ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་། 

གསར་འགྱུར་གལ་ཆེན།

•  ཞིང་ལས་གནས་ཚུལ་བཀོད་གཏོང་གསར་ཤོས་ལས་མངོན་པ་ལྟར་ན། མིག་སྔར་རྒྱལ་ཡོངས་ཀྱི་དབྱར་འདེབས་འབྲུ་རིགས་བཅུ་ཆ་བརྒྱད་ལས་བརྒལ་བ་དང་། ལས་ཀའི་མྱུར་ཚད་སྤྱིའི་ཆ་ནས་བདེ་བླག་ཡིན།

• ནོར་སྲིད་པུས་གནས་ཚུལ་སྤེལ་བར་གཞིགས་ན། ད་ལོའི་ཟླ་དང་པོ་ནས་ལྔ་པའི་བར་རྒྱལ་ཡོངས་ཀྱི་རྒྱལ་དབང་ཁེ་ལས་ཀྱི་ལས་གཉེར་ཡོང་འབབ་ཀྱི་སྡོམ་འབོར་དུས་མཚུངས་ལས6.2%འཕར་ཡོད།

• ཆུ་བེད་པུ་དང་རྒྱལ་ཁབ་འཕེལ་སྒྱུར་ཨུ་ལྷན་གྱིས་མཉམ་འབྲེལ་ཐོག་བསམ་འཆར་དཔར་འགྲེམ་བྱས་པ་སྟེ། 2025ལོར་སླེབས་སྐབས་ས་ཁུལ་རིམ་པ་དང་དེའི་ཡན་གྱི་ཆུ་དཀོན་པའི་གྲོང་ཁྱེར་གྱི་བར་ཆུའི（再生水） སྤྱོད་ཚད 25%ཡན་ཟིན་པ་བྱེད་དགོས་ཞེས་བཏོན།

• ཀྲུང་གོ་མི་དམངས་དངུལ་ཁང་གིས་ཞིང་གསུམ་དང་ཁེ་ལས་ཆུང་གྲས་ཀྱི་རོགས་སྐྱོར་དངུལ་བུན་ཡང་བསྐྱར་ཇེ་མང་དུ་བཏང་སྟེ། སྐྱེད་གཅོག་གྲངས་འབོར་སྒོར་དུང་ཕྱུར2000མང་དུ་བཏང་ནས“ཞིང་གསུམ”དང་། ཁེ་ལས་ཆུང་གྲས་དང་དམངས་གཉེར་ཁེ་ལས་བཅས་ལ་དངུལ་རྩའི་རྒྱབ་སྐྱོར་བྱེད་ཤུགས་སྔར་བས་ཆེ་རུ་གཏོང་རྒྱུའི་གཏན་འབེབས་བྱས།

• ཉིན་ཤས་སྔོན་དུ་རྒྱལ་ཁབ་ཀྱིས་རྩ་འཛུགས་བྱས་པའི་སྨན་རྫས་གཅིག་སྡུད་འཚོལ་བསྡུ་ཁག་བརྒྱད་པ་ཧོ་ནན（河南）དང་ཅང་ཞི（江西）སོགས་སུ་ལག་བསྟར་བྱས་པ་དང་། སྨན་རྫས་ཚད་མཐུན 39ཡི་ཆ་སྙོམས་རིན་གོང་ཆག་ཚད56%ཟིན་ཡོད།

  

• ཚེས2ཉིན། ཀྲུང་གོའི་སྐྱེས་མའི་ལག་རྩེད་སྤོ་ལོ་རུ་ཁག་འཇར་པན་གྱི་སྐྱེས་མའི་ལག་རྩེད་སྤོ་ལོ་རུ་ཁག་ལས་རྣམ་པར་རྒྱལ་ཏེ2023ལོའི་རྒྱལ་སྤྱིའི་ལག་རྩེད་སྤོ་ལོ་མཉམ་འབྲེལ་ལྷན་ཚོགས་ཀྱི་བུད་མེད་ལག་རྩེད་སྤོ་ལོའི་ཨེ་ཤེ་ཡའི་བུམ་པའི་ཨང་དང་པོ་བླངས། ཧན་ཞུས་ཨེ་ཤེ་ཡའི་བུམ་པའི་རྟིང་རྩོད་འགྲན་སྡུར་གྱིMVPདང་འགྲན་ཚོགས་གྱིMVPལ་བདམས།

  

• ཚེས2ཉིན། ཀྲུང་གོའི་སྐྱེས་མའི་སྟར་གྲུག་རུ་ཁག་གིས་སྐར་གྲངས3：2ཀྱི་ཐོག་ནས་ཨ་རིའི་སྐྱེས་མའི་སྟར་གྲུག་རུ་ཁག་ལས་རྣམ་པར་རྒྱལ་ཏེ2023ལོའི་འཛམ་གླིང་སྐྱེས་མའི་སྟར་གྲུག་མཉམ་འབྲེལ་འགྲན་སྡུར་གྱི་མཇུག་མཐའི་འགྲན་སྡུར་ནང་ཞུགས།

