཀྱིལ་དང་རྒྱུན་རིང་གི་འཆར་འགོད། ལོ་འཁོར་གྱི་འཆར་གཞི་དང་བྱ་བའི་གཙོ་གནད།

2.རིགས་སྣ་ཚོགས་ཀྱི་སྤྱི་ཁྱབ་འཆར་འགོད་དང་མངའ་ཁོངས་འཆར་འགོད། ཆེད་དོན་འཆར་འགོད། ཚོད་འཛིན་རང་བཞིན་གྱི་ཞིབ་སྲོལ། ས་ཁུལ་གཙོ་གནད་ཀྱི་འཛུགས་སྐྲུན་རང་བཞིན་གྱི་ཞིབ་ཕྲའི་འཆར་འགོད་སོགས།

3.དཔལ་འབྱོར་སྒྲིག་སྲོལ་སྒྱུར་བཅོས་དང་ལས་ཁུངས་སྒྱུར་བཅོས་སོགས་སྤྱི་ཁོག་ལ་འབྲེལ་བའི་བཅོས་སྒྱུར་འཆར་གཞི་དང་སྲིད་ཇུས།

4.ཚོང་འགུག་དངུལ་བསྡུ་དང་ཁ་གཏད་རོགས་སྐྱོར། དཔལ་འབྱོར་རིག་གནས་བརྗེ་རེས་བཅས་ཁྲོད་ཀྱི་དོན་ཚན་གལ་ཆེན།

5.གྲོང་ཁྱེར་གྱི་འཛུགས་སྐྲུན་རྣམ་གྲངས་གལ་ཆེན་དང་། དམངས་འཚོའི་དངོས་དོན་གལ་ཆེན་གྱི་ཐག་གཅོད་དང་ལག་བསྟར།

6.འདུ་ཤེས་འཛིན་སྟངས་དང་བསམ་པའི་དཔལ་ཡོན་འཛུགས་སྐྲུན། ད་དུང་སློབ་གསོ་དང་ཚན་རྩལ། རིག་གནས། ལུས་རྩལ། སྨན་བཅོས་འཕྲོད་བསྟེན་སོགས་སྤྱི་ཚོགས་ལས་དོན་འཕེལ་རྒྱས་ཁྲོད་ཀྱི་དོན་ཚན་གལ་ཆེན།

7.ཐོན་ཁུངས་གསར་སྤེལ་དང་ཁོར་ཡུག་སྲུང་སྐྱོང་། དབུལ་ཐར་འགག་སྒྲོལ། ངལ་རྩོལ་ལས་ཞུགས། སྤྱི་ཚོགས་འགན་སྲུང་། སྤྱི་ཚོགས་རོགས་སྐྱོབ། རྒན་གསོ་ཞབས་ཞུ། བདེ་འཇགས་ཐོན་སྐྱེད་སོགས་རྒྱ་ཆེའི་མང་ཚོགས་ཀྱི་ཁེ་ཕན་དང་འབྲེལ་བའི་གནད་དོན་གལ་ཆེན།

8.འགན་འཁྲིའི་ཁྱབ་ཁོངས་ནང་གི་རྒྱལ་དབང་མ་རྩའི་ནོར་དབང་སྒྱུར་བ་དང་ཁོངས་གཏོགས་བྱ་གཞག་ལས་ཁུངས་ཀྱི་བཅོས་སྒྱུར་འཆར་གཞི་སོགས།

9.ཁུལ་སྲིད་གཞུང་གིས་འགན་འཁུར་བའི་ལས་དོན་གལ་ཆེན་གྱི་གོང་འཕེལ་གནས་ཚུལ།

（བཞི）ཁུལ་སྲིད་གཞུང་གི་ཏང་ཙུའུ་དང་ཁུལ་སྲིད་གཞུང་གི་མིང་ཐོག་ནས་ཁྱབ་བསྒྲགས་བྱེད་དགོས་པའི་ཁྱོན་ཡོངས་ཀྱི་བྱ་བར་འབྲེལ་བའི་སྲིད་ཇུས་རང་བཞིན་གྱི་ཡིག་ཆ་དང་། ལས་དོན་གལ་ཆེན་གྱི་བཀོད་སྒྲིག  ཁུལ་སྲིད་གཞུང་གི་ཏང་ཙུའུ་དང་ཁུལ་སྲིད་གཞུང་གི་མིང་ཐོག་ནས་གོང་རིམ་ལ་སྙན་སེང་ཞུ་བ་དང་འོག་རིམ་ལ་ཁྱབ་བསྒྲགས་བྱེད་དགོས་པའི་དོན་ཚན་གལ་ཆེན་ཞིབ་འཇུག་བྱེད་པ།

