མཚོ་བྱང་རྐང་ཚས་ནུས་ཤུགས་ཡོད་རྒུས་“ཤུགས་སྣོན་ཆེན་པོ་དྲུག”གི་སྲིད་ཇུས་དོན་འཁྱོལ་དམ་འཛིན་བྱས་ཏེ། ཕྱོགས་ཡོངས་ནས་གྲོང་གསེབ་དར་སྤེལ་ལ་སྐུལ་འདེད་བཏང་།

རྩོམ་སྒྲིག  ཀླུ་མོ་མཚོ།   ཡོང་ཁུངས། རྐང་ཚ་རྫོང་མི་རིགས་སྐད་ཡིག་ལས་དོན་ལྟེ་གནས།   བཤེར་འབེབས། རིན་ཆེན་ཚེ་རིང་།

ཉེ་བའི་ལོ་ཤས་རིང་།   མཚོ་བྱང་ཁུལ་རྐང་ཚ་རྫོང་ཨུ་དང་རྫོང་སྲིད་གཞུང་གིས་མི་དམངས་ལྟེ་བར་འཛིན་པའི་འཕེས་རྒྱས་ཀྱི་བསམ་བློ་མཐའ་འཁྱོངས་བྱས་ཏེ། དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་བསྐྱེད་གཏོང་རྒྱུ་དེ་གྲོང་གསེབ་དར་སྤེལ་དང་སྦྲེལ་མཐུད་ནུས་ལྡན་བྱེད་པའི་ལས་དོན་ཁག་དོན་འཁྱོལ་ཞིབ་ཚགས་བྱ་རྒྱུར་མུ་མཐུད་དུ་སྐུལ་འདེད་བཏང་།  དབུལ་ཐར་མང་ཚོགས་ཀྱི་ཡོང་འབབ་བརྟན་པོར་འཕར་བ་དང་། གྲོང་གསེབ་དར་སྤེལ་གྱི་འགན་ལེན་སྔར་ལས་ནུས་ཤུགས་ལྡན་པ། སྤུས་ཚད་མཐོ་བའི་འཕེལ་རྒྱལ་གྱི་རྨང་གཞི་སྔར་ལས་ཇེ་བརྟན་དུ་གཏོང་བ།   སྦྲེལ་མཐུད་ནུས་ལྡན་ཕན་འབྲས་སྔར་ལས་མཐའ་འཁྱོངས་ཐུབ་པ་བཅས་བྱས་ཡོད།

སློབ་གསོའི་རོགས་སྐྱོར་ལ་ཤུགས་བསྣན་ཏེ། མི་དམངས་མང་ཚོགས་དབུལ་ཐར་ཕྱུག་འགྱུར་ཡོང་བར་བྱས། འོས་འགན་སློབ་གསོ“གཅིག་ཀྱང་མི་ལུས་པའི” ལས་ཀའི་མཐའ་ཐིག་གཏན་སྲུང་བྱས་ཏེ། སློབ་མཚམས་འཇོག་པ་དང་སློབ་བྱོལ། ཕྱིར་ལོག་པའི་སློབ་ལོ་རན་པའི་བྱིས་པར“མི་རེར་ཡིག་ཚགས་གཅིག”གི་ལས་དོན་རྩིས་ཐོ་བཟོས་ཤིང་འཐུས་ཚང་དུ་བཏང་། སློབ་མཚམས་མ་བཞག་པར་སློབ་ཞུགས་འགན་ལེན་བྱེད་པའི་ལས་དོན་མུ་མཐུད་དུ་སྐུལ་འདེད་བཏང་བ་དང་།   2023ལོར་རྫོང་ཡོངས་ལ་ལོ་གསུམ་གྱི་ནང་དུ་སློབ་སྔོན་སློབ་ཞུགས་བྱེད་ཚད97.61%ལ་སླེབས་པ་དང་། འོས་འགན་སློབ་གསོ་སྲ་བརྟན་དུ་གཏོང་ཚད98.27%ལ་སླེབས་ཡོད། དབང་སྐྱོན་བྱིས་པ་སློབ་གྲྭར་ཞུགས་ཚད98.61%ཡིན་ལ།  མཐོ་འབྲིང་སློབ་མ་སློབ་ཞུགས་བྱེད་ཚད97.22%ལ་སླེབས་ཡོད། སློབ་སྔོན་སློབ་གསོའི་ཁ་གསབ་དང་། འོས་འགན་སློབ་གསོ་ཞག་སྡོད་སློབ་མའི་འཚོ་བའི་ཁ་གསབ། སྒོ་རྩར་སློབ་ཁྲིད་བྱེད་པ་སོགས་ཀྱི་སྲིད་ཇུས་སྣ་ཚོགས་ཁྱོན་ཡོངས་ནས་དོན་འཁྱོལ་བྱས།  རིམ་རྩིས་བྱས་ན་ཁ་གསབ་མ་དངུལ་སྒོར་ཁྲི2317.57སྤྲད་པ་དང་། གཙང་གསུམ་མགོ་ཁུངས་ཀྱི་བྱ་དགའི་ཁ་གསབ་མ་དངུལ། “ཕན་བདེ་འཆར་གཞི”སྤྱི་ཕན་རང་བཞིན་གྱི་སློབ་རོགས་མ་དངུལ། “ཆར་ཐིགས་འཆར་གཞི”དབུལ་སྐྱོར་སློབ་རོགས་ཆེད་དོན་མ་དངུལ་བཅས་སྒོར་ཁྲི་594.91བཅས་སྤྲད་ཤིང་། མི་ཐེངས1164ལ་ཕན་ཐོགས་བྱུང་། སློབ་ཁུངས་ས་ཁུལ་གྱི་སློབ་རོགས་དངུལ་བུན་མ་དངུལ་སྒོར་ཁྲི303.23སྤྲད་པས་སློབ་ཆེན་སློབ་མ315ལ་ཕན་ཐོགས་བྱུང་ནས་ཁྱིམ་ཚང་གི་དཔལ་འབྱོར་ལ་དཀའ་ངལ་ཡོད་པའི་སློབ་མར་ལོངས་སྤྱོད་ཐུབ་པ་དང་། རོགས་རམ་བྱེད་དགོས་རིགས་ལ་རོགས་རམ་བྱེད་ཐུབ་པར་བྱུང་ཡོད། ཆེད་མིས་འགན་འཁུར་བའི་ལམ་ལུགས་ལག་བསྟར་ནན་མོ་བྱས་ཏེ། རྫོང་ཡོངས་ཀྱི་དབང་སྐྱོན་བྱིས་པ35ལ་ཆེད་མིས“གཅིག་གཏད་གཅིག”གི་འགན་འཁུར་ནས“སྒོ་རྩར་སློབ་ཁྲིད་བྱེད་པའི”ཞབས་ཞུའི་ལས་དོན་སྤེལ་བ་དང་། “སྒོ་རྩར་སློབ་ཁྲིད་བྱེད་པའི”ལས་དོན་ཁྱོན་ཡོངས་ལ་ཁྱབ་སྤེལ་བྱས་ཡོད།

བདེ་ཐང་རོགས་སྐྱོར་ལ་ཤུགས་བསྣན་ཏེ། མི་དམངས་མང་ཚོགས་ཀྱི་ནད་ལ་སྨན་བཅོས་ཐུབ་པ་བྱས། མང་ཚོགས་ཀྱི་བདེ་ཐང་དེ་ནི་དམངས་འཚོའི་བདེ་སྐྱིད་ཆེ་ཤོས་སུ་བརྩིས་ཏེ། བདེ་ཐང་རོགས་སྐྱོར་སྲིད་ཇུས་དྲིལ་སྒྲོག་ལ་ཤུགས་བསྣན་པ་དང་། རྫོང་ཁོངས་ཀྱི་སྨན་བཅོས་ཐུན་མོང་སྒྲིག་གཞི་འཛུགས་སྐྱོང་དམ་ཟབ་དང་། ཀྲུང་ལུགས་བོད་ལུགས་གསོ་རིག་གི་སྨན་བཅོས་མཉམ་འབྲེལ་སྒྲིག་གཞི་འཛུགས་སྐྱོང་དམ་འཛིན་བྱ་རྒྱུར་གཞིར་བྱས་ཏེ། 