• ཉེ་ཆར་ཧྥ་རན་སེའི་ས་ཆ་མང་པོར་བསྟུད་མར་ཟིང་ཆ་བྱུང་། རང་རྒྱལ་གྱི་ཕྱི་འབྲེལ་པུས་ཧྥ་རན་སེར་ཡོད་པའི་ཀྲུང་གོའི་སྤྱི་དམངས་ལ་དོགས་ཟོན་བྱེད་ཤུགས་ཆེ་རུ་གཏོང་དགོས་པའི་དྲན་སྐུལ་བྱས།

• ས་གནས་དེ་གའི་ཚེས2ཉིན། མཉམ་འབྲེལ་རྒྱལ་ཚོགས་འབྲུ་རིགས་དང་ཞིང་ལས་རྩ་འཛུགས་ཀྱི་རྒྱལ་ཁོངས་ཀྲུང་གོ་ནས་ཡིན་པའི་སྤྱི་ཁྱབ་ལས་འཛིན་ཐོག་མ་ཆུས་ཏུང་ཡུས་ཀྱིས་རྩ་འཛུགས་དེའི་ལས་ཐོག་རྗེས་མའི་སྤྱི་ཁྱབ་ལས་འཛིན་གྱི་འགན་མུ་འཁུར་བྱས་པ་དང་འགན་འཁུར་ཡུན་ལོ4ཡིན།

སྤྱི་ཚོགས།

• ཀྲུང་དབྱང་གནམ་གཤིས་ལས་ཁུངས་ཀྱིས་སྔོན་བརྡ་བཏང་བ་སྟེ། དེ་རིང་། སི་ཁྲོན་དང་། ཀའེ་ཀྲོའུ།（贵州）ཡུན་ནན། ཧྲན་ཞི（陕西）སོགས་ས་ཁུལ་ཁག་ཅིག་ཏུ་ས་གཤིས་གནོད་འཚེ་ཐོན་པའི་གནམ་གཤིས་ཀྱི་ཉེན་ཁ་ཆེ་ཙམ་འདུག

• རྒྱལ་ཁབ་གནམ་གཤིས་ལྟེ་གནས་ཀྱིས་ད་ལོ་རང་རྒྱལ་གྱི་དྲོད་ཚད་མཐོ་བའི་ཉིན་གྲངས་ནི1961ལོ་ཚུན་གྱི་ལོ་རྒྱུས་ཀྱི་དུས་མཚུངས་ལས་ཆེས་མང་ཤོས་ཡིན་ཞེས་བསྟན།

• གཞི་གྲངས་ལས་མངོན་པ་ལྟར་ན། ད་ལོའི་ལོ་སྟོད་དུ་འགག་གསུམ་ལྟེ་བའི་ཆུ་ཐོག་སྐྱེལ་འདྲེན་བྱེད་ཚད་ཏུན་ཁྲི8415ཟིན་པ་དེས་ལོ་རྒྱུས་ཀྱི་ཟིན་ཐོ་གསར་པ་བཏོད།

• ཉིན་ཤས་སྔོན་དུ་མཐོ་སློབ་མང་པོ་ཞིག་གིས་སྤྱི་ཚོགས་ཀྱི་སྤྱི་དམངས་ཀྱིས་སློབ་གྲྭར་ལྟ་སྐོར་བྱེད་པ་སླར་གསོ་བྱས་པ་དང་སྔོན་མངགས་བྱེད་སྟངས་ཁྱབ་བསྒྲགས་བྱས།

• ཚེས2ཉིན། རྒྱལ་ནང་གི་གཞི་ཁྱོན་ཆེས་ཆེ་བའི་ནུས་རྒྱུ་གསར་པའི་འབྲི་ཆུ་བརྒལ་བའི་སྐྱེལ་འདྲེན་བགྲོད་ལམ་ལེགས་པར་གྲུབ་ནས་སྤྱོད་མགོ་ཚུགས་པ་དང་། ལོ་རེར་གློག་གཏོང་ཚད་མང་ཤོས་ཏུའུ་དུང་ཕྱུར260ལས་བརྒལ་རྒྱུ་རེད།

  

• ཚེས2ཉིན་ནས་བཟུང་། སློབ་ཆེན་སློབ་མའི་ལུས་རྩལ་ཚོགས་ཆེན་གྱི་དཔལ་འབར“རུང་ཧོ”ཁྲེང་ཏུའུ་རུ་བརྒྱུད་སྤྲོད་བྱས་པ་དང་། དཔལ་འབར་བརྒྱུད་སྤྲོད་ཚེས26ཉིན་བར་རྒྱུད་མཐུད་བྱ་རྒྱུ་རེད།

