ཟི་ལིང་ནས་གཏམ་བརྗོད་ཟློས་གར ༼གསེར་དངུལ་ཐང༽ གི་མཛད་སྒོ་ཐོག་མ་འཚོགས།

    རྩོམ་སྒྲིག  དམ་ཆོས་བསམ་འགྲུབ། ཡོང་ཁུངས། མཚོ་བྱང་ཁུལ་རྒྱང་སྒྲོག་བརྙན་འཕྲིན་ཁང་བོད་སྐད་འཕྲིན་སྟེགས།  བཤེར་འབེབས། རིན་ཆེན་ཚེ་རིང་། 

ཉེ་ཆར། ཀྲུང་གུང་མདའ་བཞི་རྫོང་ཨུ་དང་རྫོང་སྲིད་གཞུང་གིས་གཙོ་གཉེར་བྱས་པའི་ཀྲུང་གོའི་རྡུལ་ཕྲན་གྲོང་གི་གཞོན་ནུ་ལོ་ཆུང་གི་གསར་བརྗེའི་སློབ་སྦྱོང་དང་གནས་སྐོར་དྲིལ་སྒྲོག་འོས་སྦྱོར་དང་གསར་བརྗེའི་བརྗོད་གཞིའི་གཏམ་བརྗོད་ཟློས་གར་༼གསེར་དངུལ་ཐང་༽ཐོག་མར་སྟོན་པའི་མཛད་སྒོ་ཟི་ལིང་གྲོང་ཁྱེར་མཚོ་སྔོན་ཟློས་གར་ཁང་ཆེན་མོར་འཚོགས་པ་རེད། ཞིང་ཨུའི་དྲིལ་སྒྲོག་པུའི་རྒྱུན་ལས་པུ་ཀྲང་གཞོན་པ་ཞུས་ཤིན་ཀི་དང་ཁུལ་ཨུའི་ཧྲུའུ་ཅི་ཤ་བོ་སྐྱབས། ཤིན་ཧྭ་གསར་འགྱུར་ཁང་མཚོ་སྔོན་ཡན་ལག་ཁང་གི་མགོ་གཙོ་ཧོང་དབྱི། ཁུལ་ཨུའི་ཧྲུའུ་ཅི་གཞོན་པའང་ཁུལ་དཔོན་ཀྲང་ཧྲིང་ཡོན། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་དབྱང་ཧའེ་ལུང་། ཞིང་ཨུའི་ཏང་གི་སློབ་གྲྭའི་རྒྱུན་ལས་སློབ་སྤྱི་གཞོན་པ་ལུའེ་ཤན་ཧྭ། ཁུལ་སྲིད་གྲོས་ཀྱི་ཀྲུའུ་ཞི་པད་རྒྱལ་བཀྲ་ཤིས། ཞིང་ཆེན་རིག་གནས་གནས་སྐོར་ཐིང་གི་ཐིང་ཀྲང་གཞོན་པ་ལུའི་ཞ། དེ་བཞིན་ཞིང་ཆེན་ཐད་གཏོགས་ལས་ཁུངས་དང་ཞིང་ཆེན་ནང་ཁུལ་གྱི་མཐོ་རིམ་སློབ་ཆེན། སྤུན་ཟླ་རྫོང་དང་ས་ཁུལ། ས་གནས་ཀྱི་བཅའ་སྡོད་དམག་དཔུང་། སྤྱི་ཚོགས་ལས་ཁུངས། ཀྲུང་དབྱང་དང་ཞིང་ཆེན་གྱི་གསར་འགྱུར་ལས་ཁུངས་སོགས་ཀྱི་མགོ་ཁྲིད་དང་སྐུ་མགྲོན་ཆིག་སྟོང་ལྷག་གིས་འཁྲབ་སྟོན་ལ་བལྟས།    

ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་ཤིས་ཚིག་གསུང་སྐབས་གསར་བརྗེའི་གཏམ་བརྗོད་ཟློས་གར༼་གསེར་དངུལ་ཐང༽ཞེས་པའི་ནང“མདེལ་གཉིས་སྐར་གཅིག”གི་རླབས་ཆེན་བྱ་གཞག་ཁྲོད་ཐོག་མའི་བསམ་འདུན་བརྟན་སྲུང་བྱེད་མཁན་གསར་བརྗེའི་སྔོན་བྱོན་པར་བསྔགས་བརྗོད་བྱས་ཏེ་མཚོ་བྱང་གསེར་དངུལ་ཐང་རྩྭ་ཐང་གི་མི་རིགས་ཁག་གི་འབྲོག་པ་མང་ཚོགས་ཀྱི་བབ་ཆགས་པའི་ཁྱིམ་ཚང་དང་རྒྱལ་ཁབ་ལ་བཅངས་པའི་བརྩེ་སེམས་གཅིག་སྡུད་ཐོག་མངོན་པར་བྱས་ཏེ། སྔོན་གཤེགས་དཔའ་བོར་དྲན་གསོ་ཞུ་བ་དང་བསམ་པའི་བཙན་ས་གཏོད་པར་བར་སྟོང་ལེགས་པོ་བསྐྲུན་པ་དང་། ང་ཚོས་མདེལ་གཉིས་སྐར་གཅིག་གི་སྙིང་སྟོབས་རྒྱུན་འཛིན་བྱས་ཏེ་གསར་བརྗེའི་སློབ་སྦྱོང་ཞིབ་འཇུག་རྟེན་གཞི་གང་མགྱོགས་ཀྱིས་བསྐྲུན་ཏེ། མཚོ་བྱང་འདི་ཉིད་ཞིང་ཆེན་ཡོངས་དང་ཐ་ན་རྒྱལ་ཡོངས་ཀྱི་གསར་བརྗེའི་སློབ་གསོའི་དམིགས་ས་གལ་ཆེན་ཞིག་ཏུ་བསྐྲུན་རྒྱུ་ཡིན་པ་བསྟན།   