《རྐང་ཚ་རྫོང་འཕྲོད་བསྟེན་བདེ་ཐང་ཁོངས་གཏོགས་ཀྱིས2023ལོར་བདེ་ཐང་དབུལ་སྐྱོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་རྒྱུ་དེ་གྲོང་གསེབ་དར་སྤེལ་འབྲེལ་མཐུད་ནུས་ལྡན་བྱེད་པའི་ལས་དོན་ཇུས་གཞི》དང《འཕྲོད་བསྟེན་བདེ་ཐང་གི་མ་ལག་བཙུགས་ནས་དབུལ་ཐར་འགག་སྒྲོལ་གྱི་གྲུབ་འབྲས་དང་གྲོང་གསེབ་དར་སྤེལ་འབྲེལ་མཐུད་ནུས་ལྡན་བྱེད་པའི་ལས་དོན་རིམ་པ་གསུམ་པའི་འགན་འཁྲི་ལམ་སྲོལ་སྲ་བརྟན་དང་རྒྱ་སྐྱེད་གཏོང་རྒྱུའི་སྐོར་གྱི་བརྡ་ཐོ》སོགས་ཡིག་ཆ་བཟོས་ཏེ། སྒོ་བསྟེན་སྨན་བཅོས་ཀྱི“རིན་མེད་བཞི”དང་། ཞག་སྡོད“ཉུང་འཕྲི་དྲུག” “ཁྱབ་སྤེལ་བཅུ།” “སྔོན་ལ་ཞག་སྡོད་དང་རྗེས་སུ་རྩིས་སྤྲོད་པ།” “ས་ཚིགས་གཅིག་གི་རྣམ་པའི”རྩིས་སྤྲོད་སོགས་ཀྱི་སྲིད་ཇུས་དང་དེ་བཞིན་དབུལ་ཐར་མི་འབོར་གྱི་ཁྱིམ་བསྐྱོད་སྨན་པའི་གན་འཇོག་ཞབས་ཞུ་བཅས་རྒྱུན་མཐུད་ངང་དོན་འཁྱོལ་བྱས་ཏེ། དབུལ་ཐར་མི་འབོར་གྱི་གཞི་རྩའི་སྨན་བཅོས་འགན་བཅོལ་དང་། ནད་གཞི་ཆེ་གྲས་ཀྱི་འགན་བཅོལ། སྨན་བཅོས་རོགས་སྐྱོབ་བཅས་ཁྱོན་ཡོངས་ལ་ཁྱབ་པ་བྱས།  2023ལོར་རིམ་རྩིས་བྱས་ན། རིན་མེད་དང་ཉུང་འཕྲི་སྒོར་ཁྲི3.55ཡིན་ལ། མི་ཐེངས493ལ་ཕན་ཐོགས་བྱུང་། སྔོན་ལ་ཞག་སྡོད་དང་རྗེས་སུ་རྩིས་སྤྲོད་པའི་འགྲོ་གྲོན་སྒོར་ཁྲི614.38ཡིན་ལ། མི་ཐེངས2791ལ་ཕན་ཐོགས་བྱུང་། ཁྱིམ་བསྐྱོད་སྨན་པའི་གན་འཇོག་ཞབས་ཞུའི་དོ་དམ་ལེགས་འགྲུབ་བྱུང་སྟེ། གན་འཇོག་བྱེད་ཚད་དང་ལག་བསྟར་བྱེད་ཚད100%ཡིན། ནད་རིགས་ཆེ་གྲས་རིགས35ཡི་མི215ལ་ཆེད་དོན་སྐྱོབ་བཅོས་བྱས་པ་དང་། སྐྱོབ་བཅོས་བྱེད་ཚད100%ཡིན།

