རྩོམ་སྒྲིག སངས་དོན། ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ།
མཚོ་སྔོན་ཞིང་ཆེན་སྲིད་གཞུང་དྲ་བའི་འཕྲིན།“ཟླ12པའི་ཚེས27ཉིན། ཟི་ལིང་མཁར་ཤར་ཁུལ་ཡོན་ཧྲན་སྡེ་ཁུལ་འཕྲོད་བསྟེན་ཞབས་ཞུ་ས་ཚིགས་ནས་སྡོད་དམངས་མི་ཉུང་བ་ཞིག་གིས་འབྱིན་རྔུབ་པྲོག་གསར་འགོག་སྨན་རྔུབ་ཅིང་། ཡུལ་དངོས་ཀྱི་སྨན་པས་སྡོད་དམངས་ལ་འབྱིན་རྔུབ་པྲོག་གསར་འགོག་སྨན་རྔུབ་རྗེས་ཀྱི་མཉམ་འཇོག་བྱ་ཡུལ་དག་ཞིབ་ཕྲའི་སྒོ་ནས་གསལ་བཤད་བྱས་པ་རེད།
འབྱིན་རྔུབ་པྲོག་གསར་འགོག་སྨན་ལ་རྨ་ཁ་མེད་ཅིང་སྟབས་བདེ་ཡང་ཡིན།”འབྱིན་རྔུབ་པྲོག་གསར་འགོག་སྨན་རྔུབ་མ་ཐག་ལུས་རྩལ་དྲག་པོ་སྦྱོང་བ་དང་ཆང་བཏུང་མི་རུང་ལ། ངལ་གསོས་ཏེ་མི་འཕྲོད་པའི་ཟས་རིགས་ཀྱང་བཟའ་མི་རུང་། ཡིན་ནའང་ལུས་པོ་འཁྲུ་ཆོག
གསར་འགོད་པས་རྒྱུས་ལོན་བྱས་པ་ལྟར་ན། འབྱིན་རྔུབ་འགོག་སྨན་དེ་ཐོག་མར་འགོག་སྨན་སྨུག་འགྱུར་འཕྲུལ་ཆས་ནང་བླུགས་ནས་སྨུག་འགྱུར་བྱེད་དུ་བཅུག་ནས་སྐར་ཆ10ཡི་རྗེས་སུ་ད་གཟོད་འབྱིན་རྔུབ་བྱས་ཆོག ཉིན་དེར་མཁར་ཤར་ཁུལ་ཡོན་ཧྲན་སྡེ་ཁུལ་འཕྲོད་བསྟེན་ཞབས་ཞུ་ས་ཚིགས་ནས་སྡོད་དམངས20ལྷག་གིས་འབྱིན་རྔུབ་འགོག་སྨན་རྔུབ་པ་རེད།