ཁོང་ལ་“ཆེས་མཛེས་པའི་མཁའ་དབྱིངས་དོ་དམ་མི་སྣའི”མཚན་སྙན་ཐོབ་འདུག

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན། བཤེར་འབེབས། རིན་ཆེན་ཚེ་རིང་།

སྤྱི་ཟླ10པའི་ཚེས25ཉིན། པེ་ཅིང་ཧྲོའུ་ཀང་རྒྱལ་སྤྱིའི་ཚོགས་འགྲེམས་ལྟེ་གནས་སུ་འཚོགས་པའི་སྐབས་གཉིས་པའིCATA(ཀྲུང་གོ་མཁའ་སྐྱོད་འགྲིམ་འགྲུལ་མཐུན་ཚོགས)ཚོགས་ཆེན་ཐོག་དམངས་སྤྱོད་མཁའ་འགྲུལ་བོད་ལྗོངས་མཁའ་འགྲུལ་དོ་དམ་ལྟེ་གནས་ཀྱི་དོ་དམ་འཁོར་སྐྱོད་པུའི་ལིའུ་ཧའོ་ལ“ཆེས་མཛེས་པའི་མཁའ་དབྱིངས་དོ་དམ་མི་སྣ”ཞེས་པའི་གཟི་བརྗིད་མཚན་སྙན་སྤྲད་ཡོད།

ལིའུ་ཧའོ། ཕོ། སྤྱི་ལོ2015ལོར་མཁའ་དབྱིངས་དོ་དམ་ལྟེ་གནས་སུ་ལས་ཀ་བྱས་པ་དང་། ད་ལྟ་མཁའ་དབྱིངས་དོ་དམ་ལྟེ་གནས་དོ་དམ་འཁོར་སྐྱོད་པུའི་བར་སྣེའི་སྣེ་ཁྲིད་ཁང་གི་དགེ་རྒན་དང་སྣེ་ཁྲིད་ཀྲུའུ་རེན་གྱི་འགན་འཁུར་བཞིན་པ་དང་། ལོ10ལྷག་ཙམ་གྱི་ལས་ཀའི་བརྒྱུད་རིམ་ནང་བདེ་འཇགས་ལས་འཛོལ་གྱི་གནས་ཚུལ་གཅིག་ཀྱང་ཐོན་མེད། ལྷ་ས་གོང་དཀར་རྒྱལ་སྤྱིའི་གནམ་ཐངT3མཁའ་འགྲུལ་ས་ཚིགས་ཐོག་ཁང་གི་བཀོལ་སྤྱོད་དང་། གསར་དུ་བསྐྲུན་པའི་རྒྱུག་ལམ་གཉིས་པའི་བཀོལ་སྤྱོད། སྒྲོམ་སྟེགས་གསར་པ་སྤྱོད་འགོ་ཚུགས་པ་སོགས་གལ་ཆེའི་སྐྱེལ་འདྲེན་འགན་ལེན་ནང་ལེགས་སྐྱེས་ཧུར་ཐག་ཕུལ་ཡོད། རྒྱུག་ལམ་དུ་ཐོན་པའི་དོན་རྐྱེན་ཞིག་གི་ཁྲོད་ལས་གནས་ཀྱི་འགན་འཁྲི་ནན་སྲུང་ངང་བསྒྲུབས་པ་དང་དུས་ཐོག་ལ་ཤེས་རྟོགས་དང་འཕྲལ་ཐག་ཆོད་པོས་ཐག་གཅོད་བྱས་པས། དོན་རྐྱེན་ཐོན་རྒྱུ་ལས་གཡོལ་ཐུབ་པ་མ་ཟད་བྱང་ཆུབ་པའི་ལས་སྒོའི་རྩལ་ནུས་དང་ཕུལ་བྱུང་གི་ལས་ཀའི་སྤྱོད་ཚུལ་གང་ལེགས་མངོན་པར་བྱས་ཤིང་། དམངས་སྤྱོད་མཁའ་འགྲུལ་བོད་རང་སྐྱོང་ལྗོངས་དོ་དམ་ཅུ་ཡི་བྱ་དགའ་སྤྲད་ཡོད།

ཤེས་རྟོགས་བྱུང་བར་གཞིགས་ན། “ཆེས་མཛེས་པའི་མཁའ་དབྱིངས་དོ་དམ་མི་སྣ”ཞེས་པའི་གཟི་བརྗིད་མཚན་སྙན་ནི་སྐབས་གཉིས་པའི་ཀྲུང་གོ་མཁའ་འགྲུལ་འགྲིམ་འགྲུལ་མཐུན་ཚོགསCATAཚོགས་ཆེན་ཐོག་སྤྲོད་ཐེངས་དང་པོ་ཡིན་པ་དང་། རྒྱལ་ཡོངས་ཀྱི་དོ་དམ་མི་སྣ50ལ་མཚན་སྙན་དེ་ཐོབ་ཡོད།