མདའ་བཞི་རྫོང་གི“དམངས་འཚོ་ནོར་སྲིད”ཀྱིས“བདེ་སྐྱིད་མདའ་བཞི”སྔར་བས་དོན་ལྡན་དུ་བྱས་པ།

རྩོམ་སྒྲིག   སངས་དོན།    ཡོང་ཁུངས།  མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས།    བཤེར་འབེབས།   རིན་ཆེན་ཚེ་རིང་།

ད་ལོ་ནས་བཟུང་། མདའ་བཞི་རྫོང་གིས་ཁྱབ་ཁོངས་གལ་ཆེན་དང་འགག་རྩའི་ལྷུ་ཚིགས་ལ་དམིགས་ནས། ཁྱོན་ཡོངས་རང་བཞིན་དང་རྨང་གཞིའི་རང་བཞིན། མཐའ་སྐྱོང་རང་བཞིན་བཅས་ཀྱི་དམངས་འཚོ་འཛུགས་སྐྱོང་ལ་ཤུགས་བསྣོན་བྱས་ཏེ། དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཁྲོད་དམངས་འཚོའི་བདེ་སྐྱིད་ཇེ་ཆེར་བཏང་སྟེ། མི་དམངས་མང་ཚོགས་ཀྱི་ཐོབ་སྣང་དང་སྐྱིད་སྣང་། བདེ་སྣང་བཅས་སྔར་བས་དམ་ཚགས་ཡིན་པ་དང་སྔར་བས་འགན་ལེན་ཡོད་པ། སྔར་བས་རྒྱུན་མཐུད་ཐུབ་པ་བྱས་ཡོད།

“དམངས་འཚོ་ནོར་སྲིད”ཀྱི་རྨང་གཞི་རྒྱུན་ཆད་མེད་པར་བརྟན་དུ་བཏང་བ། མ་དངུལ་འཇོག་པར་འགན་སྲུང་བྱེད་ཤུགས་ཆེ་རུ་བཏང་བ་དང་མ་དངུལ་བགོ་བཤའ་རྒྱག་སྟངས་འཐུས་ཚང་དུ་བཏང་ནས་ཞིང་ཕན་དམངས་ཕན་གྱི་སྲིད་ཇུས་ཁག་དོན་འཁྱོལ་ཧུར་ཐག་བྱས། 2024ལོར། ནོར་སྲིད་སྦྲེལ་མཐུད་ཀྱི་གྲོང་གསེབ་དར་རྒྱས་ལ་སྐུལ་འདེད་གཏོང་བའི་ཁ་གསབ་མ་དངུལ་སྒོར་ཁྲི10975བགོ་བཤའ་དང་བེད་སྤྱོད་བྱས་ནས་གྲོང་གསེབ་དར་རྒྱས་ཀྱི་ཐད་དུ་སྲ་ཞིང་བརྟན་པའི་ནོར་ཤུགས་ཀྱི་འདེགས་སྐྱོར་མཁོ་འདོན་བྱས་ཤིང་། ཚད་གཞི་ཇེ་མཐོར་གཏོང་བའི་བླང་བྱ་མུ་མཐུད་དུ་དོན་འཁྱོལ་བྱས་ཏེ། གཞི་རྩའི་སྤྱི་པའི་འཕྲོད་བསྟེན་ཞབས་ཞུའི་གྲོན་དངུལ་དང་གཞི་རྩའི་སྨན་བཅོས་འགན་བཅོལ་གྱི་མི་རེའི་ཆ་སྙོམས་ཀྱི་ནོར་སྲིད་ཁ་གསབ་ཚད་གཞི་ཇེ་མཐོར་བཏང་བས། མང་ཚོགས་ཀྱིས་སྨན་པ་བསྟེན་དཀའ་བ་དང་ནད་བཅོས་རིན་གོང་ཆེ་བའི་གནད་དོན་དེ་ཕན་ནུས་ལྡན་པའི་སྒོ་ནས་ཐག་གཅོད་ཐུབ་ཡོད། མ་མཐའི་འཚོ་བའི་འགན་སྲུང་གི་ཚད་གཞི་དང་གཟིགས་སྐྱོང་བྱ་ཡུལ་སོགས་མི་སྣའི་འཆི་གོད་གྱོང་གསབ་དང་འཚོ་བའི་ཁ་གསབ་རོགས་དངུལ་གྱི་ཚད་གཞི་མཐོ་རུ་བཏང་སྟེ། མི་དམངས་མང་ཚོགས་ཀྱི་ཐོབ་སྣང་དང་སྐྱིད་སྣང་། བདེ་སྣང་བཅས་སྔར་བས་འགན་ལེན་ཐུབ་པར་བྱས། 

