ལི་ཆང་རི་ཡ་ཏེར་ཕེབས་ནས་སོ་ཏི་ཨ་རབ་ལ་དངོས་སུ་འཚམས་འདྲི་གནང་བ།

སྒྲིག་སྒྱུར།  སངས་དོན།    ཡོང་ཁུངས།   ཞིན་ཧྭ་དྲ་བ།     བཤེར་འབེབས།   རིན་ཆེན་ཚེ་རིང་།

 ཤིན་ཧྭ་གསར་འགྱུར་ཁང་རི་ཡ་ཏེ་ནས་ཟླ9པའི་ཚེས10ཉིན་འབྱོར་བའི་གློག་འཕྲིན།    སོ་ཏི་ཨ་རབ་ཀྱི་རྒྱལ་རྒྱུད་འཛིན་མཁན་དང་དབུ་བཞུགས་བློན་ཆེན་གཅིག་ལྕོགས་མུའུ་ཧན་མོ་ཏེས་གདན་ཞུས་ལྟར་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་ཟླ9པའི་ཚེས10ཉིན་གྱི་ཕྱི་དྲོར་གནམ་གྲུར་བསྡད་དེ་པེ་ཅིང་ནས་ཞལ་གྱེས་ཏེ། རི་ཡ་ཏེ་རུ་ཀྲུང་གོ་དང་སོ་ཏི་ཨ་རབ་དབར་གྱི་རིམ་པ་མཐོ་བའི་མཉམ་འབྲེལ་ཨུ་ཡོན་ལྷན་ཁང་གི་ཚོགས་འདུ་ཐེངས་བཞི་པ་འཚོགས་པ་དང་འབྲེལ་སོ་ཏི་ཨ་རབ་ལ་དངོས་སུ་འཚམས་འདྲི་གནང་བ་རེད།  

སོ་ཏི་ཨ་རབ་ཀྱི་རྒྱལ་རྒྱུད་འཛིན་མཁན་དང་དབུ་བཞུགས་བློན་ཆེན་གཅིག་ལྕོགས་མུའུ་ཧན་མོ་ཏེས་གདན་ཞུས་ལྟར་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཆང་ཟླ9པའི་ཚེས10ཉིན་གྱི་ཕྱི་དྲོར་གནམ་གྲུར་བསྡད་དེ་པེ་ཅིང་ནས་ཞལ་གྱེས་ཏེ་རི་ཡ་ཏེར་ཀྲུང་གོ-སོ་ཏི་ཨ་རབ་ཀྱི་མཐོ་རིམ་མཉམ་འབྲེལ་ཨུ་ཡོན་ལྷན་ཁང་གི་ཚོགས་འདུ་ཐེངས་བཞི་པ་འཚོགས་པ་དང་འབྲེལ་སོ་ཏི་ཨ་རབ་ལ་དངོས་སུ་འཚམས་འདྲི་གནང་བ་རེད།     ཞིན་ཧྭ་གསར་འགྱུར་ཁང་གི་གསར་འགོད་པ་རའོ་ཨའེ་མིན་གྱིས་པར་བླངས།     

ས་གནས་དེ་གའི་དུས་ཚོད་ཚེས10ཉིན་གྱི་དགོང་མོར་ལི་ཆང་གནམ་གྲུར་བསྡད་དེ་རི་ཡ་ཏེའི་རྒྱལ་པོ་ཧ་ལི་ཏེ་གནམ་ཐང་དུ་འབྱོར།     རི་ཡ་ཏེ་ཞིང་ཆེན་གྱི་ཧྲེང་ཀྲང་གཞོན་པ་མུའུ་ཧན་མོ་ཏེ་ཆིན་ཝང་དང་།    སོ་ཏི་ཨ་རབ་ཀྱི་ཚོང་དོན་བློན་ཆེན་ཁ་སི་པི།    སོ་ཏི་ཨ་རབ་ཏུ་བཅའ་སྡོད་བྱས་པའི་ཀྲུང་གོའི་གཞུང་ཚབ་ཆེ་མོ་བ་ཁྲང་ཧྭ་སོགས་གནམ་ཐང་དུ་ཕེབས་ནས་བསུ་མ་བྱས།     

