ཚྭ་མཚོའི་སྐྱེ་ཁམས་ཁོར་ཡུག མཛེས་པའི་ཀྲུང་གོའི་རི་མོ།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།  བཤེར་འབེབས།  རིན་ཆེན་ཚེ་རིང་།

ནམ་མཁའ་རུ་སྤྲིན་དང་ས་ངོས་སུ་ཚྭ་ཡོད་ལ།  འདམ་རྩྭ་རླུང་གིས་སྐྱོད་ཅིང་བྱེའུས་སྐད་སྙན་སྒྲོག  ཚྭ་མཚོའི་རང་བྱུང་མཛེས་ལྗོངས་ངོ་མཚར་ཆེ་ཞིང་།  མེ་ལོང་ཞིག་དང་གཉིས་སུ་མེད་པར་ནམ་མཁའ་ལྡོག་གཟུགས་སུ་ཤར་ཏེ།  ཆུ་ལ་གནམ་ཤར་ཞིང་གནམ་ས་གཅིག་ཏུ་འདྲེས་པ་ལྟར་སྣང་།  མི་རྣམས་མཚེའུ་འགྲམ་དུ་བསྐྱོད་ཚེ།  རི་མོའི་ནང་དུ་བསྐྱོད་པ་ལྟ་བུའི་ལྗོངས་རྣམ་མངོན་ཡོང་།

ཉེ་བའི་ལོ་འདི་དག་ལ།  ཚྭ་མཚོའི་མཛེས་ལྗོངས་ཁུལ་གྱིས་རང་བྱུང་གི་མཛེས་ལྗོངས་ལ་བརྟེན་ཏེ། “བཟོ་ལས+གནས་སྐོར”གྱི་དཔེ་དབྱིབས་ཧུར་ཐག་གིས་འཚོལ་ཞིབ་བྱས་ཤིང་།  “ནམ་མཁའི་མེ་ལོང”གི་གནས་སྐོར་ཟོང་རྟགས་ལེགས་པར་བསྐྲུན་ནས།  ཚན་རིག་དང་མཐུན་པའི་སྒོ་ནས་འཕེལ་རྒྱས་གནས་བབ་གསར་བའི་འོག་གི་གནས་སྐོར་ལས་རིགས་འཕེལ་རྒྱས་ཀྱི་ཁྱད་ཆོས་དམ་འཛིན་བྱས་ཏེ།  རིག་གནས་དང་གནས་སྐོར། རང་བྱུང་ཁམས།  སྐྱེ་ཁམས་སོགས་སྣ་མང་མཉམ་བརྩེགས་ཀྱི་ལེགས་ཆ་ལ་རྐང་བཙུགས་ནས།  རྒྱལ་སྤྱིའི་སྐྱེ་ཁམས་གནས་སྐོར་གནས་ཡུལ་འཛུགས་སྐྲུན་ཁྲོད་ཧུར་ཐག་ངང་ཞུགས་ཡོད།  ཚྭ་མཚོའི་མཛེས་ལྗོངས་ཁུལ་གྱིས་སྲུང་སྐྱོབ་ཀྱི་ཁྲོད་ནས་གསར་སྤེལ་བྱེད་པ་དང་།  གསར་སྤེལ་གྱི་ཁྲོད་ནས་སྲུང་སྐྱོབ་བྱེད་པའི་འཕེལ་རྒྱས་འདུ་ཤེས་རྒྱུན་འཁྱོངས་བྱས་ཏེ།  ཚྭ་མཚོའི་མཛེས་ལྗོངས་ཁུལ་དུ་གནས་སྐོར་འཕེལ་རྒྱས་གཏོང་བ་དང་ལྷན་དུ་ཚྭ་མཚོའི་སྐྱེ་ཁམས་མིག་བཞིན་བསྲུངས་ནས།  རྒྱ་ཆེའི་གནས་སྐོར་བ་རྣམས་ཀྱི་དགོས་མཁོ་སྐོང་བའི་ཞོར་ལ་ནམ་མཁའི་མེ་ལོང་སྟེ་ཚྭ་མཚོའི་དྭངས་གཙང་ལའང་སྲུང་སྐྱོབ་བྱས་ཡོད། 

ཚྭ་མཚོའི་ལྗོངས་ཁུལ་གྱིས་མཛེས་ལྗོངས་ཁུལ་གྱི་ལྗང་བསྒྱུར་བྱ་བ་ཧུར་ཐག་གིས་བསྒྲུབས་ནས།  མཛེས་ལྗོངས་ཁུལ་གྱི་ལྗང་བསྒྱུར་ཚད100%ལ་སླེབས་པ་དང་།  ཚད་གཞི་མཐོ་བའི་བཙོག་ཆུ་གཙང་སེལ་བཟོ་གྲྭ་གསར་དུ་བཙུགས་ཏེ།  མཛེས་ལྗོངས་ཁུལ་གྱི་བཙོག་ཆུ་འཁོར་རྒྱུག་བེད་སྤྱོད་མངོན་འགྱུར་བྱས་ཤིང་།  ཤུགས་ཆེན་པོས་ཚྭ་མཚོའི་ཆུའི་སྐྱེ་ཁམས་ལ་སྲུང་སྐྱོབ་བྱས་ནས།  དེང་གི་ཚྭ་མཚོའི་སྐྱེ་ཁམས་ཁོར་ཡུག་ལ་རྒྱུན་མཐུད་ལེགས་སྒྱུར་ཐུབ་སྟེ།  ངུར་བ་དང་ཤེ་མ་གདོང་ཞོ།  རྒོ་བ།  ཁྲུང་ཁྲུང་སྐེ་ནག་སོགས་རི་སྐྱེས་སྲོག་ཆགས40ལྷག་གིས་རྒྱུད་སྤེལ་ཞིང་འཚོ་བ་རོལ་བའི་ཁྱིམ་གཞིས་སུ་གྱུར་ཡོད།

ཚྭ་མཚོའི་ངུར་བ།

ཚྭ་མཚོའི་ཤེ་མ་གདོང་ཞོ།

ཚྭ་མཚོའི་སྐྱར་མོ་རྐང་རིང་གཤོག་ནག

ཚྭ་མཚོའི་འདམ་རྩྭ།