མཚོ་བྱང་ཁུལ་གྱིས་མགོ་ཁྲིད་ལས་བྱེད་པའི་བསླབ་སྟོན་སློབ་གསོའི་ཚོགས་ཆེན་འཚོགས་པ། ཤ་བོ་སྐྱབས་ཚོགས་འདུར་ཞུགས་པ་དང་འབྲེལ་གསུང་བཤད་ཀྱང་གནང་ལ། ཀྲང་ཧྲིང་ཡོན་གྱིས་གཙོ་སྐྱོང་གནང་།

ཡིག་སྒྱུར། སངས་རྒྱས་སྐྱིད། ཡོང་ཁུངས། མཚོ་བྱང་ཏང་དོན། བཤེར་འབེབས། རིན་ཆེན་ཚེ་རིང་།

          ཟླ5ཚེས22ཉིན། མཚོ་བྱང་ཁུལ་གྱིས་ཁུལ་ཡོངས་ཀྱི་མགོ་ཁྲིད་ལས་བྱེད་པའི་བསླབ་སྟོན་སློབ་གསོའི་ཚོགས་ཆེན་འཚོགས་པ་དང་། མགོ་ཁྲིད་ལས་བྱེད་པ6ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་ཚབས་ཆེན་འགལ་བའི་གནད་དོན་ལ་བརྟེན་ནས་བཅོས་སྒྲིག་ལ་སྐུལ་འདེད་གཏོང་བའི་ཆེད་དོན་སློབ་གསོ་བཅོས་སྒྲིག་ལ་སླར་ཡང་སྐུལ་སློང་དང་བཀོད་སྒྲིག་བྱས། ཁུལ་ཨུའི་ཧྲུའུ་ཅི་ཤ་བོ་སྐྱབས་ཚོགས་འདུར་ཕེབས་ཏེ་གསུང་བཤད་གནང་། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་ཚོགས་འདུར་གཙོ་སྐྱོང་གནང་།  ཁུལ་ཨུའི་རྒྱུན་ཨུའམ་སྒྲིག་ཨུའི་ཧྲུའུ་ཅི། ལྟ་ཞིབ་ཨུ་ལྷན་གྱི་ཀྲུའུ་རེན་མ་ཁྲེང་ཧྥང་གིས་རང་ཞིང་གི་མགོ་ཁྲིད་ལས་བྱེད་པ6དང་མཚོ་བྱང་ཁུལ་གྱི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་གནད་དོན་གྱི་དཔེ་མཚོན་གྱོད་དཔེ་ལ་བརྡ་ཁྱབ་བཏང། ཞིང་ཆེན་སྒྲིག་ཨུ་དང་ལྟ་ཞིབ་ཨུ་ལྷན་གྱི་འབྲེལ་ཡོད་ཞིང་ཆེན་ཡོངས་ཀྱི་ཏང་ཡོན་ལས་བྱེད་པས་སྒྲིག་འགལ་ངང་བཟའ་འཐུང་བྱེད་པའི“གཏན་འགོག་བཅུ”དང་མཚོ་བྱང་ཁུལ་གྱི་《ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སྔར་ལས་དོན་འཁྱོལ་ནན་མོ་བྱས་ནས་སྒྲིག་འགལ་ངང་བཟའ་འཐུང་བྱེད་པའི་སྲོལ་ངན་གཏན་འགོག་བྱ་རྒྱུའི་སྐོར་གྱི་བརྡ་ཐོ》ཡི་དགོངས་དོན་བརྒྱུད་སྒྲོག་བྱས།