（ལྔ）ཁུལ་སྲིད་གཞུང་གི་ཏང་ཙུའུ་ཚན་པའི་རང་ངོས་འཛུགས་སྐྱོང་ཕྱོགས་ཀྱི་དོན་ཚན་གལ་ཆེན་ལ་ཞིབ་འཇུག་བྱེད་པ།

1.ཁུལ་སྲིད་གཞུང་ཏང་ཙུའུ་ཡི་རིགས་སྣ་ཚོགས་ཀྱི་སྒྲིག་སྲོལ་ལམ་ལུགས་འཛུགས་པ་དང་བཟོ་བཅོས། མེད་པར་བཟོ་བ།

2.ཡིག་སྐུར་ངོ་བཅར་གལ་ཆེན་གྱི་ཐག་གཅོད་དང་། དམངས་ཆེན་འཐུས་མིའི་གྲོས་འཆར་དང་སྲིད་གྲོས་ཨུ་ཡོན་གྱི་གྲོས་གཞིའི་ལས་སྒྲུབ་ལན་འདེབས།

3.ཁུལ་སྲིད་གཞུང་མ་ལག་གི་ཏང་གི་འཛུགས་སྐྱོང་དང་ཏང་སྲོལ་སྲིད་གཙང་འཛུགས་སྐྲུན། རུལ་སུངས་འགོག་རྒོལ་ལས་དོན་ཁྲོད་ཀྱི་གནད་དོན་གལ་ཆེན།

4.ཁུལ་སྲིད་གཞུང་གི་ཁོངས་གཏོགས་སྡེ་ཁག་གིས་ཁུལ་སྲིད་གཞུང་ལ་བྱ་བ་གལ་ཆེན་ཡར་ཞུ་དང་དོན་ཚན་གལ་ཆེན་དགོངས་ཞུ་བྱེད་པ།

5.ཞིབ་འཇུག་བྱེད་དགོས་པའི་དོན་ཚན་གལ་ཆེན་གཞན་དག

དོན་ཚན་ལྔ་པ། གལ་ཆེའི་ལས་བྱེད་པའི་བསྐོ་འཐེན་ཁྱབ་ཁོངས་ནི།

（གཅིག）ཁུལ་སྲིད་གཞུང་གི་མགོ་ཁྲིད་ཚན་པའི་ཁོངས་མིའི་ལས་བགོས་ཞིབ་འཇུག་དང་འབྲེལ་ཡོད་དོན་ཚན་ལེགས་སྒྲིག་བྱེད་པ།

（གཉིས）ཁུལ་སྲིད་གཞུང་གི་འགན་ནུས་ལས་ཁུངས（རིམ་པ་གཉིས་པའི་ལས་ཁུངས་འདུས）ཀྱི་འགན་ནུས་སྒྲིག་སྦྱོར་དང་ལེགས་སྒྲིག་སོགས་ཕྱོགས་ཀྱི་གནད་དོན་གལ་ཆེན།

（གསུམ）ཁུལ་སྲིད་གཞུང་གི་འཇོན་ཐང་མི་སྣའི་དཔུང་ཁག་འཛུགས་སྐྲུན་དང་ལས་བྱེད་པའི་མི་དོན་ལམ་ལུགས་བཅོས་སྒྱུར་ཁྲོད་ཀྱི་གནད་དོན་གལ་ཆེན།

（བཞི）ལས་བྱེད་དོ་དམ་གྱི་དབང་ཚད་ལྟར། ལས་བྱེད་ཀྱི་ངོ་སྤྲོད་དང་མིང་འདོན། བསྐོ་བཞག་དང་སློབ་གསོ། དོ་དམ། ལྟ་སྐུལ་བཅས་ལ་ཞིབ་འཇུག་བྱེད་པ། ལས་བྱེད་པའི་གཟེངས་བསྟོད་དང་བྱ་དགའ། ཆད་གཅོད་སོགས་ཀྱི་དོན་ཚན་གལ་ཆེན་ལ་ཞིབ་འཇུག་བྱེད་པ། རིགས་སོ་སོའི་སྔོན་ཐོན་དཔྱད་འདེམ་དང་གོང་རིམ་གྱི་འབྲེལ་ཡོད་བྱ་དགའ་དང་ཆད་གཅོད་ཀྱི་དོན་ཚན་ཡར་ཞུ་དང་། རིམ་པ་དེའི་གཟི་བརྗིད་མཚན་སྙན་གནང་བ་དང་བྱ་དགའ་ཆད་གཅོད་ཀྱི་དོན་ཚན།

（ལྔ）ཁུལ་སྲིད་གཞུང་མ་ལག་གི་ལས་གནས་གལ་ཆེན་གྱི་མི་དོན་བཀོད་སྒྲིག་དང་། མི་སྣ་གདན་ཞུ་དང་ལས་སྤོར་སོགས་ཀྱི་དོན་ཚན་ལ་ཞིབ་འཇུག་བྱེད་པ།