 ཁུལ་ཨུའི་རྒྱུན་ཨུའམ་མདའ་བཞི་རྫོང་ཨུའི་ཧྲུའུ་ཅི་སངས་འབུམ་གྱིས་ཀྲུང་གོའི་རྡུལ་ཕྲན་གྲོང་གི་གཞོན་ནུ་ལོ་ཆུང་གི་གསར་བརྗེའི་ཞིབ་འཇུག་སློབ་སྦྱོང་གནས་སྐོར་ལ་དམིགས་ནས་དྲིལ་སྒྲོག་འོས་སྦྱོར་བྱས་པ་དང་། ད་ཐེངས་ཀྱི་བྱེད་སྒོ་གོ་སྐབས་སུ་བྱས་ཏེ་མདའ་བཞིས་ཞིང་ཆེན་ཡོངས་དང་རྒྱལ་ཡོངས་སུ་ཕྱོགས་པའི་སྐར་ཁུང་ཞིག་བཏོད་པ་དང་ནུས་ཤུགས་ཡོད་རྒུས་རྒྱལ་ཡོངས་ལ་མཚོ་སྔོན་གྱི་མཚོན་རྟགས་ལྡན་པའི“གསར་བརྗེའི་མིང་བྱང”ཞིག་སྤྲད་དེ་གསར་བརྗེའི་ཞིབ་འཇུག་སློབ་སྦྱོང་གི་ལེའུ་གསར་པ་ཞིག་བཏོད་དེ་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་ལ་སྐུལ་འདེད་གཏོང་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་རྒྱུ་ཡིན་ཞེས་ནན་བཤད་གནང་།

གཏམ་བརྗོད་ཟློས་གར༼གསེར་དངུལ་ཐང༽ཞེས་པ་སྒྲ་དང་འོད། གཟུགས་བརྙན་བཅས་ཀྱི་ཐོག་ནས་ལོ་རྒྱུས་ཀྱི་རྣམ་པ་བསྐྱར་དུ་མངོན་པ་དང་ལྟད་མོ་བ་རྣམས་“གནམ་ས་གཡོ་འགུལ་བྱེད་པ་དང་རུས་མིང་སྦས་པའི་གྲགས་ཅན་མི་སྣ་ཞིག་བྱེད་པའི”གསར་བརྗེའི་ལོ་རབས་དེར་ཁྲིད་དེ་རླབས་ཆེན་གྱི་ཚན་རིག་སྔོན་བྱོན་པ་དང་མཉམ་དུ་མཉམ་འགུལ་བྱས་ཏེ་གསར་བརྗེའི་བློ་མཐུན་གྱི་མི་གཤིས་དང་ཏང་གཤིས་ཀྱི་འོད་སྟོང་ཉམས་སུ་མྱོང་བ་དང་། མཚོ་སྔོན་མི་དམངས་ཀྱིས་ཏང་དང་མེས་རྒྱལ་ལ་དགའ་ཞེན་དང་ལེགས་སྐྱེས་འབུལ་བ་མྱོང་ཚོར་བྱུང་དུ་བཅུག་ཡོད།

ཤེས་རྟོགས་བྱུང་བར་གཞིགས་ན། གསར་བརྗེའི་བརྗོད་གཞིའི་གཏམ་བརྗོད་ཟློས་གར་༼གསེར་དངུལ་ཐང༽ཞེས་པ་དེ་ཧྲན་ཏུང་མཚོ་སྐྱོར་དོ་དམ་ཚན་ཆུང་དང་ཧྲན་ཏུང་ཞིང་ཆེན་ལིན་དབྱི་གྲོང་ཁྱེར་རིག་གནས་དང་གནས་སྐོར་ཅུས་ཀྱི་རྒྱབ་སྐྱོར་འོག་རྒྱལ་ཁབ་ཀྱི་རིམ་པ་དང་པོའི་འཁྲབ་སྟོན་པ་དང་ལིན་དབྱི་གྲོང་ཁྱེར་ཟློས་གར་མཁས་ཅན་མཐུན་ཚོགས་ཀྱི་ཀྲུའུ་ཞི་སུན་ཆི་ཀྲུང་གི་ཚོགས་པས་གསར་རྩོམ་དང་འཁྲབ་ཁྲིད་བྱས་པ་དང་། མཚོ་སྔོན་ཞིང་ཆེན་མཚོ་བྱང་ཁུལ་མདའ་བཞི་རྫོང་གི་ལས་བྱེད་པས་དུས་ཡུན་ཟླ་གསུམ་གྱི་རིང་ལ་སྦྱོང་བརྡར་བྱས་ཏེ། ཀྲུང་གོའི་ཉིང་རྡུལ་མཚོན་ཆ་ཞིབ་བཟོ་བྱས་པའི་ངོ་མཚར་གྱི་གཏམ་རྒྱུད་མངོན་པར་མཚོན་ཡོད།   

 འཁྲབ་སྟོན་བྱས་པའི་དགོང་མོར། དྲ་ཐོག་དང་དྲ་ཕྱིའི་ཐོག་ཁྱོན་བསྡོམས་ལྟ་མཁན་མི་གྲངས་འབུམ་གཅིག་ཙམ་ཟིན་པ་དང་བསྔགས་བརྗོད་བྱེད་མཁན་མི་གྲངས་ས་ཡ་ལས་བརྒལ་ཡོད་པ་རེད།