ཀྲང་ཧྥེང་ཁུལ་སྲིད་གྲོས་སྐབས་བཅོ་ལྔ་པའི་གྲོས་ཚོགས་ཐེངས་བརྒྱད་པའི་དཔལ་འབྱོར་ལས་རིགས་དང་བཟོ་ཚོང་མཉམ་འབྲེལ། ཞིང་ལས་ལས་རིགས་བཅས་ཀྱི་མཉམ་འབྲེལ་ཚན་ཆུང་གི་གྲོས་བསྡུར་ནང་ཞུགས།

རྩོམ་སྒྲིག   སངས་དོན།     ཡོང་ཁུངས།    མཚོ་བྱང་མདོ་ལ་བོད་ཡིག་ཚགས་པར།     བཤེར་འབེབས།    རིན་ཆེན་ཚེ་རིང་།

ཟླ2པའི་ཚེས4ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་ཀྲང་ཧྥེང་ཁུལ་སྲིད་གྲོས་སྐབས་བཅོ་ལྔ་པའི་གྲོས་ཚོགས་ཐེངས་བརྒྱད་པའི་དཔལ་འབྱོར་ལས་རིགས་དང་བཟོ་ཚོང་མཉམ་འབྲེལ།  ཞིང་ལས་ལས་རིགས་བཅས་ཀྱི་མཉམ་འབྲེལ་ཚན་ཆུང་གི་གྲོས་བསྡུར་ནང་ཞུགས། ཚོགས་འདུའི་ཐོག མ་ཅིན་ཧྲན་དང་ཧན་ཅན་གོ ཀྲང་ཙི་ཨན། སྨི་ཀྲན་ཡོན། དོན་འགྲུབ་སོགས་ཨུ་ཡོན་གྱིས་སྔ་རྗེས་སུ་གཏམ་བཤད་གནང་ལ། ཀྲང་ཧྥེང་གིས་གཏམ་བཤད་ལ་ནན་ཏན་གྱིས་ཉན་རྗེས་ཚང་མ་དང་མཉམ་དུ་ཁ་བརྡ་བརྗེ་རེས་བྱས།    

