ཁྱིམ་ཚང་རེ་རེར་སོང་ནས་བརྟག་དཔྱད་བྱ་རྒྱུ་རེད།

རྩོམ་སྒྲིག མཁའ་འགྲོ་མཚོ། ཡོང་ཁུངས། མི་དམངས་དྲ་བ། བཤེར་འབེབས། རིན་ཆེན་ཚེ་རིང་།

ཉེ་ཆར། རྒྱལ་ཁབ་སྡོམ་རྩིས་ཅུ་ཡིས《མི་འབོར་གྱི་གཏན་འཇགས་མ་དཔེའི་རྗེས་འདེད་བརྟག་དཔྱད་བྱ་ཡུལ་ལ་སྤྲིངས་པའི་འཕྲིན་ཡིག》ཁྱབ་བསྒྲགས་བྱས་ནས། 2025ལོར་རྒྱལ་ཡོངས་ཀྱི་ཁྱབ་ཁོངས་སུ་མི་འབོར་གྱི་གཏན་འཇགས་མ་དཔེའི་རྗེས་འདེད་བརྟག་དཔྱད་ཐེངས་གཉིས་སྤེལ་རྒྱུ་རེད། བརྟག་དཔྱད་ཐེངས་གཉིས་ཀྱི་ཚད་ལྡན་དུས་ཚོད་ནི་ཟླ6པའི་ཚེས1ཉིན་གྱི་ཆུ་ཚོད་ཀླད་ཀོར་དང་ཟླ11པའི་ཚེས1ཉིན་གྱི་ཆུ་ཚོད་ཀླད་ཀོར་ཡིན། ཟླ6པའི་ཚེས1ཉིན་ནས་ཟླ6པའི་ཚེས25ཉིན་དང་ཟླ11པའི་ཚེས16ཉིན་ནས་ཟླ12པའི་ཚེས5ཉིན་བར་གྱི་རིང་ལ། བརྟག་དཔྱད་པ་ཁྱིམ་ཚང་རེ་རེར་སོང་ནས་བརྟག་དཔྱད་ལས་དོན་སྤེལ་རྒྱུ་རེད། ཞིབ་ཕྲའི་གནས་ཚུལ་གཤམ་གསལ་ལྟར།