（དྲུག）ཐུན་མོང་སྒོས་ཐག་གཅོད་བྱེད་དགོས་པའི་མི་དོན་བསྐོ་འཐེན་གྱི་དོན་ཚན་གཞན་དག

དོན་ཚན་དྲུག་པ། རྣམ་གྲངས་གལ་ཆེན་གྱི་བཀོད་སྒྲིག་ཁྱབས་ཁོངས།

（གཅིག）རྣམ་གྲངས་འཛུགས་སྐྲུན་གལ་ཆེན་གྱི་བཀོད་སྒྲིག་ནི། ལས་གཞི་གལ་ཆེན་དང་ཐོན་ཁུངས་བཀོད་སྒྲིག  ཁ་གཏད་རོགས་སྐྱོར་གྱི་རྣམ་གྲངས། ས་ཞིང་འབོར་ཆེན་གྱི་སྡུད་སྤྱོད་རྣམ་གྲངས་སོགས་ཡིན།

（གཉིས）དངུལ་འཇོག་རྣམ་གྲངས་གལ་ཆེན་གྱི་བཀོད་སྒྲིག་ནི། ནོར་སྲིད་མ་དངུལ་དང་དངུལ་སྡུད་མ་འཇོག་གི་རྣམ་གྲངས་གལ་ཆེན་དང་། རྒྱལ་དབང་མ་རྩ་དེ་རྒྱལ་ཁབ་ཕྱི་ནང་གི་མ་རྩ་མཉམ་འཇོག་དང་མཉམ་འབྲེལ་ནང་ཞུགས་ཡོད་པའི་རྣམ་གྲངས་གལ་ཆེན་སོགས་ཡིན།

1.སྲིད་ཇུས་རང་བཞིན་གྱི་དངུལ་གཏོང་སྒོར་བྱེ་བ5ཡན་གྱི་རྣམ་གྲངས།

2.ཁུལ་རིམ་པའི་ནོར་སྲིད་ཀྱིས་ཐད་ཀར་དངུལ་གཏོང་དང་ཡང་ན་ཆ་སྒྲིག་སྒོར་ས་ཡ1ཡན་གྱི་རྣམ་གྲངས།

3.ཁུལ་སྲིད་གཞུང་གིས་སྒོར་བྱེ་བ5ཡན་གྱི་རང་ལ་དབང་བའི་མ་དངུལ་བཏང་ནས་དངུལ་སྡུད་འཛུགས་སྐྲུན་བྱེད་པའི་རྣམ་གྲངས།

4.ཚོང་འགུག་དངུལ་འདྲེན་གྱི་སྤྱིའི་མ་དངུལ་སྒོར་དུང་ཕྱུར1ཡན་གྱི་རྣམ་གྲངས།

（གསུམ）དམངས་འཚོའི་སྤྱི་ཚོགས་ལས་དོན་གྱི་རྣམ་གྲངས་ནི། གཙོ་བོ་དམངས་འཚོའི་སྡོད་ཁང་དང་རོགས་སྐྱོབ། སློབ་གསོ། འཕྲོད་བསྟེན། རིག་གནས་ལུས་རྩལ། སྤྱི་ཚོགས་འགན་སྲུང་། དབུལ་ཐར་འགག་སྒྲོལ། གྲོང་གསེབ་དར་སྤེལ། རྨང་གཞིའི་སྒྲིག་བཀོད་གལ་ཆེན་འཛུགས་སྐྲུན་སོགས་ཕྱོགས་ཀྱི་རྣམ་གྲངས་གལ་ཆེན་ཡིན།

（བཞི）ཁུལ་སྲིད་གཞུང་གིས་ཐག་གཅོད་བྱེད་དགོས་པའི་རྣམ་གྲངས་གལ་ཆེན་གྱི་བཀོད་སྒྲིག་གཞན་དག

དོན་ཚན་བདུན་པ། དོན་རྐྱེན་ཚབས་ཆེན་གྱི་ཐག་གཅོད་ཁྱབ་ཁོངས་ནི།

（གཅིག）ཁུལ་ཡོངས་ཀྱི་མངའ་ཁོངས་ནང་བྱུང་བའི་སྤྱི་ཚོགས་ལ་གནོད་འཚེ་ཚབས་ཆེན་ཐེབས་དང་ཐེབས་སྲིད་པའི་ཚོགས་སྐོར་རང་བཞིན་གྱི་དོན་རྐྱེན་ཚབས་ཆེན་གྱི་ཐག་གཅོད།

