རྐང་ཚ་རྫོང་མཁར་གྲོང་དོ་དམ་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཡིས2022ལོ་འཁོར་གྱི་སྤྱི་བསྡོམས་གཟེངས་བསྟོད་དང2023ལོའི་ལས་དོན་བཀོད་འདོམས་ལེགས་སྒྲིག་གི་ཚོགས་འདུ་བསྡུས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། རྐང་ཚ་རྫོང་མཉམ་འདྲེས་སྨྱན་སྦྱོར་ལྟེ་གནས། བཤེར་འབེབས། རིན་ཆེན་ཚེ་རིང་། 

   ༢༠༢༢ལོའི་ཟླ༣པའི་ཚེས༨ཉིན། གྲོང་ཁྱེར་དོ་དམ་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཡིས༢༠༢༢ལོ་འཁོར་སྤྱི་བསྡོམས་གཟེངས་བསྟོད་དང༢༠༢༣ལོའི་ལས་དོན་བཀོད་འདོམས་ལེགས་སྒྲིག་གི་ཚོགས་འདུ་བསྡུས། 

  ཚོགས་འདུའི་སྟེང་དུ་རྐང་ཚ་རྫོང་སྡོད་ཁང་དང་མཁར་གྲོང་འཛུགས་སྐྲུན་ཅུའུ་མགོ་གཙོ་གཞོན་པ་ཧྲི་ཡང་དང་། ཞིང་ཆེན་དངོས་ལས་མཐུན་ཚོགས་ཀྱི་ཚོགས་གཙོ་གཞོན་པ་གོའུ་ཧྲིན་མེན་གཉིས་གདན་ཞུ་བྱས་པ་དང་། གྲོང་ཁྱེར་དོ་དམ་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཚན་ཁག་ཁུངས་མི་དང་ལས་བཟོ་པ་ཡོངས་ཚོགས་འདུ་རུ་ཞུགས། 

  ཚོགས་འདུའི་ཁྱོན་ཡོངས་ནས༢༠༢༢ལོའི་གྲོང་ཁྱེར་དོ་དམ་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཡིས་ཏང་འཛུགས་དང་སྤྱིའི་བཟོ་ཚོགས། བདེ་འཇགས་ཐོན་སྐྱེད་དང་གད་སྙིགས་རིགས་དབྱེ། སྐྱེད་ཚལ་སྔོ་ལྗང་དུ་སྒྱུར་བ། སྤྱི་བའི་གསང་སྤྱོད་དོ་དམ། མཁར་གྲོང་ཁྲིམས་འཛིན། དངོས་ལས་ཞབས་ཞུ་སོགས་གལ་ཆེའི་ལས་དོན་ལེགས་འགྲུབ་བྱུང་བའི་གནས་ཚུལ་སྤྱི་བསྡོམས་བྱས་ཏེ། ༢༠༢༢ལོ་འཁོར་གྱི་སྔོན་ཐོན་ཚོགས་སྡེ་དང་སྔོན་ཐོན་མི་སྒེར་ལ་གཟེངས་བསྟོད་བྱས་པ་དང་ཆབས་ཅིག ༢༠༢༣ལོའི་མཁར་གྲོང་དོ་དམ་གྱི་གལ་ཆེའི་ལས་དོན་བཀོད་འདོམས་ལེགས་སྒྲིག་བྱས་པ་རེད། 

    ཚོགས་འདུའི་བསྟན་དོན། ༢༠༢༢ལོར། གྲོང་ཁྱེར་དོ་དམ་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཡིས་འཚོ་བའི་གད་སྙིགས་རིགས་དབྱེ། རྫོང་མཁར་གྱི་གྲོང་ཚོའི་རྣམ་པ་དང་སྤྱི་ཚོགས་བཅོས་སྐྱོང་། སྐྱེད་ཚལ་སྔོ་ལྗང་ཅན་དུ་སྒྱུར་བ། སྤྱི་བའི་གསང་སྤྱོད་ཁང་གི་སྲུང་སྐྱོང་དོ་དམ། གྲོང་ཁྱེར་གྱི་སྲིད་འཛིན་སྒྲིག་ཆས་དོ་དམ་སོགས་ཀྱི་ལས་དོན་གོ་རིམ་ལྡན་པར་ཡར་སྐུལ་བྱས་ཏེ། རྐང་ཚ་རྫོང་གི་དཔལ་འབྱོར་དང་སྤྱི་ཚོགས་འཕེལ་རྒྱས། ཕྱོགས་བསྡུས་ཁོར་ཡུག་བཅོས་སྐྱོང་། ཁོར་ཡུག་སྤུས་ཚད་མཐོར་འདེགས་སོགས་ཀྱི་ཐད་དུ་བྱས་རྗེས་གསར་བ་འཇོག་རྒྱུ་ནན་གྱིས་བསྟན། 

