མཚོ་སྔོན་ཞིང་ཆེན་མི་དམངས་སྲིད་གཞུང་།          དེ་རིང་ནི 2024ལོའི་ཟླ06ཚེས14ཡིན།
རྒྱ་ཡིག    |    汉语
མདུན་ངོས། མགོ་ཁྲིད་སྒེའུ་ཁུང་། གསར་ཐོས་གལ་ཆེན། ཆ་འཕྲིན་གསལ་སྒྲོག བསམ་འཆར་བརྗེ་རེས། དག་སྣང་མཚོ་བྱང་། མི་རིགས་མཐུན་སྒྲིལ། བརྙན་གཟུགས་ལྟེ་གནས། སྲིད་པའི་གཏམ་ཚོགས།

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི《མཚོ་བྱང་ཁུལ་གྱི་གནས་སྐོར་མཛེས་ལྗོངས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལས་དོན་གྱི་བྱེད་ཐབས་ཉི་ཤུ》དཔར་འགྲེམ་བྱས་པའི་ཐད་ཀྱི་བརྡ་སྦྱོར།

2023-05-25 16:48:41   |   2603

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།


བྱང་སྲིད་ཁང〔2022〕ཨང110བ།

རྫོང་སོ་སོའི་མི་དམངས་སྲིད་གཞུང་། མཚོ་སྔོན་པོ་ཞིང་ར། ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར།

ཁུལ་རིག་ལུས་གནས་སྐོར་རྒྱང་བརྙན་ཅུ་ཡིས་སྒྲིག་འབྲི་བྱས་པའི《མཚོ་བྱང་ཁུལ་གྱི་གནས་སྐོར་མཛེས་ལྗོངས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལས་དོན་གྱི་བྱེད་ཐབས་ཉི་ཤུ》དེ་ཁུལ་སྲིད་གཞུང་གི་རྒྱུན་ལས་ཚོགས་འདུ་ཐེངས27པའི་ཐོག་ཞིབ་འཇུག་བྱས་ནས་གྲོས་འཆམ་བྱུང་བ་དང་། ད་ལྟ་ཁྱེད་ཚོར་པར་དཔར་འགྲེམ་བྱས་པ་ཡིན་པས། ལག་བསྟར་དོན་འཁྱོལ་ནན་མོ་བྱེད་རོགས།

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

2022ལོའི་ཟླ12པའི་ཚེས21ཉིན།


མཚོ་བྱང་ཁུལ་གྱི་གནས་སྐོར་མཛེས་ལྗོངས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལས་དོན་གྱི་བྱེད་ཐབས་ཉི་ཤུ།

《མཚོ་སྔོན་ཞིང་ཆེན་གྱི་གནས་སྐོར་མཛེས་ལྗོངས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལག་བསྟར་ཇུས་གཞི(2022-2025ལོ་བར)》(མཚོ་སྔོན་རིག་གནས་གནས་སྐོར་འགྲེམ་སྤེལ[2022]ཨང182པ)ལག་བསྟར་དོན་འཁྱོལ་གཏིང་ཟབ་བྱས་ཏེ། མཚོ་བྱང་གི་ཁྱད་ཆོས་ལྡན་པའི་རྒྱལ་སྤྱིའི་སྐྱེ་ཁམས་གནས་སྐོར་བྱ་ཡུལ་གཏོད་རྒྱུར་དམིགས་ནས་གནས་སྐོར་མཛེས་ལྗོངས་ཁུལ་གྱི་ཁྱད་ཆོས་ཅན་དང་སྤུས་ཚད་ཅན། རིག་ནུས་ཅན། རྒྱལ་སྤྱི་ཅན་བཅས་ཀྱི་ཆུ་ཚད་མཐོ་རུ་གཏོང་བ་དང་། གནས་སྐོར་མཛེས་ལྗོངས་ཁུལ་གྱི་སྤུས་ཚད་ཁྱོན་ཡོངས་ནས་གོང་མཐོར་དང་རིམ་སྤོར་བྱེད་པ། སྐད་གྲགས་ཆོད་ཚད་དང་མཚན་སྙན་ཆེ་རུ་གཏོང་ཆེད། གཤམ་གྱི་བྱེད་ཐབས་འདི་བཟོས་པ་ཡིན།

དང་པོ། སྤྱིའི་དམིགས་འབེན།

2023ལོ་ནས2025ལོ་བར་དུ། ཁུལ་ཡོངས་ཀྱི་གནས་སྐོར་མཛེས་ལྗོངས་ཁུལ་གྱི་ཐོན་རྫས་རྒྱུན་ཆད་མེད་པར་ལེགས་སུ་གཏོང་བ་དང་། ཞབས་ཞུའི་སྤུས་ཚད་རྒྱུན་ཆད་མེད་པར་ལེགས་སུ་གཏོང་བ། གཉེར་སྐྱོང་ཆུ་ཚད་རྒྱུན་ཆད་མེད་པར་མཐོར་འདེགས་བྱེད་པ། གནས་སྐོར་བའི་བློ་ཡིད་ཚིམ་ཚད་མཐོ་རུ་གཏོང་བ།  གཙོ་གནད་གནས་སྐོར་མཛེས་ལྗོངས་ཁུལ་གྱི་སྤུས་རྟགས་ཕན་འབྲས་ཉིན་རེ་བཞིན་མངོན་གསལ་དོད་དུ་འགྲོ་བ། གཙོ་གནད་གནས་སྐོར་མཛེས་ལྗོངས་ཁུལ་ཁག་ཅིག་ཇེ་ལེགས་ཇེ་བཟང་དུ་གཏོང་བ། ཚད་གཞི་མཐོ་བ་དང་སྤུས་ཚད་མཐོ་བའི་གནས་སྐོར་མཛེས་ལྗོངས་ཁུལ་ཁག་ཅིག་གསར་འཛུགས་བྱེད་པ། གནས་སྐོར་མཛེས་ལྗོངས་ཁུལ་གྱི“123”འཐབ་ཇུས་དམིགས་ཚད་ལག་བསྟར་བྱ་རྒྱུར་སྐུལ་འདེད་གཏོང་རྒྱུ་སྟེ། རྫོང་སོ་སོས་རྒྱལ་ཁབ་ཀྱིAཅན5རིམ་པའི་མཛེས་ལྗོངས་ཁུལ1(ཡང་ན་གསར་གཏོད་མིང་ཐོའི་ནང་འཇུག་པ)གསར་འཛུགས་ལེགས་འགྲུབ་བྱེད་པ་དང་། Aཅན4རིམ་པའི་མཛེས་ལྗོངས་ཁུལ2དང་དེ་ཡན་ལེགས་འགྲུབ་བྱེད་པ། Aཅན3རིམ་པའི་གནས་སྐོར་མཛེས་ལྗོངས་ཁུལ3དང་དེ་ཡན་བཅས་ལེགས་འགྲུབ་བྱས་ཏེ།  2025ལོའི་ལོ་མཇུག་ཏུ་སླེབས་སྐབས། ཁུལ་ཡོངས་སུAརིམ་པའི་མཛེས་ལྗོངས་ཁུལ33ལེགས་འགྲུབ་བྱེད་དགོས། དེའི་ཁྲོད་། རྒྱལ་ཁབ་ཀྱིAཅན5རིམ་པའི་གནས་སྐོར་མཛེས་ལྗོངས་ཁུལ2དང་། བདེ་ལེགས་ངངAཅན5རིམ་པའི་གནས་སྐོར་མཛེས་ལྗོངས་ཁུལ་གསར་འཛུགས་ཀྱི་མིང་ཐོ2གཉིས། རྒྱལ་ཁབ་ཀྱིAཅན4རིམ་པའི་གནས་སྐོར་མཛེས་ལྗོངས་ཁུལ8དང་། རྒྱལ་ཁབ་ཀྱིAཅན3རིམ་པའི་གནས་སྐོར་མཛེས་ལྗོངས་ཁུལ12དང་། རྒྱལ་ཁབ་ཀྱིAཅན2རིམ་པའི་གནས་སྐོར་མཛེས་ལྗོངས་ཁུལ9བཅས་ཚུད་ཡོད།  ཁུལ་ཡོངས་སུ་རྒྱལ་ཁབ་རིམ་པ་དང་ཞིང་ཆེན་རིམ་པའི་གྲོང་གསེབ་གནས་སྐོར་གཙོ་གནད་གྲོང་ཚོ24རེ་ཞུ་བྱེད་པ་དང་། ལོ་རེར་རྫོང་རེ་ཡིས་ཉུང་མཐའ་ཡང་རྒྱལ་ཁབ་རིམ་པའི་གྲོང་གསེབ་གནས་སྐོར་གཙོ་གནད་གྲོང་ཚོ1དང་ཞིང་ཆེན་རིམ་པའི་གྲོང་གསེབ་གནས་སྐོར་གཙོ་གནད་གྲོང་ཚོ1རེ་ཞུ་བྱེད་དགོས། ཁུལ་ཡོངས་སུ་སྐར་མ་རིམ་པའི་གསོལ་མགྲོན་ཁང12རེ་ཞུ་བྱེད་པ་དང་། དེར་འཇུ་ལག་རྫོང་གིས་སྐར་བཞི་རིམ་པའི་མགྲོན་ཁང1དང་སྐར་གསུམ་རིམ་པའི་མགྲོན་ཁང2རེ་ཞུ་བྱེད་པ། མདོ་ལ་རྫོང་གིས་སྐར་བཞི་རིམ་པའི་མགྲོན་ཁང2དང་སྐར་རིམ་པའི་མགྲོན་ཁང1རེ་ཞུ་བྱེད་པ། རྐང་ཚ་རྫོང་གིས་སྐར་བཞི་རིམ་པའི་མགྲོན་ཁང1དང་། སྐར་གསུམ་རིམ་པའི་མགྲོན་ཁང2རེ་ཞུ་བྱེད་པ། མདའ་བཞི་རྫོང་གིས་སྐར་བཞི་རིམ་པའི་མགྲོན་ཁང1དང་། སྐར་གསུམ་རིམ་པའི་མགྲོན་ཁང2རེ་ཞུ་བྱེད་པ་བཅས་ཚུད་ཡོད།  ཁུལ་ཡོངས་སུ་ལག་ཁྱེར་ཡོད་པའི་གནས་སྐོར་སྣེ་ཤན་པ་མི12གསར་སྣོན་བྱེད་པ་དང་།  ལོ་རེར་རྫོང་རེས་ཉུང་མཐར་ཡང་ལག་ཁྱེར་ཡོད་པའི་གནས་སྐོར་སྣེ་ཤན་པ་མི1མང་དུ་གཏོང་དགོས། ཁུལ་ཡོངས་སུ་མངོན་མིན་རིག་གནས་ཤུལ་བཞག་གི་རྣམ་གྲངས44རེ་ཞུ་བྱེད་པ་དང་། ལོ་གཉིས་རེར་རྫོང་རེ་ཡིས་ཉུང་མཐར་ཡང་རྫོང་རིམ་པའི་མངོན་མིན་རིག་གནས་ཤུལ་བཞག་གི་རྣམ་གྲངས4རེ་ཞུ་བྱེད་པ་དང་།  ལོ་གསུམ་རེར་རྫོང་རེ་ཡིས་ཉུང་མཐར་ཡང་ཁུལ་རིམ་པའི་མངོན་མིན་རིག་གནས་ཤུལ་བཞག་གི་རྣམ་གྲངས3རེ་ཞུ་བྱེད་དགོས། ཁུལ་ཡོངས་ནས་ས་ཞིང་ལ་བརྟག་དཔྱད་ཐེངས36བྱེད་རྒྱུ་དང་། ལོ་རེར་རྫོང་རེས་ས་ཞིང་ལ་བརྟག་དཔྱད་ཐེངས3བྱེད་རྒྱུ།

