མདའ་བཞི་རྫོང་གིས་རྒྱལ་ཁབ་ཀྱི་ལོ་རྒྱུས་རིག་གནས་གྲོང་ཁྱེར་གྲགས་ཅན་མགྱོགས་མྱུར་ངང་བསྐྲུན་པ།

རྩོམ་སྒྲིག སངས་རྒྱས་སྐྱིད། ཡོང་ཁུངས། མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།

ད་ལོར། མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་ལོ་རྒྱུས་རིག་གནས་གྲོང་ཁྱེར་གྲགས་ཅན་དང་པོ་ཡིན་པའི་མཚོ་བྱང་ཁུལ་མདའ་བཞི་རྫོང་གིས་རྒྱལ་ཁབ་རིམ་པའི་ལོ་རྒྱུས་རིག་གནས་གྲོང་ཁྱེར་གྲགས་ཅན་འཛུགས་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་བཞིན་ཡོད་ལ།  མ་རྡུལ་མཁར་གྱི་ལོ་རྒྱུས་རིག་གནས་ཐོན་ཁུངས་ལ་བརྟེན་ནས་ལམ་སྲོལ་འཐུས་ཚང་དང་སྲུང་སྐྱོང་བེད་སྤྱོད།  བྱེད་ནུས་བསྐྱར་འཛུགས་བཅས་ཀྱི“བྱ་འགུལ་ཆེན་པོ་གསུམ”སྤེལ་བ་བརྒྱུད་ལོ་རྒྱུས་རིག་གནས་ཀྱི་གསར་གཏོད་བྱེད་ཐབས་རབ་དང་རིམ་པ་སྤེལ་ནས།  “ལོ་རྒྱུས་རིག་གནས་གྲོང་ཁྱེར་གྲགས་ཅན་གྱི་རེ་ཞུའི”ལས་དོན་ནུས་ལྡན་དང་གོ་རིམ་ལྡན་ཞིང་སྤུས་ཚད་མཐོ་བའི་སྒོ་ནས་སྐུལ་འདེད་བཏང་ཡོད།

མདའ་བཞི་རྫོང་གིས་ལམ་ལུགས་གསར་གཏོད་ལ་བརྟེན་ནས་ལོ་རྒྱུས་ཐོན་ཁུངས་ཀྱི་རིན་ཐང་སྐུལ་སློང་བྱས་ཏེ“སྲིད་ཇུས་འགན་ལེན་དང་ཆེད་ལས་མཐུན་སྦྱོར། ཐོན་ལས་མཉམ་འདྲེས”བཅས་ཀྱི་རྒྱུན་མཐུད་འཕེལ་རྒྱས་ཀྱི་རྣམ་པ་བསྐྲུན་ཡོད། རྫོང་ཨུའི་ཧྲུའུ་ཅི་དང་རྫོང་དཔོན་གཉིས་ཀྱིས་གྲུབ་པའི“ཚན་གཙོ་གཉིས”ཀྱིས་གསར་འཛུགས་ལས་དོན་ལ་སྐུལ་འདེད་བཏང་བ་དང་ད་ལོར་སྡོད་ཁང་དང་གྲོང་ཁྱེར།  