མཚོ་སྔོན་པོའི་ཁེ་རམ་ཐང་དུ་བག་ཡངས་ངང་རྒྱུ་བའི་ཁྲུང་ཁྲུང་སྐེ་ནག

རྩོམ་སྒྲིག  དོན་འགྲུབ་མཚོ།  ཡོང་ཁུངས།  འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།  བཤེར་འབེབས།  རིན་ཆེན་ཚེ་རིང་།

སྟོན་མགོའི་དུས་ཚིགས་སུ།  མཚོ་སྔོན་པོའི་བྱང་ངོས་ཀྱི་ཁེ་རམ་ཐང་དུ་རྩྭ་མདོག་སེར་པོར་གྱུར་ཅིང་མཚོ་ཆུ་ཆལ་ཆིལ་གཡོ།  རི་སྐྱེས་སྲོག་ཆགས་རྣམས་དེའི་ཁྲོད་དུ་བག་ཡངས་ངང་རྒྱུ་ཞིང་།  རི་ཆུ་དང་མཚེའུ།  རྩི་ཤིང་ཐམས་ཅད་ཕན་ཚུན་འདྲེས་ཤིང་གཅིག་ལ་གཅིག་བརྟེན་ངང་གནས་ཏེ།  འཆམ་མཐུན་མཛེས་སྡུག་གི་སྐྱེ་ཁམས་རི་མོ་ཞིག་ཞལ་ཕྱེ་བ་དང་གཉིས་སུ་མེད།  ཉེ་ལམ།  རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་ཁྲུང་ཁྲུང་སྐེ་ནག་ཁྱུ་དང་ཁྱུ་བྱས་ཏེ་ཁེ་རམ་ཐང་གི་མཛེས་ལྗོངས་ཁུལ་དུ་རྒྱུ་བཞིན་ཡོད་ལ།  སྐབས་རེར་མགོ་བསྒུར་ནས་རྒུམ་བུ་འཐུ་བའམ།  སྐབས་རེར་མགོ་དགྱེ་ནས་སྐད་སྙན་སྒྲོག་པ།  སྐབས་རེར་ཆ་བསྡེབས་ཏེ་ཆུ་ལ་རྐྱལ་བ་སོགས་བྱས་ནས།  སྟོན་ཁའི་མཚོ་སྔོན་པོར་གྲུང་ཤ་དང་སྐྱེས་སྟོབས་གསར་བ་ཞིག་བསྣན་ཡོད། 

ཁེ་རམ་ཐང་མཛེས་ལྗོངས་ཁུལ་ནི་མཚོ་སྔོན་པོའི་བྱང་ངོས་སུ་ཡོད་ལ།  མཚོ་སྔོན་པོའི་རླན་ས་གལ་ཆེན་དང་ངང་བའི་ཁྱིམ་གཞིས་ཡིན།  སྐྱེ་དངོས་སྣ་མང་རང་བཞིན་ཕུན་སུམ་ཚོགས་པའི་ཁྱད་ཆོས་ལྡན་ཞིང་།  ཚེ་སྲོག་གི་འགུལ་སླེ་དང་དངོས་རིགས་ཀྱི་གཞི་རྒྱུའི་མཛོད།  འདབ་ཆགས་ཀྱི་དགའ་ཚལ་སོགས་ཀྱི་མཚན་སྙན་ཐོབ་ཡོད། 

ཉེ་བའི་ལོ་འདི་དག་ལ།  མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གིས་སྐྱེ་ཁམས་སྲུང་སྐྱོབ་བྱེད་ཤུགས་མུ་མཐུད་དུ་ཇེ་ཆེར་བཏང་ནས།  རྩྭ་ཐང་དང་ནགས་ཚལ།  རླན་ས།  བྱེ་འགྱུར་ས་ཆ་སོགས་ལ་སྲུང་སྐྱོབ་བྱེད་པའི་བསྐྱར་བསྐྲུན་བཟོ་བཀོད་གཏིང་ཟབ་སྒོས་ལག་བསྟར་བྱས་ཤིང་།  ཧུར་ཐག་ངང་མཚོ་སྔོན་པོའི་ཆུ་གསོག་ཚད་ཇེ་མང་དང་འབབ་རྒྱུད་ཀྱི་ཆུ་སྤུས་བརྟན་འཇགས།  རྩྭ་ཐང་ཕྱོགས་བསྡུས་སྔོ་ཁེབས་ཚད་ཇེ་མཐོ་བཅས་སུ་བཏང་སྟེ།  མཚོ་ཆུ་དྭངས་ཤིང་མཚོ་འགྲམ་གཙང་བ།  ཉ་དང་ཆུ་སྐྱར་མཉམ་དུ་རྩེན་པ།  མི་དང་མཚེའུ་འཆམ་མཐུན་མཉམ་གནས་བཅས་ཀྱི་མཛེས་པའི་ལྗོངས་རྣམ་གསར་བ་ཞིག་གྲུབ་ཡོད་པས།  རྒྱལ་ཡོངས་ཀྱི་མགྲོན་པོ་མང་པོ་གནས་འདིར་འགུག་བཞིན་ཡོད།

ཁེ་རམ་ཐང་དུ་བག་ཡངས་ངང་རྒྱུ་བའི་ཁྲུང་ཁྲུང་སྐེ་ནག

ཁེ་རམ་ཐང་དུ་བག་ཡངས་ངང་རྒྱུ་བའི་ཁྲུང་ཁྲུང་སྐེ་ནག

མཛེས་སྡུག་གི་ཁེ་རམ་ཐང་།

ཁེ་རམ་ཐང་གི་སྟོན་ཉམས།