——2023ལོའི་ལོ་མཇུག་བར་དུ། Aརིམ་པའི་མཛེས་ལྗོངས་ཁུལ་གྱི་དམིགས་འབེན་ནི།  མདའ་བཞི་རྫོང་གསེར་དངུལ་ཐང་དང་མ་རྡུལ་གྲོང་གི་མཛེས་ལྗོངས་ཁུལ་དེ་རྒྱལ་ཁབ་ཀྱིAཅན5རིམ་པའི་གནས་སྐོར་མཛེས་ལྗོངས་ཁུལ་དུ་གསར་གཏོད་བྱེད་རྒྱུ་དང་། མདའ་བཞི་རྫོང་བོན་གྱ་འབྲོག་རའི་མཛེས་ལྗོངས་ཁུལ་དེ་རྒྱལ་ཁབ་ཀྱིAཅན4རིམ་པའི་གནས་སྐོར་མཛེས་ལྗོངས་ཁུལ་དུ་བསྐྲུན་པ། འཇུ་ལག་རྫོང་བྱ་རྒོད་རིའི་མཛེས་ལྗོངས་ཁུལ་དང་། རྐང་ཚ་རྫོང་དཀོན་ལོ་ཚང་གོང་མའི་ཁྱད་ལྡན་གྲོང་ཚོ། མདའ་བཞི་རྫོང་གི་དུས་རབས་མིག་དཔེ་དྲན་གསོ་ཁང་སོགས་རྒྱལ་ཁབ་ཀྱིAཅན3རིམ་པའི་གནས་སྐོར་མཛེས་ལྗོངས་ཁུལ་དུ་འཛུགས་པ། མདོ་ལ་རྫོང་གི་ཤ་བ་རི་གྲོང་དང་རྐང་ཚ་རྫོང་ཚངས་དབྱངས་རྒྱ་མཚོའི་རིག་གནས་ཐང་ཆེན་སོགས་རྒྱལ་ཁབ་ཀྱིAཅན2རིམ་པའི་གནས་སྐོར་མཛེས་ལྗོངས་ཁུལ་དུ་གསར་འཛུགས་བྱེད་དགོས།  རྒྱལ་ཁབ་རིམ་པ་དང་ཞིང་ཆེན་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོའི་དམིགས་ཚད་ནི།  རྫོང་སོ་སོས་ཉུང་མཐར་ཡང་རྒྱལ་ཁབ་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོ1དང་ཞིང་ཆེན་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོ1རེ་ཞུ་བྱེད་དགོས།  སྐར་མ་རིམ་པའི་མགྲོན་ཁང་གི་དམིགས་ཚད་ནི། མདོ་ལ་རྫོང་གིས་སྐར་བཞི་རིམ་པའི་མགྲོན་ཁང1རེ་ཞུ་སྒོས་དཔྱད་འདེམས་བྱེད་རྒྱུ་དང་། འཇུ་ལག་རྫོང་དང་རྐང་ཚ་རྫོང་། མདའ་བཞི་རྫོང་བཅས་ཀྱིས་སོ་སོར་སྐར་གསུམ་རིམ་པའི་མགྲོན་ཁང1རེ་ཞུ་སྒོས་དཔྱད་འདེམས་བྱེད་དགོས། ལག་ཁྱེར་ཡོད་པའི་གནས་སྐོར་སྣེ་ཤན་པའི་དམིགས་ཚད་ནི། རྫོང་སོ་སོས་ལག་ཁྱེར་ཡོད་པའི་གནས་སྐོར་སྣེ་ཤན་པ་མི1མང་དུ་གཏོང་རྒྱུ། མངོན་མིན་རིག་གནས་ཤུལ་བཞག་རྣམ་གྲངས་ཀྱི་དམིགས་ཚད་ནི། རྫོང་སོ་སོས་རྫོང་རིམ་པའི་མངོན་མིན་རིག་གནས་ཤུལ་བཞག་གི་རྣམ་གྲངས4རེ་ཞུ་བྱེད་པ་དང་། ཁུལ་རིམ་པའི་མངོན་མིན་རིག་གནས་ཤུལ་བཞག་གི་རྣམ་གྲངས3རེ་ཞུ་བྱེད་དགོས། ས་ཞིང་བརྟག་དཔྱད་ཀྱི་དམིགས་ཚད་ནི། རྫོང་སོ་སོས་ས་ཞིང་ལ་བརྟག་དཔྱད་ཐེངས3བྱེད་དགོས།

——2024ལོའི་ལོ་མཇུག་བར་དུ། Aརིམ་པའི་མཛེས་ལྗོངས་ཁུལ་གྱི་དམིགས་ཚད་ནི། འཇུ་ལག་རྫོང་གི་བྱ་རྒོད་རིའི་མཛེས་ལྗོངས་ཁུལ་དེ་རྒྱལ་ཁབ་ཀྱིAཅན4རིམ་པའི་གནས་སྐོར་མཛེས་ལྗོངས་ཁུལ་དུ་བསྐྲུན་རྒྱུ་དང་། འཇུ་ལག་རྫོང་ཏུང་ཤུས་ཁམ་བུའི་མེ་ཏོག་གི་མཛེས་ལྗོངས་ཁུལ་དང་། མདོ་ལ་རྫོང་གི་ལྷ་ཡུལ་བླ་མཚོའི་ཐོ་མོ་ཚོ་བ། རྐང་ཚ་རྫོང་དཔལ་དགེའི་སྙན་ངག་གྲོང་རྡལ་ཆུང་བ། མདའ་བཞི་རྫོང་མཐོན་པོ་སྒང་མཛེས་ལྗོངས་ཁུལ་སོགས་རྒྱལ་ཁབ་ཀྱིAཅན3རིམ་པའི་གནས་སྐོར་མཛེས་ལྗོངས་ཁུལ་དུ་བཏོད་པ། མདོ་ལ་རྫོང་གི་ནུབ་ལམ་དམག་དཔུང་གཉིས་པའི་དྲན་གསོ་ཁང་དང་རྐང་ཚ་རྫོང་གི་བྲག་དཀར་བར་མ་གནའ་ཤུལ་སྤྱི་གླིང་སོགས་རྒྱལ་ཁབ་ཀྱིAཅན2རིམ་པའི་གནས་སྐོར་མཛེས་ལྗོངས་ཁུལ་བཏོད་དགོས། རྒྱལ་ཁབ་རིམ་པ་དང་ཞིང་ཆེན་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོའི་དམིགས་ཚད་ནི། རྫོང་ཁག་གིས་ཉུང་མཐར་ཡང་རྒྱལ་ཁབ་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོ1དང་། ཞིང་ཆེན་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོ1རེ་ཞུ་བྱེད་དགོས། སྐར་མ་རིམ་པའི་མགྲོན་ཁང་གི་དམིགས་ཚད་ནི།  འཇུ་ལག་རྫོང་དང་མདོ་ལ་རྫོང་གིས་སོ་སོར་སྐར་བཞི་རིམ་པའི་མགྲོན་ཁང1རེ་ཞུ་དཔྱད་འདེམས་བྱེད་པ་དང་།  རྐང་ཚ་རྫོང་དང་མདའ་བཞི་རྫོང་གིས་སོ་སོར་སྐར་གསུམ་རིམ་པའི་མགྲོན་ཁང1རེ་ཞུ་དཔྱད་འདེམས་བྱེད་དགོས།  ལག་ཁྱེར་ཡོད་པའི་གནས་སྐོར་སྣེ་ཤན་པའི་དམིགས་ཚད་ནི། རྫོང་སོ་སོས་ལག་ཁྱེར་ཡོད་པའི་གནས་སྐོར་སྣེ་ཤན་པ1མང་དུ་གཏོང་རྒྱུ། ས་ཞིང་བརྟག་དཔྱད་བྱེད་པའི་དམིགས་ཚད་ནི། རྫོང་སོ་སོས་ས་ཞིང་ལ་བརྟག་དཔྱད་ཐེངས3བྱེད་རྒྱུ།