（གཉིས）སྤྱི་ཚོགས་བརྟན་བརླིང་གི་དོན་རྐྱེན་ཚབས་ཆེན་གྱི་འཚུབ་བསྟུན་ཐག་གཅོད།

（གསུམ）འགལ་བ་རྩོད་གཞི་ཚབས་ཆེན་གྱི་སྙོམས་སྒྲིག་ཐག་གཅོད་དང་འགལ་སེལ།

（བཞི）སྤྱི་པའི་འཕྲོད་བསྟེན་དང་རང་བྱུང་གནོད་འཚེ། བདེ་འཇགས་ཐོན་སྐྱེད། དྲ་རྒྱའི་གཏམ་གླེང་སོགས་སྤྱི་ཚོགས་བདེ་འཇགས་དོན་རྐྱེན་དང་ཐོལ་བྱུང་དོན་རྐྱེན་ཚབས་ཆེན་གྱི་འཚུབ་བསྟུན་ཐག་གཅོད།

（ལྔ）སྤྱི་ཚོགས་བདེ་འཇགས་བཅོས་སྐྱོང་གི་དོན་རྐྱེན་ཚབས་ཆེན་དང་ཁྲིམས་འགལ་ནག་ཉེས་བཟོས་པའི་གྱོད་གཞི་ཚབས་ཆེན་སོགས་ཀྱི་ཐག་གཅོད།

དོན་ཚན་བརྒྱད་པ། མ་དངུལ་འབོར་ཆེན་གྱི་བཀོད་སྒྲིག་བེད་སྤྱོད་ཀྱི་ཁྱབ་ཁོངས་ནི།

（གཅིག）ཁུལ་ཡོངས་ཀྱི་ལོ་འཁོར་ནོར་སྲིད་སྔོན་རྩིས་སྒྲིག་བཟོ་དང་གྲངས་འབོར་ཆེ་བའི་སྔོན་རྩིས་ཀྱི་ལེགས་སྒྲིག་འཆར་གཞི།

（གཉིས）ཐེངས་གཅིག་གི་སྤྱི་པའི་རང་བཞིན་གྱི་ཆེད་དོན་འགྲོ་སྒོ་སྒོར་ས་ཡ1ཡན་གྱི་བཀོད་སྒྲིག་འཆར་གཞི།

（གསུམ）རྒྱལ་དབང་མ་རྩ་འབོར་ཆེན་གྱི་ཐག་གཅོད་དང་ཉོ་སྒྲུབ་འཆར་གཞི།

（བཞི）བུན་འཛིན་གསར་སྣོན་གྱི་རེ་ཞུ་དང་བཀོལ་སྤྱོད་ཀྱི་བཀོད་སྒྲིག་འཆར་གཞི།

（ལྔ）ཁ་གཏད་རོགས་སྐྱོབ་ཀྱི་མ་དངུལ་བཀོད་སྒྲིག་གི་འཆར་གཞི།

（དྲུག）ཐུན་མོང་སྒོས་ཐག་གཅོད་བྱེད་དགོས་པའི་མ་དངུལ་འབོར་ཆེན་གྱི་བཀོད་སྒྲིག་འཆར་གཞི་གཞན་དག

ལེའུ་གསུམ་པ། ཇུས་གཅོད་གོ་རིམ།

དོན་ཚན་དགུ་པ། ཁུལ་སྲིད་གཞུང་གིས“གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐུན་མོང་སྒོས་ཞིབ་འཇུག་ཐག་གཅོད་བྱེད་པར། ཞིབ་ཕྲའི་ནང་དོན་དང་གནས་ཚུལ་ལ་གཞིགས་ནས། གྲོས་བསྡུར་ཐག་གཅོད་ཀྱི་བྱེད་སྟངས་འདེམས་དགོས་ལ། ཁུལ་སྲིད་གཞུང་གི་ཏང་ཙུའུ་གྲོས་ཚོགས་དང་ཁུལ་སྲིད་གཞུང་གི་ཚང་འཛོམས་གྲོས་ཚོགས། ཁུལ་སྲིད་གཞུང་གི་རྒྱུན་ལས་གྲོས་ཚོགས། ཁུལ་སྲིད་གཞུང་གི་ཆེད་དོན་གྲོས་ཚོགས་སོགས་འཚོགས་པ་བརྒྱུད། འབྲེལ་ཡོད་གོ་རིམ་ལྟར་གཟབ་ནན་གྱིས་སྒྲུབ་དགོས།