   ཚོགས་འདུའི་བླང་བྱ། གཅིག མཁར་གྲོང་གྱི་གད་སྙིགས་རིགས་དབྱེའི་ལས་དོན་མུ་མཐུད་དུ་དམ་འཛིན་ཡག་པོ་བྱས་ནས“སྤྱི་ཡོངས་དོ་དམ་དང་། ཡན་ལག་འགན་འཁུར། ཚད་འབེབས་ལས་འགན། ལས་བགོས་ཞིབ་ཚགས། འགན་འཁྲི་ཁག་ཐེག་”བཅས་ཀྱི“གྲོང་ཁྱེར་དོ་དམ་ཆེན་མོའི”དོ་དམ་འདུ་ཤེས་དོན་འཁྱོལ་བྱས་ཏེ། མཁར་གྲོང་དོ་དམ་ཞབས་ཞུ་ཤང་གྲོང་ཁག་ཏུ་སྣུར་བསྲིང་བྱས་ནས་དྲ་མིག་ཅན་གྱི་ལྟ་སྐུལ་དོ་དམ་ལས་དོན་གསར་དུ་འཛུགས་དགོས། གཉིས། བདེ་འཇགས་ཐོན་སྐྱེད་ཀྱི་ལས་དོན་ནུས་ཤུགས་ཆེ་རུ་གཏོང་བ་དང་། བདེ་འཇགས་ཐོན་སྐྱེད་ཀྱི་ཆ་རྐྱེན་ལེགས་སུ་གཏོང་བ། ལས་ཞུགས་མི་སྣར་བདེ་འཇགས་གསོ་སྦྱོང་བྱེད་སྒོ་རྒྱ་སྐྱེད་དེ། བདེ་འཇགས་འདུ་ཤེས་ཀྱི་ཉེན་བརྡ་སྒྲོག་དགོས། གསུམ། མཁར་གྲོང་དོ་དམ་གྱི་སྲིད་འཛིན་ཁྲིམས་བསྟར་མི་སྣའི་བཅའ་ཁྲིམས་ཁྲིམས་སྲོལ་ཤེས་བྱ་དང་། ལས་རིགས་ཀུན་སྤྱོད། ལས་དོན་ཤེས་བྱ་གསོ་སྦྱོང་། མཁར་གྲོང་དོ་དམ་ཁྲིམས་འཛིན་རུ་ཁག་གི་སྤྱིའི་བྱང་ཚད་མཐོ་རུ་བཏང་སྟེ་མཁར་གྲོང་དོ་དམ་གྱི་ཁྲིམས་འཛིན་མི་སྣའི་ཁྲིམས་འཛིན་ནུས་ཤུགས་མཐོར་འདེགས་སུ་གཏོང་དགོས། 

   ཚོགས་འདུའི་ནན་གྱིས་བསྟན་དོན། ༢༠༢༣ལོ་ནི་ཁྱོན་ཡོངས་ནས་ཏང་གི་ཚོགས་ཆེན་ཉི་ཤུ་བའི་དགོངས་དོན་ལག་བསྟར་དོན་འཁྱོལ་གྱི་མགོ་ཚུགས་སའི་ལོ་ཡིན་པས། གྲོང་ཁྱེར་དོ་དམ་གྱིས་མཁར་གྲོང་རྣམ་པ་སྔར་བས་ཇེ་ལེགས་སུ་གཏོང་བ་དང་། མི་སྡོད་ཁོར་ཡུག་གི་སྤུས་ཚད་དམིགས་འབེན་དུ་འཛིན་པ། མཁར་གྲོང་དོ་དམ་གྱི་ཁྲིམས་འཛིན་ལས་དོན་དུས་རབས་གསར་བ་དང་བགྲོད་ལམ་གསར་བ་རུ་ལེགས་པོར་བསྐྱོད་དེ། བདེ་སྐྱིད་དང་འཆམ་མཐུན་གྱི་བོད་མཁར་རྐང་ཚ་གསར་སྐྲུན་ཐད་མཁར་གྲོང་གི་ནུས་ཤུགས་སྐྱེས་སུ་འབུལ་དགོས། 

གསར་འགོད་པ། ཚེ་བྱམས་རྒྱལ།