​དབྱི་རན་གྱིས་གཞི་ཁྱོན་ཆེན་པོའི་སྒོ་ནས་གསང་མྱུལ་འཛིན་བཟུང་བྱས་པ།

སྒྲིག་སྒྱུར། ཀླུ་མོ་མཚོ།  ཡོང་ཁུངས། ཀྲུང་གོ་གསར་འགྱུར་དྲ་བ།  བཤེར་འབེབས། རིན་ཆེན་ཚེ་རིང་།

ཤིན་ཧྭ་གསར་འགྱུར་ཁང་ནས་གནས་ཚུལ་སྤེལ་བ་ལྟར་ན། དབྱི་རན་གྱི་སྨྱན་སྦྱོར་མང་པོས་ཉིན་ཤས་གོང་གནས་ཚུལ་སྤེལ་བར་གཞིགས་ན། དབྱི་རན་གྱིས་དགྲ་ཕྱོགས་དང་དབྱི་རན་ལ་ངོ་རྒོལ་བྱེད་པའི་སྨྱན་སྦྱོར་ལ་གསང་འཕྲིན་བརྒྱུད་སྤྲོད་བྱེད་པའི་དོགས་གཞི་ཡོད་པའི་གསང་མྱུལ་བ500འཛིན་བཟུང་བྱས་པ་རེད།

དབྱི་རན་ཐ་སི་ཉི་མུའུ་འཕྲིན་གཏོང་ཁང་སོགས་སྨྱན་སྦྱོར་གྱིས་དབྱི་རན་བདེ་འཇགས་དཔུང་སྡེའི་སི་ལིང་ལ་ཏན་གྱི་སྐད་ཆ་དྲངས་ནས། མི500ཡི་ནང་ནས་མི250ནི་མི་སྣ“གལ་ཆེན”ཡིན་པ་དང་། ཁོ་ཚོས་འཇབ་རྒོལ་དམིགས་ཡུལ་གྱི་གསང་འཕྲིན་འདོན་སྤྲོད་དང་ཉེས་གསོག་ཚོགས་པ་དང་འབྲེལ་གཏུག་བྱེད་པ་མ་ཟད། སྤྱི་པའི་སྒྲིག་ལམ་དཀྲུག་རྩིས་བྱས་ཡོད་ཅེས་གནས་ཚུལ་སྤེལ་ཡོད།