དོན་ཚན་བཅུ་པ། “གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐག་གཅོད་མ་བྱས་གོང་ལ། ཁྱབ་ཆེ་ཞིང་གཏིང་ཟབ་པའི་རྟོག་དཔྱོད་ཞིབ་འཇུག་བྱེད་དགོས་ཤིང་། ཕྱོགས་སོ་སོའི་བསམ་འཆར་གྲོས་གཞི་བསྡུ་ལེན་གང་ལེགས་བྱས་ནས། གྲོས་མཐུན་མི་ཡོང་བའི་བསམ་འཆར་གྱི་གྲོས་དོན་དེ་རྒྱུན་ལྡན་ལྟར་ན་གྲོས་ཚོགས་སུ་གྲོས་བསྡུར་བྱེད་པ་མིན། ཁུལ་སྲིད་གཞུང་གི་ཐུན་མོང་སྒོས་ཞིབ་འཇུག་ཐག་གཅོད་བྱེད་པར་དགོངས་ཞུ་བྱས་པའི“གལ་ཆེན་བཞི་དང་འབོར་ཆེན་གཅིག”གི་དོན་ཚན་གྱི་གྲོས་བྱང་ནི། ངེས་པར་དུ་འགན་འཁུར་མགོ་ཁྲིད་ཀྱིས་མོས་འཐད་བྱུང་རྗེས། མགོ་ཁྲིད་གཙོ་བོར་སྙན་སེང་ཞུས་ནས་གཏན་ཁེལ་བྱེད་དགོས། ཐོལ་བྱུང་དོན་རྐྱེན་ཚབས་ཆེན་དང་བྲེལ་འཚུབ་གནས་ཚུལ་བྱུང་ན་མ་གཏོགས། གྲོས་ཚོགས་སུ་གནས་སྐབས་ཀྱི་བསམ་འཆར་བཏོན་མི་ཆོག་ལ། བརྒྱུད་ལྟ་དང་ལྷན་འགོད་ཡང་ན་ཁ་ཤས་ལ་བསམ་འཆར་བསྡུ་ལེན་བྱེད་པ་སོགས་ཀྱི་བྱེད་སྟབས་སྤྱད་ནས་ཐུན་མོང་ཐག་གཅོད་ཀྱི་ཚབ་བྱས་མི་ཆོག

དོན་ཚན་བཅུ་གཅིག  ཁུལ་སྲིད་གཞུང་གིས“གལ་ཆེན་བཞི་དང་འབོར་ཆེན་གཅིག”གི་དོན་ཚན་ཞིབ་འཇུག་གྲོས་བསྡུར་བྱེད་པར། ངེས་པར་དུ་གསུམ་ཆའི་གཉིས་ཡན་གྱི་མགོ་ཁྲིད་ཚན་པ་ཞུགས་དགོས། འགན་འཁུར་པ་གཙོ་བོའམ་ཡང་ན་ཚོགས་འདུར་མགོ་འཛིན་བྱེད་པའི་འགན་འཁུར་པ་གཞན་པས། ཁོངས་མི་སོ་སོས་བསམ་འཆར་བཏོན་ཚར་བའི་རྨང་གཞིའི་སྟེང་མཇུག་མཐར་གནས་ཚུལ་སྤྱི་སྡོམ་བྱས་ནས་གཅིག་སྡུད་ཀྱི་བསམ་འཆར་འདོན་དགོས། གྲོས་བསྡུར་ཁྲོད་དུ་བསམ་འཆར་མི་མཐུན་པ་མང་བ་དང་ཡང་ན་གནད་དོན་གལ་ཆེན་གསལ་བོ་མིན་ཚེ། བྲེལ་འཚུབ་གནས་ཚུལ་གྱི་འོག་ཏུ་མང་ཁ་ཉུང་ལེན་གྱི་སྒོ་ནས་ལག་བསྟར་བྱེད་པ་ལས། རེ་ཞིག་ཕྱིར་འགྱངས་བྱས་ནས་ཐག་གཅོད་དགོས་ལ། རྟག་དཔྱོད་ཞིབ་འཇུག་གསལ་བོ་བྱས་རྗེས་ཐག་གཅོད་དགོས།

དོན་ཚན་བཅུ་གཉིས། དོན་ཚན་ཐག་གཅོད་མ་བྱས་སྔོན་དུ། “གལ་ཆེན་བཞི་དང་འབོར་ཆེན་གཅིག”གི་གྲོས་བྱང་གི་ནང་དོན་ལྟར། གནས་ཚུལ་ལ་གཞིགས་ནས་ཁུལ་དམངས་ཆེན་རྒྱུན་ཨུ་ལྷན་ཚོགས་དང་ཁུལ་སྲིད་གྲོས་ཀྱི་འགན་འཁུར་མགོ་ཁྲིད་དང་འབྲེལ་ཡོད་འགན་ནུས་སྡེ་ཁག  ལྟ་སྐུལ་སྡེ་ཁག་གི་གཙོ་འགན་བློ་མཐུན་ཚོགས་འདུར་ཟུར་ཞུགས་བྱེད་པར་གདན་ཞུ་བྱས་ཆོག  ཟུར་ཞུགས་བྱེད་མཁན་གྱིས་གྲོས་བསྡུར་ནང་དོན་ལ་གཞིགས་ནས་བསམ་འཆར་གྲོས་གཞི་བཏོན་ཆོག   འོན་ཀྱང་དེ་ལ་བརྡས་གཅོད་དབང་ཆ་མེད།