——2025ལོའི་ལོ་མཇུག་བར་དུ། Aརིམ་པའི་མཛེས་ལྗོངས་ཁུལ་གྱི་དམིགས་ཚད་ནི། འཇུ་ལག་རྫོང་གི་ལོག་དཀར་མེ་ཏོག་མཛེས་ལྗོངས་ཁུལ་དང་། རྐང་ཚ་རྫོང་གི་མཚོ་འགྲམ་བོད་མཁར་གྱི་མཛེས་ལྗོངས་ཁུལ་དེ་ཞིང་ཆེན་ཡོངས་ཀྱི་རྒྱལ་ཁབ་ཀྱིAཅན5རིམ་པའི་གནས་སྐོར་མཛེས་ལྗོངས་ཁུལ་གསར་བཏོད་ཀྱི་མིང་ཐོའི་ནང་འཇུག་རྒྱུ་བརྩོན་ལེན་བྱ་རྒྱུ་དང་། མདོ་ལ་རྫོང་མཁར་དམར་གནའ་ཤུལ་སྤྱི་གླིང་མཛེས་ལྗོངས་ཁུལ་དང་མདའ་བཞི་རྫོང་གསེར་དངུལ་ཐང་གི་ཆུ་ཐོག་དགའ་ཚལ་མཛེས་ལྗོངས་ཁུལ་དེ་རྒྱལ་ཁབ་ཀྱིAཅན4རིམ་པའི་གནས་སྐོར་མཛེས་ལྗོངས་ཁུལ་དུ་བསྐྲུན་དགོས།  རྐང་ཚ་རྫོང་དཀོན་ལོ་ཚང་གོང་མ་གྲོང་ཚོ་དེ་རྒྱལ་ཁབ་ཀྱིAཅན4རིམ་པའི་གནས་སྐོར་མཛེས་ལྗོངས་ཁུལ་དུ་གསར་འཛུགས་བྱེད་པ་དང་།  འཇུ་ལག་རྫོང་གི་གངས་དཀར་མཛེས་ལྗོངས་ཁུལ་དང་། མདོ་ལ་རྫོང་ར་གདོང་ཆུང་བའི་མཛེས་ལྗོངས་ཁུལ། རྐང་ཚ་རྫོང་གཉན་ཆེན་ཞལ་དཀར་སོགས་རྒྱལ་ཁབ་ཀྱིAཅན3རིམ་པའི་གནས་སྐོར་མཛེས་ལྗོངས་ཁུལ་དུ་བསྐྲུན་དགོས། འཇུ་ལག་རྫོང་ཆུ་མིག་གྲོང་རྡལ་ཧན་ཐེ་ཡུལ་དམག་ལེན་དང་རྐང་ཚ་རྫོང་ལ་སེར་པོའི་ཁྱད་ལྡན་ཚོང་ལས་ཁྲོམ་གཞུང་སོགས་རྒྱལ་ཁབ་ཀྱིAཅན2རིམ་པའི་གནས་སྐོར་མཛེས་ལྗོངས་ཁུལ་དུ་བཏོད་རྒྱུ།  རྒྱལ་ཁབ་རིམ་པ་དང་ཞིང་ཆེན་རིམ་པའི་གྲོང་གསེབ་ཀྱི་གནས་སྐོར་གཙོ་གནད་གྲོང་ཚོའི་དམིགས་ཚད་ནི།  རྫོང་སོ་སོས་ལོ་རེར་ཉུང་མཐར་ཡང་རྒྱལ་ཁབ་རིམ་པའི་གྲོང་གསེབ་གནས་སྐོར་གཙོ་གནད་གྲོང་ཚོ1དང་ཞིང་ཆེན་རིམ་པའི་གྲོང་གསེབ་གནས་སྐོར་གཙོ་གནད་གྲོང་ཚོ1རེ་ཞུ་བྱེད་དགོས། སྐར་མ་རིམ་པའི་མགྲོན་ཁང་གི་དམིགས་ཚད་ནི། རྐང་ཚ་རྫོང་དང་མདའ་བཞི་རྫོང་གཉིས་ཀྱིས་སྐར་བཞི་རིམ་པའི་མགྲོན་ཁང1རེ་ཞུ་དཔྱད་འདེམས་བྱེད་པ་དང་། འཇུ་ལག་རྫོང་དང་མདོ་ལ་རྫོང་གིས་སོ་སོར་སྐར་གསུམ་རིམ་པའི་མགྲོན་ཁང1རེ་ཞུ་དཔྱད་འདེམས་བྱེད་དགོས། ལག་ཁྱེར་ཡོད་པའི་གནས་སྐོར་སྣེ་ཤན་པའི་དམིགས་ཚད་ནི། རྫོང་སོ་སོར་ལག་ཁྱེར་ཡོད་པའི་གནས་སྐོར་སྣེ་ཤན་པ་མི1ཇེ་མང་དུ་གཏོང་བ་དང་། མངོན་མིན་རིག་གནས་ཤུལ་བཞག་རྣམ་གྲངས་ཀྱི་དམིགས་ཚད་ནི། རྫོང་སོ་སོས་རྫོང་རིམ་པའི་མངོན་མིན་རིག་གནས་ཤུལ་བཞག་གི་རྣམ་གྲངས4རེ་ཞུ་བྱེད་དགོས། ས་ཞིང་བརྟག་དཔྱད་བྱེད་པའི་དམིགས་ཚད་ནི། རྫོང་སོ་སོས་ས་ཞིང་བརྟག་དཔྱད་ཐེངས3བྱེད་དགོས།

གཉིས།  གནས་སྐོར་སྤུས་ཚད་མཐོ་རུ་གཏོང་བ།

1. Aརིམ་པའི་གནས་སྐོར་ལྗོངས་ཁུལ་གསར་གཏོད་བྱེད་པ་གཙོ་རུ་འཛིན་དགོས།  མདའ་བཞིའི་མ་རྡུལ་གྲོང་གི་གསར་བརྗེའི་རིག་གནས་ཀྱི་ནང་དོན་སྔོག་འདོན་གཏིང་ཟབ་བྱེད་པ་དང་། གསེར་དངུལ་ཐང་དང་མ་རྡུལ་གྲོང་གི་རྒྱལ་ཁབ་ཀྱིAཅན5རིམ་པའི་གནས་སྐོར་ལྗོངས་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་འཐུས་ཚང་དུ་གཏོང་བ། གསར་འཛུགས་ཀྱི་འཕེལ་རིམ་མགྱོགས་སུ་གཏོང་བར་སྐུལ་འདེད་བྱེད་པ།  དུས་ཚོད་འོས་འཚམ་གྱི་སྐབས་སུ། འཇུ་ལག་ལོག་དཀར་མེ་ཏོག་ལྗོངས་ཁུལ་དང་མཚོ་ངོགས་བོད་མཁར་གྱི་ལྗོངས་ཁུལ་དེ་རྒྱལ་ཁབ་ཀྱིAཅན5རིམ་པའི་གནས་སྐོར་ལྗོངས་ཁུལ་ཏུ་གཏོད་པའི་ལས་དོན་སྤེལ་མགོ་འཛུགས་རྒྱུ། 《གནས་སྐོར་ལྗོངས་ཁུལ་གྱི་སྤུས་ཚད་རིམ་པ་དབྱེ་འབྱེད་དང་དཔྱད་འདེམས》ཀྱི་ཚད་གཞི་དང་བསྡུར་ནས་རྒྱལ་ཁབ་ཀྱིAཅན2ཡན་གྱི་གནས་སྐོར་ལྗོངས་ཁུལ་གཅིག་འཐུས་ཚང་བྱུང་ན། དེ་རེ་ཞུ་བྱེད་པ་དང་། དེར་དཔྱད་བསྡུར་གཏན་འབེབས་བཅས་བྱེད་པར་སྐུལ་མ་གཏོང་བ་དང་། གནས་སྐོར་ལྗོངས་ཁུལ་ཚད་ལྡན་ཅན་གྱི་སྒྱུར་བཀོད་རིམ་སྤོར་ལ་ཁྲིད་སྟོན་བྱས་ཏེ། གསར་འཛུགས་ལ་བརྟེན་ནས་རིམ་སྤོར་ལ་སྐུལ་འདེད་གཏོང་བ་དང་། རིམ་སྤོར་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་རྒྱུ་མ་ཟད། གནས་སྐོར་ལྗོངས་ཁུལ་གསར་འཛུགས་གྲབས་གསོག་མིང་ཐོ་འཛུགས་པ་དང་འཐུས་ཚང་དུ་གཏོང་དགོས།

