སྐྱེར་ཁཎྜ་ཡི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

སྐྱེར་ཁཎྜ།

སྐྱེར་ཤུན་སྲང་གང་། གུར་གུམ་སྲང་དོ།  ཁ་གུར་ཞོ་གཅིག  ཨ་རུ་སྲུང་དོ།  གླ་རྩི་སྐར་གཅིག་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

སྐྱེར་བའི་ཁཎྚ་བཟི་མེད་ནུས་པ་བསིལ། མིག་ནང་བླུགས་པས་ཚ་ཤར་ཟ་ཕྲུག་དང་། ཁྲག་སྲིན་རྒྱས་ཤིང་མིག་དམར་ལིང་ཐོག་དོན། ཤ་མཛེར་གཉན་སྐྲངས་རབ་རིབ་སོགས་ལ་ཕན། ཉིན་རེ་ཐེངས་གསུམ་ལ་སོགས་སྐབས་དང་བསྟུན།