སྨན་བཅོས་རོགས་སྐྱོབ་ལ་ཤུགས་བསྣན་ཏེ། མི་དམངས་མང་ཚོགས་ལ་སྔར་ལས་རྒྱབ་རྟེན་ཡོད་པར་བྱས། 2023ལོར་རྫོང་ཡོངས་ཀྱི་མཁར་གྲོང་སྡོད་དམངས36386འགན་བཅོལ་ནང་ཞུགས་ནས་ལོ་འཁོར་གྱི་དམིགས་འབེན་འགན་འཁྲི100%ལེགས་གྲུབ་བྱུང་། དབུལ་ཐར་མི་འབོར་དང་ཞིང་སྡེ་ཡོང་འབབ་དམའ་བའི་མི་འབོར་འགན་བཅོལ་ནང་ཞུགས་ཚད100%ཡིན་ཞིང་། འགན་བཅོལ་ནང་ཞུགས་པའི་གནས་ཚུལ་ཁྱོན་ཡོངས་ལ་ཁྱབ་པ་བྱས་ཡོད། སྨན་བཅོས་རོགས་སྐྱོབ་ཀྱི་གཟིགས་སྐྱོང་འགན་ལེན་སྲིད་ཇུས་དོན་འཁྱོལ་བྱས་པ་དང་།  སྨན་བཅོས་འགྲོ་སོང་རྩིས་ཞུའི་བསྡུར་ཚད་ཀྱི་གཏན་འབེབས་གཞིར་བཟུང་སྟེ། དབུལ་ཐར་མི་འབོར་དང་། དམིགས་ཀྱིས་དཀའ་ངལ་ལྡན་པའི་མི་སྣ（དྭ་ཕྲུག） ཞིང་སྡེའི་དམའ་སྲུང་བྱ་ཡུལ། རྟོག་འཇལ་ཁྱབ་ཁོངས་ནང་བཅུག་པའི་དབུལ་ལོག་མི་འབོར་བཅས་ལ་གཞི་རྩའི་སྨན་བཅོས་འགན་བཅོལ་གྱི་གཅིག་གྱུར་འཆར་འགོད་རྩིས་སྤྲོད་སྲིད་ཇུས་ཁྱོན་ཡོངས་ནས་དོན་འཁྱོལ་བྱས་པ་དང་། ས་གནས་གཏན་འཁེལ་གྱི་སྨན་བཅོས་སྒྲིག་གཞིར་ཞག་སྡོད་སྨན་རིན་རྩིས་སྤྲོད་དངོས་ཀྱི་འགྲོ་སོང་བསྡུར་ཚད90%ཡིན། དབུལ་ཐར་མི་འབོར་གྱི་སྨན་རིན་རྩིས་སྤྲོད་གཏེན་འབབས་དངོས་ཀྱི་བསྡུར་ཚད80%ལ་སླེབས་ཡོད། 2023ལོར་སྨན་བཅོས་རོགས་སྐྱོབ་མ་དངུལ་གྱིས་དམིགས་བསལ་གྱི་མི་ཚོགས4307ལ་རོགས་སྐྱོར་བྱས་པ་དང་རོགས་དངུལ་སྒོར་ཁྲི90.5ཚབ་སྤྲོད་བྱས་ཡོད།

སྡོད་ཁང་གི་བདེ་འཇགས་ལ་ཤུགས་བསྣན་ཏེ། མི་དམངས་མང་ཚོགས་བདེ་སྐྱིད་ཡོང་བ་བྱས།  སྡོད་ཁང་བདེ་འཇགས་ཀྱི་འགུལ་རྣམ་རྟོག་འཇལ་དང་ཞིབ་བཤེར་ལམ་སྲོལ་དོན་འཁྱོལ་ནན་མོ་བྱས་ཏེ། 《རྐང་ཚ་རྫོང་གི་རོང་འབྲོག་པའི་སྡོད་ཁང་བདེ་འཇགས་འགན་ལེན་ཞིབ་བཤེར་ཆེན་མོ་དང་སྒྱུར་བཅོས་ཆེན་མོ། མཐོ་འདེགས་ཆེན་མོ་བཅས་ཀྱི་ལས་དོན་ཇུས་གཞི》དང《རྐང་ཚ་རྫོང་གི་རང་སྐྲུན་སྡོད་ཁང་བདེ་འཇགས་སྐོར་ཞིབ་ཞིབ་བཤེར་ལམ་སྲོལ》བཟོས་ཏེ། རོང་འབྲོག་པའི་སྡོད་ཁང་བདེ་འཇགས་འགན་ལེན་ཞིབ་བཤེར་ཆེན་མོ་དང་སྒྱུར་བཅོས་ཆེན་མོ། མཐོར་འདེགས་ཆེན་མོ་དང་། རང་སྐྲུན་སྡོད་ཁང་བདེ་འཇགས་ཀྱི་བྱུར་རྐྱེན་བཅས་ལ་ཞིབ་བཤེར་བཅོས་སྒྲིག་བྱས། རིམ་རྩིས་བྱས་ན། རོང་འབྲོག་པའི་སྡོད་ཁང8442ལ་ཞིབ་བཤེར་བྱས་ཤིང་། སྡོད་ཁང་བདེ་འཇགས་ཀྱི་ཁྱིམ་ཚང8419གཏན་འཁེལ་བྱས། 