ཅོང་ཞི་རིལ་དཀར་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

ཅོང་ཞི་རིལ་དཀར།(གྲུབ་ཐོབ་རིལ་དཀར།)

ཅོང་ཞི་ཚ་འདུལ་སྲང་དོ།  ཨ་རུ་སྲང་གང་ཞོ་བརྒྱད།  པུཥྐར་མཱུ་ལ་སྲང་གང་ཞོ་དོ།  བྲག་ཁཎ་སྲང་གང་།  རེ་སྐོན་རྩི་དམར་སྲང་གང་ཞོ་དོ།  ཧོང་ལེན་སྲང་གང་ཞོ་དོ།  སྦྲང་རྩི་ཞོ་ལྔ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

ཅོང་ཞི་རིལ་དཀར་བཟི་མེད་ཅུང་ཟད་བསིལ།  དྭངས་མ་མ་ཞུ་མཆིན་པར་ཁྲག་ངན་རྒྱས།  དེ་དག་ཕོ་ལྷུང་བད་ཀན་དང་འདྲེས་པས།  ཕོ་མཆིན་མི་བདེ་བྲང་ཚ་ཆུ་སྐྱུར་སྐྱུགས།  ཕོ་བའི་རྩི་སྐམ་ཁྲག་རུལ་སྐྱུགས་དང་འཁྲུ།  ཡང་ན་སྨུག་པོའི་ཁྲག་ངན་གློར་བྱེར་བས།  གློ་མང་ལུད་པ་འཇབ་འཇིལ་གོག་པ་དཀའ།  བྲང་བསྡམ་སྐད་འཛེར་དབུགས་མི་བདེ་བ་དང་།  ཁྱད་པར་སྨུག་ནད་ཕོ་བབས་གློར་བྱེར་སོགས།  ལྡན་འདུས་ནད་རིགས་ཀུན་ལ་བསྔགས་པ་ཡིན་།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།