        ཤ་བོ་སྐྱབས་ཀྱིས་བསྟན་དོན། རང་རེའི་ཞིང་ཆེན་གྱི་མགོ་ཁྲིད་ལས་བྱེད་པ6ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་ཚབས་ཆེན་འགལ་བའི་གནད་དོན་གྱི་མི་སྣའི་ཐོབ་ཐང་དམིགས་བསལ་ཡིན་ལ། ངོ་བོ་ཧ་ཅང་ཚབས་ཆེ། ཤུགས་རྐྱེན་ཧ་ཅང་ངན་ལ། རིན་དོད་ཧ་ཅང་ལྕི་བ་དང་བསླབ་བྱ་ཧ་ཅང་ཡིད་སྐྱོ་བ་ཞིག་རེད། ཁུལ་ཡོངས་ཀྱི་གོང་འོག་ཚང་མས་གྱོད་གཞིར་བརྟེན་ནས་ཟོན་བརྡ་གཏོང་དགོས་པ་དང་། བསམ་བློའི་འགོག་སྲུང་བརྟན་པོར་བསྲུང་ནས“ལྟད་མོ་བའི་སེམས་ཁམས”མཐའ་གཅིག་ཏུ་གཏན་འགོག་བྱེད་དགོས་པ་དང་།  “ཚད་མཐའ”དང“དམར་ཐིག”བརྟན་སྲུང་བྱས་ཏེ་བཅོས་སྒྲིག་གི་ལས་འགན་ཆད་མེད་ལྷག་མེད་ངང་དོན་འཁྱོལ་ཡོང་བ་བྱེད་དགོས། གྱོད་གཞིར་བརྟེན་ནས་སྒྲིག་ཁྲིམས་གསལ་པོ་བཟོ་བ་དང་། རང་གཅུན་རྒྱུན་འཁྱོངས་དང་། ཉེ་འཁོར་གྱི་གྱོད་དཔེ་ལ་དཔེ་བལྟས་ཏེ། གནད་དོན་རྩད་གཅོད་གསལ་པོ་དང་ཡོ་བསྲང་གཏིང་ཟབ་བྱེད་དགོས། གྱོད་གཞིར་བརྟེན་ནས་བཅོས་སྒྲིག་ལ་སྐུལ་འདེད་བཏང་སྟེ། ཆེད་དོན་བཅོས་སྒྲིག་ལས་དོན་དེ་རང་འཁྲིའི་ལས་ཀ་དང་བསྒྲུབ་དགོས་པའི་འགན་འཁྲིར་བརྩིས་ཏེ། ཕྱོགས་ཡོངས་ནས་ཏང་ནན་སྐྱོང་དང་། ཚན་ཁག་དང་དཔུང་ཁག་འཛུགས་སྐྱོང་ནང་ཞུགས་ཏེ། བྱ་སྤྱོད་དངོས་ཀྱི་ཐོག་ནས་གྱོད་གཞིར་བརྟེན་ནས་བཅོས་སྒྲིག་ལ་སྐུལ་འདེད་གཏོང་བའི་ལས་དོན་ལ་སྐུལ་འདེད་གཏོང་བ་དང་། གྱོད་གཞིར་བརྟེན་ནས་བཅོས་སྐྱོང་ལ་སྐུལ་འདེད་གཏོང་བ། གྱོད་གཞིར་བརྟེན་ནས་འཛུགས་སྐྱོང་ལ་སྐུལ་འདེད་གཏོང་དགོས།

