ཁྲིམས་ནང་གཏན་ཕབ་བྱས་པའི་ལས་འཁྱུར་ངལ་གསོའི་ལོ་ཚད་རིམ་པ་བཞིན་ཕྱི་སྣུར་བྱེད་པའི་གྲོས་ཆོད་འཆར་ཟིན་གྲོས་ཞིབ་གནང་བར་ཕུལ།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཀྲུང་གོ་གསར་འགྱུར་དྲ་བ། བཤེར་འབེབས། རིན་ཆེན་ཚེ་རིང་།

ཟླ9པའི་ཚེས10ཉིན་སྐབས་བཅུ་བཞི་པའི་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཅིག་པ་པེ་ཅིང་དུ་འཚོགས། ཨུ་ཡོན་ཀྲང་ཀྲའོ་ལི་ཅི་ཡིས་གཙོ་སྐྱོང་གནང་།

རྒྱུན་ལས་ཨུ་ཡོན་ལྷན་ཁང་གི་ཁོངས་མི159ཚོགས་འདུར་ཞུགས། ཚོགས་འདུར་ཞུགས་མཁན་གྱི་མི་གྲངས་ཁྲིམས་ནང་གཏན་ལ་ཕབ་པའི་མི་གྲངས་དང་མཐུན།

གྲོས་ཚོགས་ཐོག་རྒྱལ་སྲིད་སྤྱི་ཁྱབ་ཁང་གི་ཁྲིམས་ནང་གཏན་ཕབ་བྱས་པའི་ལས་འཁྱུར་ངལ་གསོའི་ལོ་ཚད་རིམ་པ་བཞིན་ཕྱི་སྣུར་བྱེད་པའི་གཏན་འབེབས་འཆར་ཟིན་ལ་གྲོས་ཞིབ་གནང་། རྒྱལ་སྲིད་སྤྱི་ཁྱབ་ཁང་གི་བཀའ་མངགས་ལྟར། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའི་པུ་ཀྲང་ཝང་ཞའོ་ཕིང་གིས་འགྲེལ་བཤད་གནང་།