དྲུག་གཅིག་བྱིས་པའི་དུས་ཆེན་ལ་རྟེན་འབྲེལ་ཞུ།

 སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།

རྒྱལ་སྤྱིའི་དྲུག་གཅིག་བྱིས་པའི་དུས་ཆེན་ལ་བྱིས་པའི་དུས་ཆེན་ཡང་ཟེར། དེ་ནི་འཛམ་གླིང་གི་རྒྱལ་ཁབ་སོ་སོའི་བྱིས་པའི་འཚོ་གནས་ཁེ་དབང་དང་ཁམས་སྲུང་ཁེ་དབང་། སློབ་གསོ་མྱོང་བའི་ཁེ་དབང་ལ་ཁག་ཐེག་བྱེད་པ་དང་། བྱིས་པའི་འཚོ་བ་ལེགས་བཅོས་བྱེད་ཆེད་དང་། བྱིས་པར་མནར་གཅོད་དང་གནོད་འཚེ་གཏོང་བར་ངོ་རྒོལ་བྱེད་པའི་ཉིན་མོ་ཞིག་ཡིན། 1925ལོར་སུའེ་ཙེར་རྒྱལ་ཁབ་ཀྱི་རི་ནེ་ཝ་གྲོང་ཁྱེར་ནས་འཚོགས་པའི་བྱིས་པའི་ཕན་བདེའི་སྐོར་གྱི་རྒྱལ་སྤྱིའི་གྲོས་ཚོགས་སྟེང་རྒྱལ་སྤྱིའི་བྱིས་པའི་བདེ་སྐྱིད་སྐུལ་འདེད་ཚོགས་པས་ཐོག་དང་པོར་བྱིས་པའི་དུས་ཆེན་གྱི་གླེང་བྱ་བཏོན་ཏེ། རྒྱལ་ཁབ་སོ་སོས་རང་རང་ས་ནས་བྱིས་པའི་རྗེས་དྲན་ཉིན་མོ་གཏན་འབེབས་བྱེད་པར་འབོད་སྐུལ་བཏང་། འབོད་སྐུལ་འདི་ལ་འཛམ་གླིང་གི་རྒྱལ་ཁབ་སོ་སོ་མོས་མཐུན་བྱུང་ཞིང་། རྒྱལ་ཁབ་ཕལ་ཆེ་བས་ལོ་རེའི་ཟླ6པའི་ཚེས1ཉིན་གཏན་འབེབས་གནང་བས། དྲུག་གཅིག་བྱིས་པའི་དུས་ཆེན་ལ་རྒྱལ་སྤྱིའི་བྱིས་པའི་དུས་ཆེན་ཞེས་འབོད།