       ཤ་བོ་སྐྱབས་ཀྱིས་ནན་གྱིས་བསྟན་དོན། ཆེད་དོན་བཅོས་སྒྲིག་བྱ་རྒྱུ་ནི་ཞིང་ཆེན་ཏང་ཨུས་ཞིང་ཆེན་ཡོངས་ཀྱི་རིམ་པ་སོ་སོའི་ཏང་རྩ་འཛུགས་དང་ཏང་ཡོན་ཡོངས་ལ་བཏོན་པའི་བླང་བྱ་གསལ་པོ་ཞིག་ཡིན། ཁུལ་ཡོངས་ཀྱི་གོང་འོག་ཚང་མས་གནད་དོན་ཁྲིད་ཕྱོགས་སུ་འཛིན་རྒྱུ་རྒྱུན་འཁྱོངས་བྱས་ཏེ། མཚོ་བྱང་ཁུལ་གྱི་སྤྱོད་ཚུལ་འཛུགས་སྐྱོང་ཁྱབ་ཁོངས་ཀྱི་མངོན་གསལ་དོད་པའི་གནད་དོན་གསལ་བོར་མཐོང་བ་དང་། ཆབ་སྲིད་འཛུགས་སྐྱོང་ལ་ཤུགས་བསྣན་ཏེ། བསམ་བློའི་ཐད་རིག་པ་དྭངས་གསལ་ཡོང་བ་དང་། ཆབ་སྲིད་ཐད་ལངས་ཕྱོགས་བརྟན་པོ་ཡོང་བ། བྱ་སྤྱོད་ཐད་རང་རྟོགས་འགན་ལེན་ཏན་ཏིག་བྱེད་དགོས་པ། ཏང་གི་སྒྲིག་ཁྲིམས་ཀྱི་སློབ་གསོ་གཏོང་ཤུགས་ཆེ་རུ་གཏོང་གང་ཐུབ་བྱས་ཏེ་ཏང་ཀྲུང་དབྱང་གིས་དར་སྤེལ་བྱས་པ་རྣམས་མཐའ་གཅིག་ཏུ་དང་ལེན་བྱེད་པ་དང་། ཏང་ཀྲུང་དབྱང་གིས་གཏན་འབེབས་བྱས་པ་རྣམས་མཐའ་གཅིག་ཏུ་ལག་བསྟར་བྱེད་པ། ཏང་ཀྲུང་དབྱང་གིས་བཀག་སྡོམ་བྱས་པ་རྣམས་མཐའ་གཅིག་ཏུ་མི་སྒྲུབ་པ་བཅས་བྱ་དགོས། “གནད་འགག་ཉུང་ཤས”ལ་དམ་པོར་དམིགས་ནས། རིམ་པ་སོ་སོའི“མགོ་ཁྲིད་དང་པོ”དང་མགོ་ཁྲིད་ཚན་ཁག་གི་ཁོངས་མིས་རང་དཔེ་གཞན་སྟོན་དང་འགན་འཁྲི་ཡག་པོ་འཁུར་རྒྱུར་སྐུལ་འདེད་གཏོང་དགོས། “སྤྱོད་ཚུལ་བཞིའི”ངན་ལམ་ལ་བཅོས་སྒྱུར་ཤུགས་ཆེན་བྱས་ཏེ། ཚད་གཞི་ནན་མོ་དང་སྒྲིག་ཁྲིམས་ནན་མོ། བྱེད་ཐབས་ནན་མོ་བཅས་ཀྱི་ཐོག་ནས་སྤྱོད་ཚུལ་འཛུགས་སྐྱོང་རྒྱུན་གཏན་ཅན་དང་ཕུགས་ཕན་ཅན་དུ་འགྱུར་རྒྱུར་སྐུལ་འདེད་གཏོང་དགོས། ལམ་ལུགས་འཛུགས་སྐྱོང་ལ་ཤུགས་བསྣན་ཏེ། ལམ་ལུགས་ལ་བརྟེན་ནས་དབང་ཆ་ལ་དོ་དམ། ལས་དོན་ལ་དོ་དམ། མི་ལ་དོ་དམ་བཅས་བྱེད་པའི་ཕུགས་ཕན་ལམ་སྲོལ་ཆགས་པར་བྱེད་དགོས།

