མདའ་བཞི་རྫོང་གིས་མཁའ་དབུགས་རྫོད་པ་འགོག་བཅོས་ཀྱི་མཁྲེགས་གཏོར་དམག་འཐབ་རྒྱུན་མཐུད་ངང་ལེགས་པོར་རྒྱག་བཞིན་པ།

རྩོམ་སྒྲིག  ཀླུ་མོ་མཚོ།   ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས།   བཤེར་འབེབས། རིན་ཆེན་ཚེ་རིང་།

ཉེ་བའི་ལོ་འགའི་རིང་། མདའ་བཞི་རྫོང་གིས་ཐོག་མཐའ་བར་གསུམ་དུ་སྐྱེ་ཁམས་རྫོང་འཛུགས་སྐྲུན་བྱ་རྒྱུ་དེ་དམ་འཛིན་བྱ་གཞི་གལ་ཆེན་དུ་བཟུང་ནས། ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་དོན་ལག་ལེན་གཏིང་ཟབ་བྱས་ཏེ། མདའ་བཞི་རྫོང་གི་མཁའ་རླུང་སྤུས་ཚད་རྒྱུན་མཐུད་ངང་ལེགས་བཅོས་བྱེད་པའི་དཀའ་གནད་དང་གནད་དོན་འགའ་ཞིག་ཐག་གཅོད་བྱ་ཆེད། ཐབས་ལམ་དང་བྱེད་ཐབས་ཟམ་མི་ཆད་པར་འཚོལ་ཞིབ་བྱས་ཡོད་ཅིང་། གནམ་སྔོན་འགོག་སྲུང་དམག་འཐབ་རྒྱུན་མཐུད་ངང་གཏིང་ཟབ་ཏུ་རྒྱག་པའི་ཐད་མདའ་བཞིའི་སྟོབས་ཤུགས་བཏོན་ཡོད།

ཐབས་ཇུས་གནད་ཁེལ་བཏོན་ཏེ། རླུང་ཁམས་ཆེན་པོ་བརྫད་པ་འགོག་བཅོས་ཐད་ཀྱི་མདའ་བཞིའི་ཇུས་གཞི་འཐུས་ཚང་དུ་བཏང་།  རླུང་ཁམས་ཆེན་མོ་བརྫད་པ་འགོག་བཅོས་བྱེད་པའི་གོ་རིམ་ཁྲོད་དུ། སྲིད་འཛིན་ས་ཁུལ་ཁྱབ་ཁོངས་ཀྱི་རྫོད་ཁུངས་སྡེ་ཚན་ཚང་མས་རིམ་པ་བཞིན་དུ་བཟོ་གྲྭ་གཅིག་ལ་ཡིག་ཚགས་གཅིག་གི་ལམ་ལུགས་བསྐྲུན་ནས། སྲིད་འཛིན་ས་ཁུལ་ཁྱབ་ཁོངས་ཀྱི་གཞི་རྩའི་གནས་ཚུལ་ལ་རྒྱུས་ལོན་བྱས་པ་དང་ཆབས་ཅིག བརྫད་སེལ་ཆོག་འཐུས་ལག་ཁྱེར་གྱི་དཔང་གཅིག་རྣམ་པའི་དོ་དམ་ཇུས་གཞི་ཁྱོན་ཡོངས་ནས་དོན་འཁྱོལ་བྱས་ཡོད་པ་དང་།  བརྫད་པ་འགོག་བཅོས་ཀྱི་སྒྲིག་བཀོད་འཁོར་བསྐྱོད་རྒྱུན་ལྡན་ཡིན་མིན་དང་རྫོད་དངོས་རིགས་གཏོང་འབུད་བྱེད་ཚད་ཚད་གཞིར་སླེབས་ཡོད་མེད་སོགས་དོན་ཚན་ཞིབ་བཤེར་བྱས་ཟིན་པའི་བརྫད་སེལ་ཆོག་འཐུས་སྤྲད་པའི་སྡེ་ཚན་གྱི་དཔྱད་ཞིབ་ནང་དོན་ལ་རེ་རེ་བཞིན་ཞིབ་བཤེར་ནན་མོ་བྱེད་བཞིན་ཡོད་ལ། གནད་ཁེལ་ཐབས་ཇུས་ལ་བརྟེན་ནས་རླུང་ཁམས་ཆེན་མོ་བརྫད་པ་འགོག་བཅོས་བྱ་རྒྱུ་དེ་མདའ་བཞིའི་ཇུས་གཞིར་བརྟེན་ནས་བཅོས་སྐྱོང་ནུས་ལྡན་བྱས་ཡོད།