ཀྲང་ཧྥེང་གིས་ཁུལ་སྲིད་གྲོས་ཀྱིས་རྒྱ་ཆེའི་ཨུ་ཡོན་ལ་མཐུན་སྒྲིལ་སྣེ་ཁྲིད་བྱས་ཏེ་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་རོགས་འདེགས་བྱས་ནས་བྱས་རྗེས་བཞག་པར་ཁས་ལེན་གང་ལེགས་གནང་ཞིང་། ལྷག་པར་དུ་རྒྱ་ཆེའི་དཔལ་འབྱོར་ལས་རིགས་དང་བཟོ་ཚོང་མཉམ་འབྲེལ། ཞིང་ལས་ལས་རིགས་བཅས་ཀྱི་ཨུ་ཡོན་གྱིས་ཁུལ་ཡོངས་ཀྱི་གཉེར་སྐྱོང་གཙོ་གཟུགས་སྣ་ཚོགས་ལ་མཐུན་སྒྲིལ་བྱས་ནས་མཚོ་བྱང་གི་སྤུས་ཚད་མཐོ་བའི་འཕེལ་རྒྱས་ལ་ཐུན་མོང་ཐོག་སྐུལ་འདེད་གཏོང་བའི་རྣམ་པ་བཟང་བོ་ཆགས་ཡོད། བསྟན་དོན། “ལྔ་བཅོ་ལྔའི”དུས་སྐབས་ནི་མཚོ་བྱང་གིས་འབད་བརྩོན་སྙེག་བརྒལ་དང་འབྲས་བཟང་སླར་གཏོད་ཀྱི་འགག་རྩའི་དུས་སྐབས་ཤིག་ཡིན་པས། ཚང་མས་ཞིང་ཆེན་ཡོངས་ཀྱི“ཚོགས་ཆེན་གཉིས”ཀྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ། རང་འགན་གཙང་སྒྲུབ་དང་འགན་འཁྲི་འཁུར་ནས་མཚོ་བྱང་གི་བཅོས་སྒྱུར་འཕེལ་རྒྱས་བརྟན་ལྷིང་ཡོང་བར་སེམས་ཤུགས་གཅིག་སྒྲིལ་དང་བློ་རིག་ལེགས་སྐྱེས་སུ་འབུལ་དགོས་ཟེར། ནན་གྱིས་བསྟན་དོན། ཡིད་ཆེས་བརྟན་གཏོང་དང་གནོན་ཐེག་མདུན་སྐྱོད་བྱེད་དགོས། ཏང་ཀྲུང་དབྱང་དང་ཞིང་ཆེན་ཏང་ཨུའི་འབྲེལ་ཡོད་དམངས་གཉེར་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་རྒྱུའི་སྐོར་གྱི་ཐབས་ཇུས་བཀོད་སྒྲིག་སོ་སོ་ལག་བསྟར་གཏིང་ཟབ་བྱས་ཏེ"གཡོ་འགུལ་སྤུ་ཙམ་ཡང་མི་བྱེད་པ་གཉིས"རྒྱུན་འཁྱོངས་ཀྱིས་རིགས་སོ་སོའི་ཁྲོམ་རའི་བྱེད་པོའི་འཕེལ་རྒྱས་ལ་གཅིག་གྱུར་འཆར་འགོད་བྱས་ནས། ཚང་མར་ཡིད་ཆེས་བརྟན་གཏོང་དང་དཀའ་ངལ་ཁྱད་དུ་བསད་ནས་མདུན་དུ་སྐྱོད་རྒྱུར་ཁྲིད་སྟོན་བྱས་ཏེ། གནོན་ཤུགས་ཁྲོད་དཔའ་ངར་ཆེར་བསྐྱེད་དང་འགྲན་སློང་ཁྲོད་མདུན་སྐྱོད་བྱེད་དགོས། གསར་གཏོད་སྐུལ་སྤེལ་དང་ཕྱོགས་སྒྱུར་རིམ་སྤོར་བྱེད་དགོས། ཡུལ་བབ་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་དགོས་པ་དང་། གསར་དར་ཐོན་ལས་གསོ་སྐྱོང་དང་རྒྱ་སྐྱེད་གཏོང་བ། སྲོལ་རྒྱུན་ཐོན་ལས་བསྒྱུར་བཀོད་རིམ་སྤོར་ཇེ་མགྱོགས་སུ་གཏོང་བ། ཚོང་རར་བརྩི་འཇོག་དང་ཆོས་ཉིད་ལ་བརྩི་འཇོག་བཅས་བྱས་ཏེ། ཚན་རྩལ་ནུས་སྐྱེད་ཀྱི་གསར་གཏོད་ལ་བརྟེན་ནས་ཐོན་ལས་ཀྱི་སྤུས་ཚད་དང་ཕན་འབྲས་མཐོ་རུ་གཏོང་བར་སྣེ་ཁྲིད་བྱེད་དགོས། ཐོན་ཁུངས་མཉམ་སྤྱོད་དང་ཐུན་མོང་འཕེལ་རྒྱས་གཏོང་དགོས། ཞིབ་བསྡུས་ཅན་དང་ཆས་རྟགས་ཅན། ཚད་ལྡན་ཅན་བཅས་སུ་འཕེལ་རྒྱས་ཡོང་བར་སྐུལ་འདེད་གཏོང་བ་དང་། ཚོང་རའི་བསམ་གཞིགས་བྱེད་ཤུགས་ཆེ་རུ་གཏོང་བ། གཉེར་སྐྱོང་བྱེད་པོའི་གསར་གཏོད་སྙིང་སྟོབས་ལ་བརྩི་འཇོག་བཅས་བྱས་ཏེ། ཐོན་ཁུངས་ཀྱི་རྒྱུ་རྐྱེན་གཙོ་བོ་ཕན་ནུས་ཆེ་བའི་སྒོ་ནས་སྡེབ་སྒྲིག་དང་བཟང་ཆ་གསབ་རེས་བྱེད་པར་སྐུལ་འདེད་གཏོང་དགོས། སྒྲིག་ཁྲིམས་བརྩི་སྲུང་དང་ཡིད་རྟོན་གཉེར་སྐྱོང་བྱེད་དགོས། རང་རྟོགས་ངང་ཁྲིམས་བཀུར་ཁྲིམས་སྦྱོང་ཁྲིམས་སྲུང་ཁྲིམས་སྤྱོད་བཅས་བྱས་ཏེ། གཉེར་སྐྱོང་བྱ་སྤྱོད་ཚད་ལྡན་དུ་གཏོང་བ་དང་ཡིད་རྟོན་རྩ་བར་འཛིན་རྒྱུ་རྒྱུན་འཁྱོངས་ཀྱིས་སྤྱོད་གཙང་གི་སྲིད་ཚོང་འབྲེལ་བ་འཛུགས་རྒྱུར་ཤུགས་བསྣན་ནས་དྲང་གཞག་འགྲན་རྩོད་དང་། བདེ་ཐང་སྒྲིག་ལྡན་གྱི་ཁྲོམ་རའི་ཁོར་ཡུག་ཅིག་གཏོད་དགོས་ཟེར།

ཀྲུང་ཀྲི་ཅུན་ཞུགས།