བོད་ཀྱི་གློག་བརྙན་ལས་སྒྲུབ་པ་ཁོ་ཚོ་གཟེངས་རྟགས་འདིར་མིང་འདོན་བྱས་འདུག

རྩོམ་སྒྲིག སངས་རྒྱས་སྐྱིད། ཡོང་ཁུངས། ཁམས་པ་བརྙན་འཕྲིན། བཤེར་འབེབས། རིན་ཆེན་ཚེ་རིང་།

སྐབས་གཉིས་པའི་གསེར་གྱི་དོམ་ཁྲའི་གཟེངས་རྟགས་བྱེད་སྒོ་དེ་ཟླ་དགུ་པའི་ཚེས་བཅུ་གཉིས་ཉིན་ནས་བཅུ་གསུམ་ཉིན་བར་སི་ཁྲོན་ཁྲེང་ཏུའུ་གྲོང་ཁྱེར་དུ་སྤེལ་རྒྱུ་རེད། མིག་སྔར་འདེམས་སྒྲུག་ནང་རྒྱལ་ཁབ་དང་ས་ཁུལ་བརྒྱ་དང་ཉེར་དྲུག་ནས་ཐོན་པའི་བརྩམས་ཆོས་ལྔ་སྟོང་སུམ་བརྒྱ་ཞེ་གསུམ་འབྱོར་ཡོད་ལ། དེའི་ནང་ནས་བརྩམས་ཆོས་བརྒྱ་དང་ཉེར་ལྔ་མིང་འདོན་བྱས་འདུག དེའི་ཁྲོད་དུ་བོད་ཀྱི་གློག་བརྙན་༼གསའ༽ལ་གློག་བརྙན་རྩེ་གྲ་དང་།  པདྨ་ཚེ་བརྟན་ལ་འཁྲབ་ཁྲིད་རྩེ་གྲ། ཚེ་བརྟན་བཀྲ་ཤིས་ལ་འཁྲབ་རོགས་རྩེ་གྲ། གདུགས་དཀར་ཚེ་རིང་ལ་རོལ་དབྱངས་རྩེ་གྲའི་མིང་འདོན་བྱས་ཡོད།