ཅི་ཞིག་ལ་འབྲུ་རིགས་ཀྱི་བདེ་འཇགས་གནད་དོན་ཟེར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  གྲོང་གསེབ་ཀྱི་རྒྱུན་སྤྱོད་སྲིད་ཇུས་སྐོར་གྱི་དཀའ་གནད་གསལ་འགྲེལ།  བཤེར་འབེབས།  རིན་ཆེན་ཚེ་རིང་།

འབྲུ་རིགས་བདེ་འཇགས་ཀྱི་ཐ་མའི་དམིགས་འབེན་ནི།  དུས་ཚོད་གང་དང་གང་གི་ནང་དུ་མི་ཡོངས་ཀྱིས་ཁོ་ཚོར་མཁོ་བའི་ཁ་ཟས་ཉོ་དང་ཉོ་ཐུབ་པ་ཁག་ཐེག་བྱེད་པ་དེ་ཡིན།  འདི་ལ་ཡང་ཕྱོགས་གསུམ་ནས་གོ་བ་ལེན་དགོས་ཏེ།  དང་པོ་ནི་འབྲུ་རིགས་མང་པོ་ཐོན་སྐྱེད་བྱེད་པར་ཁག་ཐེག་བྱེད་དགོས།  གཉིས་པ་ནི་འབྲུ་རིགས་མཁོ་སྤྲོད་བྱེད་ཐུབ་ཚོད་ཀྱིས་མཁོ་སྤྲོད་བྱེད་དགོས།  གསུམ་པ་ནི་འབྲུ་རིགས་མཁོ་བའི་མི་ཚང་མ་ལ་འབྲུ་རིགས་འཐོབ་ཐུབ་པར་ཁག་ཐེག་བྱེད་དགོས། 

འབྲུ་རིགས་ནི་རྒྱལ་ཇུས་དམངས་འཚོ་དང་རྒྱལ་ཁབ་ཀྱི་དཔལ་འབྱོར་བདེ་འཇགས་དང་འབྲེལ་བའི་འཐབ་ཇུས་དངོས་པོ་གལ་ཆེན་ཞིག་ཡིན་ལ།  མི་དམངས་མང་ཚོགས་ཀྱི་འཚོ་བའི་རྩ་བའི་རྒྱུ་ཆ་ཞིག་ཀྱང་ཡིན།  ཕྱིན་ཆད་ཀྱི་འཕེལ་ཕྱོགས་ལ་བལྟས་ན།  བཟོ་ལས་ཅན་དང་གྲོང་ཁྱེར་གྲོང་རྡལ་ཅན་དུ་འཕེལ་བཞིན་ཡོད་པ་དང་།  མི་གྲངས་ཀྱང་འཕར་བཞིན་ཡོད་པ།  མི་དམངས་ཀྱི་འཚོ་བ་ཡང་གོང་དུ་འཕེལ་བཞིན་ཡོད་པ་དང་བསྟུན་ནས་འབྲུ་རིགས་ཀྱི་མཁོ་བ་ཇེ་དྲག་དུ་འགྱུར་བ།  འདེབས་ཞིང་ཇེ་ཉུང་དུ་འགྱུར་བ།  ཆུའི་ཐོན་ཁུངས་དཀོན་ཞིང་ཉུང་བ།  གནམ་གཤིས་འཕོ་འགྱུར་ཆེ་བ་སོགས་ཀྱི་དབང་གིས་འབྲུ་རིགས་ཐོན་སྐྱེད་ཀྱི་བགེགས་བར་ཆད་ཇེ་མང་དུ་གྱུར་པས། འབྲུ་རིགས་བདེ་འཇགས་གནད་དོན་ཉིན་རེ་ལས་ཉིན་རེར་ལྷང་ངེ་བར་འགྱུར་རོ།

གནས་བབ་གསར་པའི་འོག་དེང་རབས་ཞིང་ལས་གོང་འཕེལ་ཇི་ལྟར་གཏོང་བ་ལ།  སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་ཏུ་ཕྱོགས་བདུན་ནས་བཀོད་སྒྲིག་བྱས། མི་རྣམས་ཀྱིས་དོ་སྣང་བྱེད་པ་ནི།   “རྒྱལ་ཁབ་ཀྱི་འབྲུ་རིགས་བདེ་འཇགས་ཁག་ཐེག་བྱེད་པ”དེ་བཀོད་པ་བདུན་གྱི་ཐོག་མར་བཞག་པ་དེ་ཡིན།