《རྐང་ཚ་རྫོང་གི་རོང་འབྲོག་པའི་སྡོད་ཁང་འཛུགས་སྐྲུན་དོ་དམ་གྱི་ལག་བསྟར་ཞིབ་སྲོལ》གྱི་དཔེ་གཞིའི་པར་རིས་ཕྱོགས་བསྒྲིགས་བཟོས་ཏེ། རང་སྐྲུན་སྡོད་ཁང་གི་བྱ་དགའི་ཁ་གསབ་མ་དངུལ་དེ་རྫོང་རིམ་པའི་ནོར་སྲིད་ཀྱི་སྔོན་རྩིས་ནང་བཅུག་ནས་བྱ་དགའ་དང་ཁ་གསབ་ལམ་སྲོལ་བཙུགས་ཡོད། མ་དངུལ་སྒོར་ཁྲི2887.51བཏང་སྟེ། རོང་འབྲོག་པའི་ཉེན་ཁ་ཅན་གྱི་སྡོད་ཁང་བསྐྱར་གསོ་དང་ཞིག་རལ་དུ་གྱུར་བའི་སྡོད་ཁང་བསྐྱར་གསོའི་ཁྱིམ་ཚང43ལག་བསྟར་བྱས་པ་དང་། རོང་འབྲོག་པའི་སྡོད་ཁང་ཁྱིམ་ཚང800ཆ་རྐྱེན་ཇེ་ལེགས་སུ་བཏང་བ་དང་། མཐོ་སྒང་གི་མཛེས་སྡུག་ལྡན་པའི་གྲོང་གསེབ3བསྐྲུན་པ་བཅས་བྱས་ཏེ། རོང་འབྲོག་པའི་ཆ་རྐྱེན་ལྡན་པའི་སྡོད་ཁང་དང་སྡོད་ཁང་ཁོར་ཡུག་རྒྱུན་མཐུད་ངང་ལེགས་སུ་བཏང་།

འཐུང་ཆུའི་བདེ་འཇགས་ལ་ཤུགས་བསྣན་ཏེ། མི་དམངས་མང་ཚོགས་ཀྱི་ལུས་ཕུང་བདེ་ཐང་ཡོང་བར་བྱས། ཞིང་སྡེ་དང་འབྲོག་ཁུལ་གྱི་ཆུ་མཁོ་འདོན་དབུལ་ཐར་འགག་སྒྲོལ་གྱི་གྲུབ་འབྲས་ཁྱོན་ཡོངས་ནས་ཞིབ་བཤེར་དང་རྟོག་འཇལ་བྱས་ཤིང་། འཐུང་ཆུའི་བདེ་འཇགས་ཀྱི་འགུལ་རྣམ་རྟོག་འཇལ་དང་གཙང་བཤེར་གྱི་རྩིས་ཁྲ་བཟོས་པ་དང་། མ་དངུལ་སྒོར་ཁྲི3590བཏང་ནས་དཔལ་དགེ་གྲོང་རྡལ་གྱི་ཆུ་ཁུངས་གཉིས་པ་དང་། སྦུག་དྲའི་ལས་གྲྭ་དང་རོང་འབྲོག་ཁུལ་འཐུང་ཆུའི་བདེ་འཇགས་ལས་གྲྭ་ཞིག་གསོ་དང་གཉེར་སྐྱོང་རྣམ་གྲངས་ལག་བསྟར་བཅས་བྱས་ཏེ། ཆུ་མཁོ་འདོན་ལས་གྲྭ114ཞིག་གསོ་བྱས་ཡོད།  