མ་དབྱིང་ཅིའུ་ཡིས་ཚོགས་པའི་སྣེ་འཁྲིད་དེ་སྐམ་སར་འཚམས་འདྲིར་ཡོང་རྒྱུ་རེད།

སྒྲིག་སྒྱུར། ཀླུ་མོ་མཚོ།  ཡོང་ཁུངས། མི་དམངས་ཚགས་པར་སྐད་འཕྲིན་སྤྱི་སྟེགས།  བཤེར་འབེབས། རིན་ཆེན་ཚེ་རིང་།

ཚེས11ཉིན་རྒྱལ་སྲིད་སྤྱི་ཁྱབ་ཁང་ཐའེ་ཝན་ལས་ལས་གཞུང་དོན་ཁང་གི་མགྲིན་ཚབ་པ་ཀྲུའུ་ཧྥུང་ལན་གྱིས་འཆར་ཅན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག སྐུ་ཞབས་མ་དབྱིང་ཅིའུ་ཡིས་ཐའེ་ཝན་གྱི་གཞོན་ནུའི་སྣེ་འཁྲིད་དེ། ཟླ12ཚེས18ཉིན་ནས་ཚེས26ཉིན་བར། ཧེ་ལུང་ཅང་དང་སི་ཁྲོན་དུ་ངོགས་གཉིས་ཀྱི་གཞོན་ནུའི་གངས་འཁྱགས་དུས་ཆེན་གྱི་བྱེད་སྒོར་ཞུགས་རྒྱུ་དང་འབྲེལ་ལྟ་སྐོར་འཚམས་འདྲི་ཡང་བྱ་རྒྱུ་ཡིན་པ་དང་། སྐུ་ཞབས་མ་དབྱིན་ཅིའུ་ཡིས་སླར་ཡང་འཐུས་ཚབ་ཚོགས་པའི་སྣེ་ཁྲིད་དེ་འཚམས་འདྲིར་ཕེབས་པར་ང་ཚོས་དགའ་བསུ་ཞུ་རྒྱུ་དང་། བྱེད་སྒོ་ཁག་བཀོད་སྒྲིག་ཡག་པོ་བྱ་དགོས་ཚུལ་བསྟན།   

ཀྲུའུ་ཧྥེང་ལན་གྱིས་ཀྲུང་གོའི་ལོ་རྒྱུས་ཡུན་རིང་ལྡན་པ་དང་། རིག་གནས་འོད་སྟོང་འབར་བ། མངའ་ཁོངས་རྒྱ་ཆེ་བ།  རི་ཀླུང་མཛེས་སྡུག་ལྡན་པ་བཅས་ཡོད་པས་ངོགས་གཉིས་ཀྱི་སྤུན་ཟླའི་ཐུན་མོང་གི་ཁྱིམ་གཞིས་ཡིན། ངོགས་གཉིས་ཀྱི་གཞོན་ནུ་ཚོས་ངོགས་གཉིས་ཀྱི་འབྲེལ་བའི་འབྱུང་འགྱུར་དང་རེ་བ་ཕྲག་ཏུ་འཁུར་ཡོད།  ངོགས་གཉིས་ཀྱི་སྤུན་ཟླ་དང་ལྷག་པར་དུ་གཞོན་ནུ་གྲོགས་པོ་ཚོས་རྟག་ཏུ་འགྲོ་འོང་དང་འགྲོ་འོང་མང་ཙམ་བྱས་ནས། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཐུན་མོང་ཐོག་རྒྱུན་འཛིན་དང་དར་སྤེལ་གཏོང་བ་དང་། ལག་གདང་སྦྲེལ་ནས་ངོགས་གཉིས་ཀྱི་ཁྱབ་ཁོངས་ཁག་གི་སྤེལ་རེས་མཉམ་ལས་ལ་སྐུལ་འདེད་གཏོང་བ། ཐུན་མོང་གི་ཁྱིམ་གཞིས་མཉམ་དུ་སྲུང་སྐྱོང་ཡག་པོ་དང་འཛུགས་སྐྲུན་ཡག་པོ་བྱེད་པ་བཅས་ཀྱི་ཐོག་ནས་ཀྲུང་ཧྭ་མི་རིགས་རླབས་ཆེན་བསྐྱར་དར་ལ་གཞོལ་རྒྱུའི་རེ་བ་ཡོད་ཚུལ་བཅས་བསྟན།