སངས་འབུམ་གྱིས་རིག་གནས་གནས་སྐོར་གྱི་གཙོ་གནད་རྣམ་གྲངས་ལ་རྟོག་ཞིབ་བྱས།

རྩོམ་སྒྲིག དམ་ཆོས་བསམ་འགྲུབ།  ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས།  བཤེར་འབེབས། རིན་ཆེན་ཚེ་རིང་། 

ཟླ7ཚེས5ཉིན། ཁུལ་ཨུའི་རྒྱུན་ཨུའམ། མདའ་བཞིའི་རྫོང་ཨུའི་ཧྲུའུ་ཅི་སངས་འབུམ་གྱིས་འབྲེལ་ཡོད་ལས་ཁུངས་ཀྱི་མི་སྣ་རྩ་འཛུགས་བྱས་ཏེ། མདའ་བཞི་རྫོང་གི་བྷོ་ཊའི་གསོལ་མགྲོན་གླིང་དང་ནུབ་མཚོའི་མཚན་ལྗོངས་འགྲུལ་ཤག  བོན་གྱཱ་ཕྱུགས་ར། ཆིང་ཧུའུ་ཡོན་སྐྱེ་དངོས་ཚན་རྩལ་ཚད་ཡོད་སྤྱི་གཉེར། དཔལ་སྦྱིན་གཏེར་ཆུ་བཟོ་གྲྭ་བཅས་སུ་བཟོ་སྐྲུན་གྱི་འཕེལ་རིམ་དལ་བ་དང་ལས་གཞིའི་ཆོག་མཆན་འགོད་དཀའ་བ། ཁེ་ལས་འཕེལ་རྒྱས་ཀྱི་དཀད་གནད་འགག་འཕྲང་སོགས་དངོས་ཡོད་ལས་དོན་ལ་རྟོག་ཞིབ་བྱས། 

རྟོག་ཞིབ་བྱེད་རིང་། སངས་འབུམ་གྱིས་བསྟན་དོན། འབྲེལ་ཡོད་ལས་ཁུངས་དག་གིས་ཐབས་བརྒྱ་ཇུས་སྟོང་གིས་ཁེ་ལས་འཛུགས་སྐྲུན་གྱི་བྱ་བའི་བརྒྱུད་རིམ་ཁྲོད་གནས་པའི་གནད་དོན་ལ་རྒྱུས་ལོན་གསལ་པོ་བྱེད་པ་དང་། གནད་དོན་དེའི་འབྱུང་རྐྱེན་ལ་དབྱེ་ཞིབ་བྱེད་པ།  སྟོབས་ཤུགས་ཡོད་ཚད་ཀྱིས་ཁེ་ལས་ལ་དཀའ་སེལ་འགག་སྒྲོལ་དང་། ཁོ་ཚོར་མཐུན་རྐྱེན་སྦྱོར་བ་དང་ཞབས་ཞུ་སྒྲུབ་པ། སྔར་ལས་ལེགས་པའི་སྒོ་ནས་རིག་གནས་གནས་སྐོར་ཁེ་ལས་དང་གྲོང་གསེབ་མཉམ་སྡེབ་དཔལ་འབྱོར་སྐྱོན་བྲལ་ངང་འཕེལ་རྒྱས་འགྲོ་བ་དང་། རྫོང་ཡོངས་ཀྱི་དཔལ་འབྱོར་སྤྱི་ཚོགས་ཁྱོན་ཡོངས་ནས་འཕེལ་རྒྱས་འགྲོ་བར་སྐུལ་འདེད་གཏོང་དགོས་པ་བསྟན།