འཐུང་ཆུའི་བདེ་འཇགས་དོ་དམ་གྱི“འགན་འཁྲི་གསུམ”གྱི་ལམ་ལུགས་དོན་འཁྱོལ་བྱས་ཏེ། ཆུ་བྱང་བེད་སྤྱོད་ཤེས་པའི་དུད་ཁྱིམ2300ལྷག་ཙམ་སྤྲད་དེ། ཞིང་སྡེ་དང་འབྲོག་ཁུལ་གྱི་མང་ཚོགས་ཀྱི་ཡིག་བཅར་ཐེར་འདོན་ལྟ་སྐུལ་ཐབས་ལམ་སྔར་བས་ཤར་གཏོང་དང་། རོང་འབྲོག་ཁུལ་གྱི་ཆུ་མཁོ་འདོན་གྱི་གནད་དོན་དུས་ཐོག་ཏུ་ཤེས་རྟོགས་བྱུང་ཚེ་དུས་ལྟར་ཐག་གཅོད་ཐུབ་པས། ཆུ་མཁོ་འདོན་འགན་ལེན་བྱེད་ཚད97%ཡིན། གཅིག་སྡུད་ཆུ་མཁོ་འདོན་ལས་གྲྭ31གི་རྣམ་གྲངས27ཆུའི་སྤུས་ཚད་ཞིབ་བཤེར་ཚད་ལེན་དམིགས་ཚད་ལ་རྫས་འགྱུར་བརྟག་དཔྱད་བྱས་ཏེ། མང་ཚོགས་ལ་བདེ་འཇགས་ཆུ་དང་སེམས་བདེ་ཆུ་ཞིག་འཐུང་ཐུབ་པར་འགན་ལེན་བྱས། 

 དམངས་ཚོས་མཐའ་སྐྱོང་ལ་ཤུགས་བསྣན་ཏེ། མི་དམངས་མང་ཚོགས་ལ་རོགས་སྐྱོར་ཐུབ་པ་བྱས། རྒྱལ་ཁབ་དང་ཞིང་ཆེན། ཁུལ་བཅས་ཀྱི་དམངས་སྲིད་དམངས་ཕན་སྲིད་ཇུས་ཁག་དོན་འཁྱོལ་ནན་མོ་བྱས་ཏེ། སྲིད་ཇུས་ཀྱིས་རང་འགུལ་ངང་མི་འཚོལ་བ་དང་། ཞབས་ཞུ་རང་འགུལ་ངང་བྱེད་པ། ཐོན་ཁུངས་རང་འགུལ་ངང་སྦྲེལ་མཐུད་རོགས་སྐྱོབ་བཅས་ཀྱི་རྣམ་པ་ཁྱབ་གདལ་ཤུགས་ཆེར་བཏང་ལ། དམངས་ཕན་སྲིད་ཇུས་ཁག་དོན་འཁྱོལ་ཞིབ་ཚགས་བྱས་ཏེ། མི་སེམས་སྒུལ་བའི་ དམངས་འཚོའི་བདེ་བ་བསྐྲུན་ཡོད། 2023ལོར་དམངས་སྲིད་ཀྱི་དམངས་ཕན་ཁ་གསབ་རོགས་དངུལ་སྣ་ཚོགས་སྒོར་ཁྲི་3430.14སྤྲད། དེའི་ནང་དུ། མཁར་གྲོང་གི་དམའ་སྲུང་ཁྱིམ་ཚང330ཡི་མི569ལ་འགན་ལེན་རོགས་དངུལ་སྒོར་ཁྲི་511.83སྤྲད། གྲོང་གསེབ་ཀྱི་དམའ་སྲུང་ཁྱིམ་ཚང1435ཡི་མི3277ལ་འགན་ལེན་མ་དངུལ་སྒོར་ཁྲི1993.24སྤྲད། དམིགས་བསམ་དཀའ་ཁག་ལྡན་པའི་ཁྱིམ་ཚང142ཀྱི་མི147ལ་དངུལ་སྒོར་ཁྲི230.89སྤྲད། གནས་སྐབས་རོགས་སྐྱོར་གྱི་ཁྱིམ་ཚང་300ཡི་མི879ལ་རོགས་དངུལ་སྒོར་ཁྲི290.12སྤྲད། དྭ་ཕྲུག་དང་དེ་བཞིན་དངོས་སུ་གསོ་མཁན་མེད་པའི་མི27ལ་ཁ་གསབ་རོགས་དངུལ་སྒོར་ཁྲི21.8སྤྲད།  ལོ70ཡན་གྱི་རྒན་པ1896ལ་ལོ་ལོན་གྱི་ཁ་གསབ་སྒོར་ཁྲི254.95སྤྲད། དབང་སྐྱོན609ལ“ཁ་གསབ་ཁག་གཉིས”སྒོར་ཁྲི123.62སྤྲད་ཡོད།