ལི་ཆང་གིས་བསྟན་དོན། ཀྲུང་གོ་དང་སོ་ཏི་ཨ་རབ་དབར་སྲོལ་རྒྱུན་གྱི་མཛའ་བརྩེ་ཟབ་མོ་ཡོད།     ཕྱི་འབྲེལ་འབྲེལ་བ་བཙུགས་ནས་ལོ34ཡི་རིང་། ཕྱོགས་གཉིས་པོའི་ཐུན་མོང་གི་འབད་བརྩོན་འོག་ཀྲུང་གོ་དང་སོ་ཏི་ཨ་རབ་དབར་གྱི་འབྲེལ་བར་མཆོང་སྐྱོད་ལྟ་བུའི་འཕེལ་རྒྱས་བྱུང་བ་དང་དངོས་སྒྲུབ་མཉམ་ལས་ལ་གཡུར་ཟའི་གྲུབ་འབྲས་ཐོབ་ཡོད།     2022ལོའི་ཟླ12པར་ཞི་ཅིན་ཕིང་ཀྲུའུ་ཞིས་སྐབས་དང་པོའི་ཀྲུང་ཨ་དང་ཀྲུང་ཧའེ་དབུ་ཚོགས་ལ་ཞུགས་པ་དང་འབྲེལ་སོ་ཏི་ཨ་རབ་ལ་རྒྱལ་དོན་གྱི་འཚམས་འདྲི་ཡང་གནང་བ་རེད།     ལོ་གཅིག་ལྷག་ཙམ་རིང་། ཕྱོགས་གཉིས་པོས་དབུ་ཚོགས་ཀྱི་གྲུབ་འབྲས་གལ་ཆེན་དོན་འཁྱོལ་ཧུར་ཐག་བྱས་པ་དང་།    ཆབ་སྲིད་ཐད་ཕན་ཚུན་ཡིད་ཆེས་བྱེད་ཚད་རྒྱུན་ཆད་མེད་པར་སྲ་བརྟན་དུ་བཏང་ཞིང་།    ཁྱབ་ཁོངས་ཁག་གི་སྤེལ་རེས་མཉམ་ལས་བརྟན་བརླིང་ངང་སྐུལ་འདེད་བཏང་།    ས་ཁུལ་དང་རྒྱལ་སྤྱིའི་ལས་དོན་ཁྲོད་འབྲེལ་གཏུག་དང་མཐུན་སྦྱོར་དམ་ཟབ་རྒྱུན་འཁྱོངས་བཅས་བྱས་ཏེ། ཀྲུང་གོ་དང་སོ་ཏི་ཨ་རབ་ཀྱི་ཕྱོགས་ཡོངས་ཀྱི་འཐབ་ཇུས་རོགས་ཟླའི་འབྲེལ་བའི་ནང་དོན་རྒྱུན་མཐུད་ངང་ཕུན་སུམ་ཚོགས་སུ་བཏང་ཡོད་པ་བསྟན།     

ལི་ཆང་གིས་ཐེངས་འདིའི་འཚམས་འདྲི་བྱེད་རིང་། ངས་རྒྱལ་རྒྱུད་འཛིན་མཁན་དང་དབུ་བཞུགས་བློན་ཆེན་གྱི་འགན་གཅིག་ལྕོགས་འཁུར་མཁན་མུའུ་ཧན་མོ་ཏེ་དང་མཉམ་དུ་ཀྲུང་གོ་དང་སོ་ཏི་ཨ་རབ་དབར་གྱི་འབྲེལ་བ་དང་། དེ་བཞིན་ཐུན་མོང་ཐོག་དོ་ཁུར་བྱེད་པའི་གནད་དོན་གཞན་དག་ཐད་སྤེལ་རེས་གཏིང་ཟབ་བྱས་ནས་མཛའ་གྲོགས་གླེང་བ་དང་མཉམ་ལས་ཐད་ཐུན་མོང་ཐོག་གྲོས་བསྡུར་བྱ་རྒྱུ་ཡིན།     ཐེངས་འདིའི་འཚམས་འདྲི་བརྒྱུད། ཕྱོགས་གཉིས་པོས་འཕེལ་རྒྱས་ཀྱི་འཐབ་ཇུས་སྦྲེལ་མཐུད་ལ་སྔར་བས་ཤུགས་སྣོན་རྒྱག་པ་དང་།    ཁྱབ་ཁོངས་ཁག་གི་གཉིས་ཕན་མཉམ་ལས་རྒྱ་ཆེར་གཏོང་བ།    ཀྲུང་གོ་དང་སོ་ཏི་ཨ་རབ་མི་དམངས་ཀྱི་མཛའ་གྲོགས་རྨང་གཞི་བརྟན་དུ་གཏོང་བ།    ཀྲུང་གོ་དང་སོ་ཏི་ཨ་རབ་དབར་གྱི་འབྲེལ་བ་དེ་བས་མཐོ་བའི་ཆུ་ཚད་ཐོག་སླེབས་རྒྱུར་སྐུལ་འདེད་གཏོང་བ་བཅས་བྱས་ནས་ཀྲུང་གོ་དང་སོ་ཏི་ཨ་རབ་དབར་གྱི་འབྲེལ་བར་འཕེལ་རྒྱས་དེ་བས་ཆེ་བ་ཡོང་རྒྱུར་སྣེ་ཁྲིད་ཐུབ་རྒྱུའི་རེ་སྒུག་བྱེད་ཀྱི་ཡོད་ཅེས་གསུངས་པ་རེད།