2. རྒྱལ་ཁབ་རིམ་པའི་ས་ཁོངས་ཧྲིལ་པོའི་གནས་སྐོར་དཔེ་སྟོན་ས་ཁུལ་གསར་འཛུགས་དང་མཐོར་འདེགས་སུ་གཏོང་དགོས། འཇུ་ལག་རྫོང་དང་མདའ་བཞི་རྫོང་གིས་ཞིང་ཆེན་རིམ་པའི་ས་ཁོངས་ཧྲིལ་པོའི་གནས་སྐོར་དཔེ་སྟོན་ས་ཁུལ་གསར་འཛུགས་བྱས་པའི་གྲུབ་འབྲས་རྒྱུན་མཐུད་སྲ་བརྟན་དུ་གཏོང་བའི་རྨང་གཞིའི་ཐོག  ཧུར་ཐག་གིས་རྒྱལ་ཁབ་རིམ་པའི་ས་ཁོངས་ཧྲིལ་པོའི་གནས་སྐོར་དཔེ་སྟོན་ས་ཁུལ་གསར་འཛུགས་བྱ་རྒྱུའི་རེ་ཞུ་བྱེད་པ་དང་། མདོ་ལ་རྫོང་དང་རྐང་ཚ་རྫོང་གིས་རྒྱལ་ཁབ་རིམ་པའི་ས་ཁོངས་ཧྲིལ་པོའི་གནས་སྐོར་དཔེ་སྟོན་ས་ཁུལ་གསར་འཛུགས་བྱས་པའི་གྲུབ་འབྲས་སྲ་བརྟན་དུ་གཏོང་དགོས།

3. ཞིང་ཆེན་རིམ་པའི་སྐྱེ་ཁམས་གནས་སྐོར་དཔེ་སྟོན་ལྗོངས་ཁུལ་གསར་སྐྲུན་བྱེད་དགོས། རྒྱལ་སྤྱིའི་སྐྱེ་ཁམས་གནས་སྐོར་གྱི་ཚད་གཞི་གཞིར་བཟུང་ནས། མདོ་ལ་རིང་མོའི་ཨ་མྱེས་སྟོང་སོ་དང་། འཇུ་ལག་ལོག་དཀར་མེ་ཏོག  རྐང་ཚ་གསེར་ཉའི་གཞིས་ཁྱིམ། གསེར་དངུལ་ཐང་དང་མ་རྡུལ་གྲོང་གི་ལྗོངས་ཁུལ་སོགས་གཙོ་གནད་གནས་སྐོར་ལྗོངས་ཁུལ་ཁག་གཅིག་གསར་བཏོད་བྱས་ཏེ། ཞིང་ཆེན་རིམ་པའི་སྐྱེ་ཁམས་གནས་སྐོར་དཔེ་སྟོན་ལྗོངས་ཁུལ་དུ་གཏོད་དགོས།

གསུམ།  གནས་སྐོར་གྱི་ལས་རྣམ་གསར་པ་གོང་འཕེལ་གཏོང་དགོས།

4.གནས་སྐོར་གྱི་ལས་རྣམ་གསར་པ་སྐྱེད་སྲིང་བྱེད་པ། གནས་སྐོར་ཐོན་རྫས་མ་ལག་གི་ནང་དོན་གསར་གཏོད་དང་། གནས་སྐོར་གྱི་ལས་རྣམ་གསར་པ་སྐྱེད་སྲིང་ཧུར་ཐག་བྱེད་པ། སྤུས་ལེགས་གནས་སྐོར་ཐོན་རྫས་མཁོ་སྤྲོད་རྒྱ་ཆེར་གཏོང་བ། སྐྱེ་ཁམས་གནས་སྐོར་ལྗོངས་ཁུལ་དང་། སྒེར་འཁོར་གནས་སྐོར་སྒར་ས། གནས་སྐོར་མགྲོན་ཁང་། སྐར་མ་རིམ་པའི་གྲོང་གསེབ་གནས་སྐོར་སྣེ་ལེན་ས་ཚིགས། སྐར་མ་རིམ་པའི་གསོལ་མགྲོན་ཁང་། གསར་བརྗེའི་གནས་སྐོར་མཉམ་འདྲེས་འཕེལ་རྒྱས་ཀྱི་ཚོད་ལྟའི་ལས་ཁུངས་སོགས་གནས་སྐོར་ལས་རྣམ་གསར་པ་རེ་ཞུ་དང་འོས་སྦྱོར་ཧུར་ཐག་བྱེད་པ་དང་། གནས་སྐོར་ཉམས་ལེན་དང་མཉམ་འགུལ་བྱེད་སྟངས་གསར་གཏོད་བྱས་ནས་མང་ཚོགས་གནས་སྐོར་གྱི་སྣ་མང་ཅན་གྱི་གནས་སྐོར་དགོས་མཁོ་གསར་པ་སྐོང་དགོས།

5. འཛད་སྤྱོད་ལས་རྣམ་ཕུན་སུམ་ཇེ་ཚོགས་སུ་གཏོང་བ།  ལྗོངས་ཁུལ་གྱི་གནས་སྐོར་དང་།  བཟའ་བཏུང་། དངོས་ཟོག་ཉོ་སྒྲུབ་སོགས་གནས་སྐོར་འཛད་སྤྱོད་ཀྱི་ལས་རྣམ་བྱེད་ནུས་ཆེ་རུ་གཏོང་བ།  ལོག་དཀར་གྱི་གཡུས་དང་རི་སྐྱེས་ཤ་མོ་སེར་པོ། འོ་བཟོས་ཐོན་རྫས། ནས་ཀྱི་སྟབས་བདེའི་ཐུག་པ།  སྦྲང་རྩིའི་ཐོན་རྫས་སོགས་ཡུལ་ཐོན་ཁྱད་རྫས་དང་། མདོ་ལའི་གཡང་ཊི།  བོད་ཀྱི་འཚེམ་དྲུབ། བོད་གྲི།  ཚངས་དབྱངས་རྒྱ་མཚོའི་དཔེ་དེབ་སོགས་རིག་གནས་གསར་གཏོད་ཚོང་ཟོག་ལ་དམིགས་ནས་གནས་སྐོར་དྲན་རྟེན་དངོས་རྫས་གསར་སྤེལ་དང་། ཚན་རིག་དང་མཐུན་པའི་སྒོ་ནས་གནས་སྐོར་དངོས་ཟོག་ཉོ་སྒྲུབ་གནས་ཡུལ་དང་ཉོ་སྒྲུབ་ཁུལ་འཛུགས་པ་དང་།    དྲ་ཐོག་དང་དྲ་ཕྱིའི་བྲིན་ཚོང་ཐབས་ལམ་ཤར་གཏོང་ཐུབ་པར་བྱེད་པ།   “ལྗོངས་ཁུལ+”ལ་སྐུལ་འདེད་གཏོང་བ།    མངོན་མིན་རིག་གནས་ཤུལ་བཞག་གི་ཉམས་ལེན་དང་བརྙན་གཟིགས་ཕབ་ལེན།    འགྲན་བསྡུར་བྱེད་སྒོ།   གནས་སྐོར་འཁྲབ་སྟོན་སོགས་ཀྱི་ལས་རྣམ་གསར་པ་ལྗོངས་ཁུལ་དུ་ཞུགས་པར་ཁྲིད་སྟོན་བྱས་ཏེ། མཚོ་བྱང་གི་སྐད་གྲགས་ཆོད་ཚད་ཆེ་རུ་གཏོང་དགོས།

6. རིག་གནས་ལས་རྣམ་དེ་ལྗོངས་ཁུལ་དུ་ཞུགས་པར་སྐུལ་འདེད་གཏོང་བ། རྫོང་སོ་སོའི་ལྗོངས་ཁུལ་གྱིས་ཡུལ་བབ་དང་བསྟུན་ནས་མངོན་མིན་རིག་གནས་ཤུལ་བཞག་ཁང་དང་བཤམས་སྟོན་ཁང་། སྐོར་སྐྱོད་དཔེ་ཁང་སོགས་སྤྱི་བའི་རིག་གནས་སྒྲིག་བཀོད་འཛུགས་སྐྲུན་བྱེད་པར་སྐུལ་ལྕག་གཏོང་བ་དང་།  རིག་གནས་མཉམ་འདྲེས་རྣམ་པའི་ཞབས་ཞུར་སྐུལ་འདེད་བཏང་ནས་ཧུར་ཐག་གིས་ལྗོངས་ཁུལ་གྱི་སྤྱི་བའི་རིག་གནས་ཞབས་ཞུའི་རྣམ་པ་གསར་པ་གཏོད་དགོས།   རིག་གནས་ཐོན་རྫས་གསར་གཏོད་དང་སྲོལ་རྒྱུན་བཟོ་རྩལ།   ཁྱིམ་ཚང་མགྲོན་ཁང་སོགས་ལྗོངས་ཁུལ་དུ་སྐྱོད་པའི་བྱེད་སྒོ་ལེགས་པར་བསྒྲུབ་དགོས།  ཁམས་གསེང་ལྷོད་གཡེང་ས་ཁུལ་དུ་ཁྱད་ལྡན་རིག་གནས་ཀྱི་བར་ཁྱམས་དང་རིག་གནས་ཀྱི་ཉམས་ལེན་བྱེད་ཡུལ་ཆུང་ཆུང་གསར་བཟོ་བྱས་ཏེ། གནས་སྐོར་པ་དེ་ལྗོངས་ཁུལ་གྱི་རིག་གནས་བྱ་འགུལ་ལ་ཞུགས་པ་དང་དེ་ཉམས་ལེན་བྱེད་པའི་འཛད་སྤྱོད་ལས་རྣམ་མང་དུ་གཏོང་རྒྱུར་ཁྲིད་སྟོན་བྱེད་དགོས།

