འོམ་ཆུ་གྲོང་རྡལ་དཀོན་ལོ་གོང་མ་སྡེ་བས“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་དཔེ་སྟོན་སྡེ་བ”ཡི་ཡིག་བྱང་སྤྲོད་པའི་མཛད་སྒོ་བསྡུས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་། 

 ཉེ་ལམ།  “རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་དཔེ་སྟོན་སྡེ་བ”ཡི་ཡིག་བྱང་སྤྲོད་པའི་མཛད་སྒོ་དཀོན་ལོ་གོང་མ་སྡེ་བ་ཏང་ཡོན་བྱ་འགུལ་ཁང་དུ་བསྡུས་ཤིང་། རྗོང་གི་འབྲེལ་ཡོད་མགོ་ཁྲིད་དང་སྡེ་བའི“ཨུ་ལྷན་གཉིས”ཀྱི་ཚན་ཁག་གི་ཁོངས་མི་སོགས་ཡིག་བྱང་འགེལ་བའི་མཛད་སྒོར་ཞུགས།   

 ཡིག་བྱང་སྤྲོད་པའི་མཛད་སྒོའི་ཁྲོད། འབྲེལ་ཡོད་མགོ་ཁྲིད་ཀྱིས“ཨུ་ལྷན་གཉིས”ཀྱི་ཚན་ཁག་ལ་རྟེན་འབྲེལ་ཞུས་ཏེ་བླངས་ཟིན་པའི་གྲུབ་འབྲས་ལ་ཁག་ཐེག་གང་ལེགས་བྱས་ཤིང་། དཀོན་ལོ་གོང་མ་སྡེ་བ་ཡིས་གཟི་བརྗིད་མཚན་སྙན་ལ་གཅེས་སྐྱོང་བྱས་ནས་སྡེ་བའི“ཨུ་ལྷན་གཉིས”ཀྱི་ཚན་ཁག་གི་ཁོངས་མིས་ཁྲིམས་སྐྱོང་འཛུགས་སྐྱོང་ཁྲོད་སྣེ་ཁྲིད་ཀྱི་ནུས་པ་བཏོན་ཏེ།    ཁྲིམས་ལྟར་ཏན་ཏིག་སྒོས་བྱ་བ་བསྒྲུབ་པ་དང་།  དོན་དག་ལ་འཕྲད་ཚེ་བཅའ་ཁྲིམས་ཀྱིས་སྐྱོང་བ།   བཅའ་ཁྲིམས་ཀྱིས་གནད་དོན་ཐག་གཅོད་བྱེད་པ་དང་འགལ་བ་སེལ་སྐབས་བཅའ་ཁྲིམས་ལ་བརྟེན་པ་བཅས་ཀྱིས་ཁྲིམས་སྐྱོང་གི་རྣམ་པ་བཟང་པོ་དང་།  དཀོན་ལོ་གོང་མ་སྡེ་བར“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་དཔེ་སྟོན་སྡེ་བ”ཡི་མཚན་སྙན་ཐོབ་པ་ནི་དཀོན་ལོ་གོང་མ་སྡེ་བའི་དམངས་གཙོ་ཁྲིམས་སྐྱོང་འཛུགས་སྐྱོང་ལས་དོན་ལ་ཁག་ཐེག་བྱས་པ་ཞིག་ཡིན་ལ་མ་འོངས་པའི་བྱ་བར་སྐུལ་ལྕག་བྱས་པ་ཞིག་ཀྱང་ཡིན་པས་ངེས་པར་དུ་མཚན་སྙན་ལ་ཡང་དག་གི་ལྟ་ཚུལ་འཛིན་དགོས།   སྡེ་བའི“ཨུ་ལྷན་གཉིས”ཀྱིས་ཐེངས་འདི་གོ་སྐབས་སུ་བཟུང་ནས་འགལ་རྩོད་ལ་གྲལ་བཤེར་ཐག་གཅོད་དང་།    ཁྲིམས་ལུགས་སློབ་གསོ་དྲིལ་སྒྲོག གྲོང་སྡེ་བཅོས་སྐྱོང་བྱེད་པ་སོགས་ཀྱི་ཐད་མུ་མཐུད་དུ་ཤུགས་བསྣན་ཏེ་སྙིང་རུས་གཏན་འཁྱོངས་ཀྱིས་དམངས་གཙོ་ཁྲིམས་སྐྱོང་འཛུགས་སྐྱོང་གི་གྲུབ་འབྲས་སྔར་ལས་སྲ་བརྟན་དུ་བཏང་སྟེ“རྒྱལ་ཡོངས་ཀྱི་དམངས་གཙོ་ཁྲིམས་སྐྱོང་དཔེ་སྟོན་སྡེ་བ”ཡིས་དཔེ་སྟོན་སྣེ་ཁྲིད་ཀྱི་ནུས་པ་འདོན་དགོས་པའི་བླངས་བྱ་བཏོན།