ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། ཀླུ་མོ་མཚོ། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན།

• ཚེས7ཉིན། ཀྲུང་གོའི་རུ་ཁག་ལ་ཧང་ཀྲོའུ་ཡ་གླིང་ལུས་རྩལ་འགྲན་ཚོགས་སྟེང་གསེར་གྱི་རྟགས་མ13དང་། དངུལ་གྱི་རྟགས་མ7དང་། ཟངས་ཀྱི་རྟགས་མ9བཅས་ཐོབ། མིག་སྔར་ཀྲུང་གོའི་རུ་ཁག་ལ་གསེར་གྱི་རྟགས་མ200ཐོབ་ཡོད།

  
  

• ཚེས7ཉིན། ཧང་ཀྲོའུ་ཡ་གླིང་ལུས་རྩལ་འགྲན་ཚོགས་ཀྱི་བུད་མེད་ཕྲེང་གྲུག་རྟིང་རྩོད་འགྲན་སྡུར་ཁྲོད་དུ། ཀྲུང་གོའི་རུ་ཁག་འཇར་པན་རུ་ཁག་ལས་རྣམ་པར་རྒྱལ་བ་དང་། ཐེངས་དྲུག་ལ་འགྲན་པ་ཚང་མ་རྒྱལ་ཞིང་། འདི་ནི་ཀྲུང་གོའི་ཕྲེང་གྲུག་བུད་མེད་རུ་ཁག་གི་ལོ་རྒྱུས་སུ་་ཡ་གླིང་ལུས་རྩལ་འགྲན་ཚོགས་སུ་གསེར་གྱི་རྟགས་མ་ཐེངས་དགུ་པར་བླངས་པ་ཡིན།

• ཀྲུང་གོའི་ཆུ་རྐྱལ་ལུས་རྩལ་པ་ཐན་ཧེ་དབྱང་དང་ཀྲང་ཡུས་ཧྥེ་ནི་ཡ་གླིང་ལུས་རྩལ་འགྲན་ཚོགས་སྐབས19པའི་་ཆེས་རིན་ཐང་ལྡན་པའི་ལུས་རྩལ་པར་བདམས།

• ཚེས7ཉིན་གྱི་སྔ་དྲོར་ཧང་ཀྲོའུ་ཡ་གླིང་ལུས་རྩལ་འགྲན་ཚོགས་ཀྱི་འཛིན་བྱང་འཚོང་ཚད་སྡོམ་འབོར་སྒོར་ཁྲི305ལས་བརྒལ་བ་དང་། འཛིན་ཤོག་གི་སྤྱིའི་ཡོང་འབབ་སྒོར་དུང་ཕྱུར6. 1ལས་བརྒལ་ཡོད།

• འགྲིམ་འགྲུལ་སྐྱེལ་འདྲེན་པུས་གཞི་གྲངས་ཁྱབ་བསྒྲགས་བྱས་པ་ལྟར་ན། ཟླ་མཆོད་དང་རྒྱལ་སྟོན་དུས་ཆེན་གྱི་གུང་གསེང་སྐབས་རྒྱལ་ཡོངས་ཀྱི་ས་ཁོངས་ལས་བརྒལ་བའི་མི་སྣའི་འགྲོ་རྒྱུག་བྱེད་ཚད་ཁྱོན་སྡོམ་མི་ཐེངས་དུང་ཕྱུར22. 04བྱུང་ཡོད།

• རྒྱལ་ཁབ་གནས་སྤོས་ཡུལ་མི་དོ་དམ་ཅུས་བརྡ་ཁྱབ་བཏང་བ་ལྟར་ན། ཟླ་མཆོད་དང་རྒྱལ་སྟོན་དུས་ཆེན་གྱི་གུང་གསེང་རིང་ཆ་སྙོམས་མི་ཐེངས་ཁྲི147.7རྒྱལ་ཁོངས་ལས་འགྲོ་འོང་བྱས་ཡོད།

• རྒྱལ་ཁབ་སྦྲག་སྲིད་ཅུའི་གནས་ཚུལ་ལ་གཞིགས་ན། ཟླ་མཆོད་དང་རྒྱལ་སྟོན་དུས་ཆེན་གྱི་གུང་གསེང་རིང་རྒྱལ་ཡོངས་ཀྱི་དངོས་ཟོག་རྩིས་ལེན་དང་མྱུར་སྐྱེལ་དངོས་རྫས་དུང་ཕྱུར51.47ལས་བརྒལ་ཡོད།

