མདོ་ལ་རྫོང་གིས་རྒྱུན་ཆད་མེད་པ་གསུམ་གྱི་སྒོ་ནས་མུ་མཐུད་དུ་བདེ་འཇགས་ཐོན་སྐྱེད་ཀྱི་བྱུར་རྐྱེན་ཚབས་ཆེན་ལ་གྲལ་བཤེར་བཅོས་སྒྲིག་བྱེད་པའི་བྱ་སྤྱོད་གཏིང་ཟབ་དངོས་ཡོད་དུ་སྤེལ་བར་སྐུལ་འདེད་བཏང་བ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདོ་ལ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས།  རིན་ཆེན་ཚེ་རིང་། 

ད་ལོ་ནས་བཟུང་། མདོ་ལ་རྫོང་གིས་ཐོག་མཐའ་བར་གསུམ་དུ་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་དང་། ཏང་གི་ཚོགས་ཆེན་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་བསྟར་བྱེད་པ། ཞིང་ཆེན་དང་ཁུལ་གྱི་ཐབས་ཇུས་བཀོད་སྒྲིག་ཁག་དོན་འཁྱོལ་ནན་ཏན་བྱེད་པ། གཙོ་གནད་ལས་རིགས་ཀྱི་ཁྱབ་ཁོངས་ལ་དམ་པོར་དམིགས་པ་དང་། བདེ་འཇགས་ལྟ་སྐུལ་དོ་དམ་བྱེད་ཤུགས་ཟམ་མི་ཆད་པར་ཆེ་རུ་གཏོང་བ། བྱུར་རྐྱེན་གྱི་གནད་དོན་ནུས་ཤུགས་ཡོད་རྒུས་བཅོས་སྒྲིག་ཡག་པོ་བྱེད་པ་བཅས་བྱས་ནས་བདེ་འཇགས་ཐོན་སྐྱེད་ཀྱི་བྱུར་རྐྱེན་ཚབས་ཆེན་གྱི་གྲལ་བཤེར་དང་བཅོས་སྒྲིག་བྱ་སྤྱོད་གཏིང་ཟབ་དངོས་ཡོད་དུ་སྤེལ་བར་སྐུལ་འདེད་བཏང་། ལས་དོན་འགན་འཁྲི་རྒྱུན་ཆད་མེད་པར་ནན་པོར་བཏང་བ། སྔ་རྗེས་སུ་བདེ་འཇགས་ཐོན་སྐྱེད་དང་འཚུབ་བསྟུན་དོ་དམ་ཨུ་ལྷན་གྱི་ཚང་འཛོམས་ཚོགས་འདུ་ཐེངས4པ་སྒྲིག་འཛུགས་བྱས་ནས་འཚོགས་ཤིང་། བདེ་འཇགས་དུས་བབ་ལ་དབྱེ་ཞིབ་དོན་གཅོད་སོགས་ཆེད་དོན་ཚོགས་འདུ་ཐེངས32འཚོགས། རྫོང་རིམ་པའི་མགོ་ཁྲིད་དང་ཁོངས་མིའི་ཚན་པའི་བདེ་འཇགས་ཐོན་སྐྱེད་ཀྱི་འགན་འཁྲི་ཁག་བགོས་དུས་ཐོག་ཏུ་ལེགས་སྒྲིག་གཤམ་སྤྲོད་བྱས་ཤིང་། ཁྱབ་ཁོངས་ཁག་གི་བདེ་འཇགས་བྱུར་རྐྱེན་གྱི་ཁྱད་ཆོས་ལ་དམིགས་ནས《མདོ་ལ་རྫོང་གི་བདེ་འཇགས་ཐོན་སྐྱེད་ཀྱི་ལས་འཛོལ་བྱུར་རྐྱེན་ཚབས་ཆེན་གྱི་ཆེད་དོན་གྲལ་བཤེར་བཅོས་སྐྱོང་གི2023ལོའི་ལག་བསྟར་ཇུས་གཞི》སོགས་ཡིག་ཆ16གཏན་འབེབས་བྱས། བདེ་འཇགས་བྱུར་རྐྱེན་གྲལ་བཤེར་བཅོས་སྒྲིག་གི་གསལ་འདེབས་ཡི་གེ12། ཐལ་དྲགས་གནམ་གཤིས་སྔོན་ཟོན་གྱི་ཆ་འཕྲིན29བཏང་། སྔར་བས་སྡེ་ཁག་ཁག་གི་ལས་བགོས་གསལ་བོར་བཟོས་ནས་རྫོང་ཡོངས་ལས་རིགས་སོ་སོའི་ཁྱབ་ཁོངས་ཀྱི་བདེ་འཇགས་ཐོན་སྐྱེད་ཀྱི་ལས་དོན་ཁག་གོ་རིམ་ལྡན་པའི་སྤེལ་ཐུབ་པར་འགན་སྲུང་བྱས། བྱུར་རྐྱེན་གྲལ་བཤེར་བཅོས་སྒྲིག་རྒྱུན་ཆད་མེད་པར་གཏིང་ཟབ་ཏུ་སྤེལ་བ། རང་རྫོང་དང་ཞིང་ཆེན་ཕྱི་ནང་གི་བདེ་འཇགས་ཐོན་སྐྱེད་ལས་འཛོལ་གྱི་ཉམས་མྱོང་བསྡུ་ལེན་གཏིང་ཟབ་དང་། ཐོག་མཐའ་བར་གསུམ་དུ་ལས་རིགས་དང་ཁྱབ་ཁོངས་ཁག་གི་བདེ་འཇགས་ཐོན་སྐྱེད་ཀྱི་བྱུར་རྐྱེན་དང་དེ་བཞིན་ཁྲིམས་འགལ་ཐོན་སྐྱེད་གཉེར་སྐྱོང་གི་བྱ་སྤྱོད་ལ་དམ་པོར་དམིགས་ནས་ཁྱབ་ཁོངས་ཆེ་བ་དང་ཤུགས་ཚད་ཆེ་བ། རྒྱུན་མཐུད་རང་བཞིན་བཅས་ཀྱི་ཆེད་དོན་བཅོས་སྒྲིག་བྱ་སྤྱོད་སྤེལ་ཏེ་གྲལ་བཤེར་ལ་གྲུ་ཟུར་མི་བསྐྱུར་བ་དང་བཅོས་སྒྲིག་ལ་རྗེས་སྐྱོན་མི་ཤོར་བ་བྱས་ཡོད། མིག་སྔའི་བར་དུ། རིམ་རྩིས་བྱས་ན་ཞིབ་བཤེར་དང་རྟོག་འདོམས་ཚན་ཁག35མངགས་གཏོང་བྱས་ནས། ཐོན་སྐྱེད་གཉེར་སྐྱོང་ཚན་པ286ལ་ཞིབ་བཤེར་བྱས་ཤིང་། བདེ་འཇགས་བྱུར་རྐྱེན་སྣ་ཚོགས་ཁག439ཞིབ་ཐག་བཅད། ཁག413བཅོས་སྒྲིག་བྱས། བཅོས་སྒྲིག་བྱེད་ཚད94%ཟིན། བྱུར་རྐྱེན་དག་ཐེར་གྱི་བཀའ་རྒྱ52བཏང་། སྲིད་འཛིན་ཆད་པ་སྒོར་ཁྲི28.69ལག་ཏུ་བསྟར། ཐོན་སྐྱེད་ཐོན་མཚམས་བཞག་པ3ལ་དག་ཐེར་བྱས། ཁེ་ལས་ལ་ཐེངས16ལ་གསལ་འདེབས་གཟུ་མོལ་བྱས། ཁེ་ལས་དང་ལས་གཞིའི་འགན་འཁུར་བ་མི་ཐེངས17ལ་གཟུ་མོལ་བྱས། འགན་སྲུང་ནུས་པ་རྒྱུན་ཆད་མེད་པར་ཆེ་རུ་བཏང་བ། རྫོང་ཡོངས་ཀྱི་འཚུབ་བསྟུན་རོགས་སྐྱོབ་དངོས་ཟོག་དང་དཔུང་ཁག་ལ་མཐིལ་རྟོགས་བརྟག་དཔྱད་བྱས་པ་དང་། འཕྲལ་སེལ་རོགས་སྐྱོབ་ཉེན་སེལ་དཔུང་ཁག་གི་མི་སྣ་ལེགས་སྒྱུར་བཅོས་སྒྲིག་བྱས། འཕྲལ་སེལ་དངོས་ཟོག་སྣ་ཚོགས་ཁྲི3.6ལྷག་ཙམ་གྲབས་གསོག་བྱས། གནོད་འཚེ་སྔོན་འགོག་ཉིན་མོ་སོགས་ཀྱི་དྲིལ་སྒྲོག་བྱེད་སྒོ་དང་ཟུང་འབྲེལ་བྱས་ནས་བདེ་འཇགས་ཐོན་སྐྱེད་ཀྱི་དྲིལ་སྒྲོག་སློབ་གསོའི་བྱེད་སྒོ་རྒྱ་ཁྱབ་ངང་སྤེལ་ནས་མང་ཚོགས་ཀྱི་སྔོན་འགོག་མཉམ་བཅོས་ཀྱི་འགོག་སྲུང་འཛིང་རགས་སྔར་བས་ཇེ་བརྟན་དུ་བཏང་། ཁེ་ལས་ཁག་གིས་ལས་མགོ་བསྐྱར་འཛུགས་བྱེད་པའི་སྐབས་སུ་ལས་སྒོའི་རྐང་འཛིན་པ་མངགས་ནས་ཁེ་ལས་ཀྱི་འགན་འཁུར་བ་དང་། བདེ་འཇགས་དོ་དམ་མི་སྣ། ལས་བཟོ་བཅས་ལ་བདེ་འཇགས་ཐོན་སྐྱེད་ཀྱི་སློབ་གསོ་གསོ་སྦྱོང་བྱས་ཏེ་ཁེ་ལས་ཀྱི་རང་ངོས་བདེ་འཇགས་དོགས་ཟོན་འདུ་ཤེས་དང་བདེ་འཇགས་དོ་དམ་ནུས་པ་རྒྱུན་ཆད་མེད་པར་ཆེ་རུ་བཏང་། ཞིང་ཆེན་དང་ཁུལ་གྱི་ཆེད་མཁས་པ་གདན་དྲངས་ནས“མདོ་ལ་རྫོང་གི་གནོད་འགོག་གནོད་སེལ”ཆེད་དོན་གསོ་སྦྱོང་འཛིན་གྲྭ་གཉེར་ནས་གནོད་འཚེ་གོང་ཞུ་བྱ་རྒྱུར་རྨང་གཞི་བརྟན་པོ་བཏིང་ཡོད།