གྲོང་གསེབ་འཛུགས་སྐྲུན་པུ་རུ་ཆེད་དོན་སྙན་ཞུ་འབུལ་བར་བསྐྱོད་ནས་པུ་ཨུའི་ཆེད་དོན་ལག་རྩལ་རྒྱབ་སྐྱོར་རྣམ་གྲངས12བརྩོན་ལེན་བྱས་པ་དང་། སྲུང་སྐྱོང་དོ་དམ་གྱི་ཆེད་དོན་མ་དངུལ་སྒོར་ཁྲི1000བཙུགས་ནས《རྒྱལ་ཁབ་ཀྱི་ལོ་རྒྱུས་རིག་གནས་གྲོང་ཁྱེར་གྲགས་ཅན་གྱི་སྙན་ཞུའི་ཡིག་ཆ》སོགས་འཆར་འགོད་ཁག་ལྔ་བཟོ་འགོད་ལེགས་གྲུབ་བྱས་པ་རེད། ཀྲུང་གོའི་གྲོང་ཁྱེར་འཆར་འགོད་ཇུས་འགོད་ཞིབ་འཇུག་ཁང་ལ་སྲང་ལམ་གཉིས་ཀྱི་ཞིབ་ཚད་མཐོ་བའི་ཐིག་ལེན་རིས་འབྲིའི་ཡིག་ཚགས་ལེགས་གྲུབ་བྱ་རྒྱུའི་མངགས་བཅོལ་བྱས་པ་དང་། “ཀྲུང་གོའི་ཀྲུང་གོའི་འཆར་འགོད་ཁང་དང་ཞིང་ཆེན་སྡོད་ཁང་འཛུགས་སྐྲུན་ཐིང་། ས་གནས་ཆེད་མཁས་པ”བཅས་རིམ་པ་གསུམ་གྱི་ལྟ་སྐུལ་སློབ་སྟོན་ལམ་སྲོལ་བཙུགས་ནས།《རྒྱལ་ཁབ་ཀྱི་ལོ་རྒྱུས་རིག་གནས་གྲོང་ཁྱེར་གྲགས་ཅན་སྲུང་སྐྱོང་འཆར་འགོད》དང《མ་རྡུལ་མཁར་རིག་གནས་སྲུང་སྐྱོབ་སྡེ་ཚན་གྱི་ཆེད་དོན་སྲུང་སྐྱོང་འཆར་འགོད》སོགས་ལྟེ་བའི་འཆར་འགོད་ཁག་གསུམ་བཟོས་པ་དང་།     རིག་གནས་སྲུང་སྐྱོབ་སྡེ་ཚན90“ཐིག་གཉིས”ཁྱབ་ཁོངས་ཀྱི་ས་ཁོངས་ཡོངས་ཀྱི་གཞི་གྲངས་ཅན་གྱི་དོ་དམ་ཚོད་འཛིན་མངོན་འགྱུར་བྱུང་ཡོད། “མྱུར་སྐྱོབ་རང་བཞིན་གྱི་སྲུང་སྐྱོང་དང་སྔོན་འགོག་རང་བཞིན་གྱི་སྲུང་སྐྱོབ”གྱི་ལམ་སྲོལ་གཉིས་བཙུགས་པ་དང་། ལོ་རྒྱུས་ཀྱི་བཟོ་བཀོད60ལ་དྲོད་ཚད་དང་བརླན་ཚད།   འདར་འགུལ་ལྟ་ཞིབ་ཚད་ལེན་བཅས་བྱས་ཤིང་། རིག་དངོས་སྐོར་ཞིབ་རུ་ཁག་བཙུགས་ནས་རྒྱུན་གཏན་གྱི་སྐོར་ཞིབ་བྱས་པ་དང་ཞི་ཨན་ཚན་རྩལ་སློབ་ཆེན་སོགས་དང་རིག་གནས་སྲུང་སྐྱོང་དང་ལག་རྩལ་སྲུང་སྐྱོང་ལམ་སྲོལ་མཉམ་སྐྲུན་བྱས་ཡོད།