• ཟླ1ནས8པའི་བར་དུ། རང་རྒྱལ་གྱི་འཕྲུལ་ཆས་བཟོ་ལས་ལ་རིམ་རྩིས་བྱས་ན་ཕྱིར་གཏོང་སྡོམ་འབོར་ཨ་སྒོར་དུང་ཕྱུར52222ཡོད་པ་དེ་དུས་མཚུངས་ལས8.2%འཕར་ཡོད།

• ཚེས7ཉིན། དབྱི་སི་རལ་གྱི་ས་ཆ་མང་པོར་མེ་ཤུགས་འཕུར་མདའ་དང་དྲག་པོའི་འཇབ་རྒོལ་ཐེབས་པས། མི་སྣ་ཤི་རྨས་བྱུང་བ་དང་། དབྱི་སི་རལ་གྱི་གཞུང་ཚབ་ཁང་གིས་བྲེལ་འཚུབ་ངང་ཀྲུང་གོའི་སྤྱི་དམངས་ལ་བདེ་འཇགས་དོགས་ཟོན་ལ་ཤུགས་སྣོན་བྱེད་དགོས་པའི་དྲན་སྐུལ་བྱས།
  

  སྤྱི་ཚོགས།

  
  

• ཀྲུང་དབྱང་གནམ་གཤིས་ལས་ཁུངས་ཀྱིས་རྒྱ་མཚོའི་རླུང་འཚུབ་ཀྱི་ཉེན་བརྡ་བཏང་ཞིང་། སྔོན་དཔག་བྱས་ན་ད་ལོའི་རྒྱ་མཚོའི་རླུང་འཚུབ་ཨང14པ“ཁྱི་ཕྲུག（小犬）”དེ་རིམ་བཞིན་ཀོང་ཏུང་གི་ཧེ་ནན་གླིང་ཕྲན་གྱི་ཤར་ལྷོའི་རྒྱུད་དུ་ཉེ་བར་བཅར་ཡོད་པ་རེད།

• 2024ལོའི་རྒྱལ་ཡོངས་ཀྱི་རབ་འབྱམས་པའི་ཞིབ་འཇུག་སློབ་མའི་སློབ་མ་བསྡུ་བའི་རྒྱུགས་ཚད་དེ་རིང་ནས་བཟུང་དྲ་ཐོག་ཏུ་མིང་ཐོ་འགོད་དགོས།

• རྒྱལ་ཁབ་གློག་བརྙན་ཅུས་ཚེས7ཉིན་གྲངས་གཞི་ཁྱབ་བསྒྲགས་བྱས་པ་ལྟར་ན། 2023ལོར་རྒྱལ་སྟོན་དུས་ཆེན་གྱི་གློག་བརྙན་ཁང་གི་འཛིན་བྱང་སྒོར་དུང་ཕྱུར27.34བྱུང་ཡོད།

• རྒྱལ་ཁབ་ལུས་རྩལ་སྤྱི་ཁྱབ་ཅུའི་དེ་སྔའི་ཏང་ཙུའུ་ཁོངས་མི་དང་ཅུ་ཀྲང་གཞོན་པ་ཏུའུ་ཀྲའོ་ཚེ་ཡིས་སྒྲིག་འགལ་ཁྲིམས་འགལ་བྱས་པས་ཏང་ཁོངས་ནས་ཕྱིར་འབུད་བྱས་ཡོད།

• ཅང་ཞི་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་དེ་སྔའི་ཏང་ཙུའུ་ཧྲུའུ་ཅི་གཞོན་པ་དང་ཀྲུའུ་རེན་གཞོན་པ་དབྱིན་མེ་ཀེན་གྱིས་སྒྲིག་འགལ་ཁྲིམས་འགལ་བྱས་པས་ཏང་ཁོངས་ནས་ཕྱིར་འབུད་བྱས་ཡོད།

• ཀྲུང་གོ་དངུལ་ཁང་མ་རྐང་ཚད་ཡོད་སྤྱི་གཉེར་གྱི་དེ་སྔའི་ཏང་ཨུའི་ཧྲུའུ་ཅི་དང་སྤྱི་ཁྱབ་ལས་འཛིན་ལིའུ་ལེན་ཀོ་ཡིས་སྒྲིག་འགལ་ཁྲིམས་འགལ་བྱས་པས་ཏང་ཁོངས་ནས་ཕྱིར་འབུད་བྱས་ཡོད།