དོན་ཚན་བཅུ་གསུམ། “གལ་ཆེན་བཞི་དང་འབོར་ཆེན་གཅིག”གི་དོན་ཚན་ལ་ཞིབ་གྲོས་ཇུས་ཐག་གཅོད་པར། ཚོགས་འདུའི་ཟིན་ཐོ་དང་གྲོས་ཚོགས་གནད་ཟིན་ཡོད་དགོས། ཚོགས་འདུའི་ཟིན་ཐོ་དང་གྲོས་ཚོགས་གནད་ཟིན་ནང་གྲོས་བསྡུར་བྱས་པའི་དོན་ཚན་གྱི་ཞིབ་ཕྲ་དང་མགོ་ཁྲིད་ཚན་པའི་ཁོངས་མིའི་བརྡས་གཅོད་བསམ་འཆར་དང་རྒྱུ་མཚན། ཐག་གཅོད་བྱེད་སྟངས། ཐག་གཅོད་མཇུག་འབྲས། འགན་འཁུར་མི་སྣ་བཅས་གསལ་བོར་འབྲི་དགོས།

དོན་ཚན་བཅུ་བཞི། ཐོལ་བྱུང་དོན་རྐྱེན་ཚབས་ཆེན་དང་ཡང་ན་བྲེལ་འཚུབ་གནས་ཚུལ་ལ། ཚོགས་བསྡུ་བསྡུས་ནས་ཞིབ་འཇུག་ཐག་གཅོད་བྱེད་ཁོམ་མེད་པར། མགོ་ཁྲིད་གཙོ་བོས་གནས་ཚུལ་ལ་གཞིགས་ནས་གནས་སྐབས་ཇུས་གཅོད་དང་ཐག་གཅོད་བསམ་འཆར་བཏོན་ཆོག་ཅིང་། རྗེས་སུ་དུས་ལྟར་མགོ་ཁྲིད་ཚན་པའི་ཁོངས་མི་གཞན་པར་ཁྱབ་བསྒྲགས་བྱེད་དགོས།

དོན་ཚན་བཅོ་ལྔ། “གལ་ཆེན་བཞི་དང་འབོར་ཆེན་གཅིག”གི་དོན་ཚན་དེ་ཁུལ་སྲིད་གཞུང་གི་ཏང་ཙུའུ་ཚན་པས་ཐག་གཅོད་བྱས་རྗེས། ཚན་པའི་ཁོངས་མིས་ལས་བགོས་དང་འགན་འཁྲི་ལྟར་རྩ་འཛུགས་བྱས་ནས་ལག་ཏུ་བསྟར་དགོས། གལ་ཏེ་ལས་བགོས་དང་འགན་འཁྲི་སྣོལ་འབྲེལ་བྱས་པའི་དོན་ཚན་ཁྱད་པར་ཅན་ལ། མགོ་ཁྲིད་གཙོ་བོས་ཚན་པའི་ཁོངས་མི་གཏན་ཁེལ་བྱས་ནས་མཐུན་སྦྱོར་ལག་བསྟར་བྱེད་དུ་འཇུག་དགོས། ལག་བསྟར་བྱེད་སྐབས་ཕན་ནུས་ཀྱི་རྩ་དོན་མངོན་ཐུབ་པ་བྱེད་དགོས་ཤིང་། དུས་ཚོད་ཆེས་ཉུང་བ་དང་མ་རྩ་ཆེས་དམའ་བ་སྤྱད་ནས། ཆེས་བཟང་བའི་ཕན་འབྲས་ཐོབ་ཏུ་འཇུག་དགོས།

དོན་ཚན་བཅུ་དྲུག  ཚན་པའི་ཁོངས་མིས་ཐུན་མོང་གི་ཐག་གཅོད་རང་དགར་སྒྱུར་བཅོས་བྱས་མི་ཆོག་པ་དང་། ཐུན་མོང་གི་ཐག་གཅོད་ལ་བསམ་འཆར་མི་འདྲ་བ་ཡོད་ཚེ་སོར་འཇོག་བྱས་ཆོག་ལ། འོན་ཀྱང་ཐག་གཅོད་གསར་བ་བཏོན་མེད་པའི་སྔོན་དུ། ཆ་རྐྱེན་གང་ཡང་མེད་པའི་སྒོ་ནས་ལག་བསྟར་བྱེད་དགོས། དུས་མཉམ་དུ་རྩ་འཛུགས་གོ་རིམ་ལྟར་གོང་རིམ་ཏང་རྩ་འཛུགས་ལ་བསམ་འཆར་ཡར་ཞུ་བྱས་ཆོག  གལ་ཏེ་ངོ་མས་སྒྱུར་བཅོས་བྱེད་དགོས་པར། ཁུལ་སྲིད་གཞུང་གི་ཏང་ཙུའུ་ཚན་པས་གསར་དུ་ཐག་གཅོད་བྱེད་དགོས། སྒྲུབ་ཚར་མེད་པའི་དོན་ཚན་དེ་ཁུལ་སྲིད་གཞུང་གི་ཏང་ཙུའུ་ཡི་མགོ་ཁྲིད་ཚན་པས་བསྐྱར་དུ་ཐག་གཅོད་བྱེད་དགོས་ན། ཡར་བསྐྱར་ཐག་གཅོད་བྱས་རྗེས་ཐག་གཅོད་གསར་བའི་གཏན་ཁེལ་ལྟར་ལག་བསྟར་བྱེད་དགོས།

