ཤ་བོ་སྐྱབས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཀྱི་མཚོ་བྱང་གཞི་གྲངས་ཅན་གྱི་འགྲེམས་ཁང་དང་ཞིང་ཆེན་ནང་བསྟན་སློབ་གླིང་མཚོ་བྱང་ཡན་ལག་སློབ་གླིང་དུ་བསྐྱོད་དེ་བརྟག་ཞིབ་གནང་པ།

 རྩོམ་སྒྲིག སངས་རྒྱས་སྐྱིད། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཉེ་ཆར། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཀྱི་མཚོ་བྱང་གཞི་གྲངས་ཅན་གྱི་འགྲེམས་ཁང་དང་ཞིང་ཆེན་ནང་བསྟན་སློབ་གླིང་མཚོ་བྱང་ཡན་ལག་སློབ་གླིང་དུ་བསྐྱོད་དེ་བརྟག་ཞིབ་གནང་སྐབས། ཁུལ་ཨུའི་འཐབ་ཕྱོགས་གཅིག་གྱུར་པུ་དང་ཁུལ་མི་རིགས་ཆོས་ལུགས་ལས་དོན་ཨུ་ལྷན་གྱིས་མི་རིགས་མཐུན་སྒྲིལ་གསར་སྐྲུན་བྱ་བ་ཞིང་ཆེན་ཡོངས་ཀྱི་མདུན་གྲལ་དུ་སྐྱོད་པའི་དམིགས་ཚད་གཏན་འཁེལ་བྱས་ནས“ཐུན་མོང་གཉིས”དང“ཁ་འབྲལ་ཐབས་མེད་པ་གསུམ” “ངོས་འཛིན་བཞི”དང“གཅིག་མཐུན་ལྔ”ལ་སྐུལ་འདེད་བཏང་སྟེ་དྲིལ་སྒྲོག་སློབ་གསོའི་གཡུལ་ས་འཛུགས་པར་ནུས་ཤུགས་ཡོད་རྒུས་སྐུལ་འདེད་གཏོང་དགོས་པ་ནན་གྱིས་བསྟན།