7. མཚན་ལྗོངས་གནས་སྐོར་ཉམས་ལེན་འཕེལ་རྒྱས་སུ་གཏོང་བ། ལྗོངས་ཁུལ་དང་རིག་གནས་གནས་སྐོར་འཛད་སྤྱོད་གཅིག་འདུས་ཁུལ།  སྤྲོ་གསེང་ཁྲོམ་གཞུང་སོགས་ཀྱི་ལས་གཉེར་དུས་ཚོད་རིང་དུ་གཏོང་བ་དང་།  མཚན་ལྗོངས་གནས་སྐོར་གྱི་རྣམ་གྲངས་འཕེལ་རྒྱས་སུ་གཏོང་བ།  གློག་འོད་འགྲེམས་སྟོན་དང་རོལ་དབྱངས་དུས་ཆེན།  ཕྱི་རོལ་སྒར་རྒྱག་དུས་ཆེན་སོགས་རྣམ་པ་སྣ་ཚོགས་ཀྱི་མཚན་ལྗོངས་གནས་སྐོར་བྱེད་སྒོ་སྤེལ་བར་སྐུལ་སློང་བྱེད་རྒྱུ།  ཐོན་ཁུངས་དང་ཁོར་ཡུག་གི་ཁྱད་ཆོས་ལ་གཞིགས་ནས་གནད་ལ་འཁེལ་བའི་བདེ་འཇགས་འགན་ལེན་གྱི་རྨང་གཞིའི་ཐོག  སྒེར་འཁོར་སྒར་ས་སོགས་སུ་མཚན་ལྗོངས་གནས་སྐོར་གྱི་ཉམས་ལེན་བྱེད་ས་གསར་བཟོ་དང་།  ལྗོངས་ཁུལ་གྱི་མཚན་ལྗོངས་གནས་སྐོར་གྱི་ནང་དོན་ཕུན་སུམ་ཇེ་ཚོགས་སུ་གཏོང་བར་རྒྱབ་སྐྱོར་བྱེད་པ།  ཁྱད་ལྡན་མཚན་ལྗོངས་གནས་སྐོར་གྱི་རྫས་རྟགས་གསར་གཏོད་དང་།   མཚན་མོའི་དཔལ་འབྱོར་བྱེད་སྒོའི་གསོན་ཤུགས་ཆེ་རུ་གཏོང་བ་བཅས་བྱས་ཏེ་འཇུ་ལག་རྫོང་རུང་ཧའོ་ཁྲོམ་གཞུང་དང་མདོ་ལ་རྫོང་གི་ཡུལ་སྲོལ་ཁྲོམ་གཞུང་སོགས་སུ་མཚན་མོའི་དཔལ་འབྱོར་འཕེལ་རྒྱས་ཀྱི་ལས་རྣམ་འཚོལ་ཞིབ་བྱེད་དགོས།

8. དམངས་ཕན་གནས་སྐོར་བྱེད་སྒོ་སྤེལ་བ། ཧུར་ཐག་གིས་རིག་གནས་གནས་སྐོར་ཁེ་ལས་དེ་མཚོ་སྔོན་ཞིང་ཆེན་རིག་གནས་གནས་སྐོར་ཐིང་གི་རིག་གནས་གནས་སྐོར་འཛད་སྤྱོད་དུས་ཚིགས་སོགས་དམངས་ཕན་གནས་སྐོར་བྱེད་སྒོའི་ནང་ཞུགས་རྒྱུར་ཁྲིད་སྟོན་བྱས་ནས།  དུས་ཚོད་འོས་འཚམ་གྱི་སྐབས་སུ། ཁུལ་དང་རྫོང་གི་དམངས་ཕན་གནས་སྐོར་ཐོན་རྫས་ཕྱི་ཕྱོགས་སུ་ཚོང་འགྲེམས་བྱེད་རྒྱུ།  མཚོ་སྔོན་ལ་རོགས་སྐྱོར་བྱེད་པའི་ཧྲན་ཏུང་དང་པེ་ཅིང་། ཐེན་ཅིན། ཧྲང་ཧའེ། ཀྲེ་ཅང་། ཅང་སུའུ་བཅས་ནས་ཡིན་པའི་གནས་སྐོར་བ་དེར་རང་སྐྱོང་ཁུལ་ནང་ཁུལ་གྱི་ལྗོངས་ཁུལ་དུ་སྒོ་འཛིན་རིན་མེད་གཏོང་བའི་སྲིད་ཇུས་ལག་བསྟར་བྱེད་དགོས།  ལྗོངས་ཁུལ་གྱིས་ཉིན་གྲངས་མང་བོར་བཀོལ་ཆོག་པའི་སྒོ་འཛིན་དང་དུས་ཚིགས་ཀྱི་སྒོ་འཛིན། ལྗོངས་ཁུལ་མང་པོའི་མཉམ་འབྲེལ་སྒོ་འཛིན་སོགས་ཀྱི་གཟིགས་སྐྱོང་ཆ་སྡེབ་ཁྱབ་གདལ་གཏོང་རྒྱུར་ཁྲིད་སྟོན་བྱེད་དགོས་ལ། ལྗོངས་ཁུལ་དུ་མང་ཚོགས་ལ་རིན་མེད་སྒོ་འབྱེད་ཉིན་མོ་འཛུགས་རྒྱུར་སྐུལ་མ་གཏོང་དགོས།

9. “དངོས་མིན་རིག་གནས་ཤུལ་བཞག+གནས་སྐོར”གྱི་ལས་རྣམ་གསར་པ་བཟོ་བ། ལོ་རེར་རྫོང་རེས་ཉུང་མཐར་ཡང“དངོས་མིན་རིག་གནས་ཤུལ་བཞག་ལྗོངས་ཁུལ་དུ་སྤེལ་བ”ཞེས་པའི་འགྲེམས་སྟོན་བྱེད་སྒོ་ཐེངས2སྤེལ་དགོས་ལ། དུས་ཚོད་ཀྱི་བར་སྐབས་གཞིར་བཟུང་ནས་དངོས་མིན་རིག་གནས་ཤུལ་བཞག་གི་རྣམ་གྲངས་དང་དངོས་མིན་རིག་གནས་ཤུལ་བཞག་གི་རྒྱུན་འཛིན་པ་རེ་ཞུ་ཧུར་ཐག་བྱས་ཏེ།  དངོས་མིན་རིག་གནས་ཤུལ་བཞག་རྒྱུན་འཛིན་ལ་ཤེས་ལྡན་མི་སྣའི་རྨང་གཞི་འདིང་བ་དང་། མཚོ་བྱང་གི་དངོས་མིན་རིག་གནས་ཤུལ་བཞག་རྒྱུན་འཛིན་དང་འཕེལ་རྒྱས་གཏོང་བའི་ལས་གཞི་རྒྱ་སྐྱེད་གཏོང་དགོས། “དངོས་མིན་རིག་གནས་ཤུལ་བཞག+གནས་སྐོར”མཉམ་འདྲེས་ཟབ་མོ་བྱེད་སྟངས་ལ་བརྟེན་ནས་དངོས་མིན་རིག་གནས་ཤུལ་བཞག་གི་ཐོན་ཁུངས་མོད་པོ་དེ་གནས་སྐོར་འཕེལ་རྒྱས་ཀྱི“སྒུལ་ཤུགས་གསར་པར”བསྒྱུར་ནས་གནས་སྐོར་འཕེལ་རྒྱས་དང་དངོས་མིན་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ལ་སྐུལ་འདེད་གཏོང་དགོས།

