རྡོ་ཞུན་ཉེར་ལྔའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

རྡོ་ཞུན་ཉེར་ལྔ། 

རྡོ་ཐལ་སྲང་དོ། ཀ་ར་ཉྫ་ཞོ་ལྔ། དོང་གྲ(སྒ་དམར)ཞོ་ལྔ། པི་ལིང་ཞོ་ལྔ། རྒྱམ་ཚྭ་ཞོ་གསུམ། ཕོ་རིལ་ཞོ་ལྔ། དབྱི་མོང་ཞོ་ལྔ། ལྕེ་ཚ་ཞོ་ལྔ། དུར་ཐོད་ཞོ་གསུམ། ཤ་རུ་ཐལ་བ་ཞོ་གསུམ། སེ་འབྲུ་སྲང་གང་། ཤིང་ཚྭ་ཞོ་ལྔ། བྲག་ཁཎ་ཞོ་གསུམ། པྲིང་ཀུ་ཞོ་ལྔ། ཅོང་ཞི་རྒོད་འདུལ་སྲང་གང་ཞོ་ལྔ། གོ་སྙོད་ཞོ་ལྔ། ལ་ལ་ཕུད་ཞོ་ལྔ། མ་ནུ་ཞོ་ལྔ། ཟི་ར་ཞོ་ལྔ། འུ་སུ་ཞོ་ལྔ། པ་ཡག་འབྲུ་ཞོ་ལྔ། ཁ་རུ་ཚྭ་ཞོ་གསུམ། རྩབས་རུ་ཚྭ་ཞོ་གསུམ། སུག་སྨེལ་ཞོ་གསུམ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས། 

རྡོ་ཞུན་ཉེར་ལྔ་བཟི་མེད་ཅུང་ཟད་དྲོད། བད་ཀན་ཕོ་ཐོག་བབས་པའི་སྤྱི་སྨན་ཏེ། མ་ཞུ་བད་ཀན་དུག་ཐབས་སྐྱ་རྦབ་དང་། མཆིན་རྒུད་ཕོ་གླང་ཀུན་ལ་ཕན་པ་ཡིན། སྦྲང་རྩིས་རྟ་བྱས་ཀྱང་ན་སྦྲང་གིས་སྒྲིལ། ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།