ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན། 

•  ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི། ཀྲུང་དབྱང་ཁྱོན་ཡོངས་ནས་སྒྱུར་བཅོས་གཏིང་ཟབ་གཏོང་བའི་ཨུ་ཡོན་ལྷན་ཁང་གི་ཀྲུའུ་རེན་བཅས་ཡིན་པའི་ཞི་ཅིན་ཕིང་གིས་ཟླ8པའི་ཚེས29ཉིན་གྱི་སྔ་དྲོར་ཀྲུང་དབྱང་ཁྱོན་ཡོངས་ནས་སྒྱུར་བཅོས་གཏིང་ཟབ་གཏོང་བའི་ཨུ་ཡོན་ལྷན་ཁང་གི་ཚོགས་འདུ་ཐེངས་དྲུག་པ་གཙོ་སྐྱོང་སྟེ་འཚོགས་ཤིང་། ཚོགས་ཐོག་ཏུ་གསུང་བཤད་གལ་ཆེན་གནང་།

• ཟླ8པའི་ཚེས29ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་མི་དམངས་ཚོགས་ཁང་ཆེ་མོར་ཨ་རིའི་ཙུང་ཐུང་རྒྱལ་ཁབ་བདེ་འཇགས་ལས་དོན་གྱི་ལས་རོགས་ཧྲ་ལི་ཝུན་དང་མཇལ་འཛོམས་གནང་།    

• ཉེ་ཆར་ཀྲུང་གུང་ཀྲུང་དབྱང་གཞུང་དོན་ཐིང་གིས《ཀྲུང་གོ་གུང་ཁྲན་ཏང་གི་ཚད་ལྡན་མིན་པའི་ཏང་ཡོན་དང་རྩ་འཛུགས་ཐག་གཅོད་བྱེད་ཐབས》པར་འགྲེམས་བྱས།    

• སློབ་གསོ་པུས་གནས་ཚུལ་སྤེལ་བར་གཞིགས་ན། ད་ལོར“དམིགས་བསལ་ལས་གནས་འཆར་གཞིའི”དགེ་རྒན་གྱི་གླ་ཕོགས་རང་བཞིན་གྱི་ཁ་གསབ་རོགས་དངུལ་མི་རེར་ལོ་རེར་སྒོར3600བར་མང་དུ་གཏོང་རྒྱུ་རེད།  

• ཀྲུང་གོ་དྲ་སྦྲེལ་ཆ་འཕྲིན་ལྟེ་གནས་ཀྱི་སྙན་ཞུ་ལས་མངོན་པ་ལྟར་ན། 2024ལོའི་ཟླ6པའི་བར་རང་རྒྱལ་ལ་དྲ་དམངས་དུང་ཕྱུར11ཙམ་ཡོད་པ་དང་། དྲ་སྦྲེལ་ཁྱབ་གདལ་གཏོང་ཚད་གྱིས78.0%ཟིན་ཡོད།  

• ཚེས29ཉིན་ཐའེ་ཡོན་སྲུང་སྐར་འཕེན་གཏོང་ལྟེ་གནས་ཀྱིས་ཧྲན་ཏུང་ཉེ་འགྲམ་གྱི་མཚོ་ཁོངས་སུ་ཀུའུ་ཧྲེན་སྐར་མ་དང་པོའི་མཚོ་འཕེན་རྣམ་པའི་ཡའོ་གསུམ་སྐྱེལ་འདྲེན་མེ་ཤུགས་འཕུར་མདའ་བདེ་བླག་ངང་འཕེན་གཏོང་བྱས་པ་དང་། འཕེན་གཏོང་བྱས་པའི་སྲུང་སྐར་དྲུག་སྔོན་བཀོད་འཁོར་ལམ་དུ་བདེ་བླག་ངང་སླེབས།    

• ཕྱོགས་གཉིས་པོས་གྲོས་ཐག་བཅད་པ་བརྒྱུད། ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་ཚོང་དོན་པུས་ཟླ9པའི་ཚེས7ཉིན་ཐེན་ཅིན་དུ་ལས་དོན་ཚོགས་འདུ་འཚོག་རྩིས་ཡོད།    

• ས་གནས་དེ་གའི་ཚེས29ཉིན། ཀྲུང་གོའི་རུ་ཁག་གི་བདམས་ཐོན་པ་ལི་ཀྲང་ཡུས་ལ་ཕ་རི་སིའི་དབང་པོ་སྐྱོན་ཅན་ཨོ་རྩལ་འགྲན་ཚོགས་གྱི་ཚོགས་རའི་རྐང་འཁོར་ལས་སྐྱེས་པའིC1རིམ་པའི་སྨི3000ཅན་གྱི་མི་སྒེར་གྱི་གསེར་གྱི་རྟགས་མ་ཐོབ། དེ་ནི་སྐབས་འདིའི་དབང་པོ་སྐྱོན་ཅན་ཨོ་རྩལ་འགྲན་ཚོགས་ཀྱི་ཀྲུང་གོའི་ལུས་རྩལ་འཐུས་མི་ཚོགས་པའི་གསེར་གྱི་རྟགས་མ་ཐོག་མ་དེ་ཡིན།    