ལེའུ་བཞི་པ། ལྟ་སྐུལ་སྔོག་བཤེར།

དོན་ཚན་བཅུ་བདུན། ཁུལ་སྲིད་གཞུང་གི་ཏང་ཙུའུ་ཧྲུའུ་ཅིས“གལ་ཆེན་བཞི་དང་འབོར་ཆེན་གཅིག”གི་དོན་ཚན་གྱི་ཐུན་མོང་ཐག་གཅོད་ལ་སྤྱི་འགན་འཁུར་དགོས་པ་དང་། ཏང་ཙུའུ་ཁོངས་མིས་འགན་འཁྲི་ལས་བགོས་ལྟར་དུས་ལྟར་ཁུལ་སྲིད་གཞུང་གི་ཏང་ཙུའུ་ལ“གལ་ཆེན་བཞི་དང་འབོར་ཆེན་གཅིག”གི་ཐག་གཅོད་དོན་ཚན་ལག་བསྟར་བྱས་པའི་གནས་ཚུལ་དང་། གནས་ཡོད་པའི་གནད་དོན་དང་རྗེས་ཀྱི་འཆར་གཞི་བཅས་སྙན་སེང་ཞུ་དགོས་ལ། ཁུལ་སྲིད་གཞུང་གི་ཏང་ཙུའུ་ཡིས་ཡང་དག་ཐག་གཅོད་ཐུབ་པར་གཞི་འཛིན་ས་འདོན་སྤྲོད་བྱེད་དགོས།

དོན་ཚན་བཅོ་བརྒྱད། “གལ་ཆེན་བཞི་དང་འབོར་ཆེན་གཅིག”གི་ཐུན་མོང་ཐག་གཅོད་དང་ལག་བསྟར་གནས་ཚུལ་དེ་ཁུལ་སྲིད་གཞུང་གི་ཏང་ཙུའུ་ཚན་པའི་དམངས་གཙོ་འཚོ་བའི་གྲོས་ཚོགས་དང་འགན་སྒྲུབ་སྙན་ཞུའི་ནང་དོན་གལ་ཆེན་ནང་འཇོག་དགོས་པ་དང་། ཏང་སྲོལ་སྲིད་གཙང་འཛུགས་སྐྲུན་གྱི་འགན་འཁུར་ལམ་ལུགས་ཀྱི་ནང་དོན་གལ་ཆེན་ནང་བཞག་ནས། ལྟ་སྐུལ་སྔོག་བཤེར་ལ་ཤུགས་སྣོན་དང་། ཁུལ་སྲིད་གཞུང་གི་ཏང་ཙུའུ་ཡི་དབང་ཆ་ཚུལ་ལྡན་ངང་སྤྱོད་པར་ཁག་ཐེག་བྱེད་དགོས།

དོན་ཚན་བཅུ་དགུ། ཏང་སྲིད་འགན་ལེན་པ་གཙོ་བོས་རྩ་འཛུགས་མི་དོན་དང་ནོར་དོན་དོ་དམ། དངོས་ཟོག་ཉོ་སྒྲུབ་ཐག་གཅོད། སྲིད་འཛིན་མཆན་འགོད། ལས་གཞི་རྣམ་གྲངས་དོ་དམ་བཅས་ཀྱི་བྱ་བར་ཐད་ཀར་དོ་དམ་མི་བྱེད་པ་སྐུལ་སྤེལ་བཏང་ནས། གྲུབ་ཆ་ལུགས་མཐུན་དང་སྡེབ་སྒྲིག་ཚད་ལྡན། གོ་རིམ་གཟབ་ནན། ཚོད་འཛིན་ནུས་ལྡན་བཅས་ཀྱི་ཏང་སྲིད་འགན་ལེན་པ་གཙོ་བོའི་དབང་ཆ་སྤྱོད་པར་ལྟ་སྐུལ་ཚོད་འཛིན་གྱི་རྐྱེན་སྲོལ་སྔར་བས་འཛུགས་དགོས།