བཞི།  གནས་སྐོར་གྱི་ཆ་སྡེབ་སྒྲིག་བཀོད་འཐུས་ཚང་དུ་གཏོང་དགོས།

10.ཞབས་ཞུའི་སྒྲིག་བཀོད་ཀྱི་རིམ་ཚད་མཐོ་རུ་གཏོང་བ། གནས་སྐོར་སྣེ་ལེན་དང་གནས་སྐོར་འགྲུལ་འཁོར་བརྗེ་བ། ཆ་འཕྲིན་འདྲི་རྟོགས། བཟའ་བཏུང་ཉོ་སྒྲུབ། གནས་སྐོར་ཞུ་གཏུག་དོ་དམ་སོགས་ཀྱི་བྱེད་ནུས་གཙོ་བོ་ཡིན་པའི་གནས་སྐོར་ཞབས་ཞུའི་ལྟེ་གནས་གང་མགྱོགས་སྒོས་འཛུགས་སྐྲུན་དང་འཐུས་ཚང་དུ་གཏོང་བ་དང་། གནས་སྐོར་ཞབས་ཞུ་ལྟེ་གནས་ཀྱི་ཞབས་ཞུའི་ནུས་པ་སྣ་ཚོགས་ཚད་ལྡན་དུ་བཏང་ནས་སྣེ་ལེན་ཞབས་ཞུའི་ཆུ་ཚད་མཐོ་རུ་གཏོང་དགོས། ངལ་གསོའི་སྒྲིག་བཀོད་སྣ་ཚོགས་ལུགས་མཐུན་ངང་བཀོད་སྒྲིག་བྱེད་པ་དང་། དམིགས་བསལ་ཚོགས་སྤྱིའི་དགོས་མཁོར་བསམ་བློ་བཏང་སྟེ་ངལ་གསོ་སྒྲིག་བཀོད་ཀྱི་ཞབས་ཞུའི་ནུས་པ་ཆེ་རུ་གཏོང་དགོས།  གནས་སྐོར་གསང་སྤྱོད་འཛུགས་སྐྲུན་མུ་མཐུད་སྐུལ་འདེད་གཏོང་བ་དང་། མི་གཤིས་ཅན་གྱི་ཇུས་འགོད་ལ་དོ་སྣང་བྱེད་པ། གནས་སྐོར་གསང་སྤྱོད་ཀྱི་བཀོད་པ་འཐུས་སྒོ་ཇེ་ཚང་དུ་གཏོང་བ།“གསང་སྤྱོད་གཅིག་ལ་མཛེས་ལྗོངས་གཅིག”གི་སྤྱི་བའི་གསང་སྤྱོད་དཔེ་མཚོན་བཟོ་སྐྲུན་སྐུལ་འདེད་གཏིང་ཟབ་གཏོང་བ། གནས་སྐོར་ལྗོངས་ཁུལ་སོགས་གནས་སྐོར་འདུ་གནས་ཀྱི་གསང་སྤྱོད་ཡོངས་སུ་ཁྱབ་པ་བཅས་བྱས་ནས་མཐོ་གྲང་ས་ཁུལ་དུ་འཚམ་པའི་ཁོར་ཡུག་སྲུང་སྐྱོང་གསང་སྤྱོད་ཁྱབ་གདལ་གཏོང་རྒྱུར་སྐུལ་འདེད་གཏོང་དགོས། གནས་སྐོར་བའི་རླངས་འཁོར་འཇོག་ས་སྣ་ཚོགས་ལུགས་མཐུན་ངང་འཛུགས་སྐྲུན་བྱེད་པ་དང་། སྐྱེ་ཁམས་རླངས་འཁོར་འཇོག་ས་འཕེལ་རྒྱས་གཏོང་བར་སྐུལ་མ་གཏོང་བ།  ད་ཡོད་ཀྱི་རླངས་འཁོར་འཇོག་ས་རིམ་སྤོར་སྒྱུར་བཀོད་ལ་སྐུལ་འདེད་གཏོང་བ་བཅས་བྱེད་དགོས། ལྗོངས་ཁུལ་སོ་སོའི་ཁྱད་ལྡན་རིག་གནས་སྔོག་འདོན་དང་ཟུང་འབྲེལ་བྱས་ནས་ལྗོངས་ཁུལ་ནང་ཁུལ་གྱི་མཚོན་རྟགས་སྣེ་ཁྲིད་མ་ལག་འཛུགས་སྐྲུན་བྱེད་ཤུགས་ཆེ་རུ་གཏོང་དགོས།

11.ལྗོངས་ཁུལ་གྱི་ཤར་གཏོང་རང་བཞིན་ཆེ་རུ་གཏོང་བ།   གནས་སྐོར་ལྗོངས་ཁུལ་དུ་འགྲོ་སྐྱོད་ཐུབ་ཚད་དང་སྟབས་བདེ་ཅན་གྱི་ཆུ་ཚད་མཐོ་རུ་གཏོང་བ་དང་། “མྱུར་སྐྱོད་དལ་སྐོར”གྱི་འགྲིམ་འགྲུལ་དྲ་རྒྱ་འཛུགས་སྐྲུན་སྐུལ་འདེད་བཏང་ནས་ལྗོངས་ཁུལ་གྱི་ཤར་སྐྱོད་རང་བཞིན་ཟམ་མི་ཆད་པར་མཐོ་རུ་གཏོང་དགོས།  ལྗོངས་ཁུལ་གྱིས་འགུལ་སྐྱོད་རང་བཞིན་དང་དུས་ཚིགས་རང་བཞིན་གྱི་སྒེར་འཁོར་གནས་སྐོར་གྱི་ཞབས་ཞུའི་སྒྲིག་བཀོད་འཛུགས་སྐྲུན་བྱེད་པར་སྐུལ་མ་གཏོང་བ་དང་།  ཆ་རྐྱེན་འཛོམས་པའི་ལྗོངས་ཁུལ་དུ་སྒེར་འཁོར་གནས་སྐོར་བའི་གནས་སྐོར་དང་སྒར་ས་འཛུགས་སྐྲུན་བྱེད་དགོས།  འགྲིམ་འགྲུལ་དང་གནས་སྐོར་མཉམ་འདྲེས་དཔེ་སྟོན་ཁུལ་གྱི་གོ་སྐབས་དམ་འཛིན་དང་། “འགྲིམ་འགྲུལ་དང་གནས་སྐོར་མཉམ་འདྲེས”འཕེལ་རྒྱས་ཀྱི་དགོས་མཁོར་ཟུང་འབྲེལ་བྱས་ཏེ། འགྲིམ་འགྲུལ་དང་གནས་སྐོར་མཉམ་འདྲེས་ཀྱི་རྨང་གཞིའི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་གཏོང་དགོས། ལྗོངས་ཁུལ་གྱི་གནས་སྐོར་ལམ་ཐིག་ཇེ་ལེགས་དང་འཐུས་སྒོ་ཇེ་ཚང་དུ་གཏོང་བ་དང་། ལྗོངས་ཁུལ་གྱི་ལྟ་སྐོར་འཁོར་ལམ་དང་ལྕགས་རྟའི་བརྒྱུད་ལམ། རྐང་ཐང་བགྲོད་ལམ།  འབྲེང་ལམ་སོགས་ནང་ཁུལ་གྱི་འགྲིམ་འགྲུལ་སྒྲིག་བཀོད་འཐུས་ཚང་བཟོས་ནས་མུ་མཐུད་དུ་འགྲིམ་འགྲུལ་གནས་སྐོར་གྱི་བགྲོད་ལམ་གསར་པ་བཏོད་པ་དང་ཕན་ཚུན་སྦྲེལ་མཐུད་བྱེད་ནུས་ཆེ་རུ་བཏང་སྟེ། གྲོང་ཁུལ་ནས་ལྗོངས་ཁུལ་དབར་དང་། ལྗོངས་ཁུལ་ནས་ལྗོངས་ཁུལ་དབར་གྱི་གནས་སྐོར་འགྲིམ་འགྲུལ་ཤར་གཏོང་ཐུབ་པ་བྱས་ནས། ཁུལ་ཡོངས་ཀྱི་འགྲིམ་འགྲུལ་དང་གནས་སྐོར་མཉམ་འདྲེས་ཀྱི་ཕྱོགས་བསྡུས་ཞབས་ཞུའི་མ་ལག་བསྐྲུན་པར་གཞོགས་འདེགས་བྱེད་དགོས།    

12.རིག་ནུས་ཅན་གྱི་ཆུ་ཚད་མཐོ་རུ་གཏོང་བ། གྲངས་གཞིའི་དཔལ་འབྱོར་འཕེལ་རྒྱས་ཀྱི་གོ་སྐབས་དམ་འཛིན་དང་། རིག་ནུས་གནས་སྐོར་ལྗོངས་ཁུལ་འཛུགས་སྐྲུན་བྱེད་ཤུགས་ཆེ་རུ་བཏང་ནསAརིམ་པའི་ལྗོངས་ཁུལ་དང་རྒྱལ་ཁབ་རིམ་པའི་གྲོང་གསེབ་གནས་སྐོར་གྱི་གཙོ་གནད་གྲོང་ཚོ་སོགས་སུ5Gཁྱབ་པ་མངོན་འགྱུར་བྱེད་རྒྱུ།  གནས་སྐོར་བའི་ཉམས་ལེན་ཞབས་ཞུའི་ནུས་པ་མཐོ་རུ་གཏོང་བ་དང་གཉེར་སྐྱོང་དོ་དམ་ཆུ་ཚད་མཐོ་རུ་གཏོང་དགོས། Aཅན4རིམ་པ་དང་དེ་ཡན་གྱི་གནས་སྐོར་ལྗོངས་ཁུལ་རིམ་བཞིན་རིག་ནུས་གནས་སྐོར་ལྗོངས་ཁུལ་དུ་བསྐྲུན་པར་སྐུལ་འདེད་གཏོང་དགོས། ཁུལ་དང་རྫོང་གིས་མཉམ་དུ་ལྗོངས་ཁུལ་དྲ་ཐོག་ནས་ཁ་ཆད་བྱེད་པ་དང་བརྙན་ལམ་ལྟ་སྐུལ་ཚོད་འཛིན། གློག་རྡུལ་སྤ་སེའི་ལས་དོན། རང་སྒྲུག་སྐད་བརྡའི་སྣེ་ཤན། གནས་སྐོར་ཞུ་གཏུག LEDཤེལ་ཡོལ་ཆེ་མོའི་ཆ་འཕྲིན་ཡོངས་བསྒྲགས་སོགས་རིག་ནུས་གནས་སྐོར་རྣམ་གྲངས་བསྐྲུན་པར་སྐུལ་འདེད་བཏང་ནས། རིམ་བཞིན་གསལ་ཚད་མཐོ་བ་དང་ཉམས་ལེན་མཐོ་བ། མཉམ་འགུལ་མཐོ་བ་བཅས་ཀྱི་མཛེས་ལྗོངས་ས་ཁུལ་གྱི་གྲངས་འཛིན་ཅན་གྱི་གནས་སྐོར་མངོན་འགྱུར་ཡོང་བ་བྱེད་དགོས། རིག་གནས་གནས་སྐོར་ཁེ་ལས་ཀྱིས་དྲ་རྒྱ་ཅན་གྱི་ལག་རྩལ་བེད་སྤྱོད་བྱེད་ཤུགས་ཆེ་རུ་གཏོང་བར་སྐུལ་ལྕག་བཏང་ནས་དྲ་རྒྱའི་ཐད་གཏོང་ཚོང་འགུགས་དང་དྲ་ཐོག་དྲིལ་བསྒྲགས་སོགས་བྱེད་དགོས།

