2023ལོའི་མཚོ་བྱང་ཁུལ་གྱི་དོན་ལས་ལས་ཁུངས་ཀྱིས་སྤྱི་ཚོགས་ཡོངས་ལ་ཁ་ཕྱོགས་ནས་ལས་སྒྲུབ་མི་སྣ་བསྡུ་བའི་སྤྱི་བསྒྲགས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། གངས་ལྗོངས་འཕྲིན་གསར།  བཤེར་འབེབས། རིན་ཆེན་ཚེ་རིང་།

   《དོན་ལས་ལས་ཁུངས་ཀྱི་མི་དོན་དོ་དམ་སྲོལ་ཡིག》དང《དོན་ལས་ལས་ཁུངས་ཀྱིས་ཡོངས་བསྒྲགས་ངང་ལས་སྒྲུབ་མི་སྣ་བསྡུ་བའི་བྱ་ཐབས》 (མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་འགྲེམས་སྤེལ་བྱས་པའི〔2015〕ཨང80བ) 《ཞིང་ཆེན་ཡོངས་ཀྱི་དོན་ལས་ལས་ཁུངས་ཀྱིས་ཡོངས་བསྒྲགས་ངང་ལས་བསྡུ་བྱེད་པའི་བྱ་བར་སྔར་བས་ཤུགས་སྣོན་པ་དང་ཚད་ལྡན་དུ་གཏོང་རྒྱུའི་སྐོར་གྱི་ལག་བསྟར་བསམ་འཆར》《2023ལོའི་ཞིང་ཆེན་ཡོངས་ཀྱི་དོན་ལས་ལས་ཁུངས་ལ་ལས་སྒྲུབ་མི་སྣ་བསྡུ་བའི་བྱ་བའི་ཇུས་གཞི》(མཚོ་སྔོན་ཞིང་ཆེན་སྲིད་གཞུང་གཞུང་ལས་ཁང་གི་ཡིག་ཆ〔2023〕ཨང28པ)  《ཤེས་ལྡན་མི་སྣ་དཀའ་ཚེགས་ཆེ་བའི་ས་མཐའི་ས་ཁུལ་དང་གཞི་རིམ་གྱི་འཐབ་ས་དང་པོར་འགྲོ་སྐྱོད་བྱེད་པར་སྐུལ་མ་དང་ཁྲིད་སྟོན་བྱ་རྒྱུའི་སྐོར་གྱི་བྱེད་ཐབས་འགའ་ཞིག》(མཚོ་སྔོན་ཞིང་ཆེན་སྲིད་གཞུང་གཞུང་ལས་ཁང་གི་ཡིག་ཆ〔2018〕ཨང29བ)  སོགས་སྲིད་ཇུས་ཀྱི་གཏན་འབེབས་གཞིར་བཟུང་། 2023ལོར་མཚོ་བྱང་ཁུལ་གྱི་དོན་ལས་ལས་ཁུངས་ཀྱིས་ལས་སྒྲུབ་མི་སྣ58(དེའི་ནང་མཚོ་བྱང་དུ་ཞབས་ཞུ་དུས་ཡུན་ལོ2ལོན་པར་མ་ཟད་དཔྱད་ཞིབ་ཚད་ལོན་པའི་གཞི་རིམ་ཞབས་ཞུའི་རྣམ་གྲངས“རིགས་གསུམ”སློབ་མ6བསྡུ་རྒྱུ)བསྡུ་རྒྱུ་ཡིན་ལ། ད་ལྟ་འབྲེལ་ཡོད་དོན་ཚན་ཡོངས་བསྒྲགས་བྱས་པ་གཤམ་གསལ།

གཅིག ལས་བསྡུའི་ཁྱབ་ཁོངས།

       ཐེངས་འདིར་ཡོངས་བསྒྲགས་ངང་ལས་བསྡུ་བྱེད་པའི་ཁྱབ་ཁོངས་དེ་ཞིང་ཆེན་ཡོངས་དང་། མཚོ་བྱང་ཁུལ། མཚོ་བྱང་ཁུལ་གྱི་རྫོང་བཞི་བཅས་ལ་ཕྱོགས་ཡོད།

གཉིས། ལས་བསྡུ་བྱེད་ཐབས་དང་གོ་རིམ།

        ཐེངས་འདིར་ཡོངས་བསྒྲགས་ངང་ལས་བསྡུ་བྱེད་པར་ལས་བསྡུའི་བརྡ་ཁྱབ་སྤྱི་བསྒྲགས་དང་། དྲ་ཐོག་ནས་མིང་ཐོ་འགོད་པ་དང་ཐོབ་ཐང་ཞིབ་བཤེར་བྱེད་པ། ཡིག་རྒྱུགས་ལེན་པ། ཡུལ་དངོས་ནས་ཐོབ་ཐང་ཞིབ་བཤེར་བྱེད་པ། ཁ་རྒྱུགས། ལུས་པོར་བརྟག་དཔྱད། རྟོག་ཞིབ(ཆབ་སྲིད་ཞིབ་བཤེར) ཡོངས་བསྒྲགས། ལས་བསྡུའི་འགྲོ་ལུགས་གཉེར་བ་སོགས་ཀྱི་གོ་རིམ་གཞིར་བཟུང་སྟེ་རིམ་པ་བཞིན་བསྡུ་རྒྱུ།

གསུམ། མིང་ཐོ་འགོད་སྟངས་དང་དུས་ཚོད།

        ཐེངས་འདིའི་ལས་བསྡུ་ལ་མིང་ཐོ་འགོད་པའི་བྱ་བ་དེ་དྲ་ཐོག་ནས་མིང་ཐོ་འགོད་པ་དང་དྲ་ཐོག་ནས་ཐོབ་ཐང་ཞིབ་བཤེར། དྲ་ཐོག་ནས་དངུལ་སྤྲོད་པ། དྲ་ཐོག་ནས་རྒྱུགས་སྤྲོད་འཛིན་ཡིག་ཕབ་ལེན་བཅས་ཀྱི་བྱེད་ཐབས་སྤྱོད་རྒྱུ། 

        དྲ་ཐོག་ནས་མིང་ཐོ་འགོད་པའི་དུས་ཚོད་ནི། 2023ལོའི་ཟླ4བའི་ཚེས6ཉིན་གྱི་ཆུ་ཚོད9ནས་ཟླ4བའི་ཚེས10ཉིན་གྱི་ཆུ་ཚོད18བར་ཡིན། 

        དྲ་ཐོག་ནས་ཆ་འཕྲིན་ཟོ་བཅོས་བྱེད་པའི་དུས་ཚོད་ནི། 2023ལོའི་ཟླ4བའི་ཚེས6ཉིན་གྱི་ཆུ་ཚོད9ནས་ཟླ4བའི་ཚེས12ཉིན་གྱི་ཆུ་ཚོད18བར་ཡིན།

        དྲ་ཐོག་ནས་ཐོབ་ཐབ་ཞིབ་བཤེར་གཏན་འབེབས་བྱེད་པའི་དུས་ཚོད་ནི། ཟླ4བའི་ཚེས6ཉིན་གྱི་ཆུ་ཚོད9ནས་ཟླ4བའི་ཚེས13ཉིན་གྱི་ཆུ་ཚོད18བར་ཡིན། 

        དྲ་ཐོག་ནས་དངུལ་སྤྲོད་པའི་དུས་ཚོད་ནི། ཟླ4བའི་ཚེས6ཉིན་གྱི་ཆུ་ཚོད9ནས་ཟླ4བའི་ཚེས13ཉིན་གྱི་ཆུ་ཚོད23：30བར་ཡིན། 

        དྲ་ཐོག་ནས་སྙོམས་སྒྲིག་བྱེད་པའི་དུས་ཚོད་ནི། ཟླ4བའི་ཚེས14ཉིན་གྱི་ཆུ་ཚོད9ནས18བར་ཡིན། 

        རྒྱུགས་སྤྲོད་འཛིན་ཡིག་ཕབ་ལེན་བྱེད་པའི་དུས་ཚོད་ནི། ཟླ5བའི་ཚེས3ཉིན་ནས་ཟླ5བའི་ཚེས6ཉིན་བར་ཡིན།  

བཞི། ཡིག་རྒྱུགས་ལེན་པའི་དུས་ཚོད།

       2023ལོའི་ཟླ5བའི་ཚེས7ཉིན(གཟའ་ཉི་མ)ཡིན་ཞིང་། ཞིབ་ཕྲའི་རྒྱུགས་ལེན་པའི་དུས་ཚོད་དང་ས་གནས་རྒྱུགས་སྤྲོད་འཛིན་ཡིག་ཚད་གཞིར་འཛིན་དགོས།