“དམངས་འཚོ་ནོར་སྲིད”ཀྱི་མིང་བྱང་ཟམ་མི་ཆད་རྒྱ་སྐྱེད་བཏང་བ། འཕེལ་རྒྱས་ཀྱི་འདུ་ཤེས་གསར་པ་ཕྱོགས་ཡོངས་ནས་ལག་བསྟར་བྱེད་པ་དང་། དུས་རབས་གསར་པར་དཔལ་འབྱོར་ལས་དོན་ཡག་པོ་སྒྲུབ་པའི་ཆོས་ཉིད་རང་བཞིན་གྱི་ངོས་འཛིན་ཟབ་ཏུ་གཏོང་བ།“དམངས་ཆེད་ནོར་སྲིད”ཀྱི་འདུ་ཤེས་བརྟན་པོ་འཛུགས་པ།“གཞི་རྩ་འགན་ལེན་དང་མ་མཐའི་མཚམས་ཐིག་སྲུང་བ། དོ་སྙོམས་ལ་སྐུལ་འདེད། སྤུས་ཚད་མཐོ་རུ་གཏོང་བ”བཅས་ཀྱི་ཐོག་ནས་རྒྱུ་ནོར་དོ་དམ་གྱི་བླང་བྱར་བརྩི་སྲུང་ཞུ་བ། “འགན་ལེན་གསུམ”གྱི་མ་མཐའི་མཚམས་ཐིག་མུ་མཐུད་བརྟན་དུ་གཏོང་བ་བཅས་བྱས་ཏེ། ཚད་ཡོད་ཀྱི་ནོར་ཤུགས་དེ་དམངས་འཚོའི་ཁྱབ་ཁོངས་ལ་ཕྱོགས་ནས་དམངས་འཚོའི་དངུལ་གཏོང་དེ83%ཡན་བརྟན་པོ་ཡོང་བའི་འགན་ལེན་བྱས། 2024ལོའི་དུས་ཚིགས་དང་པོ་ནས་གསུམ་པའི་བར་སྤྱིར་བཏང་གི་སྤྱི་པའི་སྔོན་རྩིས་གཏོང་སྒོ་སྒོར་ཁྲི99662ཡིན་ལ། དེའི་ནང་། དམངས་འཚོའི་ཁྱབ་ཁོངས་ཀྱི་གཏོང་སྒོ་སྒོར་ཁྲི83818ཡིན། དེས་བསྡུར་ཚད་ཀྱི84.1%བཟུང་ཡོད་པ་རེད། 

“དམངས་འཚོ་ནོར་སྲིད”ཀྱི་རྨང་གཞི་རྒྱུན་ཆད་མེད་པར་བརྟན་དུ་བཏང་བ། གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་བ་འགན་ལེན་དང་གནས་སྐབས་རོགས་སྐྱོབ། དབང་པོ་སྐྱོན་ཅན་གྱི་ཁ་གསབ་ཁག་གཉིས་སོགས“དམངས་སྲིད་ལས་སྒོ་དང་ནོར་སྲིད་ལྟ་སྐུལ་དོ་དམ་གཞི་གཅིག་ཅན”གྱི་ལས་སྟེགས་བརྒྱུད་དེ་མ་དངུལ་སྤྲོད་པའི་ཕན་འབྲས་ཆེ་རུ་བཏང་ནས་མ་དངུལ་བདེ་འཇགས་འགན་ལེན་ནུས་ལྡན་བྱས། 2024ལོར། དམངས་འཚོའི་ཁ་གསབ་རོགས་དངུལ་ཁྱོན་སྡོམ་སྒོར་ཁྲི1140.52ཡིན་ལ། དཀའ་ངལ་ཡོད་པའི་མང་ཚོགས4101ལ་སྒོར་ཁྲི896.14སྤྲད། གཟིགས་སྐྱོང་བྱ་ཡུལ་མི101ལ་ཁ་གསབ་རོགས་དངུལ་སྒོར་ཁྲི75.26སྤྲད། རང་བརྟེན་ལས་ཞུགས་ཀྱི་སྤྲོད་ཐེངས་གཅིག་གི་དཔལ་འབྱོར་ཁ་གསབ་རོགས་དངུལ་མི10ལ་སྒོར་ཁྲི101.02སྤྲད་པ། འོས་འགན་དམག་མིའི་ཁྱིམ་ཚང་གི་མི30ལ་སྒོར་ཁྲི52.5ཡི་གཟིགས་སྐྱོང་སྤྲད། སློབ་ཆེན་སློབ་མར་སྤྲོད་ཐེངས་གཅིག་གི་ཁ་གསབ་མི13ལ་སྒོར་ཁྲི15.6སྤྲད་དེ་ནོར་སྲིད་ཀྱི་དྲོད་སྣང་དེ་དམངས་ཡོངས་ལ་ཁྱབ་པར་བྱས་ཡོད།