དབྱར་ཚ་བ་ཆེ་དུས་མེ་ཏོག་ལ་ཆུ་ལྡུག་མི་རུང་བའི་རྒྱུ་མཚན་ཅི།

རྩོམ་སྒྲིག དོན་འགྲུབ་མཚོ།  ཡོང་ཁུངས། རྩི་ཤིང་གི་ཞིང་ཁམས།  བཤེར་འབེབས། རིན་ཆེན་ཚེ་རིང་།

མེ་ཏོག་ལ་ཆུ་ལྡུག་པའི་དུས་ཚོད་ལ་མཉམ་འཇོག་བྱ་དགོས། གལ་ཏེ་ཚ་བ་ཆེ་བའི་ཉིན་གུང་མེ་ཏོག་ལ་ཆུ་བླུགས་ན། མེ་ཏོག་ལ་གནོད་བསྐྱལ་ངེས། རྒྱུ་མཚན་ནི་དབྱར་ཚ་བ་ཆེ་དུས་དང་། ལྷག་པར་དུ་ཚ་བ་ཆེ་བའི་ཉིན་གུང་མཁའ་དབུགས་ཤིན་ཏུ་དྲོ་བ་དང་། དེ་དང་མཉམ་དུ་ས་གཤིས་ཀྱི་དྲོད་ཚད་ཀྱང་རིམ་བཞིན་ཇེ་མཐོར་འགྲོ་བ་ཡིན་པས། ཚ་བ་ཆེ་བའི་ཉིན་གུང་མེ་ཏོག་ལ་ཆུ་བླུགས་ན། ས་གཤིས་ཀྱི་དྲོད་ཚད་མྱུར་དུ་མར་ཆག་ཐུབ་ཀྱང་། ཕྱི་རོལ་གྱི་མཁའ་དབུགས་སྔར་བཞིན་ཚ་བ་ཆེ་སྟབས། གློ་བུར་བའི་དྲོད་ཚད་ཀྱི་འགྱུར་ལྡོག་གིས་མེ་ཏོག་གནོད་པ་ཐེབས་ནས་རྙིད་པའམ་བསྐམ་འགྲོ་བའི་ཉེན་ཁ་ཧ་ཅང་ཆེ།