མདའ་བཞི་རྫོང་གིས“ཁྱིམ་ཚང་གི་གནས་ཚུལ་ཤེས་རྟོགས་དང་གནད་ལ་འཁེལ་བའི་ཐབས་ཇུས་ལག་བསྟར་བྱེད་པ”ལྟེ་བར་བྱས་ཏེ།“ཡོངས་ཁྱབ་ཞིབ་བཤེར་ངོས་འཛིན་དང་ལག་རྩལ་སྲུང་སྐྱེལ།   མྱུར་སྐྱོབ་ཉམས་གསོ”གསུམ་གཞི་གཅིག་གི་སྲུང་སྐྱོང་མ་ལག་བཙུགས་པ་ཡོད་པ་དང་། ས་ཁོངས་ཡོངས་ཀྱི་ལོ་རྒྱུས་ཐོན་ཁུངས་ཡོངས་ཁྱབ་ཞིབ་བཤེར་རྒྱུད་རིམ་ལྡན་པའི་སྒོ་ནས་སྤེལ་བ་དང་།  ནུབ་མཚོ་སྲང་ཆེན་དང་མཁར་ཟུར་གསུམ་ཁུལ་ཁ་བའི་ཞིང་ཆེན་རིམ་པའི་ལོ་རྒྱུས་རིག་གནས་ཁྲོམ་གཞུང2གསར་དུ་ངོས་འཛིན་བྱས་ཤིང་། རྐང་ཚ་ལམ་དང་དྲུག་གཅིག་སྲང་ལམ་སོགས་ལོ་རྒྱུས་ཁྲོམ་གཞུང4སྔོག་འདོན་བྱས་ཡོད། ལོ་རྒྱུས་ཀྱི་བཟོ་བཀོད104གསར་དུ་རྙེད་པས། “ཞིང་ཆེན་རིམ་པའི་ཁྲོམ་གཞུང2+ལོ་རྒྱུས་ཀྱི་བཟོ་བཀོད60+ལོ་རྒྱུས་ཁྲོམ་གཞུང4”ཡི་སྲུང་སྐྱོང་དྲ་རྒྱ་ཆགས་པ་དེ་རྒྱལ་ཁབ་ཀྱི་གྲོང་ཁྱེར་གྲགས་ཅན་གྱི་རེ་ཞུའི་ཚད་གཞི་ལས་བརྒལ་ཡོད། ཆེད་དོན་མ་དངུལ་སྒོར་དུང་ཕྱུར7བཏང་ནས་མ་རྡུལ་མཁར་གྱི་རིག་གནས་སྲུང་སྐྱོབ་སྡེ་ཚན8ལ་མྱུར་སྐྱོབ་རང་བཞིན་གྱི་ཉམས་གསོ་ལག་བསྟར་བྱས་པ་དང་། རྐང་ཚ་ལམ་སོགས་ལོ་རྒྱུས་ཀྱི་ཁྲོམ་ལམ་དང་སྲང་ལམ། སྦུག་ལམ་བསྒྱུར་བཀོད་དང་ལམ་ངོས་འདིང་བ་སོགས་རྨང་གཞིའི་སྒྲིག་བཀོད་རིམ་སྤོར་ལས་གཞི་ཁག20ལེགས་གྲུབ་བྱུང་བ་དང་།  ལོ་རྒྱུས་ཀྱི་བཟོ་སྐྲུན་འཐུས་ལེགས་བྱུང་ཚད78%ནས92%ཕྱིན་ཡོད།  ལོ་རྒྱུས་རིག་གནས་ཁྲོམ་གཞུང་ཁག་གསུམ་པའི(ཁུལ་ཁ་བའི་སྲང་ལམ)རེ་ཞུ་གྲ་སྒྲིག་དུས་མཉམ་དུ་སྤེལ་མགོ་ཚུགས་ཡོད།

མདའ་བཞི་རྫོང་གིས“ལོ་རྒྱུས་ཀྱི་བར་སྟོང་གསོན་འགྱུར་དང་མི་སྡོད་ཁོར་ཡུག་ལེགས་བཅོས”ཀྱི་དམིགས་ཚད་གཉིས་ལ་དམིགས་ནས《ལོ་རྒྱུས་ཁྲོམ་གཞུང་ཉམས་གསོ་ལག་རྩལ་མཛུབ་ཁྲིད་སྲོལ་ཡིག》སྒྲིག་བཟོ་བྱས་ཏེ།    རིག་དངོས་ས་ཚིགས22ལ་དོ་དམ་ཚོད་འཛིན་བྱས་པ་དང་ཁྲིམས་འགལ་གྱི་འཛུགས་སྐྲུན་ས་ཚིགས43བཤིག་པ་དང་།  སྲོལ་རྒྱུན་གྱི་ཡུལ་མིའི་སྡོད་ཁང་གི་ཕྱི་ངོས་ཁ་སྨི་ཁྲི2.1ཉམས་གསོ་བྱས་ཡོད། ལོ་རྒྱུས་ཁྲོམ་གཞུང་གི་གདོད་མའི་རྣམ་པ་སོར་འཇོག་བྱས་ཚད85%ཟིན་ཡོད། སྒོར་དུང་ཕྱུར7བཏང་ནས་གསར་བརྗེའི་རིག་གནས་གྲོང་རྡལ25བསྐྲུན་པ་དང་། གཟུགས་འདས་ཤུལ་བཞག་རིག་གནས་འགྲེམས་སྟོན་ལྟེ་གནས་དང་མ་རྡུལ་མཁར་གསར་བརྗེའི་དྲན་ཤེས་ཁང་སོགས་རིག་གནས་ཀྱི་ས་རྟགས3བསྐྲུན་ནས་གནས་སྐོར་བའི་ཞབས་ཞུའི་ལྟེ་གནས་དང་རིག་གནས་གསར་གཏོད་ཁྲོམ་ར་སོགས་དེང་རབས་ཀྱི་བྱེད་ནུས་བར་སྟོང་ནང་འཇུག་བྱས་ཏེ“རྙིང་པ་ཞིག་གསོ་བྱེད་པ་དང་རྙིང་པའི”དཔེ་མཚོན་ཁུལ་ཆགས་སུ་བཅུག་ཡོད། རིག་གནས་སྲུང་སྐྱོང་སྡེ་ཚན8ཀྱི་རྨང་གཞིའི་སྒྲིག་བཀོད་མཐོར་གཏོང་དང་གཞིས་ཁུལ་རྙིང་པའི་ཆུ་འདྲེན་སྦུག་དྲ་སྤྱི་ལེ12སྒྱུར་བཀོད་བྱས་ཤིང་། ལོ་རྒྱུས་ཁྲོམ་གཞུང་གི་མེ་གསོད་སྒྲིག་བཀོད58གསར་དུ་བསྣན་པ་བཅས་ལེགས་འགྲུབ་བྱུང་ཡོད། “མདེལ་གཉིས་སྐར་གཅིག”ཞིབ་སློབ་སློབ་ཚན་གསར་སྤེལ་བྱས་པ་དང་གསར་བརྗེའི་རིག་གནས་གཟའ་འཁོར་དང་གཟུགས་འདས་ཤུལ་བཞག་རིག་གནས་འགྲེམས་སྟོན་སོགས་ཀྱི་བྱེད་སྒོ་ཐེངས27སྤེལ་བ་དང་ལས་རིགས་ཀྱི་ཡོང་འབབ་དུས་མཚུངས་ལས40%འཕར་ཡོད། མཚོ་སྔོན་པོ་དང་མ་རྡུལ་མཁར། སྨོན་ལམ་མཐོན་པོ་སོགས་རིག་གནས་གནས་སྐོར་ཐོན་ཁུངས་སྦྲེལ་མཐུད་བྱས་ཏེ། “གསར་བརྗེའི་རྩྭ་ཐང”གི་གནས་སྐོར་སྤུས་ལེགས་ལམ་ཐིག3བསྐྲུན་ཡོད།《གསེར་དངུལ་ཐང་གི་ལོ་རྒྱུས་སྙན་ངག》སོགས་ཆེད་དོན་དྲིལ་སྒྲོག་གློག་བརྙན4བཟོས་པ་དང་། མ་རྡུལ་མཁར་གྱི་རྗེས་དྲན་རྟགས་མ་དང་ཆཱང་གི་འཚེམ་དྲུབ་ཀྱི་གཟུགས་འདས་ཤུལ་བཞག་རིག་གནས་སོགས་རིག་གནས་གསར་གཏོད་ཐོན་རྫས་རིགས120ལྷག་ཙམ་གསར་སྤེལ་བྱས་ཡོད།