འབྲོང་ཡུལ་གྲོང་ཁྱེར་ཏང་སྲིད་རྟོག་ཞིབ་ཚན་ཆུང་མཚོ་བྱང་དུ་རྟོག་ཞིབ་གནང་བར་ཕེབས་པ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། གངས་ལྗོངས་འཕྲིན་གསར། བཤེར་འབེབས། རིན་ཆེན་ཚེ་རིང་།

ཟླ6པའི་ཚེས12ཉིན་དང་ཚེས13ཉིན་ལ། འབྲོང་ཡུལ་གྲོང་ཁྱེར་ཏང་སྲིད་རྟོག་ཞིབ་ཚན་ཆུང་མཚོ་བྱང་དུ་རྟོག་ཞིབ་གནང་བར་ཕེབས་པ་དང་། ནུབ་མཚོ་གྲོང་རྡལ་དུ་འབྲོང་ཡུལ་གྲོང་ཁྱེར་དང་མཚོ་བྱང་ཁུལ་གྱི་མཉམ་ལས་གཏིང་ཟབ་ཏུ་གཏོང་བའི་བཞུགས་མོལ་ཚོགས་འདུ་འཚོགས་པ་དང་གན་རྒྱ་འཇོག་པའི་མཛད་སྒོ་སྤེལ། 

ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་བཞུགས་མོལ་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་གནང་། འབྲོང་ཡུལ་གྲོང་ཁྱེར་ཏང་ཨུའི་ཧྲུའུ་ཅི་ལུའུ་ཞའོ་ཧེང་གིས་གསུང་བཤད་གནང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་དང་། འབྲོང་ཡུལ་གྲོང་ཁྱེར་ཏང་ཨུའི་རྒྱུན་ཨུའམ་ཧྲི་ཀྲང་གཞོན་པ་ཀེ་ཡུང་ཧུང་གིས་ས་གནས་གཉིས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གནས་ཚུལ་ངོ་སྤྲོད་བྱས་ཤིང་། ཕྱོགས་གཉིས་ཀྱིས《འབྲོང་ཡུལ་གྲོང་ཁྱེར་མི་དམངས་སྲིད་གཞུང་དང་མཚོ་བྱང་ཁུལ་མི་དམངས་སྲིད་གཞུང་གི་རིག་གནས་གནས་སྐོར་མཉམ་ལས་སྒྲོམ་གཞིའི་གྲོས་མཐུན》དང《འབྲོང་ཡུལ་གྲོང་ཁྱེར་མི་དམངས་སྲིད་གཞུང་དང་མཚོ་བྱང་ཁུལ་མི་དམངས་སྲིད་གཞུང་གི་མདོ་ལ་རི་བོའི་སྐྱེ་ཁམས་ཁོར་ཡུག་སྲུང་སྐྱོབ་མཉམ་ལས་སྒྲོམ་གཞིའི་གྲོས་མཐུན》 《འབྲོང་ཡུལ་གྲོང་ཁྱེར་མི་དམངས་སྲིད་གཞུང་དང་མཚོ་བྱང་ཁུལ་མི་དམངས་སྲིད་གཞུང་གིས་འཕྲོད་བསྟེན་བདེ་ཐང་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་གཏོང་རྒྱུའི་གྲོས་མཐུན》 《འབྲོང་ཡུལ་གྲོང་ཁྱེར་མི་དམངས་སྲིད་གཞུང་དང་མཚོ་བྱང་ཁུལ་མི་དམངས་སྲིད་གཞུང་གིས་བྱི་རིམས་མཉམ་འགོག་མཉམ་བཅོས་གྲོས་མཐུན》ལ་མིང་རྟགས་བཀོད། 