  སྤྱི་ཚོགས།

• ཀྲུང་དབྱང་གནམ་གཤིས་བརྟག་དཔྱད་ཁང་གིས་སྔོན་དཔག་བྱས་པར་གཞིགས་ན།    མ་འོངས་པའི་གཟའ་འཁོར་གཅིག་ནང་སི་ཁྲོན་གྱི་ཤར་རྒྱུད་དང་ཁྲུང་ཆིང་སོགས་ས་ཁུལ་དུ་དྲོད་ཚད་མཐོ་བའི་གནམ་གཤིས་རྒྱུན་མཐུད་ངང་བྱུང་རྒྱུ་ཡིན་པ་དང་། དྲོད་ཚད་མཐོ་ཤོས40-42℃ལ་སླེབས་རྒྱུ་རེད། 

• ཚེས29ཉིན་ནང་ལོགས་ཀྱི་ཕ་རི་སིའི་ཨོ་རྩལ་འགྲན་ཚོགས་ཀྱི་ལུས་རྩལ་པའི་འཐུས་ཚབ་ཚོགས་པ་ཞང་ཀང་དུ་འབྱོར་ནས་དུས་ཡུན་ཉིན་གསུམ་གྱི་འཚམ་འདྲི་བྱེད་མགོ་བརྩམས།     
  

• ཉེ་ཆར་ཞིབ་དཔྱོད་ལས་ཁུངས་ཀྱིས་ཀྲུང་གོ་བཟོ་ཚོང་དངུལ་ཁང་མ་རྐང་ཚད་ཡོད་སྤྱི་གཉེར་གྱི་དེ་སྔའི་ཏང་ཨུའི་ཨུ་ཡོན་ནམ་ཧང་ཀྲང་གཞོན་པ་ཀྲང་ཧུང་ལིས་ལྐོག་རྔན་བླངས་པའི་གྱོད་གཞིར་ཁྲིམས་ལྟར་གཞུང་གཏུག་བྱས། 

• ཚེས29ཉིན་ཀོང་ཏུང་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་དེ་སྔའི་ཀྲུའུ་རེན་གཞོན་པ་ཁྲེན་ཅི་ཤིང་གིས་ལྐོག་རྔན་བླངས་པ་དང་ཤུགས་རྐྱེན་ལ་བརྟེན་ནས་ལྐོག་རྔན་བླངས་པའི་གྱོད་གཞིའི་འདྲི་གཅོད་དང་པོའི་ཁྲིམས་ར་འཚོགས་ཤིང་། ཁྲེན་ཅི་ཤིང་ལ་ཁྲིམས་འགལ་ངང་རྒྱུ་ནོར་ཁྱོན་མི་དམངས་ཤོག་སྒོར་དུང་ཕྱུར2.78ལྷག་ཙམ་བླངས་པའི་ཞུ་གཏུག་ཕོག   

• ཁྲོམ་རའི་ལྟ་སྐུལ་དོ་དམ་སྤྱི་ཁྱབ་ཅུས《བཟའ་བྱའི་རྩི་ཤིང་སྣུམ་སིལ་ཐོར་སྐྱེལ་འདྲེན་བྱེད་པའི་འཕྲོད་བསྟེན་བླང་བྱ》ཡི་ནང་བཙན་ཤེད་རང་བཞིན་གྱི་རྒྱལ་ཁབ་ཀྱི་ཚད་གཞིའི་རྣམ་གྲངས་འཇུག་པའི་བསམ་འཆར་བསྡུ་ལེན་གྱི་བརྡ་ཐོ་ཁྱབ་བསྒྲགས་བྱས།

• ཚེས29ཉིན། 2024ལོའི་ལི་མའི（利马）་འཛམ་གླིང་གཞོན་ནུའི（U20）མཆོང་རྒྱུག་འཕེན་གསུམ་གཟེངས་རྟགས་འགྲན་སྡུར་ནང་ཀྲུང་གོའི་བདམས་ཐོན་པ་ཧན་པིང་དབྱང་དང་ཧོང་ཅིང་རུའུ་གཉིས་ཀྱིས་བུད་མེད་ལྕགས་བག་ལེབ་ཀྱི་ཨང་དང་པོ་དང་ཨང་གཉིས་པ་བླངས།  