• ཉེ་ཆར་ཧྥུ་ཅན་ཧྥུ་ཀྲོའུ་ཞིབ་དཔྱོད་ལས་ཁུངས་ཀྱིས་ཁྲིམས་ལྟར་དེ་སྔའི་འཕྲལ་བསྟུན་དོ་དམ་པུའི་མེ་ཟོན་རོགས་སྐྱོབ་ཅུའི་ཏང་ཨུའི་ཨུ་ཡོན་དང་ཅུ་ཀྲང་གཞོན་པ་ཀྲང་ཧྥུ་ཧྲེང་ལ་ལྐོག་རྔན་བླངས་པའི་དོགས་གཞི་ཡོད་པའི་གྱོད་གཞིར་གཞུང་གཏུག་ཞུས་ཡོད།
  

  སྲིད་ཇུས།
  

• ཐེན་ཅིན་གྱིས་ཞབས་ཞུའི་ལས་རིགས་ཀྱི་ཆེད་སྤྱོད་མ་དངུལ་དོ་དམ་བྱེད་ཐབས་དཔར་འགྲེམ་བྱས་ནས། རྣམ་གྲངས་ཀྱི་ཡིད་རྟོན་ཁས་ལེན་དང་ཡིད་རྟོན་ཞིབ་བཤེར་བླང་བྱ་ཁ་གསལ་བཟོས་ཤིང་། ཡིད་རྟོན་ཤོར་བའི་གཙོ་གཞིའི་མིང་ཐོའི་ནང་བཅུག་པའི་ཁེ་ལས་ལ་རྒྱབ་སྐྱོར་མི་བྱེད།

• ཀྲེ་ཅང་གིས་བསམ་འཆར་ཁྱབ་བསྒྲགས་བྱས་ནས། གྲོང་ཁྱེར་དང་གྲོང་གསེབ་ཀྱི་སྡོད་དམངས་དང་ལས་བཟོ་པ་སྨན་སྐྱོབ་ནང་ཞུགས་ཡོད་པ་རྣམས་གཞི་རིམ་སྨན་བཅོས་འཕྲོད་བསྟེན་ལས་ཁུངས་སུ་སྨན་བཅོས་བྱེད་པའི་སྒོ་བསྟེན་ཚད་གཞི་རིམ་བཞིན་མེད་པར་བཟོ་རྒྱུ་རེད།

• ཅང་སུའུ་ཡིས་འོད་ཤུགས་སྤྱོད་པའི་ས་ཆས་ཡུན་གཏན་གྱི་གཞི་རྩའི་ཞིང་ས་དང་རིམ་པ་དང་པོའི་སྲུང་སྐྱོང་ནགས་ས། ཆུ་ལམ། མཚེའུ། ཆུ་མཛོད་བཅས་བཟུང་སྤྱོད་བྱེད་པ་གཏན་འགོག་བྱ་དགོས་པ་ཁ་གསལ་བཟོས།
  

  དེ་རིང་གི་གནམ་གཤིས།

  
  

• བོད་ལྗོངས་ཀྱི་ཤར་བྱང་རྒྱུད་དང་མཚོ་སྔོན་ཀྱི་དབུས་ལྷོ་རྒྱུད་སོགས་ས་ཁུལ་ཁ་ཤས་སུ་ཁ་བ་ཆུང་བ་ནས་འབྲིང་བའམ་ཁངས་ཆར་འབབ་པ་དང་། ནང་སོག་གི་ཤར་རྒྱུད་དང་། ལིའོ་ཉིན། ཧོ་པེ་ཡི་དབུས་རྒྱུད་དང་བྱང་རྒྱུད། པེ་ཅིང་། ཐེན་ཅིན། ཅང་སུའུ་དང་ཨན་ཧུའེ་ལྷོ་རྒྱུད་དང་། ཀྲེ་ཅང་། ཧྥུ་ཅན། ཅང་ཞིའི་ཤར་རྒྱུད། ཀོང་ཏུང་གི་དབུས་ཤར་རྒྱུད། ཐའེ་ཝན་གླིང་ཕྲན། སི་ཁྲོན་དབུས་ནུབ་རྒྱུད། ཡུན་ནན་སོགས་ས་ཁུལ་ཁ་ཤས་སུ་ཆར་པ་ཆུང་བ་ནས་འབྲིང་བ་འབབ་བཞིན་འདུག་ལ། དེའི་ཁྲོད་ཡུན་ནན་གྱི་ལྷོ་ནུབ་རྒྱུད་དང་ཀོང་ཏུང་ཤར་ལྷོའི་མཚོ་རྒྱུད་སོགས་ས་ཁུལ་ཁ་ཤས་སུ་ཆར་པ་ཆེན་པོ་འབབ་རྒྱུ་རེད།