ཤ་བོ་སྐྱབས་ཀྱིས་མཚོ་བྱང་ཁུལ་ཨུ་དང་ཁུལ་སྲིད་གཞུང་། ཁུལ་ཡོངས་ཀྱི་མི་དམངས་ཀྱི་ཚབ་བྱས་ནས་རྟོག་ཞིབ་ཚན་ཆུང་འཁོར་དང་བཅས་པ་མཚོ་བྱང་དུ་རྟོག་ཞིབ་གནང་བར་ཕེབས་པར་དགའ་བསུ་ཞུས་པ་དང་། འབྲོང་ཡུལ་གྲོང་ཁྱེར་གྱིས་དུས་ཡུན་རིང་པོའི་ནང་མཚོ་བྱང་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས་ཁུལ་ཡོངས་ཀྱིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་པ་དང་། “ལྔ་བཅུ་བཞིའི”འཆར་འགོད་ཕྱོགས་ཡོངས་ནས་ལག་བསྟར་བྱེད་པ། མཚོ་བྱང་གིས་སྲིད་དབང་བཙུགས་ནས་ལོ་ངོ70འཁོར་བར་སྤྲོ་སེམས་འཁོལ་བའི་རྟེན་འབྲེལ་ཞུ་བ་བཅས་ཀྱི་སྐབས་སུ། འབྲོང་ཡུལ་གྲོང་ཁྱེར་ཏང་སྲིད་རྟོག་ཞིབ་ཚན་ཆུང་མཚོ་བྱང་དུ་ནོར་བུ་བརྒྱུད་སྤྲོད་དང་འཕེལ་རྒྱས་དོན་གཉེར་བྱེད་པར་ཡོང་བ་དེས་ས་གནས་གཉིས་ཀྱི་མཉམ་ལས་ལ་རྣམ་པ་གསར་པ་གཏོད་པ་དང་སྐས་རིམ་གསར་པར་སླེབས་རྒྱུར་སྐུལ་འདེད་ནུས་ལྡན་བཏང་། ཉེ་བའི་ལོ་ཤས་རིང་། འབྲོང་ཡུལ་གྲོང་ཁྱེར་ཏང་ཨུ་དང་གྲོང་ཁྱེར་སྲིད་གཞུང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་འཛིན་རྒྱུ་རྒྱུན་འཁྱོངས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀན་སུའུ་ལ་གནང་བའི་མཛུབ་སྟོན་གལ་ཆེན་གྱི་བླང་བྱ་ལག་བསྟར་དོན་འཁྱོལ་གཏིང་ཟབ་བྱས་ཏེ། “གསར་པ་གསུམ་དང་མཐོ་བ་གཅིག”ཁྲིད་ཕྱོགས་སུ་བྱེད་པ་དང་། “འགོག་སྲུང་གཅིག་དང་གྲོང་ཁྱེར་བཞི་ས་ཁུལ་ལྔ”འཛུགས་སྐྲུན་ལ་སྐུལ་འདེད་གཏིང་ཟབ་བཏང་བས། བྱ་གཞག་སོ་སོར་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་ལོ་རྒྱུས་རང་བཞིན་གྱི་འཕོ་འགྱུར་བྱུང་བས་སྔོན་ཐོན་གྱི་ཉམས་མྱོང་མང་པོ་ཞིག་ང་ཚོས་སློབ་སྦྱོང་དང་དཔྱད་གཞིར་འཛིན་རིན་ཡོད་པ་ཞིག་རེད། འབྲོང་ཡུལ་དང་མཚོ་བྱང་གཉིས་མདོ་ལ་རི་བོར་མཉམ་གནས་དང་བར་དམ་ཆུ་མཉམ་འཐུང་བྱས་པ་དང་། ས་བབ་མཚུངས་ལ་མི་དམངས་མཉམ་འདྲིས་ཟབ་མོ་བྱས་ཏེ། དཔལ་འབྱོར་འཕེལ་རྒྱས་དང་སྤྱི་ཚོགས་བརྟན་ལྷིང་། མི་རིགས་མཐུན་སྒྲིལ་ཡར་ཐོན་སོགས་ཀྱི་ཐད་བརྗེ་རེས་དང་མཉམ་ལས་རྒྱ་ཁྱབ་གཏིང་ཟབ་བྱས་ཡོད། ཀན་སུའུ་དང་མཚོ་སྔོན་ནི་ཀྲུང་གོའི་ཁྱིམ་མཚེས་གྲོང་ཁྱེར་དང་ཁུལ་གྱི་ནང་འབྲེལ་བ་ཟབ་ཤོས་དང་བརྩེ་དུང་ཟབ་ཤོས། མཉམ་ལས་ལ་ཕན་འབྲས་ཆེ་ཤོས་ཀྱི་སྤུན་ཟླའི་གྲོང་ཁྱེར་དང་ཁུལ་དུ་གྱུར་ཡོད་ལ། མགོ་རྩོམ་ས་གསར་པར་ལངས་པ་དང་ཐེངས་འདིའི་རྟོག་ཞིབ་གོ་སྐབས་སུ་བྱས་ཏེ། ཕྱོགས་གཉིས་པོས་སྐྱེ་ཁམས་དཔལ་ཡོན་འཛུགས་སྐྱོང་དང་ལེགས་ལྡན་ཐོན་ལས་སྐྱེད་སྲིང་དང་སྟོབས་ཆེར་གཏོང་བ། མི་རིགས་མཐུན་སྒྲིལ་ཡར་ཐོན་གསར་གཏོད་བཅས་ལ་ཤུགས་སྣོན་པ། དུས་བདེ་འཛུགས་སྐྱོང་གཏིང་ཟབ་ཏུ་གཏོང་བ། གསར་བརྗེའི་ཞིབ་འཇུག་སློབ་སྦྱོང་སོགས་ཁྱབ་ཁོངས་ཀྱི་བརྗེ་རེས་མཉམ་ལས་བྱས་ཏེ་ལག་གདང་སྦྲེལ་ནས་ས་གནས་གཉིས་པོའི་མཉམ་ལས་འཕེལ་རྒྱས་དང་གཉིས་ཁེ་གཉིས་ཕན་གྱི་ལེའུ་གསར་པ་རྩོམ་རྒྱུའི་རེ་བ་ཡོད་ཅེས་གསུངས།

ལུའུ་ཞའོ་ཧེང་གིས་འབྲོང་ཡུལ་གྲོང་ཁྱེར་ཏང་ཨུ་དང་གྲོང་ཁྱེར་སྲིད་གཞུང་གི་ཚབ་བྱས་ནས་མཚོ་བྱང་གིས་དུས་ཡུན་རིང་པོའི་ནང་འབྲོང་ཡུལ་བཅོས་སྒྱུར་འཕེལ་རྒྱས་བརྟན་ལྷིང་ལ་རྒྱབ་སྐྱོར་ཤུགས་ཆེན་གནང་བར་ཐུགས་རྗེ་ཆེ་ཞུས། ཁོང་གིས་ཉེ་བའི་ལོ་ཤས་རིང་མཚོ་བྱང་ཁུལ་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་རྒྱུན་འཁྱོངས་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལས་བློ་གྲོས་དང་སྟོབས་ཤུགས་བསྡུ་ལེན་བྱས་ཏེ། ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་དང་། རྒྱལ་སྤྱིའི་སྐྱེ་ཁམས་གནས་སྐོར་བྱ་ཡུལ་གཏོད་པ། མི་རིགས་མཐུན་སྒྲིལ་ཡར་ཐོན་བཅས་ཞིང་ཆེན་ཡོངས་ཀྱི་མདུན་གྲལ་དུ་སྐྱོད་པའི་དམིགས་ཚད་ལ་དམིགས་ཏེ། “243”འཕེལ་རྒྱས་ཀྱི་རྣམ་པ་མགྱོགས་མྱུར་གཏོད་པ་དང“མཚོ་བྱང་ལྔ”འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