འབེན་གྱི་ཕྱོགས་ལ་ཤུགས་བརྒྱབ་སྟེ། རླུང་ཁམས་ཆེན་མོ་བརྫད་པ་འགོག་བཅོས་ཀྱི་མདའ་བཞིའི་བྱེད་ཐབས་མཐོར་འདེགས་བཏང་། འབྱུང་རྩ་ནས་བཅོས་སྐྱོང་དང་ཕྱོགས་བསྡུས་ཐབས་ཇུས་འདོན་པའི་རྩ་དོན་རྒྱུན་འཁྱོངས་བྱས་ཏེ། ཁེ་ལས་ཀྱི་འབུད་གཏོང་དང་ཨར་ལས་ཀྱི་ས་རྡུལ། གད་སྙིགས་སྲེག་པ་སོགས་ཀྱི་རྫོད་ཁུངས་ལ་དོ་དམ་ཚོད་འཛིན་བྱེད་པར་ཤུགས་བརྒྱབ་སྟེ། ལོ་རེར་ཕྱོགས་གསུམ་པའི་ཞིབ་དཔྱད་ཚད་ལེན་སྤྱི་གཉེར་མངགས་བཅོལ་བྱས་ནས་འབྲེལ་ཡོད་ཁེ་ལས་དག་ལ་ལྟ་སྐུལ་རང་བཞིན་གྱི་ཞིབ་དཔྱད་ཚད་ལེན་བྱས་ཤིང་། ཞིབ་དཔྱད་ཚད་ལེན་སྤྱི་གཉེར་གྱིས་རྫོད་རིགས་ཚད་ལྡན་དུ་འབུད་པར་འགན་ལེན་བྱས་པ་དང་། འཛུགས་སྐྲུན་ལས་ཡུལ་དུ་ཐལ་རྡུལ་གྱི་རྫོད་པར་ལྟ་སྐུལ་དང་འགོག་བཅོས་བྱེད་ཤུགས་ཆེ་རུ་བཏང་སྟེ། ཕྱོགས་གཉིས་དམ་འཛིན་དང་བར་སྐབས་སུ་ཚོད་འཛིན་བྱེད་པའི་བསམ་ཕྱོགས་སྤྱད་དེ་ཞབས་ཞུ་དང་དོ་དམ་ལས་ཀའི་རྣམ་པ་རྒྱུན་འཁྱོངས་བྱས་ཡོད། རྫོང་ཡོངས་ཀྱི་བཟོ་སྐྲུན་ལས་ཡུལ་ལ་མཐིལ་རྟོགས་གྲལ་བཤེར་དང་འཛུགས་སྐྲུན་ལ་ལྟ་སྐུལ།  དེ་བཞིན་སྔོན་དཀྲུག་ཚོང་ཟོག་ཨར་འདམ་ཐོན་སྐྱེད་ཁེ་ལས་ཀྱིས་བརྒྱ་ཆའི་བརྒྱ6ཅེས་པ་དོན་འཁྱོལ་ནན་མོ་བྱས་ནས་རྡུལ་འགོག་དང་རྡོ་སོལ་ཇེ་ཉུང་དུ་གཏོང་བ། རླངས་འཁོར་ཚོད་འཛིན་བྱེད་པ། ཁེ་ལས་བཅོས་སྐྱོང་བྱེད་པ་བཅས་ཀྱི་བྱེད་ཐབས་ནུས་ལྡན་སྤྱད་དེ་ཚན་རིག་དང་མཐུན་པའི་རྫོད་པ་བཅོས་སྐྱོང་དང་། གནད་ཁེལ་དོ་དམ་ཚོད་འཛིན་དང་ལྗང་མདོག་འཕེལ་རྒྱས་བཅས་ལ་སྐུལ་འདེད་བཏང་། 2024 ལོའི་སྔོན་གྱི་དུས་ཚིགས་གསུམ་པོའི་རིང  PM 2 . 5 སོགས་རྫོད་དངོས་གྱི་གར་ཚད་རྒྱུན་མཐུད་ངང་མར་ཆག་པར་མ་ཟད། མཁའ་རླུང་གི་སྤུས་ཚད་བཟང་ཚད 95 . 8 % ལ་སླེབས་ཡོད་ཅིང་། རླུང་ཁམས་ཆེན་མོ་བརྫད་པ་འགོག་བཅོས་བྱ་བར་གྲུབ་འབྲས་མངོན་གསལ་བླངས་ཡོད།