• ཞིན་ཅང་རིག་གནས་གནས་སྐོར་ཐིང་གིས“གནས་སྐོར་བས་སྔུར་བ་འཐེན་པས་གནས་སྐོར་སྣེ་ཤན་པས་རླངས་འཁོར་ལས་འབབ་དགོས་པའི་རེ་བ་བཏོན་པའི་དོན་རྐྱེན”ཐད་ཀྱི་བརྡ་ཁྱབ་བཏང་བ་སྟེ། གནས་སྐོར་སྣེ་ཤན་པ་ལིའུ་མིང་ལ་ཉིན30ལ་ཚོགས་པ་ཁྲིད་པའི་ལས་ཀ་མཚམས་འཇོག་ཏུ་བཅུག་པ་མ་ཟད། གནས་སྐོར་སྐོར་སྣེ་ཤན་པར་བྱ་སྤྱོད་ཚད་ལྡན་གྱི་སློབ་གསོ་དང་ལེན་བྱེད་དུ་བཅུག

  

• ཧོ་ནན་ཀྲེང་ཀྲོའུ（河南郑州）ཡི་རླངས་འཁོར་ཞིག་གཙང་པོར་ལྷུང་ཙ་ན། དྲག་ཆས་ཉེན་རྟོག་འཐབ་འཛིང་པ་ཕུའུ་དབྱི་ཧའོ་ཆུ་ནང་དུ་མཆོངས་ནས་ཉེན་ཁར་གྱུར་བའི་མི་སྣ་གཉིས་བདེ་བླག་ངང་བསྐྱབས།

སྲིད་ཇུས།

• ཧྲན་ཞི（陕西）ཡིས་བརྡ་ཐོ་བཏང་སྟེ་གསར་དུ་བསྐྲུན་པའི་སྡོད་ཁང་ཁུལ་ཆུང་གི་རླངས་འཁོར་འཇོག་སར་གློག་གསོག་རྨང་གཞིའི་སྒྲིག་བཀོད100% བསྐྲུན་དགོས་པའམ་ཡང་ན་འཛུགས་སྐྲུན་གྱི་ཆ་རྐྱེན་སྔོན་འཇོག་བྱེད་དགོས་ཞེས་བསྟན།

• ཧོ་ནན་གྱིས་བརྡ་ཐོ་བཏང་སྟེ་ཆ་རྐྱེན་དང་འཚམ་པའི་དཀའ་ངལ་ཡོད་པའི་མཐར་ཕྱིན་སློབ་མར་མི་རེར་སྒོར2000ཡི་ཚད་གཞི་ལྟར་ལས་འཚོལ་ལས་གཏོད་ཀྱི་ཁ་གསབ་སྤྲོད་ཐེངས་གཅིག་གིས་སྤྲོད་རྒྱུ་རེད།

• ཧེ་ནན（海南）གྱིས་བརྡ་ཐོ་བཏང་སྟེ་སྤྱི་གསོག་མ་དངུལ་གྱི་དངུལ་བུན་ལས་སྒོ་གཉེར་བའི་དུས་བཀག་ཐུང་དུ་བཏང་ནས་ལས་ཀའི་ཉིན་གྲངས་གཅིག་གི་ནང་དུ་སྡོད་ཁང་སྤྱི་གསོག་མ་དངུལ་གྱི་དངུལ་བུན་གཏའ་འཇོག（གཏའ་འཇོག་སྔོན་མངགས་ཚུད）ལས་སྒོ་གཉེར་ཐུབ་པའི་འགན་ལེན་བྱེད་དགོས་པའི་བླང་བྱ་བཏོན།

དེ་རིང་གི་གནམ་གཤིས།

• སི་ཁྲོན་གཤོང་སའི་ཤར་རྒྱུད་དང་ལྷོ་རྒྱུད། ཧྲན་ཞིའི་ལྷོ་རྒྱུད། ཧུའུ་པེའི་ནུབ་བྱང་རྒྱུད། ཧོ་ནན་གྱི་ལྷོ་རྒྱུད་དང་ཤར་རྒྱུད། ཧྲན་ཏུང་གི་དབུས་ལྷོ་རྒྱུད། ཨན་ཧེའི་བྱང་རྒྱུད། ཅང་སུའུ་ཡི་བྱང་རྒྱུད་བཅས་དང་མཚོ་སྔོན་གྱི་ཤར་རྒྱུད་དང་། ཀན་སུའུ་ཡི་ལྷོ་རྒྱུད། ཀོང་ཏུང་གི་ལྷོ་རྒྱུད་ཀྱི་མཚོ་རྒྱུད་སོགས་ས་ཁུལ་ཁ་ཤས་སུ་དྲག་ཆར་ནས་དྲག་ཆར་ཆེན་པོ་འབབ་རྒྱུ་རེད།