དོན་ཚན་ཉི་ཤུ། ཁུལ་སྲིད་གཞུང་གི“གལ་ཆེན་བཞི་དང་འབོར་ཆེན་གཅིག”གི་དོན་ཚན་གྱི་ཐུན་མོང་ཐག་གཅོད་དང་ལག་བསྟར་གནས་ཚུལ་ལ། ཁྲིམས་ལྟར་གསང་སྲུང་བྱེད་དགོས་པ་མ་གཏོགས། དུས་བཀག་དང་དུས་བཅད་མེད་པར་འོས་འཚམ་གྱི་ཁྱབ་ཁོངས་སུ་སྤྱི་བསྒྲགས་བྱས་ཏེ། ཏང་ཡོན་མང་ཚོགས་ཀྱི་ལྟ་སྐུལ་དང་ལེན་བྱེད་དགོས།

དོན་ཚན་ཉེར་གཅིག  “གལ་ཆེན་བཞི་དང་འབོར་ཆེན་གཅིག”གི་དོན་ཚན་ལ་ཐུན་མོང་ཐག་གཅོད་བྱེད་པའི་གནས་ཚུལ་གྱི་ལྟ་སྐུལ་རྐྱེན་སྲོལ་འཐུས་ཚང་དུ་བཏང་ནས། ཁུལ་སྲིད་གཞུང་གཞུང་ལས་ཁང་གིས་མགོ་ཁྲིད་དེ་འབྲེལ་ཡོད་སྡེ་ཁག་སྒྲིག་འཛུགས་བྱས་ཏེ། ཐག་གཅོད་ལག་བསྟར་བྱས་པའི་གནས་ཚུལ་ལ་རྗེས་འདེད་ལྟ་སྐུལ་བྱེད་དུ་འཇུག་དགོས་ལ། ཁུལ་སྲིད་གཞུང་གི་ཏང་ཙུའུ་ཡི་ཚན་པས་ཐག་གཅོད་བཀོད་སྒྲིག་གལ་ཆེན་ལག་བསྟར་དོན་འཁྱོལ་བྱེད་པར་སྐུལ་འདེད་གཏོང་དགོས། གནས་ཚུལ་གལ་ཆེན་ཡོད་ན་ཁུལ་སྲིད་གཞུང་གི་ཏང་ཙུའུ་ཡི་ཚན་པར་མྱུར་དུ་སྙན་སེང་ཞུ་དགོས།

དོན་ཚན་ཉེར་གཉིས། གཏན་ཁེལ་གྱི་གོ་རིམ་ལ་འགལ་ནས་མི་སྒེར་དང་ཡང་ན་མི་ཉུང་ཤས་ཀྱིས“གལ་ཆེན་བཞི་དང་འབོར་ཆེན་གཅིག”གི་དོན་ཚན་ཐག་གཅོད་བྱས་པ་དང་། ཐུན་མོང་གི་ཐག་གཅོད་ལག་བསྟར་མི་བྱེད་པའམ་རང་དགར་གྱིས་ཐག་གཅོད་ནང་དོན་ལ་སྒྱུར་བཅོས་གཏོང་བ། ཐུན་མོང་གི་ཐག་གཅོད་ལག་བསྟར་བྱེད་ཤུགས་ཆུང་བའམ་ལག་བསྟར་བྱས་པ་ནོར་འཁྲུལ་བྱུང་བ་མ་ཟད་གྱོང་གུད་ཚབས་ཆེན་བཟོས་པ་བཅས་ལ། འབྲེལ་ཡོད་གཏན་ཁེལ་ལྟར་འབྲེལ་ཡོད་འགན་ལེན་མི་སྣའི་འགན་འཁྲི་བདའ་འདེད་ནན་མོ་བྱེད་དགོས།

ལེའུ་ལྔ་པ། ཞར་བྱུང་དོན་ཚན།

དོན་ཚན་ཉེར་གསུམ། ཏང་དང་རྒྱལ་ཁབ་ཀྱི་ཁྲིམས་ལུགས་དང་ཁྲིམས་སྲོལ། སྲིད་ཇུས་ཐད་དང་ཞིང་ཆེན་ནས་གཏན་ཁེལ་གཞན་ཡོད་ན། དེའི་གཏན་འབེབས་ལ་བསྟུན་དགོས།

དོན་ཚན་ཉེར་བཞི། ལམ་ལུགས་འདི་ལ་ཁུལ་སྲིད་གཞུང་གཞུང་ལས་ཁང་གིས་འགྲེལ་བཤད་ཀྱི་འགན་འཁུར་དགོས།

དོན་ཚན་ཉེར་ལྔ། ལམ་ལུགས་འདི་ཁྱབ་བསྒྲགས་བྱས་པའི་ཉིན་ནས་ལག་ཏུ་བསྟར་དགོས།