       ཀྲང་ཧྲིང་ཡོན་གྱིས་གཙོ་སྐྱོང་གནང་སྐབས། ཁུལ་ཡོངས་ཀྱི་རིམ་པ་སོ་སོའི་ཏང་ཡོན་ལས་བྱེད་པས་ཐེངས་འདིའི་བསླབ་སྟོན་སློབ་གསོའི་ཚོགས་ཆེན་བརྒྱུད་དེ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ནི་བརྒལ་མི་རུང་བའི་དམར་ཐིག་ཅིག་ཡིན་པ་ངོས་འཛིན་ཐུབ་དགོས་པ་དང་། ཆབ་སྲིད་ཀྱི་སྒྲིག་ཁྲིམས་དང་ཆབ་སྲིད་ཀྱི་སྒྲིག་ལམ་ནན་མོར་སྲུང་དགོས་པ་དང་།  “གཏན་འཁེལ་གཉིས”སྲུང་སྐྱོང་དང་། “སྲུང་སྐྱོང་གཉིས”བྱ་སྤྱོད་ཐོག་མངོན་ཐུབ་པ་དང་། ལས་གནས་ཐོག་དོན་འཁྱོལ་བྱེད་དགོས། རང་གཅུན་ནན་མོ་བྱས་ཏེ་རང་འགུལ་གྱིས་ལྟ་སྐུལ་དང་ལེན་བྱེད་པའི་ཁོག་རྒྱ་དང་བློ་སྟོབས་ཆེ་རུ་བཏང་ནས། ལྟ་སྐུལ་གྱི་གཅུན་སྡོམ་འོག་ལས་དོན་སྒྲུབ་པ་དང་འཚོ་བ་སྐྱེལ་བར་གོམས་དགོས། ཁུལ་ཡོངས་ཀྱི་རིམ་པ་སོ་སོའི་སྒྲིག་བཤེར་ལྟ་ཞིབ་ལས་ཁུངས་ཀྱིས་རྒྱུན་མཐུད་ངང་ཤུགས་བསྣན་ནས“སྤྱོད་ཚུལ་བཞིའི”འཕེལ་ཕྱོགས་གསར་པ་དང་མཚོན་ཚུལ་གསར་པར་དམ་པོར་དམིགས་ཏེ། སྒྲིག་ཁྲིམས་ལག་བསྟར་དང་འགན་འཁྲི་རྩད་གཅོད་ལ་ལྟ་སྐུལ་བྱེད་ཤུགས་ཆེ་རུ་གཏོང་དགོས་ལ། རྩ་དོན་ནན་མོ་དང་བྱེད་ཐབས་ནན་མོ། ཉམས་སྣང་ནན་མོ་བཅས་དུས་ཡུན་རིང་པོར་མཚོ་བྱང་དུ་རྒྱུན་འཁྱོངས་བྱས་ནས་ཕན་འབྲས་དངོས་ཐོན་པར་བྱེད་དགོས་པར་བསྟན།

       ཚོགས་འདུ་ནི་བརྙན་ལམ་རྣམ་པའི་ཐོག་ནས་འཚོགས། ཁུལ་ཨུའི་རྒྱུན་ཨུ་སོ་སོ་དང་། ཁུལ་དམངས་ཆེན་རྒྱུན་ལས་ཨུ་ལྷན། ཁུལ་སྲིད་གཞུང་། ཁུལ་སྲིད་གྲོས་ཀྱི་ཚན་ཁག་གི་ཁོངས་མི། ཁུལ་ཞིབ་དཔྱོད་ཁང་གི་ཞིབ་དཔྱོད་མགོ་འཛིན། ཁུལ་ཨུའི་སྡེ་ཁག་སོ་སོ། ཁུལ་ཐད་གཏོགས་ལས་ཁུངས་སོ་སོ། མང་ཚོགས་ཚོགས་པ་སོ་སོའི་ཏང་ཙུའུ(ཏང་ཨུ)ཡི་རྫོང་རིམ་པ་གཞོན་པ་ཡན་གྱི་ལས་བྱེད་པ་ཚོགས་འདུར་ཞུགས། རྫོང་སོ་སོར་ཡན་ལག་ཚོགས་ར་བཙུགས་པ་དང་། ཁུ་གཞོན་པ་ཡན་གྱི་ལས་བྱེད་པ་ཚོགས་འདུར་ཞུགས།