ཀྲུང་གོ་རོགས་སྐྱོབ་རུ་ཁག་གིས་ཀྲུང་གོའི་ཤང་ཀང་དམིགས་བསལ་ས་ཁུལ་རོགས་སྐྱོབ་རུ་ཁག་དང་མཉམ་འབྲེལ་ཐོག་འཚོལ་སྐྱོབ་བྱས་པ།

སྒྲིག་སྒྱུར། ཀླུ་མོ་མཚོ།  ཡོང་ཁུངས། ཀྲུང་གོ་གསར་འགྱུར་དྲ་བ།  བཤེར་འབེབས། རིན་ཆེན་ཚེ་རིང་།

ཀྲུང་གོ་འཕྲལ་བསྟུན་དོ་དམ་པུས་པར་རིས་མཁོ་འདོན་བྱས། 

ས་གནས་དེ་གའི་དུས་ཚོད་ཀྱི་ཟླ4ཚེས1ཉིན། ཀྲུང་གོ་རོགས་སྐྱོབ་རུ་ཁག་གིས་ཀྲུང་གོའི་ཤང་ཀང་དམིགས་བསལ་ས་ཁུལ་རོགས་སྐྱོབ་རུ་ཁག་དང་མཉམ་འབྲེལ་ཐོག་མན་ཏེ་ལེའི་གནོད་ཐེབས་ཆེས་ཚབས་ཆེ་བའི་མཁའ་དབྱིངས་སྤྱི་ཁང་རོགས་སྐྱོབ་ས་ཚིགས་སུ་མཉམ་འབྲེལ་འཚོལ་སྐྱོབ་བྱས།

    ཀྲུང་གོ་འཕྲལ་བསྟུན་དོ་དམ་པུས་པར་རིས་མཁོ་འདོན་བྱས། 

ཐེངས་འདིའི་མཉམ་འབྲེལ་འཚོལ་སྐྱོབ་ལ་ཁྱོན་མི24བཏང་བ་དང་། སྦྲུལ་མིག་ནང་ལྐོག་ཤེལ་དང་ཚེ་སྲོག་བཤེར་ཆས། ཡོངས་མཐོང་བརྙན་འཕྲུལ། མི་མེད་གནམ་གྲུ་སོགས་སྒྲིག་ཆས་འཁྱེར་ནས། མཁའ་དབྱིངས་སྤྱི་ཁང་རོགས་སྐྱོབ་ས་ཚིགས་ཀྱི་གཙོ་གནད་གནས་སུ་འཚོལ་སྐྱོབ་གཏིང་ཟབ་བྱས།   

 ཀྲུང་གོ་འཕྲལ་བསྟུན་དོ་དམ་པུས་པར་རིས་མཁོ་འདོན་བྱས།

ཤེས་རྟོགས་བྱུང་བར་གཞིགས་ན།    འཕྲལ་བསྟུན་དོ་དམ་པུས་སྣེ་ཁྲིད་ནས་ཀྲུང་གོའི་རོགས་སྐྱོབ་རུ་ཁག་གིས་འབར་མར་རོགས་སྐྱོབ་ལས་དོན་རྐྱེན་སྲོལ་བཙུགས་ནས། ཀྲུང་གོ་རོགས་སྐྱོབ་རུ་ཁག་གིས་འབར་མའི་མན་ཏེ་ལེ་ཞིང་ཆེན་དུ་རོགས་སྐྱོབ་ལས་དོན་སྤེལ་བར་གཅིག་གྱུར་འཆར་འགོད་དང་མཐུན་སྦྱོར་བྱེད་པ་ཡིན།