ལྔ། གནས་སྐོར་ཞབས་ཞུའི་ཆུ་ཚད་མཐོ་རུ་གཏོང་དགོས།

13.ལྗོངས་ཁུལ་འགྲེལ་བཤད་ཀྱི་ཆུ་ཚད་མཐོ་རུ་གཏོང་བ། ལྗོངས་ཁུལ་གྱི་འགྲེལ་བཤད་ཞབས་ཞུ་ཚད་ལྡན་དུ་གཏོང་བ་དང་། Aརིམ་པའི་ལྗོངས་ཁུལ་གྱི་འགྲེལ་བཤད་ཚིག་གི་ཞིབ་བཤེར་དམ་འཛིན་བྱེད་པ། ལྗོངས་ཁུལ་གྱི་སྣེ་ཤན་པ་དང་འགྲེལ་བཤད་པའི་དོ་དམ་ནན་པོ་བྱས་ནས་སྣེ་ཤན་པའི་དཔུང་ཁག་སྐྱེད་སྲིང་དང་སྟོབས་ཆེར་གཏོང་དགོས།  རྫོང་སོ་སོས་རང་བྱུང་སྐྱེ་ཁམས་དང་རིག་གནས་ལོ་རྒྱུས་སོགས་ཀྱི་ཐོན་ཁུངས་སྔོག་འདོན་གཏིང་ཟབ་བྱེད་པར་སྐུལ་ལྕག་གཏོང་བ་དང། གནས་སྐོར་བའི་དགོས་མཁོ་མི་འདྲ་བར་གཞིགས་ནས་དམིགས་གཏད་རང་བཞིན་གྱི་འགྲེལ་བཤད་ནང་དོན་གསར་སྤེལ་བྱེད་དགོས།

14.མི་སྣ་གསོ་སྦྱོང་བྱེད་ཤུགས་ཆེ་རུ་གཏོང་བ། སྐྱེ་ཁམས་གནས་སྐོར་ཞིབ་འཇུག་དང་སྐྱེ་ཁམས་ཐོན་ཁུངས་གཉེར་སྐྱོང་དོ་དམ། ཆུ་ཚད་མཐོ་བའི་སྣེ་ཤན་འགྲེལ་བཤད་སོགས་ཀྱི་ཤེས་ལྡན་མི་སྣའི་དཔུང་ཁག་གསོ་སྐྱོང་བྱས་ཏེ། རིག་གནས་གནས་སྐོར་གྱི་ཤེས་ལྡན་མི་སྣའི་ཆེད་ལས་ཅན་དང་ཁྲོམ་ར་ཅན་ལ་ཕྱོགས་ཡོངས་ནས་སྐུལ་འདེད་བྱེད་དགོས། ལས་རིགས་སློབ་གླིང་གི་གནས་སྐོར་ཆེད་ལས་ཀྱི་མཉམ་ལས་བྱེད་ཤུགས་ཆེ་རུ་བཏང་ནས་ཁུལ་ཡོངས་ཀྱི་ལག་ཁྱེར་ཡོད་པའི་གནས་སྐོར་སྣེ་ཤན་པའི་གྲངས་འབོར་མང་དུ་གཏོང་དགོས་ལ། རིག་གནས་གནས་སྐོར་ལས་རིགས་ཀྱི་ཤེས་ལྡན་མི་སྣའི་རིགས་སྣ་ཚོགས་ཀྱི་གསོ་སྦྱོང་བྱེད་སྒོ་བརྩོན་ལེན་བྱེད་དགོས།

དྲུག  གནས་སྐོར་དྲིལ་བསྒྲགས་ཀྱི་ཚོང་གཉེར་བྱེད་ཤུགས་ཆེ་རུ་གཏོང་དགོས།

15.དྲིལ་བསྒྲགས་ཚོང་གཉེར་བྱེད་སྟངས་གསར་གཏོད་བྱེད་པ། ཚན་རིག་དང་མཐུན་པའི་སྒོ་ནས་གནས་སྐོར་དྲིལ་བསྒྲགས་ཚོང་གཉེར་ཇུས་གཞི་བཟོ་བ་དང་། བྱེད་ཐབས་གསར་གཏོད་དང་སྐད་འཕྲིན་སྤྱི་སྟེགས། འདར་དབྱངས་སོགས་དྲ་ཐོག་ལས་སྟེགས་ཀྱི་དྲིལ་བསྒྲགས་ཚོང་གཉེར་ནང་དོན་རྒྱུན་མཐུད་ཕུན་སུམ་ཚོགས་པར་གཏོང་བ་དང་། ཕུལ་བྱུང་གནས་སྐོར་ཐད་གཏོང་ཤེས་ལྡན་པ་གསོ་སྐྱོང་དང་འདེམས་སྒྲུག་ཤུགས་ཆེན་བྱེད་པ། “ཤར་ནུབ་དུས་ཆད་དང་མཚོ་བྱང་སྐར་རྒྱན།”གནས་སྐོར་གྱི་ཐད་གཏོང་ཤེས་ལྡན་པའི་གསོ་སྦྱོང་འཛིན་གྲྭ་སྤེལ་རྒྱུ། བརྙན་ཐུང་ཕབ་སྐྲུན་བྱས་ཏེ“དག་སྣང་མཚོ་བྱང”གི་སྐད་གྲགས་ཆོད་ཚད་མཐོ་རུ་གཏོང་དགོས།  གནས་སྐོར་བའི་དགོས་མཁོའི་འགྱུར་ལྡོག་ལ་དོ་ཁུར་བྱས་ཏེ་ལོ་ན་མི་འདྲ་བའི་གནས་སྐོར་བར་དམིགས་ནས་ཁྱད་པར་ཅན་དང་ཁྱད་ལྡན་ཅན་གྱི་གནས་སྐོར་ལམ་ཐིག་གསར་སྤེལ་བྱེད་དགོས།  གཙོ་གནད་གནས་སྐོར་ལྗོངས་ཁུལ་དང་གནས་སྐོར་ཁེ་ལས་སྒྲིག་འཛུགས་ཧུར་ཐག་བྱས་ནས་རྒྱལ་ཁབ་ཕྱི་ནང་གིས་གཉེར་བའི་གནས་སྐོར་ཚོང་འདུས་དང་གནས་སྐོར་མ་འཇོག་ངོ་འཕྲད་གྲོས་མོལ་ཚོགས་འདུ། གནས་སྐོར་དྲིལ་སྒྲོག་འོས་སྦྱོར་དངོས་མང་གཤམས་སྟོན་ཚོགས་འདུ་སོགས་སུ་ཞུགས་དགོས།

16.ས་ཁོངས་བརྗེ་རེས་དང་མཉམ་ལས་བྱེད་ཤུགས་ཆེ་རུ་གཏོང་བ། རྒྱལ་ནང་གི་ས་ཁོངས་མཉམ་འགུལ་གྱི་སྐུལ་འདེད་མགྱོགས་སུ་གཏོང་བ་དང་། རྨ་ཆུའི་འབབ་རྒྱུད་ཀྱི་ཞིང་ཆེན་དང་རང་སྐྱོང་ལྗོངས་དགུའི་མནའ་འབྲེལ་ཁྱབ་གདལ་བྱེད་སྒོའི་ནང་ཧུར་ཐག་གིས་ཞུགས་ནས། “མཚོ་སྐྱོར་རིག་གནས་གནས་སྐོར་མནའ་འབྲེལ”གྱི་ལས་སྟེགས་ནུས་པ་འདོན་སྤེལ་གང་ལེགས་བྱེད་པ་དང་། ས་ཁོངས་མཉམ་ལས་ལ་ཤུགས་སྣོན་རྒྱག་པ།  རང་འགུལ་ངང“མཚོ་སྔོན་དང་ཀན་སུའུ་ཡི་གནས་སྐོར་སྐོར་ལམ་ཆེན་མོ”ནང་ཞུགས་དགོས།  ཧྲན་ཤིས་དང་སི་ཁྲོན། ཉིང་ཞ། མཚོ་སྔོན་བཅས་ཞིང་ཆེན་དང་གྲོང་ཁྱེར་དྲུག་སོགས་འགྲུལ་ཁུངས་ཁྲོམ་ར་རྒྱ་ཆེར་གཏོང་བ།  “དག་སྣང་མཚོ་བྱང”གི་དྲིལ་སྒྲོག་འོས་སྦྱོར་བྱེད་སྒོ་སྣ་ཚོགས་མུ་མཐུད་དུ་སྤེལ་བ་བཅས་བྱེད་དགོས།  ཁ་གཏད་རོགས་སྐྱོར་ཞིང་ཆེན་དང་གྲོང་ཁྱེར་གྱིས་དྲིལ་སྒྲོག་ཚོང་གཉེར་དང་ཤེས་ལྡན་མི་སྣ་གསོ་སྦྱོང་སོགས་ཐད་ཀྱི་རྒྱབ་སྐྱོར་བརྩོན་ལེན་བྱེད་དགོས།