ཤུགས་ཆེན་པོས་སྐུལ་འདེད་བྱས་ཏེ། རླུང་ཁམས་ཆེན་མོ་བརྫད་པ་འགོག་བཅོས་ཀྱི་མདའ་བཞིའི་རྣམ་པར་ཤུགས་བསྣན་ཡོད། ཁེ་ལས་དང་སྡེ་ཁུལ་དུ་བསྐྱོད་པ་དང་། སྐད་འཕྲིན་སྤྱི་སྟེགས་དང་སྲིད་གཞུང་དྲ་ཚིགས་སོགས་བརྒྱུད་ནས་དམངས་ཡོངས་ལ་གནམ་སྔོན་སྤྲིན་དཀར་ལ་སྲུང་སྐྱོབ་བྱེད་པའི་ལས་དོན་ཁྲོད་ཞུགས་དགོས་པའི་འབོད་སྐུལ་བཏང་ཡོད་ཅིང་། དྲིལ་སྒྲོག་དུས་ཆེན་དང་ཏང་གི་ཉིན་མོའི་བྱེད་སྒོ་ཁག འགན་ནུས་སྡེ་ཁག་གི་དྲིལ་སྒྲོག་བརྗོད་དོན་ཉིན་མོའི་བྱེད་སྒོ། གཟའ་པ་སངས་ཀྱི་ཁོར་ཡུག་བཅོས་སྐྱོང་ཉིན་མོ་སོགས་ཀྱི་གོ་སྐབས་དམ་འཛིན་བྱས་ནས་འགྲེམས་པང་དང་སྦྱར་ཡིག དྲིལ་སྒྲོག་རྒྱུ་ཆ་སོགས་ཀྱི་རྣམ་པ་དང་སྨྱན་སྦྱོར་ལ་བརྟེན་ནས་རླུང་ཁམས་ཆེན་མོ་རྫོད་པ་འགོག་བཅོས་ཀྱི་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གཅིག་བསྡུས་སྒོས་དྲིལ་སྒྲོག་བྱས་ཏེ། གཙོ་གནད་སྡེ་ཁག་ལ་དོ་ཁུར་དང་གཙོ་གནད་རླུང་འབྲེལ་ཁེ་ལས་ལ་དམིགས་ཡུལ་ཡོད་པའི་སྒོ་ནས་ཁོར་ཡུག་སྲུང་སྐྱོང་གི་བཅའ་ཁྲིམས་དང་ཁྲིམས་སྲོལ་དྲིལ་སྒྲོག། རྒྱུན་གཏན་གྱི་ཞིབ་བཤེར་ལྟ་སྐུལ་དང་། ཁེ་ལས་ཀྱིས་ནན་ཏན་སྒོས་འབྲེལ་ཡོད་ཁྲིམས་ལུགས་དང་ཁྲིམས་སྲོལ་དོན་འཁྱོལ་བྱེད་པ། ཁོར་ཡུག་སྲུང་སྐྱོབ་ཀྱི་འགན་འཁྲི་གཙོ་བོ་དོན་འཁྱོལ་བྱ་རྒྱུར་ཤུགས་སྣོན་བྱེད་དགོས་པའི་བླང་བྱ་བཏོན་པ་ཡོད་པ་མ་ཟད། མི་ཚང་མ་ཟབ་ཞུགས་དང་མཉམ་དུ་ལྟ་སྐུལ་བྱེད་པ། གནམ་སྔོན་སྤྲིན་དཀར་མཉམ་སྲུང་བྱེད་པ་བཅས་ཀྱི་རྣམ་པ་མངོན་པའི་རླུང་ཁམས་ཆེན་མོ་རྫོད་པ་འགོག་བཅོས་བྱེད་པའི་རྣམ་པ་བཟང་པོ་ཞིག་གཏོད་ཀྱི་ཡོད།