མཚོ་སྔོན་པོ་སྨོན་ལམ་མཐོན་པོའི་ཉིན་གཅིག་གི་གནས་སྐོར་བ་མི18475སླེབས།

2025-08-18 10:16:58 | 85

རྩོམ་སྒྲིག སངས་དོན། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར། བཤེར་འབེབས། རིན་ཆེན་ཚེ་རིང་།

ཟླ8པའི་ཚེས16ཉིན། མཚོ་སྔོན་པོ་སྨོན་ལམ་མཐོན་པོའི་ལྗོངས་ཁུལ་དུ་སླར་ཡང་མགྲོན་པོ་མང་པའི་རྣམ་པ་མངོན་ནས་ལྗོངས་ཁུལ་གྱི་གནས་སྐོར་བ་མི་གྲངས18475ལ་སླེབས། དེ་ནི་ཐེངས་སྔོན་མའི་གནས་སྐོར་པ་མང་པའི་དུས་ཚིགས་རྗེས་ཀྱི་ལྗོངས་ཁུལ་གྱི་ཉིན་གཅིག་གི་སྣེ་ལེན་བྱེད་ཚད་སླར་ཡང“མི་ཁྲི”ཡི་སྐས་རིམ་ལ་སླེབས་པ་ཞིག་རེད།

ཐེངས་འདིའི་མགྲོན་པོ་ཇེ་མང་དུ་ཕྱིན་པ་དེ་འོས་ཤིང་འཚམ་པའི་ནམ་ཟླ་དང་མདའ་བཞི་རྩྭ་ཐང་གི་རོལ་དབྱངས་དུས་ཆེན་གཟབ་རྒྱས་ངང་ཚོགས་མགོ་བརྩམས་པ་གཉིས་ཀྱི་མཐུན་རྐྱེན་གྱིས་གནས་སྐོར་བ་འབོར་ཆེན་ཞིག་རི་འཛེགས་བྱས་ནས་ཡུལ་ལྗོངས་ལ་ལྟ་སྐོར་བྱེད་པའི་ཡིད་དབང་བཀུག་ཡོད། ལྗོངས་ཁུལ་དུ་ཁྱིམ་ཚང་གིས་སྒེར་འཁོར་བཏང་ནས་གུང་གསེང་གཏོང་བ་དང་གཉེན་ཉེ་དང་གྲོགས་པོ་མཉམ་དུ་གནས་སྐོར་བྱེད་པ་དེ་གཙོ་རྒྱུགས་སུ་གྱུར་ཡོད། རི་འཛེག་རྐང་ལམ་དང་ལྗོངས་གཟིགས་སྟེགས་བུ་སོགས་ལྟེ་བའི་ས་ཁོངས་སུ་མི་ཚོགས་མང་པོ་ཡོད་པས་གང་སར་འཁྲུག་ཆ་དོད་པའི་གནས་སྐོར་གྱི་རྣམ་པ་ཞིག་མངོན་ཡོད།

གནས་སྐོར་བ་མང་པོ་ཡོད་པར་ཁ་ཕྱོགས་ནས་ལྗོངས་ཁུལ་གྱིས་ཡུལ་དངོས་ཁྲིད་སྟོན་དང་སྒྲིག་ལམ་སྲུང་སྐྱོང་ལ་ཤུགས་བསྣན་པར་མ་ཟད། རྒྱ་ཆེའི་གནས་སྐོར་བ་རྣམས་ལ་ལུགས་མཐུན་ངང་འགྲུལ་བཞུད་བཀོད་སྒྲིག་དང་བདེ་འཇགས་དོ་སྣང་། འགྲུལ་བཞུད་ལམ་སྟོན་བཅས་བྱས་ནས་གནས་སྐོར་ཁོར་ཡུག་བཟང་པོ་ཐུན་མོང་ཐོག་སྲུང་སྐྱོང་བྱ་རྒྱུའི་དྲན་སྐུལ་བྱས།

སྐབས་སྔོན་མ། མཚོ་སྔོན་ཞིང་ཆེན་བོད་ཀྱི་ལ་གཞས་འགྲན་བསྡུར་སྐབས་དགུ་པ་དང་མཚོ་ལྷོ་ཁུལ“མཚོ་སྔོན་པོ་རྟགས་མའི”རྟ་རྒྱུག་འགྲན་ཚོགས་སྐབས་དང་པོའི་མགོ་རྩོམ་མཛད་སྒོ་སྤེལ།

སྐབས་རྗེས་མ། མེད།