ཤ་བོ་སྐྱབས་ཀྱིས་གཅིག་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྐྱེད་པ་གཙོ་རྐང་དུ་བྱས་ནས་ཚན་རིག་དང་མཐུན་པའི་ངང་གཞི་གྲངས་ཅན་གྱི་འགྲེམས་ཁང་གི་འགྲེམས་སྟོན་ནང་དོན་འཆར་འགོད་དང་བཀོད་སྒྲིག་བྱས་ཏེ་གཞི་རྟེན་གསར་གཏོད་དང་བརྗོད་དོན་མངོན་གསལ་དོད་པོ་ཡོང་བ་བྱས་ནས་གཞི་གྲངས་ཅན་གྱི་འགྲེམས་ཁང་གི་ཡིད་དབང་འཕྲོག་ཤུགས་དང་ཤུགས་རྐྱེན་ཐེབས་ཤུགས་མུ་མཐུད་ཆེ་རུ་གཏོང་དགོས། གཉིས་ནས་མཚོ་བྱང་ཁུལ་གྱི་བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་ཀྱི་དཔེ་མཚོན་སློབ་གསོའི་ས་ཚིགས་བསྐྲུན་རྒྱུར་ནུས་ཤུགས་ཡོད་རྒུས་སྐུལ་འདེད་བཏང་སྟེ་ཞིང་ཆེན་ནང་བསྟན་སློབ་གླིང་མཚོ་བྱང་ཡན་ལག་ཁང་གི་བར་ཁྱམས་སོགས་ཀྱི་བར་མཐོངས་གང་ལེགས་བེད་སྤྱད་དེ་རིག་གནས་བར་ཁྱམས་དང་སློབ་སྦྱོང་བྱ་ཡུལ་བཀོད་སྒྲིག་བྱེད་པ་དང་། བོད་བརྒྱུད་ནང་བསྟན་གྱི་སྤྲུལ་སྐུའི་ཡང་སྲིད་ངོས་འཛིན་གྱི་ལོ་རྒྱུས་དང་ཆོས་ལུགས་ཀྱི་ཆོ་ག་སྒྲོག་བཤད་ཡག་པོ་བྱས་ཏེ་རྒྱ་ཆེའི་གྲྭ་བཙུན་རྣམས་ལ་སྤྲུལ་སྐུའི་ཡང་སྲིད་ངོས་འཛིན་ཐད་ཀྱི་རྒྱལ་ཁབ་ཀྱི་སྲིད་ཇུས་དང་ཁྲིམས་སྲོལ་ཤེས་སུ་འཇུག་དགོས། གསུམ་ནས་ལོ་རྒྱུས་ཀྱི་རིག་གནས་རྒྱུན་མཐུད་བྱ་རྒྱུར་སྣང་ཆེན་བྱས་ནས་མཚོ་བྱང་གི་ལོ་རྒྱུས་དུས་སྐབས་སོ་སོའི་མི་རིགས་ཁག་དབར་གྱི་འགྲོ་འོང་དང་བརྗེ་རེས། མཉམ་འདྲེས་བཅས་ཀྱི་སྲོལ་རྒྱུན་བཟང་པོ་དང་རིག་གནས་རྩ་ཆེན་སྔོག་འདོན་གཏིང་ཟབ་བྱེད་པ་དང་། མཚོ་བྱང་གི་རྒྱང་སྐྱོད་རིག་གནས་སྤྱི་གླིང་དང་རྨ་ཆུའི་རྒྱལ་ཁབ་རིག་གནས་སྤྱི་གླིང་། དར་གོས་ཚོང་ལམ་གྱི་མཚོ་སྔོན་ཚོང་ལམ་སོགས་བརྒྱུད་རིམ་ཁྲོད་ཀྱི་གྲུབ་ཆ་ལེགས་སྒྲིག་བྱེད་པ། ནུབ་མཚོ་ཅུན་དང་། ཡུང་ཨན་གནའ་གྲོང་། དཔལ་དགེ་གནའ་གྲོང་། མཁར་དམར་གནའ་གྲོང་། དེ་བཞིན་གངས་ལུང་བྲག་ཕུག་སོགས་ཀྱི་རིག་གནས་ཤུལ་བཞག་གང་ལེགས་བེད་སྤྱོད་དང་གསོན་ཤུགས་བསྩལ་ཏེ་ལོ་རྒྱུས་རིག་གནས་རྒྱུན་འཛིན་དང་མི་རིགས་མཐུན་སྒྲིལ་ཡར་ཐོན་གྱི་གཏམ་རྒྱུད་ཡག་པོ་བརྗོད་པ་ཟུང་འབྲེལ་བྱས་ནས། རིགས་སོ་སོའི་མང་ཚོགས་ཀྱིས་རླབས་ཆེན་མེས་རྒྱལ་དང་ཀྲུང་ཧྭ་མི་རིགས། ཀྲུང་ཧྭ་རིག་གནས། ཀྲུང་གོ་གུང་ཁྲན་ཏང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་བཅས་ལ་འཛིན་པའི་ངོས་འཛིན་མུ་མཐུད་ཆེ་རུ་གཏོང་དགོས། བཞི་ནས་ཞིང་ཆེན་ནང་བསྟན་སློབ་གླིང་མཚོ་བྱང་ཡན་ལག་སློབ་གླིང་གི་མལ་ཁང་དང་སློབ་ཁྲིད་སོགས་སྒྲིག་བཀོད་ཆ་ཚང་ཡིན་པའི་ལེགས་ཆ་འདོན་སྤེལ་གང་ལེགས་བྱས་ནས་ཞིང་ཆེན་ཕྱི་ནང་གི་འཐབ་ཕྱོགས་གཅིག་གྱུར་ཁོངས་གཏོགས་ཀྱི་ལས་བྱེད་པའི་གསོ་སྦྱོང་བྱ་བ་སྤེལ་བ་དང་། རྒྱ་ཆེའི་དད་ལྡན་མང་ཚོགས་དང་གྲྭ་བཙུན་སྒྲིག་འཛུགས་བྱས་ཏེ“མདེལ་གཉིས་སྐར་གཅིག”གི་སྙིང་སྟོབས་ཀྱི་སློབ་གསོ་ཉམས་ལེན་བྱེད་དུ་བཅུག་ནས་མཚོ་བྱང་གི་གསར་བརྗེའི་སློབ་གསོའི་བྱ་གཞག་འཕེལ་རྒྱས་འགྲོ་རྒྱུར་རམ་འདེགས་བྱེད་དགོས་པའི་བླང་བྱ་བཏོན།

ཁུལ་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའི་པུ་ཀྲང་མགོན་པོ་ཚེ་བརྟན་དང་། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ། གཞུང་ལས་ཁང་གི་ཀྲུའུ་རིན་ཝང་ཡུང་ཁྲང་། ཁུལ་མི་རིགས་ཆོས་ལུགས་ལས་དོན་ཨུ་ལྷན་གྱི་འགན་འཁུར་བློ་མཐུན་གཙོ་བོ་བཅས་ཀྱིས་མཉམ་དུ་བརྟག་ཞིབ་གནང་།