• ཚེས29ཉིན། ལིའོ་ཉིང་ཞིང་ཆེན་མི་དམངས་སྲིད་གཞུང་གིས་བློ་མཐུན་ལི་ཆིང་ཞུའེ་ལ“ལིའོ་ཉིང་ཞིང་ཆེན་གྱི་བདེན་སྐྱོང་དཔའ་བོ་”ཞེས་པའི་མཚན་སྙན་རྗེས་འདེད་གནང་རྒྱུའི་གཏན་འབེབས་ཁྱབ་བསྒྲགས་བྱས།   

• ཉེ་ཆར་བྱིས་པ་གཉིས་ནང་སོག་ཁུའུ་པུའུ་ཆིའི་བྱེ་ཐང་དུ་རྩེད་མོ་རྩེ་སྐབས་གཟབ་ནན་མ་བྱས་པར་བྱེ་མའི་འོག་ཏུ་བཅུག ཀྲང་ཏི་ཞང་དང་། ཀྲོའུ་ཧྥེ། ཝུའུ་ལིའང་ཅུན་སོགས་འགྲུལ་བཞུད་པ་བཅུ་ལྷག་ཙམ་གྱིས་ལག་སྟོང་གིས་བྱེ་མ་བརྐོས་ནས་རོགས་སྐྱོབ་བྱས་པས་བྱིས་པ་གཉིས་བདེ་བླག་ངང་སྐྱོབ་ཐུབ་པ་བྱུང་།   

  སྲིད་ཇུས།

• ཧོ་པེ་ཡིས་བྱ་ཐབས་བཏོན་ནས་ཁྱིམ་ལས་ཞབས་ཞུའི་འབྲེལ་ཡོད་ལས་རིགས（ལས་རིགས）ཁ་གསབ་རང་བཞིན་གྱི་གསོ་སྦྱོང་ཁྱབ་ཁོངས་ནང་བཅུག་སྟེ་དགོས་མཁོ་ཆེ་བའི་ལས་རིགས（ལས་རིགས）ཀྱི་གྲས་སུ་བཞག་ནས་ཁ་གསབ་ཚད་གཞི10%མཐོ་རུ་གཏོང་རྒྱུ་རེད།

• ཧྲན་ཞི་ཡིས་བརྡ་ཐོ་བཏང་ནས་སློབ་གྲྭ་ཆུང་འབྲིང་གིས་ཁྱིམ་བདག་གམ་ཡང་ན་སློབ་མའི་བསམ་འཆར་བསྡུ་ལེན་མ་བྱས་པའི་གནས་ཚུལ་འོག་ཟུར་ཁྲིད་དཔྱད་གཞི་ཐད་ཀར་སྒྲིག་འཛུགས་བྱས་ནས་མངག་ཉོ་བྱེད་མི་ཆོག་པའི་བླང་བྱ་བཏོན། 

• ཀོང་ཏུང་གིས་ཇུས་གཞི་པར་འགྲེམ་བྱས་ནས་རྫོང་ཁོངས་ཀྱི“འོད་ཤུགས་+འཛུགས་སྐྲུན”བེད་སྤྱོད་ཚོད་ལྟ་བྱ་རྒྱུར་སྐུལ་འདེད་ཤུགས་ཆེན་གཏོང་རྒྱུ་བཏོན་པ་དང་། 2025ལོའི་ལོ་མཇུག་གོང་དུ་ཚོད་ལྟའི་ས་ཁོངས་ཁག་ཏུ་དཔེ་སྟོན་གྱི་ཕན་འབྲས་བཟང་པོ་ལྡན་པའི་ཞིང་ཁང་དུད་ཚང1000ལས་མི་ཉུང་བ་བསྐྲུན་རྒྱུ་ཁ་གསལ་བཏོན།    

  དེ་རིང་གི་གནམ་གཤིས།    

• ནང་སོག་གི་ནུབ་བྱང་རྒྱུད་དང་། ཧེ་ལུང་ཅང་གི་དབུས་རྒྱུད། ཞིན་ཅང་གི་ཐེན་ཧྲན་རྒྱུད་ས་ཁུལ། ཞིན་ཅང་ལྷོ་མ་གཤོངས་སའི་ནུབ་རྒྱུད། སི་ཁྲོན་གཤོངས་སའི་ནུབ་རྒྱུད།    ཡུན་ནན་གྱི་ཤར་ལྷོ་རྒྱུད། ཧྭ་ནན་གྱི་ལྷོ་རྒྱུད་སོགས་ཀྱི་ས་ཁུལ་ཁ་ཤས་སུ་ཆར་བ་འབྲིང་བ་ནས་ཆེ་བའི་བར་འབབ་རྒྱུ་ཡིན་པ་དང་། དེའི་ནང་ཧེ་ལུང་ཅང་གི་དབུས་རྒྱུད་དང་ཀོང་ཞིའི་ཤར་ལྷོའི་མཚོ་རྒྱུད་སོགས་ཀྱི་ས་ཁུལ་ཁ་ཤས་སུ་དྲག་ཆར་འབབ་རྒྱུ་རེད།