གོང་བ་རྔ་དང་འདྲ།
རྔ་མ་སྦྲུལ་དང་འདྲ།
ཅི་ཁེད། ལན་ནི་རྣ་ལུང་།
གོར་མོ་ཟླ་འདྲ་འདྲ།
རྔ་མ་སྦྲུལ་འདྲ་འདྲ།
ཅི་ཁེད། ལན་ནི་རྣ་རྒྱན།
ཉིན་དཀར་ཕོ་བ་འགྲངས་ཡོད།
མཚན་མོ་ཕོ་བ་ལྟོགས་ཡོད།
ཅི་ཁེད། ལན་ནི་ལྷམ།
ཨ་ཙ་ར་རྟ་ལ་མི་ཞོན།
ཞོན་བཏང་ན་ཐང་ལ་མི་འབབ།
ཅི་ཁེད། ལན་ནི་ཞྭ།
ལྟ་བ་ཚང་གི་རྩིབ་ལོགས་ན།
ཉན་པ་ཚང་གི་སྒོ་ལམ་ན།
བྱ་རྒོད་བྱུ་རུའི་དཔུང་བ་ཅན།
ཅི་ཁེད། ལན་ནི་རྣ་རྒྱན།
ཁང་བ་གཉིས་ཀར་ཆེ་ཆུང་མེད།
གཉིས་ཀའི་འགྲུལ་པ་མང་ཉུང་མེད།
ཞག་འདུག་བྱེད་མཁན་གཅིག་ཀྱང་མེད།
ཅི་ཁེད། ལན་ནི་ལྷམ།
ཕུ་རུང་ཡོད་ཀྱང་ལག་པ་མེད།
མགྲིན་པ་ཡོད་ཀྱང་མགོ་བོ་མེད།
ཙག་དང་བསེར་བུ་དེ་ཡིས་འགོག།
ཅི་ཁེད། ལན་ནི་ལྭ་བ།
ལྟ་བ་ཚང་གི་ཕར་ནང་ན།
ཉན་པ་ཚང་གི་སྒོ་ཁ་ན།
བྱ་རྒོད་བྱུ་རུའི་གདོང་པ་ཅན།
ཅི་ཁེད། ལན་ནི་རྣ་ལུང་།
ལྟ་བ་ཚང་གི་ཕར་ནང་ན།
ཉན་པ་ཚང་གི་སྒོ་ཁ་ན།
གོར་གོར་གོར་མོ་ཟླ་འདྲ་འདྲ།
རྔ་མ་ལྕང་ལོ་སྦྲུལ་འདྲ་འདྲ།
ཅི་ཁེད། ལན་ནི་རྣ་ལུང་།