མི་དང་རང་བྱུང་འཆམ་མཐུན་མཉམ་གནས་ཀྱི་ཀྲུང་གོའི་ལུགས་ཀྱི་དེང་རབས་ཅན།

རྩོམ་སྒྲིག  དོན་འགྲུབ་མཚོ། ཡོང་ཁུངས། མཚོ་སྔོན་བོད་ཡིག་གསར་འགྱུར་ཚགས་པར། བཤེར་འབེབས།  རིན་ཆེན་ཚེ་རིང་།

མི་དང་རང་བྱུང་ནི་ཚེ་སྲོག་གཅིག་མཐུན་ཚོགས་པ་ཡིན། རང་བྱུང་ལས་ཅི་མཁོ་ཚིམ་པ་མེད་པར་ལེན་པ་དང་། དེ་ལས་ཀྱང་རང་བྱུང་ལ་གཏོར་བརླག་ཚད་མེད་དུ་བཏང་བ་ཡིན་ན། རང་བྱུང་གི་ཆགས་འཇིག་ཕྱིར་རང་ཐོག་ཏུ་འཁོར་ངེས་ཡིན། ང་ཚོས་རྒྱུན་མཐུད་འཕེལ་རྒྱས་དང་གྲོན་ཆུང་དང་སྲུང་སྐྱོབ་སྔོན་དུ་འགྲོ་བ། རང་བྱུང་སླར་གསོ་གཙོ་བོར་འཛིན་པའི་བྱེད་ཕྱོགས་རྒྱུན་འཁྱོངས་བྱས་ཏེ། རང་ཉིད་ཀྱི་དཔྲལ་བའི་མིག་བཞིན་རང་བྱུང་དང་སྐྱེ་ཁམས་ཁོར་ཡུག་སྲུང་སྐྱོབ་བྱེད་པ་དང་། ཐོན་སྐྱེད་འཕེལ་རྒྱས་དང་འཚོ་བ་འབྱོར་ཕྱུག སྐྱེ་ཁམས་ཡག་པོ་བཅས་ཀྱི་དཔལ་ཡོན་དང་ལྡན་པའི་འཕེལ་རྒྱས་ཀྱི་བགྲོད་ལམ་དུ་བློ་བརྟན་འགྱུར་མེད་ངང་བསྐྱོད་དེ། ཀྲུང་ཧྭ་མི་རིགས་འཕེལ་རྒྱས་འབྱུང་བར་འབད་དགོས།