་བཏང་ཡོད་ལ། དུས་རབས་ཀྱི་ཁྱད་ཆོས་དང་ས་ཁོངས་ཀྱི་ཁྱད་ཆོས། མཚོ་བྱང་གི་ཁྱད་ཆོས་བཅས་མངོན་གསལ་ལྡན་པའི་སྤུས་ཚད་མཐོ་བའི་འཕེལ་རྒྱས་ཀྱི་ལམ་བུར་བསྐྱོད་ཡོད། དེང་རབས་ཅན་འཛུགས་སྐྲུན་གྱི་རྒྱང་སྐྱོད་ལམ་བུ་གསར་པར་བསྐྱོད་ནས་ཞིང་ཆེན་གཉིས་ཀྱི“1+1+3+10”སྒྲོམ་གཞིའི་གྲོས་མཐུན་དང་འགུལ་སྐྱོད་འཆར་གཞིས་ས་གནས་གཉིས་ཀྱི་མཉམ་ལས་གཏིང་ཟབ་ཏུ་གཏོང་རྒྱུར་གཙོ་གནད་གསལ་བཟོས་པ་དང་ཁ་ཕྱོགས་ཀྱི་ཐབས་ལམ་གསལ་སྟོན་བྱས་ཡོད། འབྲོང་ཡུལ་ལ་མཚོ་བྱང་ཁུལ་དང་མཉམ་དུ་ཕན་ཚུན་སྔར་བས་མདུན་སྐྱོད་དང། ལག་གདང་སྦྲེལ་ནས་སྐྱེ་ཁམས་ཁོར་ཡུག་སྲུང་སྐྱོབ་མཉམ་སྐྲུན་མཉམ་བཅོས། ས་ཁོངས་མཉམ་ལས་བརྗེ་རེས་ཀྱི་སྤུས་ཚད་མཐོ་རུ་གཏོང་བ། མི་རིགས་མཐུན་སྒྲིལ་ཡར་ཐོན་དང་ཕན་ཚུན་མཉམ་འདྲེས་ལ་སྐུལ་འདེད་གཏོང་བ། ཁྱད་ལྡན་ཐོན་ལས་འཕེལ་རྒྱས་མཉམ་ལས་བྱས་ཏེ་ས་གནས་གཉིས་པོའི་མཉམ་ལས་ཆུ་ཚད་སྔར་བས་མཐོ་བ་དང་། ཁྱབ་ཁོངས་སྔར་བས་ཡངས་པ། རིམ་པ་སྔར་བས་གཏིང་ཟབ་ཏུ་གཏོང་བའི་ཕྱོགས་སུ་ཧུར་ཐག་སྐྱོད་པའི་འདུན་པ་དང་ཡིད་ཆེས་ཆེན་པོ་ཡོད་པར་བཤད།

 མཚོ་བྱང་དུ་སྡོད་རིང་། འབྲོང་ཡུལ་གྲོང་ཁྱེར་ཏང་སྲིད་རྟོག་ཞིབ་ཚན་ཆུང་གིས་གསེར་མདོག་མདོ་ལ་འོ་མའི་ལས་རིགས་འགན་འཁྲི་ཚད་ཡོད་སྤྱི་གཉེར་དང་། མདོ་ལ་དབྱི་ཏ་ཕྱུགས་རིགས་ཤ་ཐོན་བཟའ་བཅའ་ཚད་ཡོད་སྤྱི་གཉེར། མཐོ་སྒང་སྐྱེ་ཁམས་ཕྱུགས་ལས་ཚན་རྩལ་དཔེ་སྟོན་གླིང་། སྨོན་ལམ་མཐོན་པོ་སྐྱེ་ཁམས་གནས་སྐོར་དང་གསར་བརྗེའི་ཞིབ་འཇུག་སློབ་སྦྱོང་རྟེན་གཞི། “ཀན་སུའུ་དང་མཚོ་སྔོན་གྱི་གནས་སྐོར་ལམ་ཐིག”མཚོ་བྱང་ནས་འབྲོང་ཡུལ་བར་སྒེར་འཁོར་བཏང་ནས་གནས་སྐོར་ལམ་ཐིག་འཆར་འགོད་གནས་ཚུལ་བཅས་ལ་རྟོག་ཞིབ་གནང་།

       ཁུལ་གྱི་མགོ་ཁྲིད་ཝང་ཡུང་ཁྲང་དང་། ཨ་ཁྱུང་། སུང་ཞུག་ཙུང། སངས་འབུམ། ཞུས་ཡུང་ཀུང་། མ་རུའུ་ཞང་། པའོ་ཀྲེང་ཆིང་བཅས་འབྲེལ་ཡོད་བྱེད་སྒོར་ཞུགས།