ཨུག་ཆོས་བཅུ་པའི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག དོན་འགྲུབ་མཚོ།  ཡོང་ཁུངས། སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས། རིན་ཆེན་ཚེ་རིང་།

ཨུག་ཆོས་བཅུ་པ།

ཨུག་ཆོས་བཅུ་པ་བཟོ་ན་གོང་གསལ་སྟེང་། ཤིང་ཀུན་སྲང་གང་། རྨ་བྱའི་སྒྲོ་གཞོབ་ཞོ་གང་། སྒ་སྐྱ་སྲང་གཉིས། རྒྱ་ཚྭ་ཞོ་གང་། ཁ་གུར་ཞོ་གང་བཅས་གོང་བཞིན་བྱས་པ་ནད་པའི་རྣ་བར་བླུགས་ཏེ་ཐེངས་གྲངས་སྐབས་དང་སྦྱོར།

ཕན་ནུས།

ཨུག་ཆོས་ལྔ་པ་དང་བཅུ་པ་དྲོ་ལ་སྙོམས། རྣ་བར་གཟེར་ཟུག་བཏང་ནས་རྣག་ཁྲག་དོན། རྣ་སྲིན་ཟ་ཕྲུག་འུར་འཁྲོག་འོན་པ་སོགས། རྣ་བ་མི་གསང་ནད་ལ་ཕན་པ་ཡིན། ཐུན་ཚད་གང་ལ་དེ་འཚམས་རིག་པས་དཔྱོད།