བདུན།  གནས་སྐོར་སླར་གསོ་དང་འཕེལ་རྒྱས་མགྱོགས་སུ་གཏོང་དགོས།

17.ཁེ་ལས་ཀྱི་དཀའ་ངལ་སེལ་རོགས་ཀྱི་སྲིད་ཇུས་དོན་འཁྱོལ་བྱེད་ཤུགས་ཆེ་རུ་གཏོང་བ། རིག་གནས་གནས་སྐོར་ཁེ་ལས་འཕེལ་རྒྱས་ཀྱི་དཀའ་ངལ་ལ་བརྟག་དཔྱད་གཏིང་ཟབ་བྱེད་པ་དང་། 《མཚོ་བྱང་ཁུལ་གྱི་གནས་སྐོར་ལས་རིགས་སླར་གསོ་འཕེལ་རྒྱས་ཀྱི་བྱེད་ཐབས་བཅུ》ལག་བསྟར་དོན་འཁྱོལ་བྱེད་པ། རིག་གནས་གནས་སྐོར་ཐད་ཀྱི་ཁེ་ལས་སྒྲིག་འཛུགས་བྱས་ཏེ། ཁུལ་ཡོངས་ཀྱི་དངུལ་ཁང་དང་ཁེ་ལས་འབྲེལ་མཐུད་བྱེད་སྒོའི་ནང་ཧུར་ཐག་གིས་ཞུགས་ནས་རིག་གནས་གནས་སྐོར་ཁེ་ལས་ལ་དངུལ་བུན་སྐྱེད་གསབ་རེ་ཞུ་དང་། སྔོན་ལ་འཛུགས་སྐྲུན་བྱས་རྗེས་ཁ་གསབ་བྱེད་པ། དངུལ་རྩའི་རོགས་སྐྱོར་སོགས་རྣམ་གྲངས་ལ་ཁྲིད་སྟོན་དང་རོགས་རམ་ཧུར་ཐག་བྱས་ཏེ། ཞིང་ཆེན་རིམ་པའི་རིག་གནས་གནས་སྐོར་འཕེལ་རྒྱས་ཀྱི་ཆེད་དོན་ཁྲིད་སྟོན་མ་དངུལ་གྱིས་ཐོན་ལས་རོགས་སྐྱོར་གྱི་བསྡུར་ཚད་ཆེ་རུ་གཏོང་བ་དང་། ཕྱོགས་སོ་སོའི་རྒྱབ་སྐྱོར་སྔར་བས་བརྩོན་ལེན་བྱེད་དགོས།

18.བྱེད་སྒོའི་སྣེ་ཁྲིད་བྱེད་ཤུགས་ཆེ་རུ་གཏོང་བ།ལྗོངས་ཁུལ་གྱིས་ཝང་ལུའོ་པིན་གྱི་རོལ་དབྱངས་སྒྱུ་རྩལ་དུས་ཆེན་དང་འཇུ་ལག་ལོག་དཀར་རིག་གནས་གནས་སྐོར་དུས་ཆེན། མདོ་ལ་རིང་མོའི་རྩྭ་ཐང་ཡུལ་སྲོལ་རིག་གནས་གནས་སྐོར་གྱི་བྱེད་སྒོ་རབ་དང་རིམ་པ། མཚོ་སྔོན་པོའི་གསེར་ཉ་སྐྱེ་འཕེལ་གློད་གཏོང་དང་ཉ་གཟིགས་དུས་ཆེན་སོགས་དུས་སྟོན་དང་སྲོལ་རྒྱུན་དུས་ཆེན་ལ་བརྟེན་ནས་རིག་གནས་གནས་སྐོར་གྱི་བྱེད་སྒོ་སྣ་ཚོགས་སྤེལ་བར་རྒྱབ་སྐྱོར་བྱེད་དགོས། དུས་ཆེན་གྱི་བྱེད་སྒོའི་བརྗོད་དོན་གཙོ་བོར་དམིགས་ནས་ལྗོངས་ཁུལ་གྱི་ཡུལ་དངོས་བཀོད་སྒྲིག་དང་སྣང་ཚུལ་བཟོ་སྐྲུན་བྱེད་པ་དང།  མུ་མཐུད་དུ་རིག་གནས་གནས་སྐོར་དུས་ཆེན་གྱི་བྱེད་སྒོའི་སྤུས་རྟགས་གསར་བཏོད་བྱེད་དགོས་ལ།  ཞིང་ཆེན་ཕྱི་ནང་གི་གནས་སྐོར་བ་དེ་བས་མང་བ་ཚུར་བཀུག་ནས།  རིག་གནས་གནས་སྐོར་བྱེད་སྒོ་སྤེལ་བའི་ལྗོངས་ཁུལ་གྱི་དྲིལ་སྒྲོག་དང་འོས་སྦྱོར་ལ་ཤུགས་སྣོན་རྒྱག་དགོས།

བརྒྱད།  གནས་སྐོར་སྤུས་ཚད་ཀྱི་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་དགོས།

19.ཚད་གཞི་ཅན་གྱི་དོ་དམ་བྱེད་ཤུགས་ཆེ་རུ་གཏོང་བ། སྤུས་ཚད་ཀྱི་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་། གཙོ་བོ་ལྗོངས་ཁུལ་གསར་འཛུགས་དང་དཔྱད་བསྡུར་གཏན་འབེབས། བསྐྱར་ཞིབ། རིམ་པ་གཅོག་པ། སྒོ་བྱང་ལེན་པ་སོགས་ཀྱི་བྱེད་ཐབས་སྤྱད་དེ་ལྗོངས་ཁུལ་གྱིས་གནས་སྐོར་ལས་རིགས་ལེགས་སྒྱུར་དང་ཞབས་ཞུའི་སྤུས་ཚད་མཐོ་རུ་གཏོང་བར་ཁྲིད་སྟོན་བྱེད་དགོས། མཉམ་འབྲེལ་ཁྲིམས་འཛིན་ལམ་སྲོལ་སྔར་བས་འཐུས་ཚང་དུ་གཏོང་བ་དང་། ཁྲིམས་འཛིན་ལྟ་སྐུལ་དང་དོ་དམ་ལ་ཤུགས་སྣོན་རྒྱག་པ།  ཁུལ་ཡོངས་ཀྱི་ལྗོངས་ཁུལ་དང་རིག་གནས་གནས་སྐོར་ཁེ་ལས་ཚད་ལྡན་གཉེར་སྐྱོང་དང་དཔལ་ཡོན་ཞབས་ཞུ། འདུ་ཤེས་ཟབ་ཏུ་གཏོང་བ། འགན་འཁྲི་ཁ་གསལ་བཟོ་བ་བཅས་ལ་མཛུབ་ཁྲིད་དང་སྐུལ་འདེད་བཏང་ནས་ལྗོངས་ཁུལ་གྱི་བདེ་འཇགས་དང་གོ་རིམ་ལྡན་པའི་ལས་རྣམ་འགན་ལེན་བྱེད་དགོས།

20.གནས་སྐོར་ཕྱོགས་བསྡུས་ཁྲིམས་འཛིན་ལས་དོན་ལ་ཤུགས་སྣོན་རྒྱག་པ། གནས་སྐོར་བའི་ཁྲིམས་མཐུན་ཁེ་དབང་ལ་གནོད་འཚེ་གཏོང་བ་དང་གནས་སྐོར་བའི་གནས་སྐོར་ཉམས་ལེན་དང་བློ་ཡིད་ཚིམ་ཚད་ལ་ཤུགས་རྐྱེན་བཟོ་བའི་མངོན་གསལ་དོད་པའི་གནད་དོན་ལ་དམིགས་ནས། གནས་སྐོར་ཁྲོམ་རའི་ཁྲིམས་འཛིན་ལྟ་སྐུལ་དོ་དམ་བྱེད་ཤུགས་སྔར་བས་ཆེ་རུ་གཏོང་དགོས། གནས་སྐོར་ལས་དོན་ཁང་གི་རྒྱུན་ལྡན་གྱི་ལྟ་སྐུལ་དོ་དམ་ལ་ཤུགས་སྣོན་བརྒྱབ་སྟེ། དུས་ཐོག་ཏུ་ཁྲིམས་ལྟར་གནས་སྐོར་གྱི་ཞུ་གཏུག་དང་ཞིབ་བཤེར་ཁྲོད་ཤེས་རྟོགས་བྱུང་བའི་གནད་དོན་སྣ་ཚོགས་ཐག་གཅོད་བྱེད་དགོས། “སྐབས་བསྟུན་གཉིས་དང་ཡོངས་བསྒྲགས་གཅིག”གི་ལམ་ལུགས་དོན་འཁྱོལ་བྱས་ཏེ་སྡེ་ཚན་ལས་བརྒལ་བའི་མཉམ་འབྲེལ་ཁྲིམས་འཛིན་བྱེད་པ་དང་། “ལུགས་མཐུན་མིན་ཞིང་རིན་གོང་དམའ་བའི་གནས་སྐོར”དང་ཆོག་འཐུས་མ་ཐོབ་པར་གནས་སྐོར་ལས་དོན་ཁང་གི་ལས་སྒོ་གཉེར་སྐྱོང་བྱེད་པ་སོགས་ཀྱི་ཁྲིམས་འགལ་སྒྲིག་འགལ་གྱི་ལས་འགུལ་ལ་རྡུང་རྡེག་ནན་པོ་བཏང་ནས། གནས་སྐོར་ལས་རིགས་སྤུས་ཚད་མཐོ་བའི་འཕེལ་རྒྱས་ལ་འགན་ལེན་ནུས་ལྡན་བྱེད་དགོས།



本期证报PDF文件