མཚོ་བྱང་གི་ཞིང་འབྲོག་ཁུལ་གྱི་ངལ་རྩོལ་ནུས་ཤུགས་མི་ཐེངས་ཁྲི4གནས་སྤོར་ལས་ཞུགས་བྱས་པ།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་བྱང་ཁུལ་མི་དམངས་སྲིད་གཞུང་དྲ་བ། བཤེར་འབེབས། རིན་ཆེན་ཚེ་རིང་།

མཚོ་བྱང་བོད་རིགས་རང་སྐྱོང་ཁུལ་གྱིས་ཞིང་འབྲོག་ཁུལ་གྱི་ངལ་རྩོལ་ནུས་ཤུགས་ཀྱི་གནས་སྤོར་ལས་ཞུགས་ལ་སྐུལ་འདེད་གཏོང་ཆེད། བྱེད་ཐབས་སྣ་མང་མཉམ་སྤྱོད་དང་ནུས་ཤུགས་ཡོད་རྒུས་སྐུལ་འདེད་བཏང་སྟེ། ཞིང་འབྲོག་པའི་ལས་ཞུགས་ཡོང་འབབ་འཕར་བར་ནུས་ལྡན་ངང་རོགས་རམ་བྱས། ད་ལོའི་མིག་སྔའི་བར་དུ། ཞིང་འབྲོག་ཁུལ་གྱི་ངལ་རྩོལ་ནུས་ཤུགས་མི་ཐེངས་ཁྲི4གནས་སྤོར་ལས་ཞུགས་བྱས་པ་དང་། སྤྱིའི་ཡོང་འབབ་སྒོར་དུང་ཕྱུར2.71ཟིན་ཡོད།

མཚོ་བྱང་ཁུལ་གྱི་འབྲེལ་ཡོད་སྡེ་ཚན་གྱིས་ལས་ཞུགས་ལས་གནས་ཧུར་ཐག་བཏོད་པ་སྟེ། ཁེ་ལས100ལྷག་ཙམ་སྒྲིག་འཛུགས་བྱས་ནས་དྲ་ཐོག་ལས་གནས1500ལྷག་ཙམ་འོས་སྦྱོར་བྱས་པ་དང་། དཔྱིད་རླུང་བྱེད་སྒོ་དང་ལས་ཞུགས་རོགས་སྐྱོར་ཟླ་བ་སོགས་ལས་ཞུགས་གདན་ཞུའི་བྱེད་སྒོ་ཐེངས40སྤེལ་བ་དང་། དྲ་ཐོག་དང་དྲ་ཕྱིའི་ཉིན་གླའི་ཁྲོམ་ར3གསོ་སྐྱོང་བྱས་པ་དང་། ཁེ་ལས500ལྷག་ཙམ་གྱིས་རིགས་མི་གཅིག་པའི་ལས་ཞུགས་ལས་གནས་ཁྲི1.5ལྷག་ཙམ་མཁོ་འདོན་བྱས་ཏེ། ཞིང་འབྲོག་ཁུལ་གྱི་ངལ་རྩོལ་ནུས་ཤུགས་མི་ཐེངས་ཁྲི2.54ཐག་ཉེ་སར་ལས་ཞུགས་ཐུབ་རྒྱུར་སྐུལ་འདེད་བཏང་། དབུལ་ཐར་མི་འབོར9680ལ་རོགས་བྱས་ཏེ་གནས་སྤོར་ལས་ཞུགས་བྱས།  ངལ་ལས་བར་ཁེའི་ཁྲིད་སྟོན་དང་གསོ་སྐྱོང་བྱེད་ཤུགས་ཆེ་རུ་བཏང་སྟེ། ངལ་ལས་མངག་གཏོང་ལས་མི་བཀོལ་སྤྱོད་ཁྱབ་སྤེལ་བཏང་བ་དང་། ཁ་གཏད་རོགས་སྐྲུན་དང་རོགས་སྐྱོར་བྱེད་པའི་ལམ་སྲོལ་འདོན་སྤེལ་བཅས་བྱས་ནས་ངལ་ལས་མི་ཐེངས་གྲངས7632ཕྱིར་གཏོང་བྱེད་པར་སྐུལ་ཁྲིད་བྱས་པ་དང་། ཞིང་ཆེན་ལས་བརྒལ་ནས་ལས་ཞུགས་བྱེད་མཁན་མི་ཐེངས་གྲངས་ཁྲི0.97ཟིན་ཡོད།

ལས་གཏོད་ཁག་ཐེག་དངུལ་བུན་སྒོར་ཁྲི340བཏང་ནས་ངལ་རྩོལ་པ21ལ་ལས་གཏོད་བྱ་རྒྱུར་རོགས་སྐྱོར་བྱས་པ་དང་། མཐོ་རིམ་སློབ་གྲྭའི་མཐར་ཕྱིན་སློབ་མ་དང་ལས་ཤོར་མི་སྣ54ལ་ལས་གཏོད་བྱེད་པར་རོགས་སྐྱོར་བྱས་ཏེ། མི154ལས་ཞུགས་བྱེད་པར་སྐུལ་ཁྲིད་བྱས་ཡོད།  “འཐེན་ཐུག་དངུལ་བུན”སྒོར་ཁྲི100བཏང་ནས་ངལ་རྩོལ་ནུས་ཤུགས640ཡིས་རྒྱལ་ཡོངས་སུ་འཐེན་ཐུག་ཟ་ཁང་འཛུགས་པར་རོགས་རམ་བྱས་ཏེ། མི1700ལྷག་ཙམ་ལས་ཞུགས་ཐུབ་རྒྱུར་སྐུལ་ཁྲིད་བྱས་ཤིང་། གཉེར་སྐྱོང་རང་བཞིན་གྱི་ཡོང་འབབ་སྒོར་དུང་ཕྱུར3.97བྱུང་ཡོད། “གྲོ་མའི་ཐོན་ལས”དེ་ཁུལ་ཡོངས་ཀྱི་ངལ་ནུས་སྤུས་རྟགས་ཀྱི་གཙོ་གནད་སྐྱེད་སྲིང་ལ་བརྩིས་ཏེ། ད་ལོ་ནས་བཟུང་འཇུ་ལག་རྫོང་གིས་གྲོ་མ་སྤྱི་ཆིང150བཏབ་ཅིང་མི་ཁྲི（ཐེངས）6ལྷག་ཙམ་གྱི་ཞིང་འབྲོག་མང་ཚོགས་ཀྱིས་ཡུན་ཐུང་ལས་ཞུགས་ཐུབ་རྒྱུར་སྐུལ་ཁྲིད་བྱས་ཡོད།

མཚོ་བྱང་ཁུལ་གྱིས་ཁེ་ལས12དང་འགྲན་ཞུགས་པ180ལྷག་ཙམ་སྒྲིག་འཛུགས་བྱས་ཏེ་གསར་གཏོད་ལས་གཏོད་ཀྱི་རྩལ་ནུས་འགྲན་སྡུར་ཆེ་མོར་ཞུགས། ད་ལོར་ཞིང་འབྲོག་ཁུལ་གྱི་ངལ་རྩོལ་ནུས་ཤུགས་མི་ཐེངས4768ལ་ལས་རིགས་རྩལ་ནུས་གསོ་སྦྱོང་བྱས་པ་དང་། ཆེད་དོན་རྩིས་ཁྲའི་མ་དངུལ་སྒོར་ཁྲི367བཏང་བ་དོན་འཁྱོལ་བྱས་པ་དང་། མི1567ལ་དངོས་སྦྱོང་བྱས།