མཚོ་སྐོར་ལྕགས་རྟ་འགྲན་སྡུར་སྐབས་ཉེར་གཉིས་པ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། རིན་ཆེན་ཚེ་རིང་། 

ཉེ་སྔོན། གསར་འགོད་པས་མཚོ་སྔོན་ཞིང་ཆེན་ལུས་རྩལ་ཅུ་ནས་རྒྱུས་ལོན་པ་ལྟར་ན། མཚོ་སྐོར་ལྕགས་རྟ་འགྲན་སྡུར་སྐབས་ཉེར་གཉིས་པ་ཟླ7པའི་ཚེས8ཉིན་ཟི་ལིང་གྲོང་ཁྱེར་དུ་མགོ་རྩོམ་མཛད་སྒོ་བསྡུ་རྒྱུ་ཡིན་པ་དང་། ཟླ7པའི་ཚེས9ཉིན་ནས་ཚེས16ཉིན་བར་ཞིང་ཆེན་ནང་ཁུལ་དུ་འགྲན་སྡུར་སྤེལ་རྒྱུ་རེད། ཚེས16ཉིན་གྱི་དགོང་མོར་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཝུའུ་ལན་རྫོང་ཚྭ་ཁ་གྲོང་རྡལ་དུ་མཇུག་སྒྲིལ་མཛད་སྒོ་སྤེལ་རྒྱུ་རེད། འགྲན་སྡུར་ལ་བསྡོམས་པས་འགྲན་མཚམས8བཙུགས་ཡོད་པ་དང་། སྤྱིའི་ལམ་ཐག་ལ་སྤྱི་ལེ1344དང་དེའི་ནང་འགྲན་སྡུར་ལམ་ཐག་སྤྱི་ལེ 1294ཡོད། །