མདོ་སྨད་ཐེ་བོ་རོང་གི་གྱོན་གོས་ཀྱི་མཛེས་ཉམས།

རྩོམ་སྒྲིག དམ་ཆོས་བསམ་འགྲུབ།  ཡོང་ཁུངས། ཀན་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས།  བཤེར་འབེབས། རིན་ཆེན་ཚེ་རིང་།

ཐེ་བོ་རྫོང་ནི་ཀན་ལྷོ་བོད་རིགས་རང་སྐྱོང་ཁུལ་གྱི་ལྷོ་རྒྱུད་དུ་ཆགས་ཡོད་ལ། རི་མཐོ་ཞིང་ལུང་ཟབ་པ་དང་། རྩི་ཤིང་སྐྱེས་དངོས་རིགས་སྣ་ཚོགས་ཕུན་སུམ་ཚོགས་པས་རྩི་ཤིང་གི་རྒྱལ་ཁམས་ཞེས་བསྔགས་བརྗོད་ཀྱི་མཚན་ཉིད་བདག་གིར་བཞེས་ཡོད། བཤད་རྒྱུན་ལ་ལུང་བ་རེ་ལ་ཆུ་མགོ་རེ། ས་ཆ་རེ་ལ་སྐད་ལུགས་རེ་ཟེར་བ་བཞིན་གནས་འདིར་བོད་ཀྱི་སྲོལ་རྒྱུན་རིག་གནས་ཀྱི་རྐང་མཐུག་ཅིང་། ཁྱད་དུ་འཕགས་པའི་དམངས་སྲོལ་རིག་གནས་ཕུན་སུམ་ཚོགས་པོ་ཡོད། དེ་བས་ཀྱང་ཡིད་དབང་འཕྲོག་པའི་བོད་མི་རིགས་ཀྱི་གྱོན་གོས་རིག་གནས་ནི་དེའི་ཁྲོད་ཀྱི་འོད་དུ་འཚར་བའི་མུ་ཏིག་རྡོག་གཅིག་ཏུ་བརྩི་ཆོག་གོ
                                                                              ཐེ་བོ་སྟོད་དེ་གཡི་བ་དང་སྟེང་ཁ་ཡར་མར་གྱི་གྱོན་གོས།

ཐེ་བོ་བར་ཏེ་ཁ་པ་དང་སྟག་ར། ཉིན་ངོ།དབང་བཟང་། རྡོ་ར། འ་ཞ་རྒྱུད་ཀྱི་གྱོན་གོས།

ཐེ་བོ་སྨད་དེ་རི་དྭངས་དང་ཧྭ་ཡོན།  ལ་གཟར། བྱ་འབབ་རྒྱུད་ཀྱི་གྱོན་གོས།

ང་ཚོའི་ཐུན་མོང་གི་འབད་བརྩོན་འོག་རྩ་ཆེ་བའི་རིག་གནས་འདི་དག་ལ་གཅེས་སྤྲས་དང་རྒྱུད་འཛིན་བྱ་དགོས་པ་མ་ཟད།  དུས་ཀྱི་འཕེལ་འགྱུར་དང་བསྟུན་ནས་སྔར་བས་བཀྲག་མདངས་མཚེར་དུ་འཇུག་རྒྱུ་གལ་ཆེའོ།།