ཀྲོ་ལེ་ཅི་ཝེ་ཐེ་ནམ་དུ་འཚམས་འདྲི་གནང་བར་ཕེབས་རྒྱུ་རེད།

སྒྲིག་སྒྱུར།  སངས་དོན།    ཡོང་ཁུངས།   ཤིན་ཧྭ་དྲ་བ།    བཤེར་འབེབས།   རིན་ཆེན་ཚེ་རིང་། 

ཤིན་ཧྭ་གསར་འགྱུར་ཁང་པེ་ཅིང་ནས་ཟླ8པའི་ཚེས28ཉིན་འབྱོར་བའི་གློག་འཕྲིན། ཀྲུང་གུང་ཀྲུང་དབྱང་ཕྱི་ཕྱོགས་འབྲེལ་གཏུག་པུའི་མགྲིན་ཚབ་པ་ཧུའུ་ཀྲོ་མིང་གིས་ཟླ8པའི་ཚེས28ཉིན་ཁྱབ་བསྒྲགས་བྱས་པ་ལྟར་ན། ཝེ་ཐེ་ནམ་གུང་ཁྲན་ཏང་ཀྲུང་དབྱང་དང་ཝེ་ཐེ་ནམ་རྒྱལ་ཚོགས་ཀྱི་ཀྲུའུ་ཞི་ཁྲེན་ཆིང་མིན་གྱི་གདན་ཞུས་ལྟར་ཀྲུང་གུང་ཀྲུང་དབྱང་ཆབ་སྲིད་ཅུའི་རྒྱུན་ཨུ། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲོ་ལེ་ཅི་ཡིས་ཀྲུང་གོའི་ཏང་སྲིད་འཐུས་མི་ཚོགས་པའི་སྣེ་ཁྲིད་དེ་ཟླ8པའི་ཚེས31ནས་ཟླ9པའི་ཚེས2ཉིན་བར་ཝེ་ཐེ་ནམ་དུ་འཚམས་འདྲི་གནང་རྒྱུ་མ་ཟད། ཝེ་ཐེ་ནམ་གྱི་ཟླ་བརྒྱད་པའི་གསར་བརྗེ་དང་ཝེ་ཐེ་ནམ་སྤྱི་ཚོགས་རིང་ལུགས་སྤྱི་མཐུན་རྒྱལ་ཁབ་བཙུགས་ནས་ལོ80འཁོར་བའི་རྗེས་དྲན་བྱེད་སྒོར་ཞུགས་རྒྱུ་དང་། ཝེ་ཐེ་ནམ་ཕྱོགས་དང་མཉམ་དུ་ཀྲུང་ཝེ་ཁྲིམས་འཛུགས་ལས་ཁུངས་མཉམ་འབྲེལ་ཨུ་ཡོན་ལྷན་ཁང་གི་གྲོས་ཚོགས་ཐེངས་དང་པོར་གཙོ་སྐྱོང་གནང་རྒྱུ་རེད།